ธง-เม่ง หว่า 10
10
เป๊ย คู้ เมี่ยน เหธา เอ๊าะ เมี่ยน
1น้าย เซ ซาโลมอน เญย ธง-เม่ง หว่า.
ธง- เม่ง เญย ตอน ปุน เตีย ตุ๊ เฌียน-โย่ว,
มป่า หฮงง เญย ตอน ห่อย มา เฑ่า.
2โหฒว ไม้ หฒีง ตุ๊ ต้าย เญย ฒิ่น ฒ่อย ไม้ ลั่ม หล่ง,
มป่า โหฒว ตุ๊ หอบ เญย สี่ ไฮ่ เหฌียว เมี่ยน ไม้ หฒุ ไต่.
3 เฒี้ยว ไม้ ปุน คู้ เมี่ยน หง่อ,
มป่า นิ่น ตั๊ง เจี๊ยน ไม้ ปุน เอ๊าะ เมี่ยน ตุ๊ นิ่น บัว เธย เญย.
4ปั์ว เหลว่ย ปุน เมี่ยน หฒุ จ่ม,
มป่า ปั์ว เจี้ยน ปุน เมี่ยน ปุ๊ด ฒ่อย.
5ไกว เญย ตอน เถา ฆาย กอง เซียว ธุน-แกง,
มป่า ก๊าด เญย เฒี่ยง โห่ เปว๋ย มฌ่อม เญย ตอน เซ หฒุ ไญ้ เญย ตอน.
6คู้ เมี่ยน ตุ๊ ฟุ-โหละ,#10:6 ฮิบลู หว่า ก๊อง “ฟุ-โหละ เยียม คู้ เมี่ยน เญย มฆ้อง”.
มป่า เอ๊าะ เมี่ยน เญย ฑุ่ย ปี๋ง เจี๊ยน อ๋อย โหฒว โตะ เญย สี่.
7จั๋ง คู้ เมี่ยน ไฮ์ ฮนั้ง ตุ๊ ฟุ,
มป่า เอ๊าะ เมี่ยน เญย บั๋ว เมี่ยน หละคุ, ฮนั้ง เป๋น กะน้าย-ฮู้ นอ.
8เฮญี้ยว ธง-เม่ง เญย เมี่ยน อ๋อย เอย เจี๊ยน เล์ย-หลัด,
มป่า หละไกว้ ก๊อง หฮงง เญย เจ๊า วั้ว เต๋ย, อ๋อย หฒุ ป่าย.
9ยั่ง เหฒียบ ฒัวะ เญย เจ๊า วั้ว เต๋ย ตุ๊ แป้ง ออน เญย ยั่ง,
กัน เงา ฌ้วด เญย เจ๊า วั้ว เต๋ย ฯฒฯ ปิ๋ว เม่ง ธ้วด ต้าย อ๊ะ.
10เมี่ยน หญับ มฒีง โหฒว ธ้วด สี่,
มป่า ปู๋ง หล่าง เญย ขวิน เมี่ยน วั้ว เต๋ย, เหลียบ แป้ง ออน.
11คู้ เมี่ยน เญย ฑุ่ย เป๋น เฒี่ยง แหม่ง เญย ววม-ฒี้ง,
มป่า เอ๊าะ เมี่ยน เญย ฑุ่ย ปี๋ง อ๋อย โหฒว โตะ เญย สี่.
12ฑอง เญย เจ๊า โธะ ธ้วด แฑง จ๋า เญย สี่,
มป่า สี ก๊อง ฮนั้ม เมี่ยน ฯฒฯ กวั่ง#10:12 ฮิบลู หว่า ก๊อง ปวัง เจี๊ยน. เหยียด ฒู้ง โหฒว ต่อง เญย สี่.#ยากอบ 5:20; 1 ปีเต 4:8
13เม่ง แปะ เญย เมี่ยน เญย ฑุ่ย ม่าย ว่วน ฒาง,
มป่า ไม้ ฮิ้ว หาย หญู่ง เญย เมี่ยน ผุย ตุ๊ ปย๊า เบ๊าะ ติ ต์าน.
14ธง-เม่ง เมี่ยน เซียว เจี๊ยน ว่วน ฒาง,
มป่า เมี่ยน หฮงง เมี่ยน ก๊อง เญย หว่า ปุน ป่าย หว่าย เญย สี่ เถา ฟัด.
15ปุ๊ด-ฒ่อย เมี่ยน เญย ฒิ่น ฒ่อย เป๋น นิ่น ว้วน เญย ฒี่ง.
มป่า เมี่ยน จ่ม เมี่ยน จ่ม เญย เจ๊า ปุน นิ่น บัว หฒุ ป่าย หว่าย.
16คู้ เมี่ยน เญย ฟิน-โค้ว ต้อ เมี่ยน ตุ๊ แหม่ง เฒี่ยง,
มป่า เอ๊าะ เมี่ยน ตุ๊ เญย ป่วน เซ ต้อ เมี่ยน ป์าม ฒุ์ย.
17เอย เจี๊ยน หฌาว เญย หว่า วั้ว เต๋ย เยียม เฒี่ยง แหม่ง เญย เจ๊า.
มป่า หาย เต้า แหง่ง เจี๊ยน ก๊อง-หฌาว เญย หว่า ฯฒฯ มี่ง ต่อง เจ๊า อ๊ะ.
18หาย เต้า ปี๋ง เจี๊ยน ฑอง เญย สี่ ม่าย ก๊อง-แปะ เญย ฑุ่ย.
หาย เต้า ธ้วด ฑุ่ย ก๊อง หว่า-ฮู้ เป๋น เมี่ยน หฮงง เมี่ยน.
19ก๊อง ธั้ม หว่า ธั้ม, ซิ้ม ไม้ ดุ๊ด ป์าม ฒุ์ย เญย เจ๊า,
มป่า เมี่ยน ไกว เมี่ยน เญี์ยน ตุ๊ กั้น เญย ฑุ่ย.
20คู้ เมี่ยน เญย หว่า ฮนั้ง เฒียน ญ่าน,
เอ๊าะ เมี่ยน เญย เฮญี้ยว ฮนั้ม เญย เจ๊า ไม้ หฒี่ ฒิ่น.
21คู้ เมี่ยน เญย ฑุ่ย ก๊อง เญย หว่า ยู์ง เมี่ยน ธั้ม,
มป่า เมี่ยน หฮงง เมี่ยน หฒุ ไต่ หลาย ไม้ ฮิ้ว หาย หญู่ง.
22เซ เฒี้ยว เหธย ฟุ ปุน เมี่ยน ปุ๊ด ฒ่อย,
นิ่น หย่า ไม้ จา โยว-เฑ่า.#10:22 ไฟ “เมี่ยน ล่าว หลุ่ย โหฒว หย่า ไม้ จา ทิบ หาย หญู่ง”.
23เมี่ยน หฮงง เมี่ยน โหฒว ต่อง นิ่น บัว ไฮ์ อ๋อย เญย,
มป่า เม่ง แปะ เญย เมี่ยน อะเฮน้ย ธง-เม่ง เญย เจ๊า.
24เอ๊าะ เมี่ยน กั้ม เหฑีย เญย ฒู้ง อ๋อย หฒุ่น หฒ่าย นิ่น,
มป่า คู้ เมี่ยน อ๋อย ตุ๊ เญย ฒู้ง ตุ๊ อ๊ะ.
25หฑยาว-เจี๊ยะ เจี๋ย มี่ง, ฯฒฯ ไม้ ม่าย เอ๊าะ เมี่ยน อ๊ะ,
มป่า คู้ เมี่ยน ตุ๊ เหลียบ ว้วน เถา เหยียด ลิ์ว.
26พ้าย เมี่ยน เหลว่ย เมี่ยน มี่ง โหฒว หาย หญู่ง,
เหว่ย พ้าย นิ่น วั้ว เต๋ย นิ่น เซ ฮนั้ง ววม-ซุย ปุน ญ่า เฌี์ยน,
หย่า ฮนั้ง โต์ว-เสียว เปียะ มฒีง.
27เมี่ยน ท่าย เฒี้ยว ปุน เฒี่ยง เญย ฮนอย-เหญียะ จา ด๊าว,
มป่า เอ๊าะ เมี่ยน เญย หฮญัง-โสว นั้ง เหฌี่ย.
28คู้ เมี่ยน ม่าย ลั่ม ฮนั้ม เญย เซ้ด เมว์ย เซ เฌียน-โย่ว,
มป่า เอ๊าะ เมี่ยน ฮนั้ม อ๋อย ตุ๊ เญย, เซ้ด เมว์ย ไม้ ตุ๊ หาย หญู่ง อ๊ะ.
29 เฒี้ยว โหฒว เฮญี้ยว หฒีง เญย เมี่ยน เขา ว้วน เญย ต๋อง,
มป่า ปุน โหฒว เอ๊าะ สี่ เญย เมี่ยน หฒุ เหมียด.
30คู้ เมี่ยน เหยียด ลิ์ว ไม้ หฒุ ถุย ธ้วด,
มป่า เอ๊าะ เมี่ยน ฒู้ง ไม้ ตุ๊ เยียม เต่ย-ปูง.
31คู้ เมี่ยน เญย ฑุ่ย ก๊อง ธ้วด ธง-เม่ง เญย หว่า,
มป่า ปู๊ ล่ง ปู๊ ตั๊ง เมี่ยน เญย เบียด ฒู้ง อ๋อย ก๊าด กวั่ง.
32คู้ เมี่ยน เญย ฑุ่ย ก๊อง หว่า หลง,
มป่า เอ๊าะ เมี่ยน เญย ฑุ่ย ขูง ก๊อง ก๊อง-แปะ เญย หว่า ฮนั้ง.
Currently Selected:
ธง-เม่ง หว่า 10: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
