ฟีลิบพอย 2
2
กีตู่ เหญี่ยม กั้น โหฒว ไฝ, ทิน-ฮู่ง ท่าย นิ่น โหฒว โฮล เจี๋ย
1สี ก๊อง เม่ย บัว เหธา กีตู่ จวั่ง แหม่ง เฒี่ยง ฯฒฯ เก้า จอม เฮญี้ยว, สี ก๊อง ฮิ้ว ตุ๊ กีตู่ ฮนั้ม เม่ย บัว ฯฒฯ ออน เม่ย บัว เญย เฮญี้ยว, สี ก๊อง เม่ย บัว เหธา สีง ลี่ง ม่าย จิว ทง, สี ก๊อง เม่ย บัว ล่าน โหฒว หลง ปุน ล่าน, ล่าน ค้อ-เลี่ยน ล่าน นอ, 2โท้ ปุน เยีย เฌียน-โย่ว เถา ต้าว. เม่ย บัว อ๋อย หฒุ ต้ง ติ่ว เฮญี้ยว, ล่าน ฮนั้ม ล่าน, หย่า อ๋อย หฒุ หอบ ฟิม ต้ง เอ๋ย. 3ไม้ ตู๋ง โหฒว หาย หญู่ง เหว่ย โต้ว กั้น ตุ๊ หลง ไฟ เธง กั้น โฮล. อ๋อย หฒุ ล่าน เหธา ล่าน เหญี่ยม โหฒว ไฝ, ฝุน เมี่ยน เก้า หลง กั้น. 4ไม้ ตู๋ง ขูง ฮนั้ม กั้น เญย หฑะเฮมียน, อ๋อย หฒุ ม่าย เฮญี้ยว จั๋ง เถา กะเหญี่ย เญย เมี่ยน. 5เม่ย บัว อ๋อย หฒุ ม่าย เฮญี้ยว ฮนั้ง กีตู่ เยซู เญย เฮญี้ยว.
6กีตู่ มต้าย ม่าย ทิน-ฮู่ง เญย เฟียม-ฝีง.
นิ่น เหธา ทิน-ฮู่ง ฟี่ ฮนั้ง เญย
มป่า นิ่น ไม้ แฑง โหฒว ฟี่ ฮนั้ง.
7ต๋าว หฑวน นิ่น ม่าย เญย หญู่งๆ เซี้ย เจี๊ยน กวั่ง เหฑ่ง,
ฒิบ โน่ว เญย เฟียม-ฝีง,
ธ้วด เสย เป๋น เต้า ป้าม เมี่ยน.
8หฒะเก้ง ม่าย เมี่ยน เญย ฝัง เฒ้ย.
นิ่น กั้น หย่า แล์ง โหฒว ไฝ,
หมวัง ทิน-ฮู่ง เญย หว่า เถา ไต่,
เถา หฒุ เยียม เหฒียบ หฑั่ง จ๋า ไต่.
9เหว่ย น้าย ทิน-ฮู่ง ท่าย นิ่น โหฒว เก้า โฮล เจี๋ย,
หย่า ปุน นิ่น ม่าย บั๋ว เก้า ฮลัง เจี๋ย หม่าน บั๋ว เญย บั๋ว.
10ฮนั้ง น้าย, เหว่ย ท่าย เยซู เญย บั๋ว,
เยียม ทิน-ต้อง, เยียม ย่าง เกน, เหธา เยียม เยี่ยม เกน เญย เหยียด ฒู้ง#2:10 เหยียด ฒู้ง กีก หว่า ก๊อง นอมๆ ธี่ง เบาะ.
อ๋อย หฒุ เกว่ย เหฌี่ย ป๋าย.#อิสะยา 45:23
11เต้าๆ#2:11 เต้าๆ กีก หว่า ก๊อง ติ้วๆ เบียด. อ๋อย เหญี่ยม เยซู กีตู่ โหฒว เฒี้ยว,
ฯฒฯ ท่าย หฒั่ง เตี๋ย ทิน-ฮู่ง.
บัว อ๋อย หฒุ เยียม ป้าม เกน หฒิว ฌัง ฮนั้ง เหฮลย นอ
12ฮนั้ม เญย ก๋อ-โย์ว อ่า, เหว่ย น้าย, ฮนั้ง ฒิ่น ด่าง เยีย เหธา เม่ย บัว เยียม, เม่ย บัว หฒั่นๆ หมวัง เยีย เญย หว่า. อี้ หฒั่น เยีย ไม้ เหธา เม่ย บัว เยียม อ๊ะ, มป่า เม่ย บัว เก้า อ๋อย หฒุ หมวัง หลง. อ๋อย หฒุ กั้ม เหฑีย, ซิน หฒิน เจี๊ยน หล่ง ชะ โหฒว เหฒียง เม่ย บัว ตุ๊ เหฌียว เญย กง, 13เหว่ย หฒุ ทิน-ฮู่ง หฒั่นๆ เยียม เม่ย บัว เญย เฮญี้ยว โหฒว กง, ปุน เม่ย บัว ม่าย เฮญี้ยว หย่า ม่าย ปั้น เหฒ่ย เอย เจี๊ยน นิ่น หลง เญย หฒะเอ๋ย โหฒว.
14โหฒว หาย หญู่ง ไม้ ตู๋ง งบ หย่า ไม้ ตู๋ง เต๋า ฑุ่ย, 15เม่ย บัว ฯฒฯ โหฒว ทิน-ฮู่ง เญย ธีง-เหฑ่ง, ไม้ ลั่ม ไกว๋ ต๋อง เญย น่าม โญ์ว. เม่ย บัว อ๋อย หฒุ เยียม ป้าม เกน, เฮญี้ยว หว่าย, ป์าม ฒุ์ย เมี่ยน เญย ต๋อง บุด๋ง หฒิว ฌัง ฮนั้ง เหฮลย เยียม วั้ว ลู่ง หฒิว เจี๊ยน ฌัง นอ,#หฑั่ม เล์ย-หลัด 32:5 16ฒุ่น เฒี่ยง แหม่ง เญย โต์ ปุน นิ่น บัว.#2:16 “ฒุ่น เฒี่ยง แหม่ง เญย โต์ ปุน นิ่น บัว” หฒิว กีก หว่า แอ๋ง ไฮ่ ม่าย กั้น หญู่ง เอ๋ย เล์ย, เซ “เม่ย บัว อ๋อย หฒุ เสียน ว้วน เฒี่ยง แหม่ง เญย โต์”. เม่ย บัว ฮนั้ง น้าย นอ โหฒว, เถา เยซู กีตู่ แอ๋ง ต้าย วั้ว ฮนอย เยีย ฯฒฯ อะเฮน้ย ไห่ เหว่ย หฒุ ฮิ้ว ตุ๊ เยีย ธ้วด ชะ โหฒว เญย กง ไม้ ด๊อด ป๊วน อ๊ะ.#2:16 กีก หว่า ก๊อง “ไม้ แปะๆ สาย ถิว หย่า ไม้ แปะๆ ด๊อด ชะ”. 17เม่ย บัว เญย เสียน ฟิม เซ ฮนั้ง เหฒี่ย ปุน ทิน-ฮู่ง เญย กะน้าย นอ. สี ก๊อง เยีย หฒุ ไต๋ โต๋ ฑย้าม ธ้วด เม่ย บัว เญย เสียน ฟิม กู้ หงว่าย ฮนั้ง เธี้ย เหฒี่ย เญย กะน้าย นอ, เยีย ฯฒฯ ออน-เหลาะ หย่า เหธา เม่ย บัว หฒวัง เมี่ยน ออน-เหลาะ. 18ฟี่ ฮนั้ง เญย, เม่ย บัว อ๋อย หฒุ ออน-เหลาะ, หย่า เหธา เยีย ออน-เหลาะ.
เปาโล พ้าย เอปาโฟดิทัด เหธา ทิโมไท มี่ง ฟีลิบพอย ฒี่ง
19สี ก๊อง เอย เฒี้ยว เยซู เญย หฒะเอ๋ย นอ, เยีย อ๋อย เซี้ยบๆ เญย พ้าย ทิโมไท มี่ง เถา เม่ย บัว หน่าย เหว่ย หฒุ เยีย อ๋อย ฮิ้ว ตุ๊ เม่ย บัว เญย เฝียน, เยีย ฯฒฯ เฮญี้ยว หลง อ๊ะ. 20เยีย ไม้ ม่าย หาย เต้า ฮนั้ง ทิโมไท นอ, เหธา เยีย ต้ง เฮญี้ยว เหฒียบ ฒัวะ เญย อ๋อย เถง เม่ย บัว. 21เต้าๆ ขูง กุ๊น กั้น เญย หฑะเฮมียน ฮนั้ง, ไม้ ฮนั้ม เถา เยซู กีตู่ อ๋อย นิ่น บัว เถง โหฒว หาย หญู่ง. 22ทิโมไท เญย เฮญี้ยว เม่ย บัว ฮิ้ว เญย. นิ่น เหธา เยีย ฒุ่น คู้ เฝียน ฮนั้ง อี ตอน-เตี๋ย จวั่ง กง โหฒว นอ. 23เยีย เยี้ยด ฮิ้ว ตุ๊ เยีย กั้น เญย เจ๊า แอ๋ง ม่าย หาย หญู่ง สี่ ธ้วด, เยีย ฯฒฯ พ้าย นิ่น มี่ง เม่ย บัว วั้ว. 24เยีย หย่า เขา เฒี้ยว ฮนั้ม ต้าย ไม้ เล่า เยีย กั้น หย่า ตุ๊ มี่ง เม่ย บัว หน่าย.
25เยีย ฮนั้ม ต้าย อ๋อย หฒุ พ้าย เต้า บัว เญย ก๋อ-โย์ว เอปาโฟดิทัด หฑวน เม่ย บัว หน่าย. นิ่น เหธา เยีย จวั่ง กง โหฒว, จวั่ง แฑง คู้ เฝียน, ไม้ ปุน ด๊อด.#2:25 กีก หว่า ก๊อง จวั่ง โหฒว แปง. เม่ย บัว หย่า พ้าย นิ่น ต้าย หลิ่ว เล์ย เยีย เฉียม หล่ง เญย. 26นิ่น หฒะเก้ง! จั๋ง ไห่ เม่ย บัว. เฮญี้ยว หย่า เฑ่า ไห่ เหว่ย หฒุ เม่ย บัว ไฮ์ ก๊อง นิ่น ปุ๊ด แป่ง. 27นิ่น เก้ง ปุ๊ด โค้ว เญย, ค้า เต๋ย ไต่ หมี่ อ๊ะ. มป่า ทิน-ฮู่ง ค้อ-เลี่ยน นิ่น. ไม้ ตาน ค้อ-เลี่ยน นิ่น ฮนั้ง, หย่า ค้อ-เลี่ยน เยีย, ไม้ ปุน เยีย จา เฑ่า. 28เหว่ย น้าย เยีย เก้า อ๋อย เห่ว นิ่น หฑวน. เม่ย บัว แอ๋ง ตุ๊ ปวัด นิ่น ฯฒฯ เฮญี้ยว หลง อ๊ะ. เยีย กั้น เญย โยว-เฑ่า หย่า ถุย เต๋ย หมี่ อ๊ะ. 29นิ่น โหฒว เต้า เสียน เยซู เญย ก๋อ-โย์ว, เม่ย บัว ฯฒฯ อ๋อย หฒุ เฌียนๆ โย่วๆ เญย ฒิบ นิ่น. หย่า อ๋อย หฒุ ท่าย น้าย หญู่ง เมี่ยน, 30เหว่ย หฒุ นิ่น เหว่ย โหฒว กีตู่ เญย กง ค้า เต๋ย ไต่ หมี่ อ๊ะ. เม่ย บัว ไม้ ไฮ่ เถง เยีย โหฒว เญย, นิ่น ไม้ หล่ง แหม่ง เญย หฑิบ เจี๊ยน เถง.
Currently Selected:
ฟีลิบพอย 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
