เนหะมี 6
6
วิน-วั้ง ต๊า หฒะเอ๋ย ห่อย เนหะมี
1สันบานลัด, โทบีอา เหธา อาหลับ เมี่ยน, เกเซม, เหธา เยีย บัว เญย วิน-วั้ง เหยียด ฒู้ง, ไฮ์ ก๊อง เยีย เหธย เหฒียง ฒี่ง หลาด. ฆวะ ทง เญย ต๋อง หย่า โหฒว ดิบ เหฑ่ง หมี่ อ๊ะ, (ไม้ กุ๊น วั้ว หฒั่น เยีย ไม้ แก้ง ตุ๊ แน้ด ฒี่ง หลาด เญย แก้ง). 2สันบานลัด เหธา เกเซม ปุน หว่า ต้าย บั๋ว เยีย, “โท้ ต้าย ปวั้ง เยีย บัว เยียม โอโน เดา-แป้ง เญย เหยียด นอม ล์าง.”
มป่า นิ่น บัว ต๊า หฒะเอ๋ย อ๋อย ห่อย เยีย. 3เยีย ไธ เมี่ยน มี่ง บั๋ว นิ่น บัว, “อี้ หฒั่น เยีย โหฒว เจี๊ยน ต้ม กง, มี่ง ไม้ ตุ๊. เยีย ไม้ ไฮ่ กวั่ง เจี๊ยน กง มี่ง เม่ย บัว หน่าย.” 4นิ่น บัว ปุน หว่า ต้าย เปยย หฑุ่น, หฑุ่นๆ หย่า ต้ง วั้ว เต๋ย หว่า ก๊อง. หฑุ่นๆ เยีย ฟี่ ฮนั้ง เญย เตา นิ่น บัว.
5เถา ตะฮม์ หฑุ่น, สันบานลัด ปุน เต้า นิ่น เญย เมี่ยน ต้าย ล์อ เยีย หย่า ต้ง วั้ว เต๋ย โล์-หว่า ก๊อง. นิ่น หย่า ต้อ เฒ้ย ไม้ แน้ด ดิบ เญย เฝียน ต้าย.#6:5 “ไม้ แน้ด ดิบ เญย เฝียน” เมี่ยน จุ๋ย มี่ง มป่า ไม้ อ๋อย ปี๋ง นิ่น บัว เฟี้ย เญย หว่า. ฒู้ง อ๋อย เมี่ยน ธั้ม ฮิ้ว ตุ๊ นิ่น บัว เฟี้ย ก๊อง หาย ติ้ว เจ๊า. 6เฝียน เฟี้ย เจี๊ยน ก๊อง,
“ม่าย หว่า ซีง ปวั๊ง ฝีงๆ เมี่ยน. เกเซม#6:6 ฮิบลู หว่า ก๊อง กาดซามู. หย่า ก๊อง น้าย เต๋ย หว่า เซ เฒียน เญย. นิ่น บัว ก๊อง เม่ย เหธา ยิวไท เมี่ยน อ๋อย ฟ้าน หธีง ต้าย เหธย ฒี่ง หลาด. หฒิว น้าย เต๋ย หว่า เม่ย หย่า อ๋อย โหฒว นิ่น บัว เญย ฮู่ง. 7เม่ย ฒู้ง พ้าย โต่ว หว่า เมี่ยน เยียม เยลูซาเลม เฒี้ยง เจี๊ยน เม่ย ฒุ่น ก๊อง, ‘ยูดา เต่ย-ปูง ม่าย ฮู่ง อ๊ะ.’ น้าย เต๋ย หว่า ไฮ่ ซีง เถา ฮู่ง เตี๋ย เญย มน่อม. ฮนั้ง หน่าย, ต้าย ม่าะ! บัว ล่ม ฑ่อย ธ่าง ล่าง.”
8เยีย ฮนั้ง น้าย นอ วุ่ย ปุน นิ่น, “เม่ย ก๊อง เญย หว่า เซ ไม้ เฒ์ย เฒียน สี่. เม่ย บัว กั้น เป๋น ธ้วด ต้าย ฮนั้ง.”
9นิ่น บัว เหยียด ฒู้ง อ๋อย ก๊อง แฮะ เยีย บัว. นิ่น บัว ฮนั้ม ต้าย, “เหฑีย นิ่น บัว เญย ปั์ว ไฮ่ เมา เจี๊ยน เหฌี่ย, ไม้ ไฮ่ โหฒว ไม้ เหฒียง น้าย เต๋ย กง.”
มป่า เยีย เต๋า เก๋า ก๊อง, “เฒี้ยว อ่า, โท้ เม่ย ปุน เยีย เญย ปั์ว เฮ้น เจี์ย ต้าย.”
10ม่าย ฮนอย เยีย มี่ง เมเฮทาเบน เญย ฟุน, เดไลยา เญย ตอน, เซไมอา, เญย เปย๊า. เซไมอา ไม้ ไฮ่ ธ้วด เปย๊า มี่ง หาย เดา. นิ่น ก๊อง, “บัว อ๋อย หฒุ มี่ง หฒั่ง ทิน-ฮู่ง เญย เปย๊า, สีง ติ่น กะญั์ว, แอ๋ง กวน เจี๊ยน แก้ง, เหว่ย หฒุ ม่าย เมี่ยน อ๋อย ต้าย ไต๋ เม่ย. นิ่น บัว ลู่ง ม์วน หฒั่น อ๋อย ต้าย ไต๋.”
11มป่า เยีย ก๊อง, “เยีย น้าย หญู่ง เมี่ยน ฝู่ง อ๋อย หฒุ เปย๋า? เยีย ฝู่ง ไฮ่ เปียะ หฒั่ง ทิน-ฮู่ง เญย เปย๊า เหว่ย เหฌียว กั้น เญย แหม่ง? เยีย ไม้ มี่ง อ๊ะ.” 12เยีย ปวัด ตุ๊ เม่ง เซ ไม้ เฒ์ย ทิน-ฮู่ง พ้าย นิ่น โต่ว หว่า. เซ นิ่น กั้น ก๊อง ห่อย เยีย, เหว่ย หฒุ โทบีอา เหธา สันบานลัด ธี้ง นิ่น ก๊อง. 13นิ่น บัว ธี้ง นิ่น ต้าย ก๊อง แฮะ เยีย, ปุน เยีย กั้ม เหฑีย ฯฒฯ ป์าม ฒุ์ย. ฮนั้ง หน่าย นิ่น บัว ไฮ่ โหฒว หว่าย เยีย เญย เม่ง เต้า หย่า ฮว้วด เยีย.
14เยีย เต๋า เก๋า ก๊อง, “โอ เยีย เญย ทิน-ฮู่ง อ่า, โท้ จั๋ง เจี๊ยน โทบีอา เหธา สันบานลัด, เหว่ย นิ่น บัว โหฒว เญย สี่. หย่า จั๋ง เจี๊ยน วั้ว เต้า โต่ว หว่า เมี่ยน มเซียะ ตอน, โนอัดยา, เหธา อ๋อย ก๊อง แฮะ เยีย วั้ว เต๋ย เหยียด ฒู้ง โต่ว หว่า เมี่ยน.”
ฒี่ง หลาด เญย กง เหฒียง
15เถา เอลูน หฮลา หญี่ เหฒียบ ฮม์ วั้ว ฮนอย, ฒี่ง หลาด โหฒว เหฒียง เหฑ่ง. โหฒว เญย ฮนอย-เหญียะ หล่ง ฮม์ เหฒียบ เหญ่ย ฮนอย. 16เว่ย ก๋อม เยีย บัว น้าย เต๋ย วิน-วั้ง ไฮ์ ก๊อง ฒี่ง หลาด เหฒียง, นิ่น บัว กั้ม เหฑีย#6:16 น้าย โจ๋ว ฮิบลู หว่า เญย เอ๋ย เล์ย เซ กั้ม เหฑีย ไฟ ปวัด. หย่า ไฮ์ ป่าย เฮมียน เหว่ย หฒุ หาย เต้า หย่า ฮิ้ว ตุ๊ น้าย หญู่ง กง โหฒว เหฒียง เซ ทิน-ฮู่ง เถง.
17เยียม น้าย เต๋ย ฮนอย-เหญียะ หย่า ม่าย โหฒว โฮล เญย ยูดา เมี่ยน ฝูง เฝียน ธั้ม เญย มี่ง ปุน โทบีอา. โทบีอา หย่า วุ่ย เฝียน ปุน นิ่น บัว. 18เยียม ยูดา เต่ย-ปูง ม่าย เมี่ยน ธั้ม เญย เหธา โทบีอา โด๊ว เหฒียว ปุน น้าย เต๋ย หว่า โด้ เจี๊ยน นิ่น บัว, เหว่ย หฒุ นิ่น โหฒว อาลา เญย ตอน, เซคานิยา, เญย เซียะ-ล่าง. โทบีอา เญย ตอน, เยโฮฮานัน, หย่า หล่ง เบเลคิยา เญย ตอน, เมซุนลาม เญย เซียะ, โหฒว เอ๊า. 19นิ่น บัว หฒั่นๆ เธง โทบีอา โหฒว หลง เญย เจ๊า ปุน เยีย หมวัง, หย่า เฒาะ เยีย ก๊อง เญย หว่า บั๋ว นิ่น. โทบีอา หย่า ฝูง เฝียน ปุน เยีย, อ๋อย แฮะ เยีย กั้ม เหฑีย.
Currently Selected:
เนหะมี 6: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
