มาโค 3
3
เยซู หฒ่อ หลง ปั์ว หว่าย เญย เมี่ยน
(เป๊ย หมั่ง มัดทาย 12:9-14; ลูกา 6:6-11)
1ม่าย หฑุ่น เยซู แอ๋ง เปียะ หวุ่ย ต้อง. เยียม วั้ว ม่าย เต้า มจั่ง ตอน ม่าย เจี๊ยะ ปั์ว หว่าย เญย. 2ม่าย เต๋ย เมี่ยน อ๋อย ล์อ เจ๊า โก๋ เยซู, นิ่น บัว ฯฒฯ เธี่ยน หมั่ง เจี๊ยน หมั่ง ก๋า, นิ่น หล่ง ตี้ง กง ฮนอย หฒ่อ วั้ว เต้า เมี่ยน เญย ปั์ว ไฟ?
3เยซู บั๋ว ปั์ว หว่าย วั้ว เต้า เมี่ยน, “เม่ย ต้าย น้าย หฑะเฮมียน แหมง โอ่.” 4นิ่น ฯฒฯ หน่าย หฒวัง เมี่ยน, “เอย บัว เญย เล์ย, ตี้ง กง ฮนอย บัว ไฮ่ โหฒว หาย หญู่ง? ไฮ่ โหฒว หลง ไฟ โหฒว หว่าย, เหฌียว แหม่ง ไฟ ห่อย แหม่ง?” มป่า นิ่น บัว ไม้ โค โล.
5เยซู เฉีย เจี์ย ไห่, ฮวิน น้าย ปูง, ฮวิน วั้ว ปูง, หมั่ง นิ่น บัว. นิ่น หย่า เฑ่า ไห่ เหว่ย หฒุ ปวัด นิ่น บัว เฮญี้ยว ปะหละ แหง่ง ไห่. นิ่น แอ๋ง บั๋ว ปั์ว หว่าย วั้ว เต้า เมี่ยน, “ซูง เม่ย เญย ปั์ว ธ้วด ต้าย ม่าะ!” ซูง ธ้วด ต้าย, ปั์ว ฯฒฯ หลง เหฑ่ง หมี่ อ๊ะ. 6ฟาลิสี เมี่ยน ฯฒฯ เยียม หวุ่ย ต้อง ธ้วด มี่ง เหธา เต๋ย กัน เฮโล้ด ฮู่ง วั้ว เจ๊า เมี่ยน ธ่าง ล่าง ฮนั้ง หาย นอ ไฮ่ ไต๋ เยซู.
เยซู เยียม กาลิลี ค้อย-ตอน เฮลน หฒ่อ เมี่ยน ธั้ม เญย แป่ง
7เยซู เหธา นิ่น เญย ไซ-ก๋อ เยียม วั้ว นอม ต๋อง แอ๋ง ธ้วด มี่ง เถา กาลิลี ค้อย-ตอน เฮลน. เมี่ยน ธั้ม เญย กัน เจี๊ยน มี่ง. ม่าย เต๋ย เยียม กาลิลี แซ้ง ต้าย. ม่าย เต๋ย เยียม ยูเดีย แซ้ง, 8ม่าย เต๋ย เยียม เยลูซาเลม ฒี่ง, ม่าย เต๋ย เยียม อิดูเมอา แซ้ง, ม่าย เต๋ย เยียม จอแดน ด้าย เญย ตง ปูง แหมง, ม่าย เต๋ย เยียม ไทละ เหธา ไซดอน ฒี่ง ต้าย. น้าย เต๋ย เมี่ยน ต้าย ล์อ เยซู เหว่ย หฒุ นิ่น บัว ไฮ์ ก๊อง นิ่น โหฒว เญย สี่. 9เมี่ยน หฒะเก้ง! ธั้ม ไห่, เยซู ฯฒฯ บั๋ว นิ่น เญย ไซ-ก๋อ หลิ่ว เล์ย เหฒียง เหยียด โผว ฑั้ง-ตอน ต้าย บู้ง เจี๊ยน ฒิบ นิ่น. เฑ่า เหย หฒวัง เมี่ยน ไฮ่ เบ๋ง หฒุ นิ่น.#มาโค 4:1; ลูกา 5:1-3 10เหว่ย หฒุ นิ่น หฒ่อ เมี่ยน ธั้ม เญย แป่ง หลง, ม่าย แป่ง เญย เมี่ยน หาย เต้า หย่า อ๋อย เบ๋ง เจี๊ยน มี่ง ฮลัว เยซู. 11หฒุ เมี้ยน มัวะ เญย เมี่ยน#3:11 เป๊ย หมั่ง มาโค 1:23. หาย หฒั่น ปวัด เยซู ฯฒฯ บ๊าบ เหฌี่ย เยซู เญย หฑะเฮมียน เห่ว เจี๊ยน ก๊อง, “เม่ย ต้ง ทิน-ฮู่ง เญย ตอน อ๊ะ.” 12เยซู หัด เมี้ยน ธิน-หม่าน ไม้ ตู๋ง ก๊อง นิ่น ต้ง หาย เต้า.
เยซู กิ๊น เหฒียบ เหญ่ย เต้า กง-โฒ่
(เป๊ย หมั่ง มัดทาย 10:1-4; ลูกา 6:12-16)
13เจี๋ย ต้าย เยซู ฝาว วั้ว เจี๋ย บง, หย่า เห่ว ต้ง นิ่น อ๋อย หล่ง เญย เมี่ยน ต้าย ล์อ นิ่น. นิ่น บัว ฯฒฯ ต้าย เถา นิ่น วั้ว. 14เยซู กิ๊น ธ้วด เหฒียบ เหญ่ย ล่าน เมี่ยน หย่า เห่ว นิ่น บัว โหฒว กง-โฒ่. นิ่น บั๋ว นิ่น บัว, “เยีย กิ๊น เม่ย บัว ต้าย เหธา เยีย เยียม หย่า อ๋อย พ้าย เม่ย บัว มี่ง ฒุ่น โต์, 15หย่า ปุน เม่ย บัว ม่าย หัด ม์า หฒุ่น เมี้ยน ธ้วด.”
16เยซู กิ๊น วั้ว เต๋ย เหฒียบ เหญ่ย ล่าน เซ ซีโมน, (เยซู แอ๋ง เถง นิ่น ธ้วด นอม บั๋ว เห่ว ปีเต,) 17แอ๋ง ม่าย เสเบดี เญย อี เต้า ตอน, ยากอบ เหธา โยฮัน, (เยซู เถง น้าย เต๋ย อี มั์ว ธ้วด บั๋ว เห่ว โบอาเนเย, เอ๋ย เล์ย เซ บะอง เญย ตอน.) 18แอ๋ง ม่าย อันดาลู, ฟีลิบ, บาโทโลมิว, มัดทาย, โทมัด, อันเฟอัด เญย ตอน, ยากอบ, ทัดเดอัด, ฮนั้ม กั๊วะ หฒั่ง วั้ว เต้า ซีโมน, 19เหธา หม่าย เยซู วั้ว เต้า ยูดาด อิสะคาลิโอด.
เมี่ยน หล่าย เยซู หล่ง เมี้ยน เญย ฮู่ง เญย ชะ หฒุ่น เมี้ยน
(เป๊ย หมั่ง มัดทาย 12:22-32; ลูกา 11:14-23; 12:10)
20เยซู ฯฒฯ เปียะ นอม เปย๊า หมี่ อ๊ะ.#3:20 ม่าย เต๋ย โซว ไม้ ม่าย น้าย เต๋ย หว่า. เมี่ยน ธั้ม ไห่ แอ๋ง กั๊บ ฒุ้น ต้าย. เยซู เหธา นิ่น เญย ไซ-ก๋อ เลี่ยม ไม้ ม่าย เฒี่ยง โห่ หญั่น หฮนาง. 21เยซู เญย เปย๊า ฒง เมี่ยน ไฮ์ น้าย เต๋ย สี่, นิ่น บัว ฯฒฯ ธ้วด มี่ง อ๋อย เฒาะ นิ่น, เหว่ย หฒุ เมี่ยน ก๊อง, “นิ่น ไม้ ฑัง อ๊ะ.”
22ม่าย เต๋ย เยียม เยลูซาเลม ฒี่ง ต้าย เญย หฌาว เล์ย เญย ฟิน-แซง ก๊อง, “นิ่น หฒุ เบเอนเซบูน เมี้ยน มัวะ ฮนั้ง. น้าย เต้า เมี้ยน เญย ฮู่ง ปุน นิ่น ม่าย หลี่ง หฒุ่น เมี้ยน ธ้วด.”#มัดทาย 9:34; 10:25
23เยซู ฯฒฯ เห่ว นิ่น บัว ต้าย นิ่น วั้ว หย่า หล่ง หว่า-เป๊ย เหธา นิ่น บัว ก๊อง. นิ่น ก๊อง, “ซาตาน ฮนั้ง หาย นอ ไฮ่ หฒุ่น ซาตาน กั้น ธ้วด? 24สี ก๊อง ม่าย นอม กั๊วะ ปุน ฆอย โหฒว เหฒีย เจ๊า, กั้น เญย กั๊วะ หฒั่ง เมี่ยน เหธา กั้น เญย กั๊วะ หฒั่ง เมี่ยน เบ๊าะ จ๋า, วั้ว นอม กั๊วะ ฯฒฯ ป่าย หมี่ อ๊ะ. 25สี ก๊อง เหยียด เปย๊า เมี่ยน ปุน ฆอย, ไม้ ต้ง เฮญี้ยว, น้าย เต้า เหธา วั้ว เต้า เบ๊าะ จ๋า, จา-ตี้ง ฯฒฯ ป่าย เหฑ่ง. 26ฮนั้ง หน่าย, สี ก๊อง ซาตาน เญย กั๊วะ ปุน ฆอย โหฒว เหฒีย กวั้น, น้าย กวั้น เหธา วั้ว กวั้น เบ๊าะ จ๋า, นิ่น เญย กั๊วะ ฯฒฯ ป่าย หมี่ อ๊ะ.
27“ไม้ ม่าย หาย เต้า ไฮ่ เปียะ เมี่ยน เฮ้น เมี่ยน เญย เปย๊า ธ้าง นิ่น เญย กะน้าย. อ๋อย หฒุ โด้ เจี๊ยน วั้ว เต้า เมี่ยน เฮ้น เมี่ยน ด่าง หธีง ต้าย ไฮ่ ธ้าง ตุ๊ นิ่น เญย กะน้าย.
28“เยีย บั๋ว เฒียน เม่ย บัว, ป้าม เมี่ยน ป์าม เญย เหยียด ฒู้ง ฒุ์ย เหธา ก๊อง คี เญย เหยียด ฒู้ง หว่า, ทิน-ฮู่ง ไฮ่ กวั่ง เหฑ่ง. 29มป่า หาย เต้า ก๊อง คี สีง ลี่ง, ทิน-ฮู่ง เหยียด ลิ์ว ไม้ กวั่ง วั้ว เต้า เญย ฒุ์ย, เหว่ย หฒุ นิ่น ป์าม เญย ฒุ์ย เซ นิ่น กั้น อ๋อย หฒุ เหยียด ลิ์ว ดาม-ตอง.”#ลูกา 12:10 30(เยซู ฮนั้ง น้าย นอ ก๊อง เหว่ย หฒุ ม่าย เต๋ย เมี่ยน ก๊อง, “นิ่น หฒุ เฮยี่ย ไกว๊ เมี้ยน มัวะ นิ่น.”)
เยซู เญย มา เหธา นิ่น เญย โย์ว
(เป๊ย หมั่ง มัดทาย 12:46-50; ลูกา 8:19-21)
31เยซู เญย มา เหธา นิ่น เญย โย์ว บัว ต้าย เถา, โซ้ว เจี๊ยน กะเหญี่ย แหมง บั๋ว เมี่ยน เปียะ มี่ง เห่ว เยซู. 32เมี่ยน ธั้ม เญย เฒว์ย ฮวีง ก๋อม เยซู, นิ่น บัว ฯฒฯ บั๋ว นิ่น, “ฟิน-แซง อ่า, เม่ย เญย มา เหธา เม่ย เญย โย์ว บัว#3:32 ม่าย เต๋ย โล์-ฮนอย โซว ทิบ หว่า ก๊อง เหธา เม่ย เญย หมั่ว. เยียม กะเหญี่ย ล์อ เม่ย.”
33เยซู เตา, “หาย เต้า โหฒว เยีย เญย มา, โหฒว เยีย เญย มั์ว-ต่อย?” 34นิ่น หมั่ง เฒว์ย ฮวีง ก๋อม นิ่น วั้ว เต๋ย เมี่ยน หย่า ก๊อง, “หมั่ง ม่าะ! น้าย เต๋ย เมี่ยน เซ เยีย เญย มา เหธา เยีย เญย มั์ว-ต่อย. 35หาย เต้า โหฒว เอย ทิน-ฮู่ง เญย เอ๋ย, วั้ว เต้า โหฒว เยีย เญย มั์ว-ต่อย หย่า โหฒว เยีย เญย มา.”
Currently Selected:
มาโค 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
