โยซูวา 21
21
เลวี เมี่ยน เญย ฒี่ง
(เป๊ย หมั่ง 1 ฒุ่น ต่อย โต้ว 6:54-81)
1วั้ว หฒั่น เลวี เมี่ยน เญย ปู้ง ป่วน เปย๊ย เฒ้ย ต้าย ล์อ เอเลอาซา ไซ เมี่ยน เหธา นุน เญย ตอน, โยซูวา, เหธา โม์ว ฝีง อิสะลาเอน เมี่ยน เญย ปู้ง ป่วน เปย๊ย เฒ้ย. 2นิ่น บัว เยียม คานาอัน เต่ย-ปูง, ซีโล มู้ง, ก๊อง บั๋ว น้าย เต๋ย เมี่ยน, “เฒี้ยว หล่ง โมเซ เห่ว เม่ย บัว พ้าย เต๋ย ฒี่ง ปุน เยีย บัว เยียม, เลี่ยม วั้ว เต๋ย ฒี่ง เญย เมี้ย-เธี้ยง ปุน เยีย บัว ยู์ง แซง-คู้.”#ซ้าว เมี่ยน 35:1-8 3ฮนั้ง หน่าย, หฒิว เฒี้ยว พ้าย เญย หว่า, อิสะลาเอน เมี่ยน เฒาะ นิ่น บัว กั้น หฑิบ เญย ป่วน ฒี่ง เหธา เมี้ย-เธี้ยง จิว ปุน เลวี เมี่ยน. ม่าย ฮนั้ง น้าย.
4ตี่ง ต้าว หฑุ่น ด๊อด หฒุ เลวี เมี่ยน เญย ปู้ง ป่วน, โคฮ้าด เมี่ยน. อาโลน ไซ เมี่ยน เญย เฒ้ย-ฟุน ฯฒฯ ตุ๊ ยูดา ฝีง, สิเมโอน ฝีง เหธา เบนยามิน ฝีง เญย เหฒียบ ฟาม นอม ฒี่ง. 5ตี่ง ปุน เหฒ่ง เหฌี่ย เญย โคฮ้าด เมี่ยน เญย เฒ้ย-ฟุน ตุ๊ เอฟาอิม ฝีง, ดาน ฝีง เหธา มะนัดเส ด๊าม-ฝีง เมี่ยน เญย ปู้ง ป่วน เญย เหฒียบ นอม ฒี่ง.
6ตี่ง ปุน เกโซน เมี่ยน เญย เฒ้ย-ฟุน ตุ๊ อิดสาคา ฝีง, อาเซ ฝีง, นับทาลี ฝีง เหธา เยียม บาซาน เต่ย เญย มะนัดเส ด๊าม-ฝีง เมี่ยน หฒิว นิ่น บัว เญย ปู้ง ป่วน เญย เหฒียบ ฟาม นอม ฒี่ง.
7เมลาลี เมี่ยน หฒิว นิ่น บัว เญย ปู้ง ป่วน ตุ๊ ลูเบน ฝีง, กาด ฝีง เหธา เสบูลุน ฝีง เญย เหฒียบ เหญ่ย นอม ฒี่ง.
8น้าย เต๋ย ฒี่ง เหธา ฒี่ง เญย เมี้ย-เธี้ยง, อิสะลาเอน เมี่ยน หฒิว ตี่ง แหม่ง หมั่ง, เฒาะ ปุน เลวี เมี่ยน, ฮนั้ง เฒี้ยว หล่ง โมเซ พ้าย เญย หว่า.
9เยียม ยูดา เหธา สิเมโอน ฝีง เฒาะ ธ้วด เญย ฒี่ง หฒิว ฒี่ง เญย บั๋ว ม่าย ฮนั้ง น้าย. 10น้าย เต๋ย ฒี่ง เฒาะ ปุน เลวี ฝีง, โคฮ้าด เมี่ยน, อาโลน เญย เฒ้ย-ฟุน, หฒิว นิ่น บัว เญย ปู้ง ป่วน, เหว่ย หฒุ ตี่ง แหม่ง หมั่ง ด๊อด หฒุ นิ่น บัว เญย ป่วน ด่าง.
11นิ่น บัว เฒาะ เยียม ยูดา บง-ไอ๊ ต๋อง, คีลิย้าดอานบา, เซ เฮโบโลน ฒี่ง, เลี่ยม เว่ย ก๋อม น้าย นอม ฒี่ง เญย เมี้ย-เธี้ยง ปุน เลวี เมี่ยน. (อานบา โหฒว อาน้าก เญย เตีย.) 12มป่า น้าย นอม ฒี่ง เญย ลี่ง เต่ย เหธา เว่ย ก๋อม เญย ล์าง จิว ปุน เยฟุนเน เญย ตอน, คาเล้บ, โหฒว นิ่น เญย ป่วน หมี่ อ๊ะ.
13นิ่น บัว เฒาะ เฮโบโลน ฒี่ง เหธา น้าย นอม ฒี่ง เญย เมี้ย-เธี้ยง ปุน อาโลน ไซ เมี่ยน เญย เฒ้ย-ฟุน, เซ ธะ-โป่ว ไต๋ เมี่ยน เญย เหยียด นอม เสีย แหม่ง ฒี่ง. นิ่น บัว แอ๋ง ปุน ลิบนา ฒี่ง เหธา น้าย นอม ฒี่ง เญย เมี้ย-เธี้ยง, 14ย้าดที เหธา เอดเทโมอา เหธา น้าย เต๋ย ฒี่ง เญย เมี้ย-เธี้ยง, 15โฮโลน เหธา เดบี เหธา น้าย เต๋ย ฒี่ง เญย เมี้ย-เธี้ยง, 16อายิน, ยุดทา เหธา เบดเซเม้ด เหธา เจี๊ยน น้าย เต๋ย ฒี่ง เญย เมี้ย-เธี้ยง. เยียม น้าย เต๋ย อี ฝีง พ้าย ธ้วด ต้าย เญย ม่าย ดั้ว นอม ฒี่ง.
17เยียม เบนยามิน ฝีง ปุน ต้าย เญย ฒี่ง ม่าย กิเบโอน เหธา เกบา เหธา น้าย เต๋ย ฒี่ง เญย เมี้ย-เธี้ยง, 18อานาโท้ด เหธา อันโมน เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง. 19อาโลน เญย เฒ้ย-ฟุน, โหฒว ไซ เมี่ยน วั้ว เต๋ย, ตุ๊ เญย ฒี่ง เหยียด ฒู้ง ม่าย เหฒียบ ฟาม นอม, เลี่ยม วั้ว เต๋ย ฒี่ง เญย เมี้ย-เธี้ยง.
20พ้าย ปุน เลวี ฝีง, เหฒ่ง เหฌี่ย วั้ว เต๋ย โคฮ้าด เมี่ยน เญย เฒ้ย-ฟุน หฒิว นิ่น บัว เญย ปู้ง ป่วน ตุ๊ เญย ฒี่ง เยียม เอฟาอิม ฝีง เญย ฒี่ง ปุน ต้าย.
21นิ่น บัว พ้าย เยียม เอฟาอิม บง-ไอ๊ ต๋อง, เซเคม ฒี่ง, เซ เหว่ย ธะ-โป่ว ไต๋ เมี่ยน เญย เมี่ยน เหธา ฒี่ง เญย เมี้ย-เธี้ยง เญย เสีย แหม่ง ฒี่ง, เหธา เกเซ ฒี่ง, เลี่ยม ฒี่ง เญย เมี้ย-เธี้ยง, 22ขิบซาอิม เหธา เบดโฮโลน เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง.
23เยียม ดาน ฝีง ปุน ต้าย เญย ฒี่ง ม่าย เอนเทเค, กิบเบโทน เหธา น้าย เต๋ย ฒี่ง เญย เมี้ย-เธี้ยง, 24ไอยาโลน เหธา กัดลิมโมน เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง.
25เยียม มะนัดเส ด๊าม-ฝีง เมี่ยน ปุน ต้าย เญย ฒี่ง ม่าย ทาอาน้าก เหธา กัดลิมโมน เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย อี นอม ฒี่ง.
26เหฒ่ง เหฌี่ย เญย โคฮ้าด เมี่ยน เญย ฒี่ง เหยียด ฒู้ง ม่าย เหฒียบ นอม เหธา น้าย เต๋ย ฒี่ง เญย เมี้ย-เธี้ยง.
27พ้าย ปุน เลวี ฝีง, เกโซน เมี่ยน เญย เฒ้ย-ฟุน ตุ๊ เญย ฒี่ง
เยียม มะนัดเส ด๊าม-ฝีง เมี่ยน เญย ฒี่ง ปุน ต้าย.
นิ่น บัว ปุน เญย เซ เยียม บาซาน เต่ย เญย โกลาน, เซ เหว่ย ธะ-โป่ว ไต๋ เมี่ยน เญย เมี่ยน เญย เสีย แหม่ง ฒี่ง, เหธา เบเอดเทลา เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย อี นอม ฒี่ง.
28เยียม อิดสาคา ฝีง ปุน ต้าย เญย ฒี่ง ม่าย
คีซิโอน, ดาเบลัด เหธา น้าย เต๋ย ฒี่ง เญย เมี้ย-เธี้ยง, 29ยานมู้ด เหธา เอนกันนิม เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง.
30เยียม อาเซ ฝีง ปุน ต้าย เญย ฒี่ง ม่าย
มิซาน, อับโดน เหธา น้าย เต๋ย ฒี่ง เญย เมี้ย-เธี้ยง, 31เฮนขัด, เลโหบ เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง.
32เยียม นับทาลี ฝีง ปุน เญย ฒี่ง ม่าย
เยียม กาลิลี เญย คาเดด ฒี่ง, เซ เหว่ย ธะ-โป่ว ไต๋ เมี่ยน เญย เมี่ยน เญย เสีย แหม่ง ฒี่ง, เหธา ฮัมโม้ดโดอา เหธา น้าย เต๋ย ฒี่ง เญย เมี้ย-เธี้ยง หย่า ม่าย คานทาน เหธา ฒี่ง เญย เมี้ย-เธี้ยง. เหยียด ฒู้ง ม่าย ปัว นอม ฒี่ง.
33เกโซน เมี่ยน เญย ปู้ง ป่วน ตุ๊ เญย ฒี่ง เหยียด ฒู้ง ม่าย เหฒียบ ฟาม นอม เหธา เจี๊ยน น้าย เต๋ย ฒี่ง เญย เมี้ย-เธี้ยง.
34พ้าย ปุน เหฒ่ง เหฌี่ย เญย เลวี ฝีง, เมลาลี เมี่ยน เญย เฒ้ย-ฟุน, ตุ๊ เญย ฒี่ง ม่าย
เยียม เสบูลุน ฝีง ปุน ต้าย,
โย้กเนอัม, คานทา, 35ดิมนา, นาหะลาน เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง.
36เยียม ลูเบน ฝีง ปุน ต้าย ม่าย
เบเซ, ยาฮ้าด เหธา น้าย เต๋ย ฒี่ง เญย เมี้ย-เธี้ยง, 37เคเดโม้ด เหธา เมฟาอาด เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง.
38เยียม กาด ฝีง ปุน ต้าย ม่าย
เยียม กิเลอาด เต่ย เญย ลาโม้ด ฒี่ง, เซ เหว่ย ธะ-โป่ว ไต๋ เมี่ยน เญย เมี่ยน เญย เสีย แหม่ง ฒี่ง, แอ๋ง ม่าย มาหะนาอิม, 39เฮ้ดโบน เหธา ยาเซ เหธา น้าย เต๋ย ฒี่ง เญย เมี้ย-เธี้ยง. เหยียด ฒู้ง ม่าย เปยย นอม ฒี่ง.
40พ้าย ปุน เหฒ่ง เหฌี่ย เญย เลวี ฝีง, เมลาลี เมี่ยน เญย เฒ้ย-ฟุน หฒิว เญย ปู้ง ป่วน, เหยียด ฒู้ง ม่าย เหฒียบ เหญ่ย นอม ฒี่ง.
41เยียม อิสะลาเอน เมี่ยน หฑิบ เญย เต่ย-ปูง, เลวี เมี่ยน ตุ๊ เญย ฒี่ง เหยียด ฒู้ง ม่าย เฝย เหฒียบ เป๊ด นอม, เลี่ยม ฒี่ง เญย เมี้ย-เธี้ยง. 42น้าย เต๋ย นอมๆ ฒี่ง ม่าย เมี้ย-เธี้ยง เว่ย ก๋อม. โม์ว นอม ฒี่ง หย่า ฟี่ ฮนั้ง เญย.
อิสะลาเอน เมี่ยน แฑง ตุ๊ เญย เต่ย-ปูง
43ฮนั้ง หน่าย, เฒี้ยว เหธย น้าย นอม เต่ย-ปูง เหยียด ฒู้ง จิว ปุน อิสะลาเอน เมี่ยน, หฒิว เฒี้ยว เหธา นิ่น บัว เญย อง-ถาย-แงะ โฮ้ว เจี๊ยน แล์ง เญย หว่า. นิ่น บัว แฑง ตุ๊ ต้าย ฯฒฯ เปียะ มี่ง เหลียบ งว์า-กอน เยียม วั้ว. 44เฒี้ยว ปุน นิ่น บัว เญย เหยียด ฒู้ง เต่ย-ปูง ถาย-แป้ง เญย เยียม, ฮนั้ง เฒี้ยว เหธา นิ่น บัว เญย อง-ถาย โฮ้ว เจี๊ยน แล์ง เจี๋ย เญย หว่า. นิ่น บัว เญย วิน-วั้ง ไม้ ม่าย เหยียด เต้า ไฮ่ เบ๊าะ ตุ๊ ฮี่ง นิ่น บัว. เฒี้ยว เฒาะ นิ่น บัว เญย เหยียด ฒู้ง วิน-วั้ง จิว ปุน เยียม นิ่น บัว เญย ปั์ว-เดี๊ย หมี่ อ๊ะ. 45เฒี้ยว แล์ง ปุน อิสะลาเอน เมี่ยน เหยียด ฒู้ง หลง เญย หว่า นิ่น โหฒว เหฒียง เหฑ่ง, ไม้ ปู๋ง ด๊อด เหยียด โจ๋ว.
Currently Selected:
โยซูวา 21: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
