โยซูวา 20
20
ตี่ง เหฒียง เสีย แหม่ง ฒี่ง
1 เฒี้ยว ก๊อง บั๋ว โยซูวา,#ซ้าว เมี่ยน 35:6-32; หฑั่ม เล์ย-หลัด 4:41-43; 19:1-13 2“อ๋อย หฒุ บั๋ว อิสะลาเอน เมี่ยน กิ๊น เต๋ย ฒี่ง เหว่ย โหฒว เสีย แหม่ง ฒี่ง หฒิว เยีย หล่ง โมเซ บั๋ว เม่ย บัว เญย หว่า, 3เหว่ย ปุน ธะ-โป่ว ไต๋ เมี่ยน ไฟ ไม้ เจี์ย เฮญี้ยว ไต๋ เมี่ยน เญย เมี่ยน ไฮ่ เปย๋า มี่ง วั้ว. น้าย เต๋ย ฒี่ง เป๋น เม่ย บัว ด้าว เขา เญย ต๋อง เหว่ย เปย๋า จ๊าว เมี่ยน แหม่ง วิน วั้ว เต้า.
4“ธะ-โป่ว ไต๋ เมี่ยน เญย เมี่ยน เปย๋า มี่ง เถา เหยียด นอม น้าย เต๋ย ฒี่ง, นิ่น อ๋อย หฒุ โซ้ว เจี๊ยน ฒี่ง แก้ง ด่าง หย่า ก๊อง เม่ง นิ่น เญย สี่ ปุน วั้ว นอม ฒี่ง เญย เมี่ยน โก๋ ฮิ้ว. นิ่น บัว ฯฒฯ ต้อ นิ่น เปียะ ฒี่ง กะญั์ว ปุน ต๋อง นิ่น เยียม, นิ่น ฯฒฯ เหธา นิ่น บัว เยียม วั้ว. 5สี ก๊อง จ๊าว เมี่ยน แหม่ง วิน วั้ว เต้า หฒุ่น เจี๊ยน นิ่น ต้าย, วั้ว นอม ฒี่ง เญย เมี่ยน โก๋ ไม้ ตู๋ง เฒาะ ไต๋ เมี่ยน เญย เมี่ยน จิว ปุน นิ่น, เหว่ย หฒุ ธะ-โป่ว ไต๋ เมี่ยน วั้ว เต้า, ไม้ เฒ์ย หนิบ วิน ไฟ เจี์ย เฮญี้ยว ไต๋. 6นิ่น อ๋อย หฒุ เยียม วั้ว นอม ฒี่ง เถา โซ้ว เจี๊ยน กั๊บ ฒุ้น เญย หฒวัง เมี่ยน เญย หฑะเฮมียน หฒุ เซี้ยม ฒุ์ย, หย่า ฒั้ว เถา ต้ง วั้ว หฒั่น โหฒว ต้ม ไซ เมี่ยน วั้ว เต้า เกวย เสย. ฆะฮ้า ธะ-โป่ว ไต๋ เมี่ยน วั้ว ล่าน เมี่ยน ไฮ่ หฑวน นิ่น กั้น เญย เปย๊า, หฑวน นิ่น เปย๋า ธ้วด วั้ว นอม มู้ง.”
7ฮนั้ง น้าย นิ่น บัว ตี่ง เหฒียง เยียม นับทาลี เญย บง-ไอ๊ ต๋อง, กาลิลี เต่ย เญย เคเดด ฒี่ง, เหธา เอฟาอิม บง-ไอ๊ ต๋อง, เซเคม ฒี่ง, เหธา เยียม ยูดา เญย บง-ไอ๊ ต๋อง, คีลิย้าดอานบา, เซ เฮโบโลน ฒี่ง. 8เยียม จอแดน ด้าย ตง ปูง แหมง, เยลีโค ฒี่ง ตง ปูง เญย เต่ย-ปูง-ฮวาง เญย เดา-แป้ง, นิ่น บัว ตี่ง เหฒียง ลูเบน ฝีง เญย เบเซ มู้ง. กาด ฝีง กะญั์ว นิ่น บัว ตี่ง กิเลอาด เต่ย เญย ลาโม้ด ฒี่ง, เยียม มะนัดเส ฝีง เญย บาซาน เต่ย, โกลาน มู้ง. 9น้าย เต๋ย ฒี่ง เซ เหว่ย อิสะลาเอน เญย หฒวัง เมี่ยน หย่า เหว่ย เยียม นิ่น บัว กะญั์ว เญย กั้น ฝีง เมี่ยน ตี่ง ต้าย ปุน ธะ-โป่ว ไต๋ เมี่ยน เญย เมี่ยน ไฮ่ เปย๋า มี่ง เยียม น้าย เต๋ย ฒี่ง ฯฒฯ ไม้ หฒุ จ๊าว เมี่ยน แหม่ง วิน วั้ว เต้า ไต๋. ฒั้ว เถา ตุ๊ โซ้ว เจี๊ยน กั๊บ ฒุ้น เญย หฒวัง เมี่ยน เญย หฑะเฮมียน หฒุ เซี้ยม ฒุ์ย.
Currently Selected:
โยซูวา 20: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
