โย้บ 8
8
บินดัด ก๊อง ตะเยี้ยด หฑุ่น หว่า
ทิน-ฮู่ง โหฒว ตุ๊ แป้ง ฟิม เญย
1ชูวา เมี่ยน, บินดัด, ฯฒฯ เตา,
2“น้าย เต๋ย หว่า เม่ย อ๋อย ก๊อง เถา หาย หฒั่น?
เม่ย เญย หว่า ฮนั้ง หฑยาว ป่วน นอ.
3ทิน-ฮู่ง ไฮ่ โหฒว แป้ง ฟิม เญย เจ๊า เพียน ไฟ?
ไฟ เน่น เจี๋ย วั้ว เต้า ไฮ่ ปุน โหฒว หอบ เญย เจ๊า เพียน มี่ง ไฟ?
4สี ก๊อง เม่ย เญย ฝุเจว๊ย ป์าม ฒุ์ย ต่อง ทิน-ฮู่ง,
นิ่น หฒิว นิ่น บัว โหฒว เญย สี่ ปุน นิ่น บัว หฒุ ตี่ง ฒุ์ย.
5สี ก๊อง เม่ย เจี้ยน ล์อ ทิน-ฮู่ง
หย่า โจ้ว เน่น เจี๋ย วั้ว เต้า,
6สี ก๊อง เม่ย ธีง-เหฑ่ง, เฮญี้ยว หฒีง เญย,
นิ่น ฒู้ง อ๋อย เหว่ย เม่ย เจี์ย ต้าย,
แอ๋ง ปุน เม่ย เญย จา-ตี้ง หฑวน ต้าย ฮนั้ง โล์ วั้ว นอ.
7ไม้ กุ๊น เม่ย เจี์ย กอน วั้ว หฒั่น เม่ย ไฝ เญย,
เซ้ด เมว์ย เญย ฮนอย-เหญียะ เม่ย ฯฒฯ ตุ๊ โหฒว โฮล.
อง-ถาย ฮิ้ว ตุ๊ เอ๊าะ เมี่ยน หฒุ โค้ว
8“เยีย โท้ เม่ย, หน่าย โล์-ฮนอย เมี่ยน
หย่า ฮนั้ม หมั่ง ก๋า อง-ถาย บัว ล์อ ปวัด หาย หญู่ง,
9เหว่ย หฒุ เยีย บัว อะฮนอย โคะ โหะ ธ้วด เสย, ไม้ ฮิ้ว หาย หญู่ง.
เยีย บัว หย่า เยียม ป้าม เกน ฮนั้ง ต้ง ลิ่น นอ.
10นิ่น บัว อ๋อย หฌาว เม่ย, บั๋ว เม่ย,
หฒิว นิ่น บัว เม่ง แปะ ก๊อง ธ้วด ไม้ เฒ์ย?
11ไม้ ม่าย ฌ่าง, เธีย-ต๋อย เยี่ยน เมี้ย ไฮ่ ธ้วด เญย ไฟ?
ไม้ ม่าย ววม, หลัวะ ติ ไฮ่ หฮยาง เญย ไฟ?
12หธ่อ แมง เญย เฒี่ยง โห่ ไม้ ก๊าด นอ,
เป๊ย กั้น หญู่ง เมี้ย, นิ่น ฆาย ด่าง เจี๋ย.
13ตะฟ่าน หละคุ ทิน-ฮู่ง เญย เมี่ยน หย่า ฮนั้ง วั้ว นอ.
ไม้ กัน ทิน-ฮู่ง เญย เมี่ยน ม่าย ลั่ม ฮนั้ม เญย, ฒู้ง อ๋อย หฒุ เหมียด.
14นิ่น เขา เญย เจ๊า ตั๋ง หมี่ อ๊ะ.
นิ่น เขา เญย เซ ฮนั้ง แกง-หญ่อ บย์อง นอ.
15นิ่น ปั่ง นิ่น เญย เปย๊า, มป่า เปย๊า เยียม ไม้ เจี๊ยน.
นิ่น นั้น เจี๊ยน เปย๊า มป่า เปย๊า ไม้ ว้วน.
16นิ่น เซ ฮนั้ง เมี้ย, หญุด ฌัง เญย เฒี่ยง โห่ หฮยาง ต้าย,
นิ่น เญย ลวั่ง โหล่ว ปวั๊ง นิ่น เญย หฮวีง.
17นิ่น เญย ฑู่ง เหฑ่น เจี๊ยน หละเปย๊ย,
แอ๋ง เหฌี่ย มี่ง เปียะ หละเปย๊ย-ฉัง.
18มป่า สี ก๊อง นิ่น เยียม วั้ว นอม ต๋อง หฒุ แปง ธ้วด,
วั้ว นอม ต๋อง ฯฒฯ ไม้ เหญี่ยม นิ่น แอ๋ง ก๊อง,
‘เยีย ฒู้ง ไม้ ปวัด เจี๋ย เม่ย.’
19หมั่ง ม่าะ! น้าย เซ นิ่น เญย เจ๊า เญย เฌียน-โย่ว.
กั้น เต๋ย เมี่ยน อ๋อย เยียม วั้ว เดา ธ้วด ต้าย.
โย้บ เหฒียบ ฒัวะ นอ, ทิน-ฮู่ง อ๋อย เถง
20“หมั่ง ม่าะ! ทิน-ฮู่ง ฒู้ง ไม้ กวั่ง ไม้ ม่าย ต๋อง เฆ่ม เญย เมี่ยน.
หย่า ไม้ เถง โหฒว เอ๊าะ เญย เมี่ยน.
21นิ่น อ๋อย ปุน เม่ย เญย ฑุ่ย แอ๋ง อะเฮน้ย เญย จั๊ด,
หย่า ปุน เม่ย เญย ฑุ่ย เฌียน-โย่ว เญย เห่ว.
22ฑอง เม่ย วั้ว เต๋ย อ๋อย หฒุ ป่าย เฮมียน ไญ้,
เอ๊าะ เมี่ยน เญย ด๊บ-ลิ่ว ยั่ง น้าย เจี๋ย ไม้ ม่าย อ๊ะ.”
Currently Selected:
โย้บ 8: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
