โย้บ 7
7
โย้บ ก๊อง เยียม ลู่ง เดี๊ย ขูง หฒุ โค้ว
1“ป้าม เมี่ยน เยียม ลู่ง เดี๊ย ขูง หฒุ โหฒว โค้ว,#7:1 น้าย โจ๋ว ฮิบลู หว่า เญย เอ๋ย เล์ย เซ แปง-กวั้น, หย่า เป๊ย หฒุ อ๊าบ โหฒว แปง นอ.
นิ่น เญย ฮนอย-เหญียะ ฮนั้ง หฒุ หม่าย กง เญย เมี่ยน,
2ฮนั้ง โน่ว หฒะเก้ง อ๋อย ล์อ ต๋อง ปี๋ง ล่าง,
ฮนั้ง หม่าย กง เญย เมี่ยน ฒั้ว นิ่น เญย กง-ฒิ่น.
3ฟี่ ฮนั้ง เญย, เยีย หฮลา เจี๋ย หฮลา เฒี่ยง เจี๊ยน ไม้ ลั่ม หล่ง,
หย่า ม์วน เจี๋ย ม์วน หฒุ เตี๊ย โค้ว.
4เยีย เปว๋ย เหฌี่ย เญย เฒี่ยง โห่, เยีย ก๊อง, ‘เยีย เถา หาย หฒั่น หธีง ตุ๊ เจี์ย ซิน?’
มป่า ลู่ง ม์วน หฒั่น ด๊าว ไห่.
เยีย ขูง เบี๊ยน มี่ง เบี๊ยน ต้าย, หน่อย ไม้ ตุ๊ ลู่ง ฌัง.
5เยีย เญย ซิน ปุ๊ด แกง ปวั๊ง เหฑ่ง, เนีย-บูง หย่า ต๋อง ลุย ฒุ.
เยีย เญย ด๊บ ปุ๊ด ฟาง, แอ๋ง แฑะ, ปุ๊ด หน่ง.
6“เยีย เญย ฮนอย-เหญียะ เก้า เซี้ยบ เหฑ่น สุย ดั๊ด เดีย เญย ปย๊า,
เถา เซ้ด เมว์ย หย่า ไม้ ลั่ม ฮนั้ม ต๋อง อ๊ะ.
7โอ ทิน-ฮู่ง อ่า, โท้ จั๋ง เจี๊ยน โอ่,
เยีย เญย แหม่ง เซ ฮนั้ง เท้า เหยียด หฑุ่น เฉีย.
เยีย เญย มฒีง ไม้ ตุ๊ แอ๋ง ปวัด หลง เญย เจ๊า.
8อี้ หฒั่น หมั่ง เจี๊ยน เยีย วั้ว เต้า เญย มฒีง ไม้ ตุ๊ แอ๋ง ปวัด เยีย.
เม่ย อ๋อย ล์อ เยีย, มป่า เยีย ไม้ เยียม อ๊ะ.
โย้บ อ๋อย ทิน-ฮู่ง ปู๋ง ฆอย นิ่น
9“ฮนั้ง บ๋วน หฑาน หมิด เหฑ่ง,
เมี่ยน เหฌี่ย เยี่ยม เกน ไม้ ไฮ่ แอ๋ง ฝาว ต้าย.
10นิ่น ไม้ แอ๋ง หฑวน กั้น เญย เปย๊า.
นิ่น เยียม เญย ต๋อง เญย เมี่ยน หย่า หละคุ นิ่น หมี่ อ๊ะ.
11“เหว่ย น้าย เยีย ฯฒฯ ไม้ หฆับ เยีย เญย ฑุ่ย,
เยีย เญย เฮญี้ยว มุน เจี๊ยน อ๋อย ก๊อง อ๊ะ.
เยีย เฮญี้ยว โค้ว ไห่ ฯฒฯ อ๋อย หฒุ ก๊อง.
12เยีย โหฒว ค้อย ไฟ ค้อย เญย ต้ม เบย์า
เม่ย หธีง อ๋อย หฒุ ปุน เมี่ยน ฒั้ว เจี๊ยน เยีย?
13เยีย ก๊อง, ‘เยีย เญย โหธว ไฮ่ เถง เยีย คู่ เยียม.
เยีย เปว๋ย เญย ต๋อง ไฮ่ ไจ๊ เต๋ย เยีย เญย โค้ว หน่าน.’
14มป่า เม่ย ปุน เยีย เบ๋ย ปวัด แฮะ เยีย,
หล่ง หิ่น ย่าง เญย สี่ ปุน เยีย กั้ม เหฑีย ไห่.
15เหว่ย น้าย เยีย อ๋อย กิ๊น โก้ จาง ไต่
เก้า หลง เยียม เจี๊ยน เยีย น้าย นอม ซิน.#7:15 ฟาน หฒะ ก๊อง “...เก้า หลง เยียม น้าย เต๋ย บู๊ง”.
16เยีย โหยว เยีย เญย แหม่ง, ไม้ อ๋อย เหยียด ลิ์ว เฒี่ยง.
ปู๋ง เยีย, เซว่ย เยีย กั้น เยียม,
เหว่ย หฒุ เยีย เญย ฮนอย-เหญียะ ขูง ฮนั้ง เท้า เหยียด หฑุ่น เฉีย.
โย้บ งบ ทิน-ฮู่ง หฒั่นๆ หมั่ง เจี๊ยน
17“ป้าม เมี่ยน เป๋น หาย หญู่ง เม่ย หธีง ฝุน หล่ง เจี๊ยน
หย่า เฮยี้ยด เฮญี้ยว นิ่น?#สีง ฑูง 8:4; 144:3
18เม่ย ดอมๆ มี่ง ฒ่า หมั่ง นิ่น,
โม์ว ปวน เฒี่ยง โห่ หย่า เค้า นิ่น.
19แอ๋ง ด่ง หาย เล่า เม่ย หธีง ฮวิน กั้น ปูง ไม้ หมั่ง เยีย,
ไฟ ปู๋ง เยีย กั้น เยียม เถา ไฮ่ ตุ๊ นะ อ๋า เยีย เญย ววม-ฑุ่ย?
20หมั่ง เมี่ยน เญย ทิน-ฮู่ง อ้า?
สี ก๊อง เยีย ป์าม ฒุ์ย เยีย ฮนั้ง หาย นอ ห่อย หฒุ เม่ย?
เม่ย เหว่ย หาย ติ่ว เฒาะ เยีย ต๋อง เม่ย เญย ฟอง-ธัง เญย แบะ?
เยีย เหว่ย หาย ติ่ว เป๋น เม่ย อ๋อย หฒุ ดาม เฮนี้ย เญย กะน้าย?
21เม่ย เหว่ย หาย ติ่ว ไม้ กวั่ง เยีย ต่อง เญย ต๋อง,
หย่า เฒาะ ฆอย เยีย เญย ฒุ์ย?
เหว่ย หฒุ ไม้ เล่า เยีย อ๋อย เปว๋ย เนีย-บูง กะญั์ว.
เม่ย อ๋อย ล์อ เยีย มป่า เยีย ไม้ เยียม อ๊ะ.”
Currently Selected:
โย้บ 7: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
