โย้บ 39
39
1“หละเปย๊ย-แบ๋ง เญย เฮยี่ย ยู่ง หาย หฒั่น เหฌี่ย ตอน, เม่ย ฮิ้ว เญย ไฟ?
ไฌ่ เญ์ย เหฌี่ย ตอน เม่ย ปวัด เจี๋ย เญย?
2นิ่น ม่าย เจี๊ยน ตอน เญย หฮลา-เหญียะ เม่ย ไฮ่ ซ้าว เญย ไฟ?
หาย หฒั่น เหฌี่ย ตอน เม่ย ฮิ้ว เญย?
3เม่ย ฮิ้ว ตุ๊ นิ่น บัว หาย หฒั่น บ๊าบ เหฌี่ย,
ปุน นิ่น บัว เญย ตอน ด๊อด เดา ไฟ?
4นิ่น บัว เญย ตอน เฮ้น เจี๊ยน ฝาว, เยียม หล่ม-ฮวาง โฮล ต้าย.
นิ่น บัว กวั่ง มา มี่ง หย่า ไม้ หฑวน.
5“หาย เต้า ปู๋ง เฮยี่ย ล่อ?
หาย เต้า ไจ๊ นิ่น เญย ฮลาง?
6เยีย เฒาะ เดา-ฮวาง เป๋น นิ่น เญย เปย๊า,
ปุน เดา-ฑ่าย เป๋น นิ่น เยียม เญย ต๋อง.
7นิ่น จั๊ด ฒี่ง โธ่ๆ เญย เฉีย,
ไม้ ไฮ์ หฒุ่น แซง-คู้ เญย เมี่ยน เห่ว เญย เฉีย บุย.
8นิ่น โย่ว ก๋อม บง เป๋น นิ่น เญย เมี้ย-เธี้ยง,
นิ่น ชะ ล์อ หญู่งๆ เมี้ย-แมง หญั่น.
9“เฮยี่ย ง่ง คั้ง ฟู-สู เม่ย ไฟ?
นิ่น อ๋อย เยียม เม่ย เญย เมี้ย-โฒ่ กะเฮลน เปว๋ย เจี๋ย ม์วน ไฟ?
10เม่ย ไฮ่ หล่ง ฮลาง โด้ เจี๊ยน เฮยี่ย ง่ง ไล่ เดา ไฟ?
นิ่น อ๋อย กัน เม่ย ป้า ย่วน ค้ม เญย ต๋อง ไฟ?
11เหว่ย หฒุ นิ่น ม่าย ชะ เฮ้น เม่ย ไฮ่ เขา นิ่น ไฟ?
เม่ย เฒาะ เม่ย เญย กง-เฮนี้ย จิว ปุน นิ่น โหฒว?
12เม่ย ปู๋ง เฮญี้ยว นิ่น ต้อ เม่ย เญย ล่าง หฒิ หฑวน ต้าย?
หย่า เซียว เม่ย เญย เบย้า เถา เบ๊าะ เบย้า เญย เธี้ยง?
เหนาะ ล่อ ท่อ, ม์า เหธา ต้ม จ๊าง
13“เหนาะ ล่อ ท่อ เฌียน-โย่ว เญย ย้าบ ด๊าด,
มป่า ซิน เญย เปยย เหธา ด๊าด เญย เปยย
เป๊ย ไม้ เถา เหนาะ เญี่ย เญย.#39:13 น้าย เหยี่ยม ฮิบลู หว่า เซ ไม้ เม่ง.
14เหนาะ ล่อ ท่อ เด่า เจ๋า กวั่ง วั้ว เดา,
ปุน เดา เถง นิ่น เญย เจ๋า เซี้ยว.
15นิ่น ไม้ ฮนั้ม เถา ไฮ่ หฒุ เหฒา ธ้าย ฮู้,
ไฟ เฮยี่ย ฒ่อย ไฮ่ ธ้าย หว่าย.
16นิ่น โหฒว โตะ ปุน นิ่น เญย ตอน, ฮนั้ง ไม้ เฒ์ย เป๋น นิ่น กั้น เญย ตอน นอ.
ไม้ กุ๊น นิ่น ด๊อด ชะ, นิ่น หย่า ไม้ ค้อ-ฟิ,
17เหว่ย หฒุ ทิน-ฮู่ง ไม้ ปุน นิ่น ม่าย ธง-เม่ง,
หย่า ไม้ ปุน นิ่น ไฮ่ เปียะ เฮญี้ยว.
18มป่า นิ่น ยัง เจี๊ยน ด๊าด ถิว วั้ว หฒั่น,
นิ่น จั๊ด ม์า เหธา เก้ ม์า เญย เมี่ยน.
19“โย้บ อ่า, เซ เม่ย ปุน ม์า เฮ้น ไฟ?
เซ เม่ย ปุน ม์า เญย จาง ม่าย ฑง ด๊าว ไฟ?
20เม่ย ปุน นิ่น ปิว ฮนั้ง จ๊บ-เหญ่ย,
ปุน นิ่น เท้า เฉีย บุย แฮะ เมี่ยน กั้ม เหฑีย?
21นิ่น เยียม วั้ว ฮ์อง ญ้าย เดา, หย่า อะเฮน้ย นิ่น เญย ชะ,
นิ่น ธ้วด มี่ง ปวั้ง ต้อ เจี๊ยน หวัวะ กิ่น เญย แปง.
22นิ่น จั๊ด กั้ม เหฑีย เญย สี่, นิ่น กั้น ไม้ กั้ม เหฑีย,
ปวัด หฑุ ด๊าว, นิ่น หย่า ไม้ ถุย หฑวน.
23เก้ ม์า เมี่ยน ปุ๋ย เญย ฟอง-ด้ง แซ้ๆ เญย บุย,
หย่า ม่าย ธัง-ด๊าว ธัง-นั้ง หฌับๆ เญย.
24นิ่น เธี้ยวๆ เญย ญ้าย เดา หย่า ถิว เจี๊ยน มี่ง,
เยี้ยด ไฮ์ จอง เญย เฉีย บุย นิ่น โซ้ว ตี่ง ไม้ ตุ๊ อ๊ะ.
25จอง เญย เฉีย หาย หฒั่น บุย นิ่น เห่ว, ‘แฮ้ๆ,’
นิ่น เยียม โก เญย ฮน้ม หฒุ เบ๊าะ จ๋า เญย เฉีย,
หย่า ไฮ์ จุน-แปง-เปย๊ย เหธา เห่ว เญย เฉีย บุย.
26“ต้ม จ๊าง ยัง ด๊าด ได๋,
หูง เจี๊ยน น่าม ปูง มี่ง,
น้าย เซ ปั่ง เม่ย เญย ธง-เม่ง โหฒว ไฟ?
27เซ เม่ย พ้าย ต้ม จ๊าง ได๋ ฝาว,
เยียม ฮลัง เญย ต๋อง โหฒว เล์า ไฟ?
28นิ่น เยียม ฮลัง เจี๋ย เญย แบ๋ง โหฒว นิ่น เญย เปย๊า,
ปั่ง แบ๋ง-นี้ง โหฒว นิ่น ว้วน เญย ต๋อง.
29เยียม น้าย นิ่น หมั่ง เจี๊ยน เฒาะ กะน้าย หญั่น,
นิ่น เญย มฒีง หมั่ง ตุ๊ ปวัด โก เญย.
30นิ่น เญย ตอน เซาะ ฑย้าม,
หฒุ ไต๋ เญย เมี่ยน เญย เซย เยียม หาย, ต้ม จ๊าง-ง่ง หย่า เยียม วั้ว.”#มัดทาย 24:28; ลูกา 17:37
Currently Selected:
โย้บ 39: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
