โย้บ 33
33
เอลีฮู อ๋อย เหธา โย้บ หลวน เล์ย
1“โย้บ อ่า, อี้ หฒั่น โท้ หมวัง เยีย ก๊อง,
หมวัง หลง เยีย ก๊อง เญย เหยียด ฒู้ง หว่า.
2หมั่ง ม่าะ! อี้ หฒั่น เยีย อ๋อย ก๊อง,
เยีย หลิ่ว เล์ย เหฒียง ก๊อง อ๊ะ.
3เยีย เญย หว่า ปุน ธีง เยีย เญย เฮญี้ยว หฒีง,
หฒิว เยีย ฮิ้ว เญย เจ๊า เยีย เญย ฑุ่ย เหมย ก๊อง.
4ทิน-ฮู่ง เญย สีง ลี่ง เหฒย เยีย,
เน่น เจี๋ย วั้ว เต้า เญย เฉีย ปุน เยีย ม่าย แหม่ง.
5สี ก๊อง เม่ย ไฮ่ เตา เยีย, เตา ม่าะ!
หลิ่ว เล์ย เหฒียง เม่ย เญย หว่า หย่า โซ้ว เจี๊ยน เยีย เญย หฑะเฮมียน.
6หฒิว ทิน-ฮู่ง หมั่ง, เยีย เหธา เม่ย ฟี่ ฮนั้ง,
นิ่น หย่า หล่ง ดุ้น เนีย เหฒย เยีย ต้าย ฟี่ ฮนั้ง เญย.
7เหว่ย น้าย เม่ย ไม้ หฒุ กั้ม เหฑีย เยีย,
เยีย ไม้ เฒ์ย อ๋อย หล่ง ชะ ฒัด เจี๊ยน เม่ย.
เอลีฮู แอ๋ง หฑั่ม โย้บ ก๊อง นิ่น ไม้ โหฒว ต่อง
8“เม่ย ก๊อง เญย หว่า เยีย ไฮ์ หมี่ อ๊ะ.
เม่ย ก๊อง หว่า เญย เฉีย เปียะ เยีย เญย มน่อม.
9เม่ย ก๊อง, ‘เยีย เซ ธีง-เหฑ่ง, ไม้ ม่าย ฒุ์ย.
เยีย ธีง-เหฑ่ง เญย, ไม้ ต่อง หาย หญู่ง.
10มป่า ทิน-ฮู่ง ล์อ สี่ ห่อย เยีย,
หย่า ฝุน เยีย เป๋น นิ่น เญย วิน-วั้ง.
11นิ่น เฒาะ เดี๋ยง กับ เจี๊ยน เยีย เญย เหฒา,
แอ๋ง ฒั้ว เจี๊ยน เยีย เญย ติ้วๆ เจ๊า.’#โย้บ 13:27
เอลีฮู ก๊อง ไม้ เฒ์ย โย้บ ไม้ ต่อง
12“โย้บ อ่า, ฮนั้ง หน่าย เม่ย ต่อง หมี่ อ๊ะ. เยีย อ๋อย เตา เม่ย.
ทิน-ฮู่ง เซ เก้า โฮล เจี๋ย ป้าม เมี่ยน.
13เม่ย เหว่ย หาย ติ่ว เหธา นิ่น แฑง ก๊อง,
‘นิ่น ไม้ เตา เยีย#33:13 กีก หว่า ก๊อง เยีย. ฮิบลู หว่า ก๊อง เม่ย. เญย หาย โจ๋ว หว่า’?
14ทิน-ฮู่ง หล่ง น้าย หญู่ง หฒะเอ๋ย ก๊อง,
หล่ง วั้ว หญู่ง หฒะเอ๋ย ก๊อง,
มป่า เมี่ยน ไม้ หล่ง เฮญี้ยว หมวัง.#33:14 ไฟ เมี่ยน เฒียะ ไม้ ตุ๊.
15ลู่ง ม์วน หฒั่น เมี่ยน เปว๋ย เจี๊ยน โหธว,
มฌ่อม โด เญย เฒี่ยง โห่,
เบ๋ยๆ, ปวัด หิ่น ย่าง เญย สี่,#โย้บ 4:13
16ทิน-ฮู่ง ปุน นิ่น บัว เญย มน่อม หมวัง ตุ๊ ไฮ์,
หย่า หล่ง ต๊น เญย หว่า แฮะ นิ่น บัว.
17เหว่ย ปุน เมี่ยน เล่ย ฆอย โหฒว เอ๊าะ เญย สี่,
หย่า ปุน นิ่น บัว ไม้ เธง-โฮล โหฒว เหมา.
18นิ่น ตั๊ง เจี๊ยน ปุน เมี่ยน ไม้ หฒุ เปียะ เยี่ยม เกน,
เหฌียว นิ่น บัว เญย แหม่ง ไม้ หฒุ ไต่.#33:18 ฮิบลู หว่า ก๊อง “ไม้ หฒุ หฑุ ด๊าว ไต๋”.
ทิน-ฮู่ง ปุน ปุ๊ด แป่ง เญย เจ๊า เหว่ย ต๊น เมี่ยน
19“เมี่ยน หย่า หฒุ เบ๊าะ หฌาว เปว๋ย เจี๊ยน โหธว เตี๊ย มุน,
นิ่น เญย บู๊ง หย่า หฒั่นๆ มุน.
20นิ่น เญย ฑุ่ย ฯฒฯ โหยว หญั่น ฮบ,
เลี่ยม คู้ เจี๋ย เญย กะน้าย หย่า โหยว หมี่ อ๊ะ.
21นิ่น ไจ่ เกา, ซิน หฒั่ง โซะ เหฑ่ง, หมั่ง ไม้ ปวัด อ๊อ,
ฒิ่น ด่าง ไม้ ปวัด เญย บู๊ง, อี้ หฒั่น บง ธ้วด ต้าย อ๊ะ.
22นิ่น เญย ลี่ง ว่วน เถา ฟัด เยี่ยม เกน,
นิ่น เญย แหม่ง เถา ฟัด เหมียด แหม่ง วั้ว เต๋ย.
เอลีฮู ก๊อง ทิน-ฮู่ง พ้าย ฟิน-เมี่ยน ต้าย เหฌียว เมี่ยน
23“สี ก๊อง ม่าย เต้า ฟิน-เมี่ยน ต้าย เถง นิ่น โหฒว บุด๋ง เมี่ยน,
เซ ธิน-หว่าน เต้า เญย เหยียด เต้า,
ปุน เมี่ยน ฮิ้ว ตุ๊ โหฒว หอบ เญย เจ๊า.
24วั้ว เต้า ฟิน-เมี่ยน ค้อ-เลี่ยน นิ่น ฯฒฯ ก๊อง,
‘โท้ เหฌียว นิ่น, ไม้ ตู๋ง ปุน นิ่น มี่ง เยี่ยม เกน,
เยีย ล์อ ตุ๊ หฒัวะ เญย จ๋า หมี่ อ๊ะ.’
25นิ่น เญย ซิน ฯฒฯ หฑวน หลุน ต้าย ฮนั้ง ฝุเจว๊ย เญย,
หย่า เฮ้น เจี์ย ต้าย ฮนั้ง เมี่ยน หลุน เมี่ยน เญย ฮนอย-เหญียะ นอ.
26นิ่น เต๋า เก๋า โจ้ว ทิน-ฮู่ง, ทิน-ฮู่ง ฯฒฯ ฒิบ นิ่น,
นิ่น เฌียน-โย่ว เญย มี่ง เยียม ทิน-ฮู่ง เญย หฑะเฮมียน.
ทิน-ฮู่ง แอ๋ง ปุน นิ่น หฑวน ต้าย โหฒว คู้ เมี่ยน ฮนั้ง โล์ วั้ว นอ.
27นิ่น เยียม เมี่ยน เญย หฑะเฮมียน ป๋าว ฑูง ก๊อง,
‘เยีย ป์าม ฒุ์ย, ปวัด โหฒว ต่อง เญย สี่ เป๋น โหฒว หอบ เญย เจ๊า.
มป่า ทิน-ฮู่ง ไม้ หฒิว เยีย โหฒว เญย วิ่น ปุน เยีย.
28นิ่น เหฌียว เยีย, ปุน เยีย ไม้ หฒุ เหฌี่ย เถา เยี่ยม เกน,
เยีย เญย แหม่ง ฯฒฯ ตุ๊ ปวัด ฌัง.’
29“ทิน-ฮู่ง โหฒว น้าย เต๋ย เหยียด ฒู้ง สี่ ปุน เมี่ยน,
อี หฑุ่น, ปัว หฑุ่น.
30นิ่น เหฌียว เมี่ยน เล่ย ดุ๊ด เยี่ยม เกน,
ปุน นิ่น ตุ๊ อะเฮน้ย เญย เฒี่ยง เจี๊ยน.#33:30 ฟาน หฒะ ฮิบลู หว่า ก๊อง “ปุน นิ่น ตุ๊ ปวัด เฒี่ยง แหม่ง เญย ฌัง.
เอลีฮู โท้ โย้บ เซ้ก หย่า หมวัง นิ่น หฌาว
31“โอ โย้บ อ่า, แปง มน่อม หมวัง เยีย ก๊อง โอ่.
โท้ ไม้ ตู๋ง โค โล, เยีย ฯฒฯ ก๊อง.
32สี ก๊อง เม่ย ม่าย หว่า ก๊อง, เตา เยีย ม่าะ!
กุ๊น ก๊อง อ๊ะ. เยีย อะเฮน้ย หมวัง เหว่ย แล์ง เม่ย เซ ไม้ ต่อง.
33สี ก๊อง เม่ย ไม้ ก๊อง, โท้ หมวัง เยีย ก๊อง.
ไม้ ตู๋ง โค โล, เยีย ฯฒฯ เฒาะ ธง-เม่ง เญย เจ๊า หฌาว เม่ย.”
Currently Selected:
โย้บ 33: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
