โย้บ 32
32
เอลีฮู ก๊อง เญย หว่า
(โย้บ 32:1—37:24)
เอลีฮู เฉีย เจี์ย ฯฒฯ ก๊อง
1น้าย เต๋ย ปัว ล่าน เมี่ยน ฯฒฯ ตี้ง เหฌี่ย, ไม้ เตา โย้บ, เหว่ย หฒุ หฒิว โย้บ หมั่ง, นิ่น กั้น โหฒว คู้ เมี่ยน. 2มป่า ม่าย เต้า ลาม ฝีง, บุซี เมี่ยน, บาลาเคน เญย ตอน, เอลีฮู, เฉีย เจี์ย. นิ่น เฉีย เจี์ย โย้บ เหว่ย หฒุ โย้บ ก๊อง นิ่น กั้น โหฒว ตุ๊ หอบ, ไม้ เฒ์ย ทิน-ฮู่ง. 3นิ่น หย่า เฉีย เจี์ย โย้บ เญย ปัว เต้า ต่อย, เหว่ย หฒุ นิ่น บัว ล์อ ไม้ ตุ๊ หว่า เตา, ไม้ กุ๊น นิ่น บัว ก๊อง โย้บ ต่อง. 4เอลีฮู ฒั้ว เจี๊ยน อ๋อย เหธา โย้บ ก๊อง เหว่ย หฒุ วั้ว เต๋ย เก้า โก๋ นิ่น. 5เอลีฮู ปวัด น้าย เต๋ย ปัว ล่าน เมี่ยน ไม้ ม่าย หว่า เตา นิ่น ฯฒฯ เฉีย เจี์ย ไห่.
เอลีฮู ก๊อง ตะเยี้ยด หฑุ่น หว่า
6บุซี เมี่ยน, บาลาเคน เญย ตอน, เอลีฮู, ฯฒฯ เตา,
“เยีย หฮญัง-เจ๊ย หลุน,
เม่ย บัว โก๋.
เหว่ย น้าย เยีย ต๊าม ไฝ,
ไม้ ก๊าม ก๊อง เยีย ฮนั้ม ธ้วด เญย หว่า ปุน เม่ย บัว หมวัง.
7เยีย ก๊อง, ‘หฮญัง-เจ๊ย โก๋ อ๋อย หฒุ ก๊อง,
ปุน เสี่ยว ญ่วน ด๊าว เญย หล่ง ธง-เม่ง หฌาว เมี่ยน.’
8เน่น เจี๋ย เญย ทิน-ฮู่ง เญย เฉีย
ปุน ป้าม เมี่ยน เญย เฮญี้ยว
ม่าย ปั้น เหฒ่ย ไฮ่ เม่ง แปะ.
9เซ ไม้ เฒ์ย หลาย หฮญัง-เจ๊ย ฮลัง, เมี่ยน หธีง ม่าย ธง-เม่ง,
ไฟ เสี่ยว ญ่วน ด๊าว หธีง ปุน นิ่น บัว เม่ง แปะ หาย หญู่ง เซ หอบ.
10เหว่ย น้าย เยีย ก๊อง. หมวัง เยีย ม่าะ!
โท้ ปุน เยีย หฒิว เยีย เญย เฮญี้ยว ฮนั้ม เญย ก๊อง.
เอลีฮู ก๊อง วั้ว เต๋ย ต่อย เตา ไม้ หฒุ
11“เยีย ฒั้ว เจี๊ยน หมวัง เม่ย บัว ก๊อง เญย หว่า.
เยีย หมวัง เม่ย บัว ฮนั้ม ธ้วด เญย หฒะเอ๋ย,
หย่า ฒั้ว เจี๊ยน เม่ย บัว ล์อ หว่า ก๊อง.
12เยีย หล่ง เฮญี้ยว หมวัง เม่ย บัว,
หย่า ไม้ ม่าย หาย เต้า เตา ตุ๊ หอบ โย้บ.
เม่ย บัว ไม้ ม่าย เหยียด ล่าน ไฮ่ เตา โย้บ แฑง เญย หว่า.
13ไฝ ฟิม, ไม้ ตู๋ง ก๊อง, ‘เยีย บัว ล์อ ตุ๊ ธง-เม่ง.
ปุน ทิน-ฮู่ง กั้น เตา นิ่น,
ไม้ เฒ์ย เมี่ยน.’
14โย้บ ไม้ เฒ์ย เฒว่ย เยี้ยด เฒว่ย เหญ่ย ต๋อย เยีย ก๊อง,
เยีย ฒู้ง ไม้ หล่ง หว่า ฮนั้ง เม่ย บัว นอ เตา.
เอลีฮู เญี์ยน ไม้ เจี๊ยน, อ๋อย หฒุ ก๊อง
15“นิ่น บัว กั้ม เหฑีย, ไม้ แอ๋ง เตา อ๊ะ,
ฒู้ง ไม้ ม่าย หว่า เตา.
16นิ่น บัว ไม้ ก๊อง หว่า, เยีย หธ่อ อ๋อย หฒุ ฒั้ว ไฟ?
เหว่ย หฒุ นิ่น บัว โซ้ว เจี๊ยน วั้ว, หย่า ไม้ ม่าย หว่า แอ๋ง เตา.
17เยีย กั้น หย่า อ๋อย เตา,
เยีย อ๋อย หฒิว เยีย ฮนั้ม เญย เจ๊า ก๊อง.
18เหว่ย หฒุ เยีย ม่าย หว่า ธั้ม, เญี์ยน ไม้ เจี๊ยน,
เยีย เญย เฮญี้ยว อ๊าบ เยีย ก๊อง.
19เยีย เญย เฮญี้ยว ฮนั้ง อะหงุ่น ติ๊ว ตั๊บ บัวะ, ไม้ ม่าย ต๋อง ปุน เฉีย ธ้วด.
หย่า ฮนั้ง เซียง-ด๊บ-บัวะ ไฮ่ หฒูง บ๋าย.
20เยีย ฮนั้ง หาย อ๋อย หฒุ ก๊อง หธีง ตุ๊ คู่ เยียม,
เยีย อ๋อย หฒุ หมอง ฆอย ฑุ่ย เตา.
21เยีย ไม้ หมั่ง หาย เต้า เญย เฮมียน,
ไม้ หละไกว้ เธง หาย เต้า.
22เหว่ย หฒุ เยีย ไม้ ฮิ้ว ตุ๊ ฮนั้ง หาย นอ หละไกว้ เธง,
สี ก๊อง เยีย หละไกว้ เธง, เหฒย เยีย วั้ว เต้า อ๋อย เซี้ยบๆ เญย เหมียด เยีย.
Currently Selected:
โย้บ 32: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
