โย้บ 29
29
โย้บ สู ฆะฮ้า ลาย วั้ว หฑุ่น หว่า
โย้บ จั๋ง หฒุ นิ่น ฒิ่น ด่าง คู่ เยียม เญย เฒี่ยง โห่
1โย้บ แอ๋ง เป๊าะ เจี๊ยน ก๊อง นิ่น เญย เจ๊า-โหล่ว. นิ่น ก๊อง,
2“โอ เฝย ตุ๊ เยีย เญย แหม่ง ไฮ่ หฑวน ต้าย ฮนั้ง ฒิ่น ด่าง เญย หฮลา-เหญียะ,
ฮนั้ง ทิน-ฮู่ง โก๋ว เจี๊ยน เยีย วั้ว เต๋ย ฮนอย.
3วั้ว หฒั่น นิ่น เญย ตัง หฒิว เจี๊ยน เยีย เญย มฆ้อง กู้ หงว่าย,
นิ่น เญย ฌัง หฒิว เยีย ยั่ง หฮมวัง เญย ต๋อง.
4วั้ว หฒั่น เยีย หลุน, เฮ้น เญย เฒี่ยง โห่,
ทิน-ฮู่ง โหฒว เยีย เญย ต่อย หย่า เปว เจี๊ยน เยีย เญย ด๊บ-ลิ่ว.
5เน่น เจี๋ย วั้ว เต้า หธ่อ เหธา เยีย เยียม,
เยีย เญย น่าม โญ์ว หย่า เว่ย ก๋อม เยีย.
6เยีย ยั่ง เญย เจ๊า ฒู้ง ม่าย ง่ง หญอ หฑาว เหฒา,
หละเปย๊ย หย่า เหว่ย เยีย เหลี่ยว ธ้วด กะลั้น โย่ว ฮนั้ง โด๊ะ นอ.
7“เยีย ธ้วด เถา ฒี่ง แก้ง เญย เฒี่ยง โห่,
เยียม ต้ม หฒวัง หฒ่าม เฒว์ย เจี๊ยน เยีย เญย เหว่ย,
8เมี่ยน หลุน เมี่ยน ปวัด เยีย ฯฒฯ ซิ้ม ฆอย,
เมี่ยน โก๋ เมี่ยน โซ้ว เจี์ย ต้าย.
9แปะ ฝีง เญย เปย๊ย เฒ้ย ไม้ โค โล,
หล่ง ปั์ว ปวัง เจี๊ยน กั้น เญย ฑุ่ย.#29:9 นิ่น บัว ฮนั้ง น้าย ปวัง เจี๊ยน ฑุ่ย เหว่ย ปุน โหฒว โฮล เญย เมี่ยน เฒียะ ตุ๊ นิ่น บัว เซ้ก เหฑียะ, เหว่ย หฒุ นิ่น บัว ท่าย นิ่น, อ๋อย หมวัง นิ่น ก๊อง เญย หว่า.
10ม่าย เม่ง เต้า เญย เมี่ยน หย่า เซ้ก เหฑียะ เญย,
นิ่น บัว หฆับ เจี๊ยน ฑุ่ย, ไม้ โค โล.#29:10 ฟาน หฒะ ฮิบลู หว่า ก๊อง “นิ่น บัว เญย เบียด แน้ด เจี๊ยน ฑุ่ย ตู์ง.” เอ๋ย เล์ย เซ นิ่น บัว ไม้ ก๊อง หว่า.
โย้บ จั๋ง หฒุ นิ่น แป้ง ฟิม เญย โหฒว ปุน หฒุ เหฒย เญย เมี่ยน
11“ตะฟ่าน มน่อม ไฮ์ เญย เมี่ยน, นิ่น บัว ก๊อง เยีย ม่าย ออน-เหลาะ,
มฒีง ปวัด วั้ว เต๋ย หย่า ท่าย เยีย,
12เหว่ย หฒุ เยีย เถง เห่ว เจี๊ยน โท้ เญย เมี่ยน จ่ม เมี่ยน
เหธา ไม้ ม่าย เมี่ยน เถง เญย กู้ ฮั่น ฝุเจว๊ย.
13อ๊า ลั่ม หฒุ เหมียด เญย เมี่ยน ปวัง หว่า ปุน เยีย,
เยีย หย่า ปุน เอ๊า-กว๊า เญย เฮญี้ยว ตุ๊ เฌียน-โย่ว เญย ป๋าว ฑูง.
14เยีย หล่ง โหฒว หอบ เญย เจ๊า ต๋อง ลุย ฒุ,
เยีย โหฒว แป้ง ฟิม เญย สี่ ต๋อง ต้ม ลุย-ด๊าว เหธา มฆ้อง-เปว.
15เยีย โหฒว มฒีง แม่ง เมี่ยน เญย มฒีง,
หย่า โหฒว เหฒา ไบ เมี่ยน เญย เหฒา.
16เยีย ต๋อง เมี่ยน จ่ม เมี่ยน เญย เตีย,
หย่า เถง ต้ง เยีย ไม้ ฮิ้ว เญย เมี่ยน เบ่น นิ่น บัว เญย สี่.
17เยีย เบ๊าะ เน้า เมี่ยน หว่าย เมี่ยน เญย ญ่า เงา,
หย่า อ๊าบ นิ่น ปู๋ง กวั่ง ญ่า หงาด เจี๊ยน เญย กะน้าย.
โย้บ จั๋ง หฒุ ฒิ่น ด่าง เมี่ยน ด่ง หาย ท่าย นิ่น
18“วั้ว หฒั่น เยีย ฮนั้ม, ‘เยีย ตุ๊ เยียม เยีย กั้น เญย เปย๊า#29:18 ฟาน หฒะ ก๊อง เล์า. ไต่,
แอ๋ง จา เยีย เญย ฮนอย-เหญียะ ด่ง ซา-เฒียว ธั้ม.
19เยีย ฮนั้ง ติ้ว เดี๋ยง ม่าย ฑู่ง ด๊าว เจี๊ยน มี่ง เถา ววม,
หย่า ม่าย บยู่ง-ซุ้ย เฒี่ยง ม์วน เยียม เยีย เญย ฆว่า.
20เมี่ยน หฒั่นๆ ท่าย เยีย,
เยีย เญย ชะ หย่า หฒั่นๆ เฮ้น, ไม้ ถุย.’#29:20 ฟาน หฒะ น้าย เหยี่ยม ก๊อง “เยีย เญย ฌัง-หล่าง หฒั่นๆ เญี์ยม, เยียม เยีย เญย ปั์ว เญย จวัง-หฒิน หฒั่นๆ เซียง”.
21“เมี่ยน หมวัง เยีย หย่า ฒั้ว เจี๊ยน,
เซ้ก เหฑียะ เญย หมวัง เยีย ธ่าง ล่าง เญย หว่า.
22เยีย ก๊อง ลิ์ว นิ่น บัว ไม้ โค โล,
เยีย เญย หว่า ฮนั้ง บยู่ง-ซุ้ย#29:22 ฮิบลู หว่า ไม้ ม่าย บยู่ง-ซุ้ย วั้ว โจ๋ว หว่า มป่า เหฒีย ป๊วน โซว ฟาน ต้าย อัน. นอ, เดี๊ยบ นิ่น บัว.
23นิ่น บัว ฒั้ว เยีย ฮนั้ง ฒั้ว บยู่ง,
หย่า หมอง ฆอย ฑุ่ย ฮนั้ง ฒั้ว ธุน-เกน บยู่ง.
24นิ่น บัว เฮญี้ยว เมา เญย เฒี่ยง โห่, เยีย โหฒว เฮมียน ฌัง เญย จั๊ด.
นิ่น บัว ปวัด เยีย เญย เฮมียน ฌัง, จั๊ด, ฯฒฯ เถง นิ่น บัว ไม้ เฑ่า.#29:24 น้าย เลี์ยว เญย ฮิบลู หว่า เซ อะ ตุ๊ เฒาะ นิ่น เญย เอ๋ย เล์ย.
25เยีย โหฒว#29:25 ฮิบลู หว่า ก๊อง เฒว์ย. นิ่น บัว เญย เปย๊ย เฒ้ย, หย่า กิ๊น เจ๊า ปุน นิ่น บัว ยั่ง.
เยีย ฮนั้ง ฮู่ง เตี๋ย เยียม นิ่น เญย จุน-แปง กวั้น บุด๋ง,
หย่า ฮนั้ง เต้า ออน เฮญี้ยว เญย เมี่ยน ออน เฑ่า เญี้ยม เญย เมี่ยน เญย เฮญี้ยว.
Currently Selected:
โย้บ 29: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
