โย้บ 24
24
โย้บ ก๊อง เอ๊าะ เมี่ยน ห่อย เมี่ยน จ่ม เมี่ยน, ทิน-ฮู่ง หย่า ไม้ เถง
1“เน่น เจี๋ย วั้ว เต้า เหว่ย หาย ติ่ว ไม้ ตี่ง เซี้ยม ฒุ์ย เญย ฮนอย?
ฮิ้ว ตุ๊ นิ่น วั้ว เต๋ย เหว่ย หาย ติ่ว ไม้ ตุ๊ ปวัด นิ่น ตี่ง ต้าย เญย ฮนอย?
2เมี่ยน ซุ้ย เด่ย-เหฆน เญย ต่ง,
นิ่น บัว ธ้าง ปะกี ยู่ง เหธา ยู่ง ต้อ มี่ง ยู์ง.
3นิ่น บัว เฒาะ#24:3 ฮิบลู หว่า ก๊อง หฒุ่น มี่ง. กู้ ฮั่น ฝุเจว๊ย เญย ล่อ,
หย่า เฒาะ เอ๊า-กว๊า เญย ง่ง โหฒว ต๋อง-ต้าว.
4นิ่น บัว ฟ้ง กู้ ฮั่น ฝุเจว๊ย ธ้วด เจ๊า-เฮลน,
ลู่ง เดี๊ย เญย โม์ว ล่าน เมี่ยน จ่ม เมี่ยน ปี๋ง เหฑ่ง.
5ฮนั้ง เยียม เต่ย-ปูง-ฮวาง เญย เฮยี่ย ล่อ,
เมี่ยน จ่ม เมี่ยน ธ้วด มี่ง เจี๋ย น้าย เจี๋ย วั้ว ล์อ หญั่น.
นิ่น บัว เขา เต่ย-ปูง-ฮวาง หวุย นิ่น บัว เญย ฝุเจว๊ย.
6นิ่น บัว มี่ง เมี่ยน เญย เด่ย เฑ์า เบย้า ต่อง,
หย่า มี่ง เอ๊าะ เมี่ยน เญย อะหงุ่น หฮวีง เฑ์า แก๊ะ ลิ์ว เหฒ่ง เหฌี่ย เญย เปี๊ยว.
7นิ่น บัว แล่ง แก๊ง เญย เปว๋ย เจี๋ย ม์วน, ไม้ ม่าย ลุย-โหว ฒุ.
จวั๊ง เญย เฒี่ยง โห่ ไม้ ม่าย หาย หญู่ง ห่ม.
8นิ่น บัว เยียม บง หฒุ บยู่ง เลี่ยม ดอน,
ฯฒฯ ชัม หละเปย๊ย เหว่ย หฒุ ไม้ ม่าย ต๋อง ปี๋ง.
9เอ๊าะ เมี่ยน ธ้าง ไม้ ม่าย เตีย เญย กู้ ฮั่น ฝุเจว๊ย เยียม มา เญย หละค้วด มี่ง,
เฒาะ เมี่ยน จ่ม เมี่ยน เญย กู้งว์า โหฒว ต๋อง-ต้าว.
10เมี่ยน จ่ม เมี่ยน เจี๋ย น้าย เจี๋ย วั้ว แล่ง แก๊ง เญย เยียม, ไม้ ม่าย ลุย-โหว ฒุ,
นิ่น บัว เฮญี้ยว เซีย เจี๊ยน เถง เมี่ยน ดาม เบย้า เฒ้ย.
11นิ่น บัว เยียม เอ๊าะ เมี่ยน เญย เหยียด เลี์ยว เหยียด เลี์ยว กะลั้น เดี๋ยง บุด๋ง#24:11 น้าย โจ๋ว ฮิบลู หว่า เซ ไม้ หนั่ง เม่ง. หฒา กะลั้น โย่ว,
หย่า เยียม เญว่ย อะหงุ่น เปี๊ยว เญย ฒ่อง เญว่ย เปี๊ยว,#24:11 เป๊ย หมั่ง เนหะมี 13:15.
มป่า นิ่น บัว จาง ฆ้าด เจี๊ยน เยียม.
12เยียม ฒี่ง กะญั์ว ม่าย อ๊า ลั่ม ไต่ เญย เมี่ยน ฌุ่น เญย เฉีย ธ้วด,
หฒุ มุน เญย เมี่ยน เห่ว เจี๊ยน โท้ เถง,
มป่า ทิน-ฮู่ง ไม้ หมวัง นิ่น บัว เต๋า เก๋า โท้ เญย หว่า.
โย้บ ก๊อง เอ๊าะ เมี่ยน เยียม หฮมวัง ฒง โหฒว เญย ฒุ์ย
13“แอ๋ง ม่าย เมี่ยน เฆ่ม ฌัง,
นิ่น บัว ไม้ หฒัวะ ฌัง เญย เจ๊า,
หย่า ไม้ กัน ฌัง เญย เจ๊า ยั่ง.
14ลู่ง ไม้ แก้ง ฌัง, ไต๋ เมี่ยน เญย เมี่ยน เจี์ย ซิน,
เหว่ย มี่ง ไต๋ เมี่ยน จ่ม เมี่ยน เหธา ตั๋ง-ต๋น เญย เมี่ยน.
ลู่ง ม์วน หฒั่น นิ่น โหฒว หฒะ หนิ่ม กะน้าย.
15เหฮยียน เอ๊า เญย เมี่ยน ฒั้ว เจี๊ยน เหฑียม-ย่าง เญย เฒี่ยง โห่ เถา.
นิ่น ก๊อง, ‘ไม้ ม่าย หาย เต้า เญย มฒีง ตุ๊ ปวัด เยีย.’
นิ่น หย่า ปวัง เจี๊ยน นิ่น เญย เฮมียน.
16ลู่ง ม์วน หฒั่น จั๋น-หฒะ เบ๊าะ ทง ค้วด เปียะ เปย๊า,
ลู่ง ฮนอย หฒั่น นิ่น บัว ปี๋ง,
นิ่น บัว ไม้ ฮิ้ว ตุ๊ ฌัง.
17มับ แม่ง มับ หฮมวัง เญย เฒี่ยง โห่ เหว่ย นิ่น บัว เหยียด ฒู้ง เซ ฮนั้ง ลู่ง ดอม เญย ฌัง,
เหว่ย หฒุ นิ่น บัว เกว๋น ลู่ง ม์วน หฒั่น กั้ม เหฑีย เญย สี่.
ทิน-ฮู่ง อ๋อย เซี้ยม เอ๊าะ เมี่ยน เญย ฒุ์ย
18“เอ๊าะ เมี่ยน ฮนั้ง ววม-บย์าว
เซี้ยบๆ เบี้ยว เจี๊ยน กัน ววม-หมิ่น มี่ง.
นิ่น บัว เยียม เต่ย-ปูง ตุ๊ เญย ป่วน หฒุ เหฒียว.
นิ่น บัว ไม้ ตุ๊ มี่ง#24:18 ไฟ. ฮวิน มี่ง หมั่ง. นิ่น บัว เญย อะหงุ่น หฮวีง.
19ลู่ง ฮ์าน, หญุด โตะ ปุน ซอง หยุ มี่ง เหฑ่ง.
เยี่ยม เกน ฟี่ ฮนั้ง เญย
ปุน ป์าม ฒุ์ย วั้ว เต๋ย หฒุด เหฑ่ง หมี่ อ๊ะ.
20นิ่น บัว เญย มา#24:20 ฮิบลู หว่า ก๊อง กู้งว์า-บัวะ. ฒู้ง หละคุ นิ่น บัว,
แกง-เมา หญั่น เหฑ่ง นิ่น บัว เญย เซย ไฮ์ กาม เญย.
ไม้ ม่าย หาย เต้า จั๋ง ตุ๊ นิ่น เญย บั๋ว.
เอ๊าะ เมี่ยน ฮนั้ง เดี๋ยง นอ, เน้า ดุ๊ด.
21นิ่น บัว เผียน ไม้ ยู์ง เจี๋ย กู้งว์า เญย มเซียะ ตอน,
หย่า ไม้ โหฒว หลง ปุน เอ๊า-กว๊า.
22มป่า ทิน-ฮู่ง หล่ง นิ่น เญย ชะ เหมียด เหฑ่ง#24:22 ม่าย เต๋ย โซว ฟาน ต้าย ก๊อง เปว เจี๊ยน. เฮ้น ไห่ เญย เมี่ยน.
ทิน-ฮู่ง เยี้ยด ต์ง ซิน นิ่น บัว ฯฒฯ ไต่ เหฑ่ง.
23ทิน-ฮู่ง เหธย แป้ง ออน ปุน นิ่น บัว, ปุน นิ่น บัว ม่าย ต๋อง เขา,
มป่า นิ่น เญย มฒีง หฒั่นๆ หมั่ง เจี๊ยน นิ่น บัว โหฒว เญย เจ๊า.
24นิ่น บัว ตุ๊ เมี่ยน ท่าย เซ เหว่ย หธาม ป๊า ฮนั้ง, เฒียง หน่าย ไม้ ปวัด หมี่ อ๊ะ.
นิ่น บัว ฮนั้ง เมี้ย นอ, เหญา ฆาย,
หย่า ฮนั้ง หฒุ ก๊าด เญย เบย้า ต๊อ นอ.
25“สี ก๊อง ไม้ เฒ์ย ฮนั้ง หน่าย,
หาย เต้า ไฮ่ ปุน ธีง เยีย ก๊อง-แปะ?
หาย เต้า ไฮ่ ปุน ธีง เยีย ก๊อง เญย หว่า เซ ไม้ เฒียน?”
Currently Selected:
โย้บ 24: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
