โย้บ 23
23
โย้บ แอ๋ง ก๊อง
โย้บ ก๊อง นิ่น อ๋อย ปวั้ง ทิน-ฮู่ง
1โย้บ ฯฒฯ เตา,
2“อี้ ฮนอย เยีย หธ่อ แหง่ง เจี๊ยน งบ ทิน-ฮู่ง,
ไม้ กุ๊น เยีย ฌุ่น เจี๊ยน เยียม,
นิ่น เญย ปั์ว ฒัด เจี๊ยน เยีย.
3เฝย ตุ๊ เยีย ไฮ่ ฮิ้ว มี่ง หาย เดา ล์อ นิ่น,
เฝย ตุ๊ เยีย ไฮ่ มี่ง เถา นิ่น เยียม เญย ต๋อง.#23:3 ไฟ เหว่ย.
4เยีย ฯฒฯ เยียม นิ่น เญย หฑะเฮมียน สู เยีย เญย สี่.
เยีย อ๋อย ก๊อง เหฑ่ง เยีย เญย ติ้วๆ เจ๊า.
5เยีย อ๋อย ฮิ้ว ตุ๊ นิ่น ฮนั้ง หาย นอ เตา เยีย,
หย่า อ๋อย เม่ง แปะ นิ่น เหธา เยีย ก๊อง เญย หว่า.
6ทิน-ฮู่ง อ๋อย หล่ง นิ่น เญย ต้ม ชะ เหธา เยีย แฑง ไฟ?
ไม้ เฒ์ย! นิ่น ฒู้ง อ๋อย หมวัง เยีย ก๊อง เญย หว่า.
7เยียม นิ่น วั้ว, เฮญี้ยว หฒีง เญย เมี่ยน ไฮ่ เหธา นิ่น แฑง เล์ย,
เซี้ยม ฒุ์ย เจียน ฯฒฯ ตี่ง เยีย เหยียด ลิ์ว ไม้ ต่อง.#23:7 ไฟ “เยีย ฯฒฯ เหยียด ลิ์ว ตุ๊ เปย๋า ดุ๊ด เยีย เญย เซี้ยม ฒุ์ย เจียน”.
โย้บ มี่ง ฟาม-ปูง เฝย โหล่ว ล์อ ทิน-ฮู่ง
8“เยีย มี่ง ตง ปูง#23:8-9 หฒิว ฮิบลู หว่า ก๊อง ตง น่าม ไฟ ป๊ะ, นิ่น บัว ก๊อง วั้ว ด่าง เซ ตง ปูง, ถุย หฑวน ฆะฮ้า เซ ไฟ ปูง, เยียม บย่าว เซ น่าม ปูง, เยียม หฒาย เซ ป๊ะ ปูง. ล์อ ทิน-ฮู่ง มป่า นิ่น ไม้ เยียม หน่าย.
มี่ง ไฟ ปูง, มป่า ไม้ ปวัด นิ่น.
9นิ่น เยียม ป๊ะ ปูง โหฒว กง เญย เฒี่ยง โห่ เยีย หมั่ง ไม้ ปวัด นิ่น.
เยีย#23:9 ฮิบลู หว่า ก๊อง นิ่น. ฮวิน มี่ง น่าม ปูง มป่า ไม้ ตุ๊ ปวัด นิ่น.
10มป่า นิ่น ฮิ้ว ตุ๊ เยีย ยั่ง เญย เจ๊า.
นิ่น เสย ลิ์ว เยีย, เยีย ฯฒฯ ฮนั้ง เจียม นอ.
11เยีย เญย เหฒา ยั่ง นิด เจี๊ยน นิ่น เญย เหฒา-เบี่ย มี่ง.
เยีย กัน เจี๊ยน นิ่น เญย เจ๊า, หย่า ไม้ มี่ง เพียน.
12เยีย ไม้ ซิ้ม นิ่น เญย ฑุ่ย หัด เญย หว่า.
เยีย ฝุน เยียม นิ่น เญย ฑุ่ย ธ้วด เญย หว่า เก้า จ๋าย เจี๋ย เยีย เฉียม หล่ง เญย หญั่น ฮบ.
โย้บ เสียน ทิน-ฮู่ง ม่าย หฒะเอ๋ย เหว่ย นิ่น
13“ทิน-ฮู่ง เหยียด ลิ์ว ไม้ ก๊อย เหยี่ยน.
ม่าย หาย เต้า ไฮ่ ทิ้ว นิ่น เญย หฒะเอ๋ย?
นิ่น อ๋อย โหฒว เญย นิ่น ฯฒฯ โหฒว.
14นิ่น เหว่ย เยีย ตี่ง เญย หฒะเอ๋ย อ๋อย โหฒว เหฒียง,
นิ่น หธ่อ ม่าย น้าย หญู่ง หฒะเอ๋ย ธั้ม เญย.
15เหว่ย น้าย เยีย เยียม นิ่น เญย หฑะเฮมียน กั้ม เหฑีย ซิน-หฒิน.
เยีย ฮนั้ม เถา นิ่น เยีย ฯฒฯ กั้ม เหฑีย ไห่.
16ทิน-ฮู่ง ปุน เยีย เฮญี้ยว เมา.
เน่น เจี๋ย วั้ว เต้า ปุน เยีย กั้ม เหฑีย ไห่ อ๊ะ,
17เหว่ย หฒุ หฮมวัง เว่ย ก๋อม เยีย,
มับ แม่ง มับ หฮมวัง เญย ปวัง เจี๊ยน เยีย เญย เฮมียน.#23:17 น้าย เหยี่ยม เญย ฮิบลู หว่า เซ ไม้ เม่ง.
Currently Selected:
โย้บ 23: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
