โย้บ 10
10
โย้บ ก๊อง ทิน-ฮู่ง โหฒว ไม้ แป้ง ฟิม
1“เยีย โหยว ไห่ เยีย เญย แหม่ง,
เยีย ฯฒฯ เซว่ย เจี๊ยน ก๊อง เยีย เญย หน่าน ฒี่ง.
เยีย เฮญี้ยว กะญั์ว โค้ว ฯฒฯ อ๋อย ก๊อง อ๊ะ.
2เยีย อ๋อย ก๊อง บั๋ว ทิน-ฮู่ง, ไม้ ตู๋ง ตี่ง เยีย ม่าย ฒุ์ย.
โท้ ปุน เยีย ฮิ้ว เม่ย เหว่ย หาย ติ่ว เหธา เยีย แฑง.
3เม่ย เหฒย เมี่ยน แอ๋ง หมั่ง เผีย
เม่ย เญย ปั์ว เหฒย ต้าย เญย กะน้าย,
หย่า เธง เอ๊าะ เมี่ยน เญย หฒะเอ๋ย,
น้าย เต๋ย สี่ เม่ย ไฮ์ หอบ เญย ไฟ?
4เม่ย เญย มฒีง ฮนั้ง ป้าม เมี่ยน เญย มฒีง ไฟ?
เม่ย ปวัด ฮนั้ง ป้าม เมี่ยน ปวัด ไฟ?
5เม่ย เญย ฮนอย#10:5 ไฟ เม่ย เญย เสี่ยว ญ่วน. ฮนั้ง ป้าม เมี่ยน เญย ฮนอย ไฟ?
เม่ย เญย หฮญัง หย่า ฮนั้ง เมี่ยน เญย หฮญัง ไฟ?
6ฮนั้ง หน่าย เม่ย หธีง ต้าย ล์อ เยีย โหฒว ต่อง เญย สี่,
แอ๋ง ฒิ่ม ล์อ เยีย เญย ฒุ์ย,
7ไม้ กุ๊น เม่ย ฮิ้ว ตุ๊ เยีย ไม้ ม่าย ต่อง เญย ต๋อง,
หย่า ไม้ ม่าย หาย เต้า เหฌียว เยีย เปย๋า ดุ๊ด เม่ย เญย ปั์ว-เดี๊ย.
โย้บ ก๊อง ทิน-ฮู่ง หมั่ง นิ่น, อ๋อย เหมียด นิ่น
8“เม่ย เญย ปั์ว นั้น เยีย, เหฒย เยีย ธ้วด ต้าย,
อี้ หฒั่น เม่ย ต๋าว ฆาง ต้าย อ๋อย เหมียด เยีย.
9โท้ จั๋ง เจี๊ยน เม่ย หล่ง ปะไน่ เนีย เหฒย เยีย,
เม่ย หธ่อ อ๋อย ปุน เยีย หฑวน เป๋น เนีย-บูง ไฟ?
10เม่ย โต๋ เยีย ธ้วด ต้าย ฮนั้ง หญอ,
แอ๋ง ปุน เยีย กิ๊ด ต้าย ฮนั้ง หญอ-เฮมย-แหง่ง ไม้ เฒ์ย?
11เม่ย หล่ง ด๊บ เหธา อ๊อ เป๋น ลุย ปุน เยีย ฒุ,
หย่า หล่ง บู๊ง เหธา จาน ต๋าว เจี๊ยน.
12เม่ย ปุน เยีย ม่าย แหม่ง เฒี่ยง
หย่า เหฒียบ ฒัวะ เญย ฮนั้ม เยีย.
เม่ย หย่า หลงๆ เญย เปว เจี๊ยน เยีย เญย แหม่ง.
13“มป่า น้าย เต๋ย สี่ เม่ย ปี๋ง เจี๊ยน เยียม เฮญี้ยว,
เยีย หย่า ฮิ้ว ตุ๊ น้าย เซ เม่ย เญย หฒะเอ๋ย อ๊ะ.
14สี ก๊อง เยีย ป์าม ฒุ์ย เม่ย หมั่ง เจี๊ยน เยีย.
เม่ย ฒู้ง อ๋อย ตี่ง เยีย เญย ฒุ์ย, ไม้ ปู๋ง กวั่ง.
15สี ก๊อง เยีย โหฒว เอ๊าะ, เยีย หฒุ โค้ว อ๊ะ.
สี ก๊อง เยีย โหฒว หอบ, เยีย เธา ไม้ เจี์ย มฆ้อง.
เยีย หฒะเก้ง! ไญ้ เหฑ่ง,
หย่า หมั่ง เจี๊ยน เยีย กั้น เญย โค้ว หน่าน.
16สี ก๊อง เยีย โป้ว เยีย กั้น ฝาว,
เม่ย หฒุ่น เยีย ฮนั้ง เซี่ยน หฒุ่น นอ.
เม่ย แอ๋ง โหฒว บัวะ ฮ่อง เญย สี่ ห่อย เยีย.
17เม่ย แอ๋ง จา เหลียบ ฒอง-เหฒง เมี่ยน ต้าย โก๋ เยีย,
หย่า จา เฉีย เจี์ย เยีย.
เม่ย ต้อ เซียง-จุน-แปง ทิ้ว เจี๊ยน เบ๊าะ เยีย.
โย้บ โท้ ทิน-ฮู่ง ปู๋ง ฆอย นิ่น เหว่ย หฒุ นิ่น อ๊า ลั่ม ไต่
18“ทิน-ฮู่ง อ้า! เม่ย เหว่ย หาย ติ่ว ต้อ เยีย ธ้วด มา เญย กะเซีย?
เฝย ตุ๊ เยีย ไต่ ด่าง เมี่ยน เญย มฒีง ปวัด เยีย,
19ฯฒฯ ฮนั้ง ไม้ ม่าย เจี๋ย เยีย,
เซ เยียม มา เญย กะเซีย มี่ง เถา โฒ้ว หมี่ อ๊ะ.
20เยีย เฒี่ยง เสย เญย ฮนอย-เหญียะ โหฒะ ไห่ ไม้ เฒ์ย?
โท้ ปู๋ง เยีย กั้น เยียม, ปุน เยีย ตุ๊ เต๋ย เฌียน-โย่ว
21ด่าง เยีย มี่ง ไม้ หฑวน เญย ต๋อง,
เซ มี่ง เยี่ยม เกน, มับ หฮมวัง เญย เต่ย-ปูง.
22น้าย นอม เต่ย-ปูง เซ หฮมวัง ไห่, หลุ่น เหฑ่ง,
เยียม วั้ว เญย ฌัง หย่า หฮมวัง หมี่ อ๊ะ.”
Currently Selected:
โย้บ 10: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
