โยฮัน 7
7
เยซู เญย โย์ว บัว ไม้ เสียน นิ่น
1ฆะฮ้า เยซู โย่ว เจี๊ยน กาลิลี แซ้ง มี่ง. นิ่น ตี่ง เฮญี้ยว ไม้ มี่ง ยูเดีย แซ้ง เหว่ย หฒุ นิ่น ฮิ้ว ตุ๊ เยียม วั้ว โหฒว โฮล เญย ยิวไท เมี่ยน อ๋อย ล์อ ฉัง ไต๋ นิ่น. 2วั้ว หฒั่น อ๊า ลั่ม เถา บย๊อ ลิ่ว เญย ฒิบ อ๊ะ.#เลวี 23:34; หฑั่ม เล์ย-หลัด 16:13 3เยซู เญย โย์ว บัว ฯฒฯ ก๊อง บั๋ว นิ่น, “ก๋อ อ้า! เม่ย ธ้วด น้าย นอม ต๋อง มี่ง ยูเดีย แซ้ง ม่าะ! อ๋อย หฒุ ปุน เม่ย เญย ไซ-ก๋อ บัว ปวัด เม่ย โหฒว บัวะ ฮ่อง เญย สี่. 4หาย เต้า อ๋อย ตุ๊ เม่ง เต้า, นิ่น ไม้ ปี๋ง นิ่น โหฒว เญย สี่. เม่ย โหฒว เจี๊ยน น้าย เต๋ย สี่, อ๋อย หฒุ มี่ง ปุน ลู่ง เดี๊ย เมี่ยน หมั่ง เม่ย ม่าะ!” 5เลี่ยม เยซู กั้น เญย โย์ว บัว หย่า ไม้ เสียน นิ่น.
6เยซู บั๋ว นิ่น บัว, “เยีย เญย เฒี่ยง โห่ ไม้ แก้ง เถา, มป่า เม่ย บัว หาย นอม เฒี่ยง โห่ หย่า มี่ง ตุ๊ เญย. 7ป้าม เมี่ยน ไม้ ม่าย ต๋อง ฑอง เม่ย บัว มป่า นิ่น บัว ฑอง เยีย, เหว่ย หฒุ เยีย โหฒว ฒอง-เหฒง ก๊อง นิ่น บัว โหฒว เญย หว่าย สี่. 8เม่ย บัว กุ๊น มี่ง เจี๋ย ฒิบ อ๊ะ. เยีย ไม้ แก้ง มี่ง เหว่ย หฒุ เยีย หอบ หฒุ มี่ง เญย เฒี่ยง โห่ ไม้ แก้ง เถา.” 9เยซู เหธา นิ่น บัว ฮนั้ง น้าย นอ ก๊อง ลิ์ว, นิ่น หธ่อ เยียม กาลิลี แซ้ง.
เยซู มี่ง เจี๋ย บย๊อ ลิ่ว เญย ฒิบ
10เยซู เญย โย์ว บัว มี่ง เจี๋ย ฒิบ หมี่ อ๊ะ. เยซู ฆะฮ้า มี่ง มป่า นิ่น ไม้ ตอง หฒวัง มี่ง, ขูง ปี๋ง เจี๊ยน มี่ง ฮนั้ง. 11เยียม วั้ว ฒิบ เญย ยิ่น กะญั์ว, โหฒว โฮล เญย ยิวไท เมี่ยน ล์อ เยซู หย่า หน่าย เมี่ยน, “วั้ว ล่าน เมี่ยน เยียม หาย?”
12เยียม วั้ว เจี๋ย ฒิบ เญย หฒวัง เมี่ยน ซี่ สูง ซับ เญย ก๊อง เยซู. ม่าย เต๋ย ก๊อง, “นิ่น เก้ง โหฒว คู้ เมี่ยน.” ม่าย เต๋ย ก๊อง, “ไม้ เฒ์ย! นิ่น ขูง ดั๊ว เมี่ยน ฮนั้ง.” 13มป่า หาย เต้า หย่า ไม้ ก๊าม ตอง หฒวัง ก๊อง เถา เยซู, เหว่ย หฒุ นิ่น บัว กั้ม เหฑีย ไห่ โหฒว โฮล เญย ยิวไท เมี่ยน.
14เจี๋ย ฒิบ เถา ด๊าม-ตี้ง, เยซู มี่ง หฒั่ง ทิน-ฮู่ง เญย เปย๊า หฌาว เมี่ยน.
15โหฒว โฮล เญย ยิวไท เมี่ยน บัวะ ฮ่อง ไห่ หย่า ก๊อง, “น้าย ล่าน เมี่ยน ไม้ ตุ๊ โตะ โซว ฮลัง. นิ่น ฝู่ง ไฮ่ ด่ง หน่าย ฮิ้ว?”
16เยซู ฯฒฯ เตา นิ่น บัว, “เยีย หฌาว เญย หว่า เซ ไม้ เฒ์ย เยีย กั้น ฮนั้ม ธ้วด ต้าย หฌาว. เซ ต้ง พ้าย เยีย ต้าย วั้ว เต้า เญย หว่า. 17หาย เต้า ตี่ง เฮญี้ยว เอย ทิน-ฮู่ง เญย เอ๋ย โหฒว, วั้ว เต้า ฯฒฯ ฮิ้ว ตุ๊ เยีย หฌาว เญย หว่า เยียม ทิน-ฮู่ง ต้าย ไฟ เยีย กั้น ฮนั้ม ธ้วด ต้าย หฌาว. 18หาย เต้า เอย นิ่น กั้น เญย หฒะเอ๋ย ฮนั้ม ธ้วด ต้าย หฌาว, วั้ว เต้า ขูง อ๋อย เมี่ยน ท่าย นิ่น ฮนั้ง. มป่า หาย เต้า อ๋อย เมี่ยน ท่าย พ้าย นิ่น ต้าย วั้ว เต้า, นิ่น ขูง ก๊อง เฒียน หว่า ฮนั้ง. ไม้ ไฮ่ ก๊อง-แปะ. 19โมเซ ปุน เล์ย-หลัด เม่ย บัว ไม้ เฒ์ย? มป่า เม่ย บัว หย่า ไม้ ม่าย เหยียด เต้า กัน เล์ย-หลัด. เม่ย บัว เหว่ย หาย ติ่ว ล์อ ฉัง ไต๋ เยีย?”
20หฒวัง เมี่ยน ก๊อง, “เมี้ยน มัวะ เม่ย ไม้ ฑัง บอ ล่อ! ม่าย หาย เต้า อ๋อย ไต๋ เม่ย แล่?” 21เยซู ก๊อง, “เยีย โหฒว หฑุ่น สี่ เม่ย บัว หย่า บัวะ ฮ่อง ไห่. 22โมเซ เห่ว เม่ย บัว เถง เมี่ยน เจี๋ย ก๊าด เญย เล์ย. (มป่า น้าย หญู่ง เล์ย ไม้ เฒ์ย เยียม โมเซ ต้าย, เซ เยียม เม่ย บัว เญย อง-ถาย-แงะ ต้าย.) ตี้ง กง ฮนอย เม่ย บัว หย่า เถง เมี่ยน เจี๋ย ก๊าด เญย เล์ย.#ทิน เต่ย โต้ว 17:10; เลวี 12:3 23สี ก๊อง เม่ย บัว ต๋อย ตี้ง กง ฮนอย เถง เมี่ยน เจี๋ย ก๊าด เญย เล์ย เหว่ย ไม้ อ๋อย ต่อง โมเซ เญย เล์ย, วั้ว หญู่ง เยีย หล่ง ตี้ง กง ฮนอย หฒ่อ เต้า เมี่ยน หลง เหฑ่ง, เม่ย บัว เหว่ย หาย ติ่ว เฉีย เจี์ย เยีย?#โยฮัน 5:9 24ไม้ ตู๋ง หมั่ง เป้ย หฒั่ง เซี้ยม, อ๋อย หฒุ แป้ง ฟิม เญย เซี้ยม.”
เยซู หฒะเก้ง โหฒว กีตู่ ไฟ?
25เหว่ย น้าย ม่าย เต๋ย เยลูซาเลม ฒี่ง เญย เมี่ยน ก๊อง, “นิ่น บัว อ๋อย ไต๋ วั้ว เต้า เมี่ยน ต้ง น้าย เต้า ซ่าะ? 26หมั่ง ก๋า, นิ่น ตอง หฒวัง เมี่ยน ก๊อง หว่า มป่า นิ่น บัว ไม้ ก๊อง เหยียด หญู่ง ปุน นิ่น. โหฒว โฮล เญย เมี่ยน หฒะเก้ง ฮิ้ว ตี่ง นิ่น โหฒว กีตู่ มเปย? 27มป่า น้าย ล่าน เมี่ยน เยียม หาย ต้าย บัว ฮิ้ว เญย. กีตู่ เยียม หาย ต้าย ไม้ ม่าย หาย เต้า ฮิ้ว. ”
28เยซู เยียม หฒั่ง ทิน-ฮู่ง เญย เปย๊า หฌาว เมี่ยน วั้ว หฒั่น นิ่น หล่ง เฉีย โฮล เญย ก๊อง, “เม่ย บัว หฒะเก้ง ฮิ้ว ตุ๊ เยีย หย่า ฮิ้ว เยีย เยียม หาย ต้าย. เยีย ไม้ เฒ์ย เซว่ย เยีย กั้น เญย เอ๋ย ต้าย. มป่า พ้าย เยีย ต้าย วั้ว เต้า เซ เฒียน เญย. เม่ย บัว หย่า ไม้ ฮิ้ว ตุ๊ นิ่น. 29มป่า เยีย ฮิ้ว ตุ๊ นิ่น เญย, เหว่ย หฒุ เยีย เยียม นิ่น วั้ว ต้าย, นิ่น หย่า พ้าย เยีย ต้าย.”
30นิ่น บัว ฯฒฯ อ๋อย เฒาะ นิ่น ไห่ อ๊ะ, มป่า ไม้ ม่าย หาย เต้า เหฌี่ย ปั์ว เฒาะ เหว่ย หฒุ นิ่น เญย เฒี่ยง โห่ ไม้ แก้ง เถา. 31เยียม วั้ว เญย หฒวัง เมี่ยน หธ่อ ม่าย ธั้ม เญย เสียน นิ่น. นิ่น บัว ก๊อง, “กีตู่ ต้าย วั้ว หฒั่น นิ่น ไฮ่ โหฒว ตุ๊ บัวะ ฮ่อง เญย จั๋ง-โห่ เก้า ธั้ม น้าย เต้า ไฟ?”
โหฒว โฮล เญย ยิวไท เมี่ยน พ้าย แปง มี่ง เฒาะ เยซู
32 ฟาลิสี เมี่ยน ไฮ์ หฒวัง เมี่ยน ซี่ สูง ซับ เญย ก๊อง เยซู เญย เจ๊า, นิ่น บัว เหธา ไซ เมี่ยน เปย๊ย ฯฒฯ พ้าย โก๋ว หฒั่ง ทิน-ฮู่ง เญย เปย๊า เญย แปง มี่ง เฒาะ เยซู. 33เยซู ก๊อง, “เยีย แอ๋ง เหธา เม่ย บัว เยียม ตั้ง ป๊า ฮนั้ง. ฆะฮ้า ฯฒฯ หฑวน เถา พ้าย เยีย ต้าย วั้ว เต้า. 34เม่ย บัว อ๋อย ล์อ เยีย หย่า ล์อ ไม้ ปวัด, เหว่ย หฒุ เยีย มี่ง เยียม เญย ต๋อง เม่ย บัว มี่ง ไม้ ตุ๊.”
35โหฒว โฮล เญย ยิวไท เมี่ยน, ล่าน หน่าย ล่าน, “อา, น้าย ล่าน เมี่ยน อ๋อย มี่ง หาย บัว หธีง ล์อ ไม้ ปวัด? นิ่น อ๋อย มี่ง บัว ยิวไท เมี่ยน หฑาน มี่ง เยียม วั้ว เต๋ย จั๋น-กีก เญย ฒี่ง หฌาว จั๋น-กีก ไฟ? 36นิ่น ก๊อง บัว อ๋อย ล์อ นิ่น หย่า ล์อ ไม้ ปวัด, หย่า ก๊อง นิ่น มี่ง เญย ต๋อง บัว มี่ง ไม้ ตุ๊. น้าย หาย หญู่ง เอ๋ย เล์ย มเปย?”
ยู์ง แหม่ง เญย ววม
37ฒิบ เญย ฆะฮ้า ลาย วั้ว ฮนอย, เซ เก้า โฮล เจี๋ย เญย ฮนอย, เยซู โซ้ว เจี์ย ต้าย ก๊อง โฮล เญย, “หาย เต้า จาง ฆ้าด อ๋อย หฒุ ต้าย เยีย น้าย ฮบ.#เลวี 23:36 38ฮนั้ง กีง-โซว เฟี้ย เจี๊ยน ก๊อง นอ, ‘หาย เต้า เสียน เยีย, ยู์ง แหม่ง เญย ววม ฯฒฯ เยียม วั้ว เต้า เญย เฮญี้ยว เหลี่ยว ธ้วด ต้าย ฮนั้ง ธั้ม-ติ้ว ด้าย นอ.’”#เอเสเคน 47:1; เสคาลิยา 14:8 39เยซู ฮนั้ง น้าย นอ ก๊อง เซ ก๊อง เถา สีง ลี่ง, ต้ง เสียน นิ่น เญย เมี่ยน อ๋อย ตุ๊ ฒิบ. มป่า วั้ว หฒั่น ทิน-ฮู่ง ไม้ แก้ง ปุน สีง ลี่ง เมี่ยน, เหว่ย หฒุ เยซู ไม้ แก้ง ตุ๊ ฌัง-หล่าง.
เมี่ยน หลาย เยซู ปุน ฆอย
40หฒวัง เมี่ยน ไฮ์ นิ่น ฮนั้ง น้าย นอ ก๊อง, ม่าย เต๋ย ฯฒฯ ก๊อง, “น้าย เต้า หฒะเก้ง ต้ง บัว ฒั้ว วั้ว เต้า โต่ว หว่า เมี่ยน อ๊ะ.”
41แอ๋ง ม่าย เต๋ย ก๊อง, “นิ่น โหฒว กีตู่ อ๊ะ.”
มป่า ม่าย เต๋ย ก๊อง, “กีตู่ ฝู่ง ไฮ่ เยียม กา ลิลี ต้าย? 42กีง-โซว เฟี้ย เจี๊ยน ก๊อง, กีตู่ โหฒว ดาวิด ฮู่ง เญย เฒ้ย-ฟุน หย่า เยียม ดาวิด ฮู่ง เญย ป๊วน-มู้ง, เบดเลเฮม, ต้าย ไม้ เฒ์ย?”#2 ซามูเอน 7:12; มีคา 5:2 43เหว่ย น้าย เมี่ยน ฯฒฯ หลาย เยซู ปุน ฆอย. 44ม่าย เต๋ย อ๋อย เฒาะ เยซู มป่า ไม้ ม่าย หาย เต้า เหฌี่ย ปั์ว เฒาะ.
โหฒว โฮล เญย ยิวไท เมี่ยน ไม้ เสียน เยซู
45มี่ง เฒาะ เยซู วั้ว เต๋ย แปง หฑวน ต้าย, ไซ เมี่ยน เปย๊ย เหธา ฟาลิสี เมี่ยน หน่าย นิ่น บัว, “เม่ย บัว โหฒว หาย หญู่ง ไม้ เฒาะ เจี๊ยน นิ่น ต้าย?”
46วั้ว เต๋ย แปง เตา, “ไม้ ม่าย เจี๋ย เหยียด เต้า เมี่ยน ก๊อง หว่า ฮนั้ง หน่าย เต้า.”
47ฟาลิสี เมี่ยน ก๊อง, “เม่ย บัว หย่า หฒุ นิ่น ดั๊ว หมี่ อ๊ะ ซ่าะ? 48ม่าย หาย เต้า โหฒว โฮล เญย ยิวไท เมี่ยน ไฟ ฟาลิสี เมี่ยน เสียน เจี๋ย นิ่น เญย ไฟ? 49ไม้ ม่าย เหลาะ. มป่า น้าย กวั้น เมี่ยน ไม้ ฮิ้ว ตุ๊ โมเซ เญย เล์ย-หลัด ฯฒฯ หฒุ ทิน-ฮู่ง เหฒียว นิ่น บัว.”
50ม่าย เต้า วั้ว เต๋ย ฟาลิสี เมี่ยน, ต้ง ฒิ่น ด่าง มี่ง ล์อ เยซู วั้ว เต้า นีโคเดมัด, หน่าย,#โยฮัน 3:1-2 51“เอย บัว เญย เล์ย, บัว ไม้ แก้ง ไฮ์ เมี่ยน ก๊อง, ไม้ ฮิ้ว ตุ๊ นิ่น เญย กอน-แป๋ง, บัว ไฮ่ ตี่ง นิ่น เญย ฒุ์ย ไฟ?”
52นิ่น บัว เตา, “วั้ว หญู่ง เม่ย หย่า เยียม กาลิลี ต้าย? ติ๊ม หมั่ง กีง-โซว ม่าะ! เม่ย ฯฒฯ ฮิ้ว ตุ๊ ไม้ ม่าย เหยียด เต้า โต่ว หว่า เมี่ยน เยียม กาลิลี ธ้วด ต้าย นีอา.”#7:52 7:53—8:11 ม่าย เต๋ย โล์-ฮนอย โซว ไม้ เฟี้ย น้าย เต๋ย เหฒียบ เหญ่ย เหยี่ยม.
53เจี๋ย ฒิบ เญย หวุ่ย หฑาน, เก๊าะ-เมี่ยน หฑวน เก๊าะ-เมี่ยน เญย เปย๊า.
Currently Selected:
โยฮัน 7: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007