เยเลมี 52
52
เสเดคียา เญย ฮู่ง โห่
(เป๊ย หมั่ง 2 ฮู่ง โต้ว 24:18-20; 2 ฒุ่น ต่อย โต้ว 36:11-16)
1เสเดคียา ฝาว เหว่ย โหฒว ฮู่ง วั้ว หฒั่น, นิ่น ตุ๊ หญี่ เหฒียบ เยี้ยด หฮญัง. นิ่น เยียม เยลูซาเลม กุ๊น เหฒียบ เยี้ยด หฮญัง. นิ่น เญย มา เญย บั๋ว เห่ว ฮามุทาน, เซ ลิบนา เมี่ยน, เยเลมี เญย เซียะ. 2หฒิว เฒี้ยว หมั่ง, เสเดคียา โหฒว เอ๊าะ สี่, ฮนั้ง เยโฮยาคิม โหฒว เญย เหยียด ฒู้ง. 3ด่ง หาย ฒู้ง เซ หลาย เฒี้ยว เฉีย เจี์ย, เยียม เยลูซาเลม เหธา ยูดา เญย สี่ หธีง ต้าย ฮนั้ง น้าย นอ. เฒี้ยว ฒู้ง หฒุ่น นิ่น บัว เยียม นิ่น เญย หฑะเฮมียน ธ้วด มี่ง.
เยลูซาเลม บาง
(เป๊ย หมั่ง 2 ฮู่ง โต้ว 24:20—25:7; เยเลมี 39:1-7)
เสเดคียา หย่า แหง่ง บาบีโลน ฮู่ง, เนบูคัดเน้ดซา.
4เสเดคียา กุ๊น ตะจั๊ว หฮญัง, เหฒียบ หฮลา แซง-เหฒียบ วั้ว ฮนอย, บาบีโลน เญย ฮู่ง, เนบูคัดเน้ดซา, เหธา นิ่น เญย หฒวัง จุน-แปง ต้าย เบ๊าะ เยลูซาเลม. นิ่น บัว เว่ย ก๋อม ฒี่ง กะเหญี่ย แหมง หย่า โหฒว เบ๊าะ จ๋า เญย จา-สี่ เว่ย ก๋อม. #เอเสเคน 24:2 5น้าย นอม ฒี่ง หฒุ เว่ย เจี๊ยน เถา เสเดคียา โหฒว ฮู่ง เหฒียบ เยี้ยด หฮญัง วั้ว หฮญัง.
6เถา เฝย หฮลา แซง-จั๊ว เยียม ฒี่ง กะญั์ว เญย เมี่ยน ม่าย ต้ม ฮวาง ต้ม หง่อ โค้ว ไห่. แปะ ฝีง ไม้ ม่าย หาย หญู่ง หญั่น อ๊ะ. 7ฒี่ง หลาด ฯฒฯ หฒุ เบ๊าะ ทง หมี่ อ๊ะ. เหยียด ฒู้ง แปง ฯฒฯ ลู่ง ม์วน หฒั่น ยั่ง นิด ฮู่ง เตี๋ย เญย หฮวีง อี คัง ฒี่ง หลาด บุด๋ง เญย แก้ง เปย๋า ธ้วด ไม้ กุ๊น เคนเดีย เมี่ยน เว่ย ก๋อม ฒี่ง. นิ่น บัว หูง เจี๊ยน อาลาบา เต่ย มี่ง. #เอเสเคน 33:21 8มป่า เคนเดีย เญย จุน-แปง หฒุ่น เจี๊ยน ฮู่ง เตี๋ย มี่ง ฯฒฯ เยียม เยลีโค เญย เดา-แป้ง หฒุ่น หฒ่าย. กัน เสเดคียา เญย หฒวัง จุน-แปง ฯฒฯ กวั่ง เจี๊ยน นิ่น, ฟ้าด หฑาน เญย เปย๋า.
9เคนเดีย แปง ฯฒฯ เฒาะ เจี๊ยน ฮู่ง เตี๋ย, ต้อ นิ่น เถา ฮามัด เต่ย, ลิบลา ฒี่ง, บาบีโลน ฮู่ง วั้ว. บาบีโลน ฮู่ง ฯฒฯ ตี่ง เสเดคียา เญย ฒุ์ย. 10บาบีโลน ฮู่ง ตอง เจี๊ยน เสเดคียา ไต๋ นิ่น เญย ตอน บัว, หย่า เยียม ลิบลา ฒี่ง ไต๋ ยูดา เญย เหยียด ฒู้ง เจียน. 11นิ่น เกว๋ย ธ้วด เสเดคียา เญย มฒีง, หล่ง ต้ง ซิ หลิ่ม โด้ เจี๊ยน นิ่น. บาบีโลน เญย ฮู่ง ฯฒฯ ต้อ นิ่น มี่ง บาบีโลน หววน เจี๊ยน โล่ เถา นิ่น ไต่ วั้ว ฮนอย. #เอเสเคน 12:13
หฒั่ง เฒี้ยว เญย เปย๊า หฒุ เหมียด
12บาบีโลน ฮู่ง, เนบูคัดเน้ดซา, โหฒว ฮู่ง เหฒียบ จั๊ว หฮญัง, ฮม์ หฮลา แซง-เหฒียบ วั้ว ฮนอย, ฟู-สู บาบีโลน ฮู่ง เญย ซิน-เฮลน เมี่ยน เญย แปง-เปย๊ย, เนบูซาละดาน, เปียะ เยลูซาเลม. 13นิ่น หล่ง โต์ว ปั๊ว หฒั่ง เฒี้ยว เญย เปย๊า เหธา ฮู่ง ติ่น เหธา เยลูซาเลม เญย เหยียด ฒู้ง เปย๊า. นอมๆ ต้ม เปย๊า นิ่น ปั๊ว ชุย เหฑ่ง. #1 ฮู่ง โต้ว 9:8 14กัน เจี๊ยน โก๋ว ฮู่ง เญย ต้ม แปง-เปย๊ย วั้ว เต๋ย เคนเดีย เมี่ยน เญย เหยียด ฒู้ง จุน-แปง ฯฒฯ แธะ เว่ย ก๋อม เยลูซาเลม เญย ฒี่ง หลาด บาง เหฑ่ง. 15โก๋ว ฮู่ง เญย ต้ม แปง-เปย๊ย, เนบูซาละดาน, เฒาะ เก้า จ่ม เจี๋ย เหธา เยียม ฒี่ง เหฒ่ง เหฌี่ย เญย แปะ ฝีง เหธา เปย๋า ธ้วด เหว่ย เปียะ บาบีโลน ฮู่ง วั้ว ปูง, เหธา เหฒ่ง เหฌี่ย เญย หฒั่ง เมี่ยน, กว๊าด นิ่น บัว มี่ง. 16มป่า โก๋ว ฮู่ง เตี๋ย เญย ต้ม แปง-เปย๊ย, เนบูซาละดาน, เลี่ยว เต๋ย เยียม เต่ย-ปูง จ่ม เจี๋ย เญย เมี่ยน เหว่ย เฝียว อะหงุ่น หฮวีง, โหฒว ลี่ง โหฒว เด่ย.
17เยียม หฒั่ง เฒี้ยว เญย เปย๊า เญย ต้ง ซิ เดี้ยว, เหธา หฒั่ง เฒี้ยว เญย เปย๊า เญย ต้ง ซิ เตี้ย ล์ง เหธา ต้ม ต้ง ซิ ปุ้น. เคนเดีย เมี่ยน เบ๊าะ ฮู้ เป๋น เหยียด เหฮลง เหยียด เหฮลง, หย่า เปี้ยน น้าย เต๋ย เหยียด ฒู้ง ต้ง ซิ มี่ง บาบีโลน. #1 ฮู่ง โต้ว 7:15-47; 2 ฮู่ง โต้ว 25:13-17 18นิ่น บัว หย่า เฒาะ แธง, กะน้าย-เธ้น, จั๊บ ตัง-โธ้ เญย ฌิ้ว, ปุ้น เหธา ฮูง-โล่ว, เหธา เยียม วั้ว นอม เปย๊า หล่ง เญย เหยียด ฒู้ง ต้ง ซิ จา-ต๋อง ต้อ มี่ง. 19นิ่น บัว หย่า ต้อ หฑ่อม-ไฝ, เซียว โต์ว เญย เจย, ปุ้น, แธง, ตัง-จ๋า, ฮูง-โล่ว เหธา หล่ง เธี้ย เหฒี่ย เญย หฑ่อม. ไม้ กุ๊น หล่ง เจียม โหฒว ต้าย เญย, โก๋ว ฮู่ง เตี๋ย เญย ต้ม แปง-เปย๊ย ต้อ มี่ง เหว่ย เป๋น เจียม, หล่ง ญ่าน โหฒว เญย, ต้อ มี่ง เหว่ย เป๋น ญ่าน.
20ซาโลมอน โหฒว เหว่ย หฒั่ง เฒี้ยว เญย เปย๊า วั้ว เต๋ย อี นอม ต้ม เดี้ยว เหธา เหยียด นอม ต้ม ปุ้น เหธา เซ่ง ต้ม ปุ้น#52:20 เป๊ย หมั่ง 1 ฮู่ง โต้ว 7:23. เญย เหฒียบ เหญ่ย เต้า ต้ง ซิ ง่ง เหธา เตี้ย ล์ง เญย เหยียด ฒู้ง ต้ง ซิ ธั้ม เกา, เฑียง ไม้ ฮี่ง. 21วั้ว เต๋ย อี นอม เดี้ยว, เหยียด นอม ฮลัง เหฒียบ เป๊ด เดาะ, ฮวีง ก๋อม เหฒียบ เหญ่ย เดาะ, เปยย โด๊ะ โฮ์, หย่า ฌ์ง เญย. 22เดี้ยว เตว๊ย-เมว์ย แอ๋ง เป๊าะ เจี๊ยน, เป๊าะ เหยียด นอม เซ ปยา เดาะ ฮลัง. ม่าย มู์ง เหธา หฒิ เลี่ยว เปี๊ยว#52:22 จั๋น-ไท้ หว่า ก๊อง ทับทิม. ฮวีง ก๋อม. เหยียด ฒู้ง หล่ง ต้ง ซิ โหฒว ต้าย. ตะเหญ่ย นอม เดี้ยว หย่า ม่าย ฟี่ ฮนั้ง เญย, ม่าย หฒิ เลี่ยว เปี๊ยว. 23เดี้ยว เญย เปยย ปูง ม่าย จั๊ว เหฒียบ หลัวะ นอม หฒิ เลี่ยว เปี๊ยว, หย่า ม่าย เหยียด แป๊ะ นอม หฒิ เลี่ยว เปี๊ยว เยียม เว่ย ก๋อม วั้ว เต๋ย มู์ง.
24โก๋ว ฮู่ง เตี๋ย เญย ต้ม แปง-เปย๊ย เฒาะ เสไลอา ต้ม ไซ เมี่ยน เหธา โหฒว ตะเหญ่ย วั้ว เต้า ไซ เมี่ยน, เสฟันยา, เหธา ปัว เต้า ฒั้ว แก้ง เมี่ยน. 25เยียม วั้ว นอม ฒี่ง นิ่น เฒาะ เหยียด เต้า กุ๊น เบ๊าะ จ๋า จุน-แปง เญย ต้ม แปง-เปย๊ย, เหธา เยียม วั้ว ฒี่ง ปวั้ง หฒุ เถง ฮู่ง เตี๋ย ธ่าง ล่าง เญย เสี่ย เต้า เมี่ยน เหธา ติ๊ม กั๊วะ หฒั่ง เญย แปะ ฝีง เหว่ย กิ๊น โหฒว แปง วั้ว เต้า แปง-เปย๊ย เญย โซว-ปิ๊ว, เหธา เยียม ฒี่ง กะญั์ว ล์อ ปวัด เญย หลัวะ เหฒียบ เต้า แปะ ฝีง. 26โก๋ว ฮู่ง เญย ต้ม แปง-เปย๊ย, เนบูซาละดาน, ต้อ น้าย เต๋ย เมี่ยน มี่ง ลิบลา ฒี่ง, บาบีโลน ฮู่ง วั้ว. 27เยียม ฮามัด เต่ย, ลิบลา ฒี่ง วั้ว บาบีโลน ฮู่ง เบ๊าะ นิ่น บัว, ปุน นิ่น บัว หฒุ ไต๋ ไต่
ยูดา เมี่ยน ฯฒฯ หฒุ ธ้าง มี่ง, เล่ย ฆอย กั้น เญย เต่ย-ปูง. 28น้าย เซ เนบูคัดเน้ดซา กว๊าด มี่ง เญย ยูดา เมี่ยน เญย โสว โหม่ว.
ตะเธี้ยด หฮญัง ม่าย ปัว ธิน เล่ง หญี่ เหฒียบ ฟาม เต้า.
29เยียม เนบูคัดเน้ดซา โหฒว ฮู่ง เหฒียบ เป๊ด หฮญัง วั้ว หฮญัง,
ม่าย เยียม เยลูซาเลม เญย เป๊ด แป๊ะ ฟ่า เหฒียบ เหญ่ย เต้า.
30เถา เนบูคัดเน้ดซา โหฒว ฮู่ง หญี่ เหฒียบ ฟาม วั้ว หฮญัง,
หฒุ โก๋ว ฮู่ง เตี๋ย เญย ต้ม แปง-เปย๊ย, เนบูซาละดาน,
กว๊าด มี่ง เญย ยิวไท เมี่ยน ม่าย เธี้ยด แป๊ะ เฝย เหฒียบ ฮม์ เต้า.
เหยียด ฒู้ง ม่าย เปยย ธิน หลัวะ แป๊ะ เต้า.
บาบีโลน ฮู่ง ค้อ-เลี่ยน เยโฮยาคีน
(เป๊ย หมั่ง 2 ฮู่ง โต้ว 25:27-30)
31ยูดา ฮู่ง, เยโฮยาคีน, หฒุ กว๊าด มี่ง ฟ่า เหฒียบ เธี้ยด หฮญัง วั้ว หฮญัง, เหฒียบ เหญ่ย หฮลา หญี่ เหฒียบ ฮม์, ต้ง บาบีโลน เญย ฮู่ง, เอวินเมโลดัก, ฝาว เหว่ย โหฒว ฮู่ง ต้าว หฮญัง, นิ่น ปู๋ง #52:31 ฟาน หฒะ ก๊อง โป้ว นิ่น เญย มฆ้อง. ยูดา เญย ฮู่ง, เยโฮยาคีน, ธ้วด โล่, 32แอ๋ง เหธา นิ่น ก๊อง หลง หย่า ปุน นิ่น เญย เหว่ย เก้า ฮลัง เจี๋ย ล่ม ฑ่อย เหธา นิ่น เยียม บาบีโลน วั้ว เต๋ย หฒวัง ฮู่ง เญย เหว่ย. 33เยโฮยาคีน ฯฒฯ ไจ๊ ฆอย นิ่น เยียม โล่ เญย ลุย-โหว. นิ่น เฒี่ยง เสย เญย ฮนอย-เหญียะ ฮนอยๆ เยียม ฮู่ง เตี๋ย เญย เตี้ย หญั่น หฮนาง. 34ก๊อง เถา นิ่น เฉียม หล่ง เญย กะน้าย, ตะฟ่าน นิ่น เฒี่ยง เสย เถา นิ่น เกวย เสย เญย ฮนอย, นิ่น หฒั่นๆ ตุ๊ หล่ง ฮู่ง เตี๋ย ปุน เญย, หฒิว นิ่น ฮนอยๆ เฉียม หล่ง เญย กะน้าย.
Currently Selected:
เยเลมี 52: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
