เยเลมี 43
43
แปะ ฝีง ซุ้ย มี่ง เยียม อียิบ
1เยเลมี ตอง เจี๊ยน แปะ ฝีง ก๊อง ลิ์ว เฒี้ยว, นิ่น บัว เญย ทิน-ฮู่ง, ก๊อง เญย เหยียด ฒู้ง หว่า, ต้ง เฒี้ยว, นิ่น บัว เญย ทิน-ฮู่ง, พ้าย นิ่น มี่ง ก๊อง บั๋ว นิ่น บัว เญย หว่า. 2โฮซายา เญย ตอน, อาซาลิยา, เหธา คาเลอา เญย ตอน, โยฮานัน, เหธา เหยียด ฒู้ง เธง-โฮล เญย เมี่ยน ก๊อง บั๋ว เยเลมี, “เม่ย ก๊อง-แปะ ฮนั้ง. เฒี้ยว, เยีย บัว เญย ทิน-ฮู่ง, ไม้ พ้าย เม่ย ต้าย ก๊อง, ‘ไม้ ตู๋ง มี่ง อียิบ เต่ย-ปูง เหว่ย เยียม วั้ว.’ 3เซ เนลิยา เญย ตอน, บาลุก, โธะ เม่ย ห่อย เยีย บัว, เหว่ย เฒาะ เยีย บัว จิว ปุน เยียม เคนเดีย เมี่ยน เญย ปั์ว-เดี๊ย, เหว่ย ปุน นิ่น บัว ไต๋ เยีย บัว ไฟ กว๊าด เยีย บัว มี่ง บาบีโลน เต่ย-ปูง.
4คาเลอา เญย ตอน, โยฮานัน, เหธา จุน-แปง เหยียด ฒู้ง แปง-เปย๊ย เหธา หฒวัง แปะ ฝีง, ไม้ หมวัง เฒี้ยว หัด เญย หว่า, เซ อ๋อย หฒุ เยียม เจี๊ยน ยูดา เต่ย-ปูง. 5ต๋าว หฑวน, คาเลอา เญย ตอน, โยฮานัน, เหธา จุน-แปง เญย เหยียด ฒู้ง แปง-เปย๊ย, ต้อ ยูดา เหฒ่ง เหฌี่ย เญย หฒวัง เมี่ยน, เซ หฒุ หฒุ่น มี่ง นอมๆ กั๊วะ หฑวน ต้าย เยียม เจี๊ยน ยูดา เต่ย-ปูง เญย เมี่ยน,#2 ฮู่ง โต้ว 25:26 6มจั่ง มเซียะ, ฝุเจว๊ย, ฮู่ง เซียะ, ต้ง โก๋ว ฮู่ง เญย แปง-เปย๊ย, เนบูซาละดาน, เลี่ยว เหฌี่ย ปุน ซาฟาน เญย ฟุน, อาหิคัม เญย ตอน, เกดาลิยา, เญย เหยียด ฒู้ง เมี่ยน. นิ่น บัว หย่า ต้อ โต่ว หว่า เมี่ยน, เยเลมี, เหธา เนลิยา เญย ตอน, บาลุก มี่ง. 7นิ่น บัว ฯฒฯ ต้าย เปียะ อียิบ เต่ย-ปูง, เหว่ย หฒุ นิ่น บัว ไม้ หมวัง เฒี้ยว เญย หว่า. นิ่น บัว มี่ง เถา ทาปานเหด ฒี่ง.
8เยียม ทาปานเหด, เยเลมี ตุ๊ ฒิบ เฒี้ยว เญย หว่า ก๊อง, 9“เม่ย อ๋อย หฒุ หล่ง ปั์ว เฒาะ เหฒีย นอม หละเปย๊ย โฮล เญย ตอง เจี๊ยน ยูดา เมี่ยน ต้อ มี่ง เยียม ทาปานเหด, ฟาโล เญย ฮู่ง ติ่น เญย แก้ง ด่าง, ฯฒฯ ปี๋ง เจี๊ยน ปะไน่ เนีย กะญั์ว. 10อ๋อย หฒุ ก๊อง บั๋ว นิ่น บัว, “เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เยีย อ๋อย เฒาะ เยีย เญย โปว, บาบีโลน เญย ฮู่ง, เนบูคัดเน้ดซา, เหลียบ นิ่น เญย เหว่ย เยียม เยีย ปี๋ง น้าย เต๋ย หละเปย๊ย กู้ หงว่าย. นิ่น หย่า อ๋อย ธอง นิ่น เญย ด๊บ-ลิ่ว เยียม น้าย เต๋ย หละเปย๊ย กู้ หงว่าย. 11นิ่น อ๋อย ต้าย เบ๊าะ อียิบ เต่ย-ปูง, ปุน แหม่ง ต๋าย หฒุ เหฒะ หน่าน, ฯฒฯ หฒุ เหฒะ หน่าน, ปุน แหม่ง ต๋าย หฒุ กว๊าด มี่ง, ฯฒฯ หฒุ กว๊าด มี่ง, ปุน แหม่ง ต๋าย หฒุ หฑุ ด๊าว ไต๋, ฯฒฯ หฒุ หฑุ ด๊าว ไต๋. 12นิ่น อ๋อย เยียม อียิบ เญย เฒี่ยน เญย หมิ่ว-เปย๊า เตี๊ยม เหฒียะ โต์ว ต้าย ปั๊ว หมิ่ว-เปย๊า ชุย, แอ๋ง กว๊าด นิ่น บัว เญย เฒี่ยน มี่ง. นิ่น หย่า อ๋อย เฝียว เหฑ่ง อียิบ เต่ย-ปูง ฮนั้ง โก๋ว ปะกี ยู่ง เญย เมี่ยน เฝียว นิ่น เญย ต้ม ลุย ล์อ เหฑ่ง ตั๊ม. นิ่น ฯฒฯ แป้ง ออน เญย เล่ย วั้ว นอม ต๋อง. 13นิ่น อ๋อย เบ๊าะ เน้า เยียม อียิบ เต่ย-ปูง, เฮลีโอบุลี, เญย หมิ่ว-ฝัง ต่ง, แอ๋ง หล่ง โต์ว ปั๊ว ชุย อียิบ เต่ย-ปูง เญย หมิ่ว-เปย๊า.’”
Currently Selected:
เยเลมี 43: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
