เยเลมี 31
31
อิสะลาเอน ตุ๊ หฑวน
1 เฒี้ยว ก๊อง, “เถา วั้ว หฒั่น, เยีย โหฒว ฝีงๆ อิสะลาเอน เมี่ยน
เญย ทิน-ฮู่ง.
นิ่น บัว หย่า โหฒว เยีย เญย แปะ ฝีง.”
2 เฒี้ยว ฮนั้ง น้าย ก๊อง,
“เปย๋า ดุ๊ด หฑุ ด๊าว เญย อิสะลาเอน เมี่ยน
เยียม เต่ย-ปูง-ฮวาง ล์อ ต๋อง ฮิด ขวน เญย เฒี่ยง โห่,
เยีย เหธย เอน ปุน แปะ ฝีง.’
3ฒิ่น ด่าง เฒี้ยว เยียม โก เญย ต๋อง หิ่น ธ้วด ปุน นิ่น#31:3 นิ่น ก๊อง กัน กีก หว่า. ฮิบลู หว่า ก๊อง เยีย. ฯฒฯ ก๊อง,
“เยีย ฮนั้ม เม่ย เซ เหยียด ลิ์ว ฮนั้ม,
เหว่ย น้าย เยีย หฒั่นๆ เหฒียบ ฒัวะ เญย ฮนั้ม เม่ย.
4โอ อิสะลาเอน อ้า!#31:4 เป๊ย หมั่ง เยเลมี 31:4.
เยีย แอ๋ง อ๋อย เหธย เจี์ย เม่ย,
เม่ย ฯฒฯ ตุ๊ เหธย เจี์ย.
เม่ย ตุ๊ เบ๊าะ ล่อ โฑ์ คู่ หมวัง,#31:4 ฟาน หฒะ ก๊อง “หล่ง ล่อ โฑ์ ฒอง เหฑว่ย”.
หย่า ตุ๊ ธ้วด มี่ง เหธา เหน่า หญิด เญย เมี่ยน หธัง เหย.
5เม่ย แอ๋ง ตุ๊ เยียม สะมาเลีย เญย บง โหฒว หฮวีง,
หฒวัง อะหงุ่น เปี๊ยว.
หฒวัง เญย เมี่ยน ตุ๊ หฒวัง,
หย่า ตุ๊ หญั่น วั้ว เต๋ย เปี๊ยว.
6เหว่ย หฒุ ม่าย ฮนอย อ๋อย เถา,
เยียม เอฟาอิม บง-ไอ๊ ต๋อง
อ๋อย ม่าย เซี้ยว แกง เมี่ยน เห่ว เจี๊ยน ก๊อง,
‘เจี์ย ต้าย ม่าะ! บัว ฝาว วั้ว เจี๋ย สิโอน ล์อ เฒี้ยว,
บัว เญย ทิน-ฮู่ง.’”
7เหว่ย หฒุ เฒี้ยว ฮนั้ง น้าย ก๊อง,
“อ๋อย หฒุ เหว่ย ยาโค้บ อะเฮน้ย เญย ป๋าว ฑูง,
หย่า เหว่ย หม่าน กั๊วะ เญย เปย๊ย เห่ว เจี๊ยน เฉีย โฮล เญย
ฒุ่น เจี๊ยน, เธง เจี๊ยน ก๊อง,
‘เฒี้ยว เหฌียว นิ่น เญย แปะ ฝีง,
เหฒ่ง เหฌี่ย เญย อิสะลาเอน เมี่ยน.’
8หมั่ง ม่าะ! เยีย อ๋อย ต้อ นิ่น บัว เยียม ป๊ะ ปูง เญย เต่ย-ปูง ต้าย,
หย่า เยียม ลู่ง เดี๊ย โก เจี๋ย เญย ต๋อง เซียว นิ่น บัว ฒุ้น.
เยียม นิ่น บัว บุด๋ง ม่าย มฒีง แม่ง เหธา เหฒา ไบ เญย เมี่ยน,
เหธา ม่าย เจี๊ยน ซิน เหธา มุน เจี๊ยน กู้งว์า เญย มเซียะ ตอน,
ม่าย ต้ม กวั้น เมี่ยน อ๋อย หฑวน น้าย ต้าย.
9นิ่น บัว อ๋อย เญี้ยม เจี๊ยน ต้าย.
เยีย หย่า อ๋อย นุ์น เจี๊ยน เฮญี้ยว ต้อ นิ่น บัว หฑวน.
เยีย อ๋อย ปุน นิ่น บัว กัน โด๊ะ-เฮลน, ยั่ง เจ๊า-หฒะ.
ยั่ง หน่าย นิ่น บัว ไม้ ดิ๊ หฒุ ดอบ,
เหว่ย หฒุ เยีย เซ อิสะลาเอน เญย เตีย,
เอฟาอิม โหฒว เยีย เญย ตอน-โฮล.
10“โอ หม่าน กั๊วะ เมี่ยน อ้า! อ๋อย หฒุ หมวัง เฒี้ยว เญย หว่า,
หย่า ฒุ่น มี่ง โก เญย ค้อย-เฮลน ต๋อง.
อ๋อย หฒุ ก๊อง, ‘ปุน อิสะลาเอน ฟ้าด หฑาน วั้ว เต้า แอ๋ง อ๋อย เซียว ฒุ้น,
หย่า อ๋อย โก๋ว นิ่น ฮนั้ง โก๋ว ปะกี ยู่ง เมี่ยน โก๋ว นิ่น เญย ปะกี ยู่ง กวั้น นอ.’
11เหว่ย หฒุ เฒี้ยว หฒัวะ ยาโค้บ หฑวน หมี่ อ๊ะ,
หฒัวะ นิ่น เปย๋า ดุ๊ด เก้า เฮ้น นิ่น วั้ว เต๋ย เมี่ยน เญย ปั์ว-เดี๊ย.
12นิ่น บัว อ๋อย ต้าย เยียม สิโอน ฮลัง เญย ต๋อง ป๋าว ฑูง,
นิ่น บัว อ๋อย เฌียน-โย่ว เหน่า หญิด เหว่ย เฒี้ยว เหธย หลง เญย กะน้าย,
เหว่ย ม่าย เบย้า, อะหงุ่น ติ๊ว, เหธา กะลั้น โย่ว
หย่า เหว่ย ปะกี ยู่ง กวั้น เหธา ง่ง กวั้น เญย ตอน.
นิ่น บัว เญย เฮญี้ยว อ๋อย ฮนั้ง ตุ๊ ววม ยู์ง เญย หฮวีง,
ไม้ หฒุ แอ๋ง เฑ่า ฟ่าน อ๊ะ.
13วั้ว หฒั่น เซียะ-ตอน เฌียน-โย่ว เญย หธัง เหย,
เมี่ยน หลุน เมี่ยน เหธา เมี่ยน โก๋ เมี่ยน โหฒว เหน่า หญิด.
เยีย อ๋อย ปุน นิ่น บัว เฑ่า เญี้ยม เญย เจ๊า ทิ้ว เป๋น เฌียน-โย่ว.
เยีย อ๋อย นุ์น นิ่น บัว, ปุน นิ่น บัว เญย โยว-เฑ่า ทิ้ว เป๋น ออน-เหลาะ.
14เยีย อ๋อย ปุน ไซ เมี่ยน ปวั๊ง เฮญี้ยว ปู๋ง-หฒัวะ เญย กะน้าย,
หย่า ปุน เยีย เญย แปะ ฝีง เหว่ย เยีย โหฒว หลง เญย สี่ ปวั๊ง เฮญี้ยว.”
น้าย เซ เฒี้ยว ก๊อง เญย หว่า.
15 เฒี้ยว ฮนั้ง น้าย ก๊อง,
“ไฮ์ เฉีย เยียม ลามา,
เฮญี้ยว มุน เญย เห่ว เจี๊ยน เญี้ยม.
ลาเซน เญี้ยม นิ่น เญย ฝุเจว๊ย,
นิ่น หย่า ไม้ หล่ง หาย เต้า เถง นิ่น ไจ๊ เฑ่า,
เหว่ย หฒุ นิ่น เญย ฝุเจว๊ย ไต่ หมี่ อ๊ะ.”#มัดทาย 2:18
16 เฒี้ยว ฮนั้ง น้าย ก๊อง,
“อ๋อย หฒุ เญี์ยน เจี๊ยน เฉีย, ไม้ ตู๋ง เญี้ยม.
แอ๋ง เญี์ยน เจี๊ยน ววม-เหมว่ย, ไม้ ปุน เหลี่ยว,
เหว่ย หฒุ เม่ย โหฒว เญย กง
อ๋อย ตุ๊ ฒี่ง เหญ่ย.”
น้าย เซ เฒี้ยว ก๊อง เญย หว่า.
“นิ่น บัว ตุ๊ เยียม วิน-วั้ง เญย เต่ย-ปูง หฑวน.
17เม่ย โฮ์ ฆาง เญย เจ๊า
ฯฒฯ ม่าย ลั่ม ฮนั้ม.”
น้าย เซ เฒี้ยว ก๊อง เญย หว่า.
“เม่ย เญย น่าม โญ์ว หย่า
ตุ๊ หฑวน นิ่น บัว กั้น เญย เต่ย-ปูง.
18“เยีย ไฮ์ เอฟาอิม เหว่ย กั้น เฑ่า เจี๊ยน ก๊อง,
‘เม่ย เบ๊าะ หฌาว เยีย, เยีย ฯฒฯ หฒุ เบ๊าะ หฌาว
ฮนั้ง ไม้ ตุ๊ หฌาว เจี๋ย เญย ง่ง ตอน.
โท้ ต้อ เยีย หฑวน เหว่ย ปุน เยีย ฮนั้ง โล์ วั้ว นอ,
เหว่ย หฒุ เม่ย โหฒว เฒี้ยว, เยีย เญย ทิน-ฮู่ง.
19เยีย เล่ย ฆอย เม่ย,
ฆะฮ้า ฮนั้ม-หฑวน,
เยีย ตุ๊ เม่ย หฌาว ลิ์ว,
เยีย ฯฒฯ ไบ๋ เยีย เญย ธั่ม ฒุ่ย.
เยีย หฒุ ไญ้, หฒุ ป่าย เฮมียน
เหว่ย ดาม เยีย หลุน เญย เฒี่ยง โห่ โหฒว ไญ้ เญย สี่.’”
20 เฒี้ยว ก๊อง, “เอฟาอิม เซ เยีย ฮนั้ม เญย ตอน ไม้ เฒ์ย?
เซ เยีย ฮนั้ม ไห่ เญย ฝุเจว๊ย ไม้ เฒ์ย?
เยีย หาย หฒั่น ก๊อง นิ่น,
เยีย หธ่อ จั๋ง หฒุ นิ่น.
เหว่ย น้าย เยีย เญย เฮญี้ยว หฒะเก้ง จั๋ง ไห่ นิ่น อ๊ะ.
เยีย ด่ง หาย ฒู้ง อ๋อย ค้อ-เลี่ยน นิ่น.
21“อ๋อย หฒุ เหว่ย กั้น เหลียบ นุ เจ๊า เญย จั๋ง-โห่,
หย่า โหฒว ต้อ เจ๊า เญย ต่ง.
อ๋อย หฒุ หลงๆ เญย สัม หมั่ง วั้ว ติ้ว ต้ม เจ๊า,
เซ ต้ง เม่ย มี่ง วั้ว ติ้ว เจ๊า อ๊ะ.
โอ อิสะลาเอน อ้า!#31:21 เป๊ย หมั่ง เยเลมี 31:4. อ๋อย หฒุ หฑวน อ๊ะ.
อ๋อย หฒุ หฑวน เม่ย เญย น้าย เต๋ย ฒี่ง.
22ไม้ เหฒียบ ฒัวะ เญย เซียะ อ้า!
เม่ย อ๋อย บู้ง เบี๊ยน เถา หาย หฒั่น?
เหว่ย หฒุ เฒี้ยว เยียม ลู่ง เดี๊ย โหฒว ธ้วด เหยียด หญู่ง เซียง-สี่,
เซ ม่าย มเซียะ ตอน เปว#31:22 ม่าย เต๋ย โซว ก๊อง เว่ย. มจั่ง ตอน.”
เฒี้ยว อ๋อย ต้อ ยูดา หฑวน
23เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, “เยีย ต้อ นิ่น บัว หฑวน ต้าย ปุน นิ่น บัว ตุ๊ หลง ฮนั้ง โล์ เญย เฒี่ยง โห่, นิ่น บัว เยียม ยูดา เต่ย-ปูง เหธา ยูดา เญย ฒี่ง, แอ๋ง หล่ง น้าย เต๋ย หว่า ก๊อง,
‘แป้ง ฟิม เยียม เญย ต๋อง, ธีง-เหฑ่ง เญย บง อ้า!
โท้ เฒี้ยว เหธย ฟุ ปุน เม่ย.’
24ยูดา เต่ย-ปูง เหธา เยียม ยูดา เญย เหยียด ฒู้ง ฒี่ง เญย เมี่ยน ตุ๊ จวั่ง เจี๊ยน เยียม วั้ว, เลี่ยม โหฒว เด่ย เญย เมี่ยน เหธา เจี๋ย น้าย เจี๋ย วั้ว เญย เมี่ยน เหธา เจี๊ยน นิ่น บัว เญย ปะกี ยู่ง กวั้น. 25เยีย อ๋อย ปุน โค้ว เญย เมี่ยน เฮ้น เจี์ย ต้าย. เต้าๆ เฮญี้ยว เมา เญย เมี่ยน เยีย หย่า ปุน ปวั๊ง เอ๋ย.”
26ฮนั้ง หน่าย, เยีย เญีย ต้าย หมั่ง. เยีย ไฮ์ เยีย มฌ่อม ตุ๊ คู้ เญย.
27 เฒี้ยว ก๊อง, “ฮนอย-เหญียะ อ๋อย เถา, เยีย อ๋อย ปุน อิสะลาเอน เหธา ยูดา เต่ย ม่าย เมี่ยน, ม่าย แซง-คู้ ปวั๊ง เหฑ่ง. 28หย่า อ๋อย ฮนั้ง น้าย, “เยีย ฮนั้ง หาย นอ หมั่ง เจี๊ยน นิ่น บัว เหว่ย เฒาะ นิ่น บัว แปง ธ้วด, ป่าย หว่าย, เบี๊ยน เหฑ่ง, เหมียด เหฑ่ง, ปุน นิ่น บัว หฒุ เธี้ยว เญย สี่, เยีย หย่า อ๋อย ฮนั้ง วั้ว นอ หมั่ง เจี๊ยน นิ่น บัว เหว่ย เหลียบ เจี์ย หย่า หฒวัง เจี๊ยน.” น้าย เซ เฒี้ยว ก๊อง เญย หว่า. 29“เถา วั้ว เต๋ย ฮนอย-เหญียะ เมี่ยน ไม้ แอ๋ง ก๊อง,
‘เตีย หญั่น อะหงุ่น เปี๊ยว-ซุย,
ฝุเจว๊ย เญย ญ่า เฌี์ยน.’#เอเสเคน 18:2
30ต๋าว หฑวน, เก๊าะ-เมี่ยน อ๋อย หฒุ หลาย เก๊าะ-เมี่ยน เญย ฒุ์ย ไต่. หาย เต้า หญั่น อะหงุ่น เปี๊ยว-ซุย, นิ่น กั้น เญย ญ่า ฯฒฯ เฌี์ยน อ๊ะ.”
เหลียบ เจี์ย เซียง-แหง่ง หว่า
31 เฒี้ยว ก๊อง, “ฮนอย-เหญียะ อ๋อย เถา,
เยีย อ๋อย เหธา อิสะลาเอน เญย เฒ้ย-ฟุน เหธา ยูดา เญย เฒ้ย-ฟุน
เหลียบ เจี์ย เซียง-แหง่ง หว่า.#มัดทาย 26:28; มาโค 14:24; ลูกา 22:20; 1 โคลินโท 11:25; 2 โคลินโท 3:6; ฮิบลู 8:8-12
32เซ ไม้ ฮนั้ง เยีย เคน เจี๊ยน นิ่น บัว เญย อง-ถาย เญย ปั์ว
ต้อ นิ่น บัว ธ้วด อียิบ เต่ย-ปูง เญย เฒี่ยง โห่,
เหธา นิ่น บัว เหลียบ เจี์ย เญย แหง่ง หว่า.
ไม้ กุ๊น เยีย โหฒว นิ่น บัว เญย โหฆ,
นิ่น บัว ป์าม เยีย เญย แหง่ง หว่า.”
น้าย เซ เฒี้ยว ก๊อง เญย หว่า.
33 เฒี้ยว ก๊อง, “วั้ว เต๋ย ฮนอย-เหญียะ เจี๋ย ลิ์ว,
เยีย อ๋อย เหธา อิสะลาเอน เญย เฒ้ย-ฟุน เหลียบ เจี์ย เญย แหง่ง หว่า เซ ฮนั้ง น้าย.
เยีย อ๋อย ปุน เยีย เญย เล์ย-หลัด เยียม นิ่น บัว กะญั์ว
หย่า เฟี้ย เจี๊ยน นิ่น บัว เญย เฮญี้ยว.
เยีย อ๋อย โหฒว นิ่น บัว เญย ทิน-ฮู่ง,
นิ่น บัว หย่า อ๋อย โหฒว เยีย เญย แปะ ฝีง.#ฮิบลู 10:16
34เยียม หน่าย มี่ง เก๊าะ-เมี่ยน ไม้ หฒุ แอ๋ง หฌาว กั้น เญย จวั่ง ล์าง เมี่ยน
เหธา กั้น เญย ก๋อ-โย์ว ก๊อง,
‘เม่ย อ๋อย หฒุ ฮิ้ว เฒี้ยว.
เหว่ย หฒุ นิ่น บัว เก้า ไฝ เจี๋ย
เถา เก้า โฮล เจี๋ย เหยียด ฒู้ง ฮิ้ว ตุ๊ เยีย.”
น้าย เซ เฒี้ยว ก๊อง เญย หว่า.
“เหว่ย หฒุ เยีย อ๋อย กวั่ง นิ่น บัว เญย ฒุ์ย-หนิบ,
ไม้ แอ๋ง จั๋ง นิ่น บัว เญย ฒุ์ย.”#ฮิบลู 10:17
35 เฒี้ยว ปุน บะฮนอย ลู่ง ฮนอย หฒั่น หฒิว ฌัง,
หย่า ตี่ง ปุน เหฮลย เหธา หฮลา ม่าย เหยียด เหญ่ย.
ลู่ง ม์วน หฒั่น หฒิว ฌัง,
แอ๋ง โช้ว ค้อย ปุน ค้อย เจี์ย หล่าง บุย โฒ์ๆ เญย,
นิ่น เญย บั๋ว เห่ว เน่น เจี๋ย เญย เฒี้ยว.
เฒี้ยว ฮนั้ง น้าย ก๊อง.
36“สี ก๊อง น้าย เต๋ย เหยียด เหญ่ย
เยียม เยีย เญย หฑะเฮมียน ธ้วด มี่ง,
อิสะลาเอน เญย เฒ้ย-ฟุน ฯฒฯ หฒุด หมี่ อ๊ะ.
เหยียด ลิ์ว ไม้ ตุ๊ เยียม เยีย เญย หฑะเฮมียน เป๋น เหยียด กั๊วะ เมี่ยน.”
น้าย เซ เฒี้ยว ก๊อง เญย หว่า.
37 เฒี้ยว ฮนั้ง น้าย ก๊อง,
“สี ก๊อง ไฮ่ เดาะ กู้ หงว่าย ลู่ง,
หย่า ไฮ่ ฒ่า ตุ๊ ธ้วด เดา-เดี๊ย เญย กอน-โด๊ะ,
เยีย ฯฒฯ เหว่ย อิสะลาเอน เญย เฒ้ย-ฟุน โหฒว เญย เหยียด ฒู้ง สี่
เฒาะ นิ่น บัว ฒอย กวั่ง.”
น้าย เซ เฒี้ยว ก๊อง เญย หว่า.
38 เฒี้ยว ก๊อง, “ฮนอย-เหญียะ อ๋อย เถา, น้าย นอม ฒี่ง อ๋อย เหว่ย เฒี้ยว แอ๋ง เหลียบ เจี์ย เยียม ฮานันเอน เญย ล่าว เถา เก๊าะ-แก้ง. 39เดาะ เญย ฮลาง อ๋อย เยียม หน่าย เจี๋ย มี่ง, แปง หฒะ เญย มี่ง เถา กาเล้บ บง- ไอ๊ แอ๋ง ฮวิน มี่ง เถา โกอา. 40กวั่ง เซย, กวั่ง ซ้าย เญย เฒี่ยง นอม ฮ์อง, เหธา เหยียด ฒู้ง ลี่ง เต่ย มี่ง เถา ขิดโลน โด๊ะ, แอ๋ง หูง เจี๊ยน ตง ปูง เถา ม์า-แก้ง เญย เก๊าะ ฯฒฯ เหว่ย เฒี้ยว ธีง-เหฑ่ง. วั้ว นอม ฒี่ง เหยียด ลิ์ว ไม้ หฒุ แอ๋ง แปง ธ้วด ไฟ ป่าย หว่าย.”#31:40 ฮิบลู หว่า ก๊อง เบี๊ยน.
Currently Selected:
เยเลมี 31: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
