เยเลมี 28
28
จ๊า โต่ว หว่า เมี่ยน, ฮานันยา
1ต้ง วั้ว หฮญัง, เซ เสเดคียา ฝาว เหว่ย โหฒว ฮู่ง กุ๊น ยูดา ตะเฝย หฮญัง, ฮม์ หฮลา, กิเบโอน เมี่ยน, อัดซู เญย ตอน, โต่ว หว่า เมี่ยน, ฮานันยา, เยียม หฒั่ง เฒี้ยว เญย เปย๊า ตอง เจี๊ยน ไซ เมี่ยน เหธา หฒวัง แปะ ฝีง ต๋อย เยีย ก๊อง,#2 ฮู่ง โต้ว 24:18-20; 2 ฒุ่น ต่อย โต้ว 36:11-13 2“เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘เยีย ฒู้ง ว้วด เน้า บาบีโลน ฮู่ง เญย เดี๋ยง-ก์า.#28:2 เอ๋ย เล์ย เซ “ปุน นิ่น เญย ชะ ด๊อด”. 3อี หฮญัง กะญั์ว เยีย อ๋อย เฒาะ หฒั่ง เฒี้ยว เญย เปย๊า เญย จา-สี่ ต้อ หฑวน เถา น้าย นอม ต๋อง, ต้ง บาบีโลน ฮู่ง, เนบูคัดเน้ดซา, เยียม น้าย นอม ต๋อง ธ้าง มี่ง บาบีโลน, วั้ว เต๋ย จา-สี่. 4เยีย หย่า อ๋อย ต้อ ยูดา เญย ฮู่ง, เยโฮยาคิม เญย ตอน, เยโคนียา,#28:4 ไฟ เยโฮยาคีน. เหธา ยูดา หฒุ กว๊าด มี่ง บาบีโลน เญย เหยียด ฒู้ง เมี่ยน หฑวน ต้าย เถา น้าย นอม ต๋อง, เหว่ย หฒุ เยีย อ๋อย ว้วด บาบีโลน ฮู่ง เญย เดี๋ยง-ก์า เน้า.’” น้าย เซ เฒี้ยว ก๊อง เญย หว่า.
5 โต่ว หว่า เมี่ยน, เยเลมี, ฯฒฯ ตอง เจี๊ยน ไซ เมี่ยน เหธา โซ้ว เจี๊ยน เยียม หฒั่ง เฒี้ยว เญย เปย๊า กะญั์ว เญย หฒวัง เมี่ยน, ก๊อง บั๋ว โต่ว หว่า เมี่ยน, ฮานันยา, 6โต่ว หว่า เมี่ยน, เยเลมี, ก๊อง “อาเมน. โท้ เฒี้ยว ฮนั้ง น้าย โหฒว. โท้ เฒี้ยว ปุน เม่ย โต่ว เญย หว่า ธ้วด ต้าย เฒียน, ปุน หฒั่ง เฒี้ยว เญย เปย๊า เญย จา-สี่ เหธา เหยียด ฒู้ง หฒุ กว๊าด มี่ง เญย เมี่ยน เยียม บาบีโลน ตุ๊ หฑวน น้าย นอม ต๋อง. 7มป่า โท้ หมวัง เยีย ก๊อง ปุน เม่ย เหธา หฒวัง เมี่ยน หมวัง ไฮ์ เยีย ก๊อง น้าย โจ๋ว หว่า. 8เยียม โล์! ฮนอย ต้าย, เซ เยียม ด่าง เม่ย เหธา เยีย วั้ว เต๋ย โต่ว หว่า เมี่ยน โต่ว หว่า ก๊อง ธั้ม-กั๊วะ เหธา เหฒีย ต้ม ฝีง อ๋อย หฒุ เบ๊าะ จ๋า, หฒุ หง่อ หฮนาง, หฒุ ววน-แป่ง. 9โต่ว ก๊อง แป้ง ออน เญย เจ๊า วั้ว เต้า โต่ว หว่า เมี่ยน แอ๊ะ, ฒั้ว นิ่น เญย หว่า ธ้วด ต้าย เฒียน, ฯฒฯ ฮิ้ว ตุ๊ หฒะเก้ง เฒี้ยว พ้าย ต้าย เญย โต่ว หว่า เมี่ยน.”
10โต่ว หว่า เมี่ยน, ฮานันยา, ฯฒฯ เฒาะ ก์า เจี๊ยน โต่ว หว่า เมี่ยน, เยเลมี, เญย จาง เญย เดี๋ยง-ก์า, ว้วด เน้า มี่ง. 11ฮานันยา ตอง เจี๊ยน หฒวัง แปะ ฝีง ก๊อง, “เฒี้ยว ฮนั้ง น้าย ก๊อง, ‘อี หฮญัง กะญั์ว เยีย อ๋อย ฮนั้ง น้าย ว้วด เน้า บาบีโลน ฮู่ง, เนบูคัดเน้ดซา, ปุน หม่าน กั๊วะ เมี่ยน ก์า เจี๊ยน เญย เดี๋ยง-ก์า.’” มป่า โต่ว หว่า เมี่ยน, เยเลมี, มี่ง หมี่ อ๊ะ.
12โต่ว หว่า เมี่ยน, ฮานันยา, เฒาะ โต่ว หว่า เมี่ยน, เยเลมี, ก์า เจี๊ยน จาง เญย เดี๋ยง-ก์า ว้วด เน้า ลิ์ว, ฆะฮ้า เยเลมี ตุ๊ ฒิบ เฒี้ยว เญย หว่า ก๊อง, 13“มี่ง บั๋ว ฮานันยา, เฒี้ยว ฮนั้ง น้าย ก๊อง, ‘เม่ย ว้วด เดี๋ยง-ก์า เน้า มป่า เยีย อ๋อย โหฒว เฮลียะ-ก์า ตี๊. 14เหว่ย หฒุ เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง. ‘เยีย เฒาะ เฮลียะ-ก์า ก์า เจี๊ยน น้าย เต๋ย กั๊วะ เญย เมี่ยน เญย จาง ปุน นิ่น บัว ฟู-สู บาบีโลน เญย เนบูคัดเน้ดซา ฮู่ง. นิ่น บัว ฒู้ง อ๋อย หฒุ ฟู-สู นิ่น เหว่ย หฒุ เลี่ยม หล่ม-ฮวาง เญย เฮยี่ย ฒ่อย เยีย จิว ปุน นิ่น หมี่ อ๊ะ.’”
15โต่ว หว่า เมี่ยน, เยเลมี, ก๊อง บั๋ว โต่ว หว่า เมี่ยน, ฮานันยา, “ฮานันยา อ้า! หมวัง ม่าะ! เฒี้ยว ไม้ พ้าย เม่ย. เม่ย หย่า ปุน น้าย เต๋ย แปะ ฝีง เขา ก๊อง-แปะ เญย หว่า. 16เหว่ย น้าย เฒี้ยว ก๊อง, “เยีย อ๋อย ซุ้ย เม่ย ธ้วด ป้าม เกน เญย เดา-เป้ย. ต้ง น้าย หฮญัง กะญั์ว เม่ย อ๋อย หฒุ ไต่, เหว่ย หฒุ เม่ย ก๊อง เญย หว่า แหง่ง เจี๊ยน เฒี้ยว. ”
17ต้ง วั้ว หฮญัง เธี้ยด หฮลา, โต่ว หว่า เมี่ยน, ฮานันยา, ไต่ หมี่ อ๊ะ.
Currently Selected:
เยเลมี 28: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
