เยเลมี 25
25
โต่ว หว่า ก๊อง ยูดา อ๋อย หฒุ ป่าย เธี้ยด เหฒียบ หฮญัง
1ยูดา เญย ฮู่ง, โยสิยา เญย ตอน, เยโฮยาคิม, โหฒว ฮู่ง ตะเฝย หฮญัง, เซ บาบีโลน เญย ฮู่ง, เนบูคัดเน้ดซา, ตุ๊ โหฒว ฮู่ง ต้าว หฮญัง, เยเลมี ตุ๊ ฒิบ เฒี้ยว #25:1 ฮิบลู หว่า ไม้ ม่าย เฒี้ยว วั้ว โจ๋ว หว่า. เญย หว่า ก๊อง เถา ยูดา เญย เหยียด ฒู้ง เมี่ยน.#2 ฮู่ง โต้ว 24:1; 2 ฒุ่น ต่อย โต้ว 36:5-7; ดานีเอน 1:1-2 2โต่ว หว่า เมี่ยน, เยเลมี, เฒาะ น้าย เต๋ย หว่า บั๋ว ยูดา เญย หฒวัง เมี่ยน เหธา เยียม เยลูซาเลม เญย หฒวัง แปะ ฝีง. 3นิ่น ก๊อง, “เยียม ยูดา เญย ฮู่ง, อาโมน เญย ตอน, โยสิยา, โหฒว ฮู่ง เหฒียบ ฟาม หฮญัง วั้ว หฮญัง เถา อี้ ฮนอย เป๋น หญี่ เหฒียบ ฟาม หฮญัง, เยีย ตุ๊ ฒิบ เฒี้ยว เญย หว่า หย่า หฒั่นๆ บั๋ว เม่ย บัว, มป่า เม่ย บัว ไม้ หมวัง.
4“เม่ย บัว ไม้ หมวัง หย่า ไม้ แปง มน่อม หมวัง, ไม้ กุ๊น เฒี้ยว ไม้ ตี้ง เลี่ยว เญย พ้าย นิ่น เญย โปว, เซ หฒวัง โต่ว หว่า เมี่ยน, ต้าย ล์อ เม่ย บัว, 5ก๊อง, ‘เม่ย บัว เก๊าะ-เมี่ยน อ๋อย หฒุ กวั่ง ฆอย กั้น โหฒว เอ๊าะ เญย เจ๊า เหธา โหฒว เญย หว่าย สี่. เม่ย บัว ฯฒฯ ตุ๊ เยียม เจี๊ยน เฒี้ยว โล์-ฮนอย จิว ปุน เม่ย บัว เหธา เม่ย บัว เญย อง-ถาย เญย เต่ย-ปูง เถา เหยียด ลิ์ว. 6ไม้ ตู๋ง มี่ง กัน เหญี่ย เญย เฒี่ยน เหว่ย ฟู-สู, ป๋าย, ไฟ หล่ง เม่ย บัว เญย ปั์ว โหฒว เญย กง ธัวะ เยีย เฉีย เจี์ย. ฮนั้ง หน่าย เยีย ฯฒฯ ไม้ ห่อย เม่ย บัว.’”
7 เฒี้ยว ก๊อง, “มป่า เม่ย บัว ไม้ หมวัง เยีย. เม่ย บัว หล่ง เม่ย บัว เญย ปั์ว โหฒว เญย กง ธัวะ เยีย เฉีย เจี์ย, หย่า ห่อย เม่ย บัว กั้น.”
8เหว่ย น้าย เน่น เจี๋ย เญย เฒี้ยว ฮนั้ง น้าย ก๊อง, “หลาย เม่ย บัว ไม้ หมวัง เยีย เญย หว่า, 9เยีย ฯฒฯ เห่ว ป๊ะ ปูง เญย หฒวัง ฝีง เหธา เยีย เญย โปว, บาบีโลน ฮู่ง, เนบูคัดเน้ดซา, ต้าย เบ๊าะ น้าย นอม เต่ย-ปูง เหธา เยียม เต่ย-ปูง เญย แปะ ฝีง เหธา เว่ย ก๋อม เหยียด ฒู้ง กั๊วะ เญย เมี่ยน. เยีย อ๋อย เหมียด นิ่น บัว หฒุด เหฑ่ง,#25:9 เป๊ย หมั่ง ธ้วด อียิบ 22:20. ปุน เป๋น กั้ม เหฑีย เญย กะน้าย, หฒุ เมี่ยน ฮว้วด หย่า เหยียด ลิ์ว กวั่ง ฮวาง.”#25:9 ฮิบลู หว่า ก๊อง กวั่ง ฮวาง. ม่าย เต๋ย โซว ฟาน ต้าย ก๊อง หฒุ เฆ่ม. น้าย เซ เฒี้ยว ก๊อง เญย หว่า. 10ไม้ ตาน บัวะ น้าย, เยีย อ๋อย เฒาะ ฆอย เยียม นิ่น บัว บุด๋ง เฌียน-โย่ว, ออน-เหลาะ เญย เฉีย, เซียง-ล่าง เซียง-บวั์ง เญย เฉีย, เหธา หม่อ เญย เฉีย, เหธา ตัง เญย ฌัง.#เยเลมี 7:34; 16:9; หล่าว ย่าง 18:22-23 11น้าย นอม เต่ย-ปูง เหยียด ฒู้ง ฯฒฯ เป๋น ป่าย หว่าย ป่าย ฮวาง เญย ต๋อง. น้าย เต๋ย กั๊วะ เญย เมี่ยน อ๋อย หฒุ ฟู-สู บาบีโลน ฮู่ง เธี้ยด เหฒียบ หฮญัง.#2 ฒุ่น ต่อย โต้ว 36:21; เยเลมี 29:10; ดานีเอน 9:2
12“เจี๋ย ลิ์ว เธี้ยด เหฒียบ หฮญัง, เยีย อ๋อย ตี่ง บาบีโลน ฮู่ง เหธา วั้ว นอม กั๊วะ เญย เมี่ยน, เซ เคนเดีย เมี่ยน เญย เต่ย-ปูง เญย ฒุ์ย, หลาย นิ่น บัว เญย เอ๊าะ สี่ ปุน เต่ย-ปูง เหยียด ลิ์ว หฒุ กวั่ง ฮวาง.” น้าย เซ เฒี้ยว ก๊อง เญย หว่า. 13“เยีย อ๋อย ปุน วั้ว นอม เต่ย-ปูง หฒุ หฒิว เยีย ก๊อง เจี๋ย อ๋อย ปุน หฒุ เญย สี่, เซ เฟี้ย เจี๊ยน น้าย ป๊วน โซว เญย เหยียด ฒู้ง หว่า, ต้ง เยเลมี โต่ว หว่า ก๊อง น้าย เต๋ย หม่าน กั๊วะ. 14เหว่ย หฒุ ม่าย เหฒีย กั๊วะ เมี่ยน เหธา ต้ม ฮู่ง เตี๋ย อ๋อย ปุน เลี่ยม น้าย ฝีง เมี่ยน โหฒว โน่ว. เยีย หย่า อ๋อย หฒิว นิ่น บัว โหฒว เญย สี่ เหธา นิ่น บัว เญย ปั์ว โหฒว เญย กง วิ่น ปุน นิ่น บัว.”
ทิน-ฮู่ง อ๋อย ปุน หม่าน กั๊วะ หฒุ ตี่ง ฒุ์ย
15 เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง บั๋ว เยีย, “เฒาะ เยียม เยีย เญย ปั์ว เญย ฒ้าน, เซ ตั๊บ ปวั๊ง โน์ว เมี่ยน เญย อะหงุ่น ติ๊ว เญย ฒ้าน, ปุน เยีย พ้าย เม่ย มี่ง เถา เญย หม่าน กั๊วะ เมี่ยน ฮบ. 16นิ่น บัว ฮบ ลิ์ว ฯฒฯ ลู่งๆ ไล่ๆ เญย หย่า ไม้ ฑัง, หลาย เยีย ปุน หฒุ เบ๊าะ จ๋า เญย เจ๊า#25:16 ฟาน หฒะ ฮิบลู หว่า ก๊อง เยีย ปุน หฑุ ด๊าว. เยียม 25:27; 29 ฟี่ ฮนั้ง เญย. เยียม นิ่น บัว บุด๋ง.”
17เยีย ฯฒฯ ฒิบ เยียม นิ่น เญย ปั์ว ต้าย เญย ฒ้าน, แอ๋ง อ๊าบ ต้ง เฒี้ยว พ้าย เยีย มี่ง เญย หม่าน กั๊วะ เมี่ยน ฮบ. 18ม่าย เยลูซาเลม เหธา ยูดา เญย ฒี่ง, เลี่ยม วั้ว เต๋ย ฒี่ง เญย ฮู่ง เหธา เจียน, ฯฒฯ โหฒว ปุน น้าย เต๋ย ฒี่ง เป๋น ป่าย ฮวาง กวั่ง ฮวาง เญย ต๋อง, หฒุ ฮว้วด หย่า หฒุ เหฒียว ฮนั้ง อี้ จ๋า ฮนอย. 19แอ๋ง ม่าย อียิบ เญย ฟาโล ฮู่ง เหธา นิ่น เญย โปว, นิ่น เญย เจียน, เหธา นิ่น เญย หฒวัง แปะ ฝีง, 20หย่า ม่าย เยียม นิ่น บัว บุด๋ง เญย กั้น ฝีง เมี่ยน, เหธา อูด เต่ย เญย เหยียด ฒู้ง ฮู่ง เตี๋ย, เหธา ฟีลิสะเตีย เต่ย เญย หฒวัง ฮู่ง เตี๋ย, เซ เยียม อัดเคโลน, กาซา, เอโคโลน เหธา อัดโดด เหฒ่ง เหฌี่ย เญย เมี่ยน. 21ม่าย เอโดม เมี่ยน, โมอับ เมี่ยน เหธา อัมโมน เญย เฒ้ย-ฟุน. 22ม่าย ไทละ เญย หฒวัง ฮู่ง เหธา ไซดอน เญย หฒวัง ฮู่ง เหธา วั้ว หง่าน หฒิ ค้อย-เฮลน เญย ฮู่ง. 23ม่าย เดดาน, เทมา, บุด เหธา เหยียด ฒู้ง จั๊บ บะเปยย แป้ง เญย ฮวีง ก๋อม มฆ้อง#25:23 ม่าย เต๋ย โซว ฟาน ต้าย ก๊อง “เยียม โก เญย ต๋อง วั้ว เต๋ย”. เญย เมี่ยน. 24ม่าย อาละเบีย เญย หฒวัง ฮู่ง เหธา หฒอบ เจี๊ยน เยียม เต่ย-ปูง-ฮวาง ฝีงๆ เมี่ยน เญย หฒวัง ฮู่ง. 25ม่าย สิมลี เญย หฒวัง ฮู่ง, เอลาม เญย หฒวัง ฮู่ง เหธา มีเดีย เญย หฒวัง ฮู่ง. 26ม่าย ป๊ะ ปูง เญย หฒวัง ฮู่ง ไม้ กุ๊น โก ไฟ ฟัด, เหยียด ล่าน เจี๋ย เหยียด ล่าน, เถา ก๋อม เหฑ่ง ลู่ง เดี๊ย เดา-เป้ย เญย หม่าน กั๊วะ. ฮบ ลิ์ว, ฆะฮ้า บาบีโลน ฮู่ง#25:26 ฮิบลู หว่า ก๊อง เซซัก, น้าย โจ๋ว ก๊อง หฒุ บาบีโลน. อ๋อย หฒุ ฮบ. 27“เม่ย อ๋อย หฒุ บั๋ว นิ่น บัว, เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, ‘อ๋อย หฒุ ฮบ ฆวิน มี่ง แอ๋ง โล้ หย่า คีง เหฌี่ย เดา, ไม้ ไฮ่ แอ๋ง เจี์ย ซิน, หลาย เยีย ปุน เยียม เม่ย บัว บุด๋ง หฒุ เบ๊าะ จ๋า.’ 28สี ก๊อง นิ่น บัว ไม้ คั้ง ฒิบ เยียม เม่ย เญย ปั์ว น้าย นอม ฒ้าน ต้าย ฮบ, เม่ย อ๋อย หฒุ บั๋ว นิ่น บัว, ‘เน่น เจี๋ย เญย เฒี้ยว ฮนั้ง น้าย ก๊อง, ‘เม่ย บัว ฒู้ง อ๋อย หฒุ ฮบ, 29เหว่ย หฒุ หมั่ง ม่าะ! เยีย เยียม ต้ง กัน เยีย เญย บั๋ว เห่ว เญย ฒี่ง เจี์ย กอน ปุน เธี้ยว เญย เหฒะ หน่าน ธ้วด. เม่ย บัว ไฮ่ เปย๋า ตุ๊ ดุ๊ด, ไม้ หฒุ ตี่ง ฒุ์ย ไฟ? เม่ย บัว ฒู้ง เปย๋า ไม้ ดุ๊ด, เหว่ย หฒุ เยีย พ้าย ปุน เบ๊าะ จ๋า เญย สี่ ธ้วด เยียม ลู่ง เดี๊ย เหยียด ฒู้ง เมี่ยน ม่าน บุด๋ง.’ เน่น เจี๋ย เญย เฒี้ยว ฮนั้ง น้าย ก๊อง.
30เยเลมี อ้า! เหว่ย น้าย เม่ย อ๋อย หฒุ โต่ว น้าย เต๋ย เหยียด ฒู้ง หว่า ก๊อง นิ่น บัว. อ๋อย หฒุ บั๋ว นิ่น บัว,
“เฒี้ยว อ๋อย เยียม ฮลัง เญย ต๋อง เห่ว,
หย่า เยียม นิ่น เญย ธีง-เหฑ่ง ต๋อง ธ้วด เฉีย,
เห่ว บุย เญย ก๊อง นิ่น เญย ปะกี ยู่ง กวั้น,
ฮนั้ง เมี่ยน เห่ว เจี๊ยน เฉีย โฮล เญย เญว่ย อะหงุ่น เปี๊ยว นอ,
ก๊อง เหยียด ฒู้ง ลู่ง เดี๊ย เมี่ยน.
31เฉีย บุย ฯฒฯ แอ๊ง มี่ง เถา จ่ม ลู่ง เดี๊ย,
เหว่ย หฒุ เฒี้ยว อ๋อย โก๋ หม่าน กั๊วะ.
ตะฟ่าน ม่าย อ๊อ ซิน เญย, นิ่น อ๋อย เซี้ยม.
โหฒว เอ๊าะ เญย เมี่ยน, นิ่น อ๋อย ปุน หฒุ หฑุ ด๊าว ไต๋.’
น้าย เซ เฒี้ยว ก๊อง เญย หว่า.”
32เน่น เจี๋ย เญย เฒี้ยว ฮนั้ง น้าย ก๊อง,
“หมั่ง ม่าะ! ม่าย เธี้ยว เญย เหฒะ หน่าน
อ๋อย เยียม น้าย นอม กั๊วะ เจี๋ย วั้ว นอม กั๊วะ.
เยียม ลู่ง เดี๊ย โก เจี๋ย เญย ต๋อง
หย่า ม่าย ต้ม หฑยาว เจี์ย กอน ป่วน ต้าย.”
33เถา วั้ว ฮนอย เยียม น้าย ปูง ลู่ง กอน เถา วั้ว ปูง ลู่ง กอน ม่าย หฒุ เฒี้ยว ไต๋ เญย เมี่ยน. ไม้ ม่าย หาย เต้า เญี้ยม นิ่น บัว, ไฟ เซียว ไฟ ปย๊บ นิ่น บัว. นิ่น บัว ฯฒฯ เยียม วั้ว เดา-เป้ย ฮนั้ง ไฆ้ นอ.
34โก๋ว ปะกี ยู่ง เญย เมี่ยน อ้า!
เม่ย บัว อ๋อย หฒุ เญี้ยม หย่า เห่ว ธ้วด.
ปะกี ยู่ง กวั้น เญย เฒี้ยว อ๋อย หฒุ หฌัง ซ้าย กะญั์ว,#25:34 เอ๋ย เล์ย เซ ปุน ธีง นิ่น บัว เฑ่า.
เหว่ย หฒุ เม่ย บัว หฒุ ไต๋, หฒุ ปุน หฑาน เญย ฮนอย-เหญียะ เถา.
เม่ย บัว ฯฒฯ ฮนั้ง ปะกี ยู่ง โก๊ว เหฑว่ย เญย คีง เหฌี่ย.#25:34 น้าย เซ กัน กีก หว่า. ฮิบลู หว่า ก๊อง เหฑว่ย เญย จา-สี่.
35โก๋ว ปะกี ยู่ง เญย เมี่ยน ไม้ ม่าย เจ๊า เปย๋า,
ปะกี ยู่ง กวั้น เญย เฒี้ยว หย่า ไม้ ม่าย เจ๊า เปย๋า.
36หมวัง ม่าะ! ม่าย โก๋ว ปะกี ยู่ง เญย เมี่ยน เห่ว,
หย่า ม่าย ปะกี ยู่ง กวั้น เญย เฒี้ยว เญี้ยม เฉีย บุย เญย,
เหว่ย หฒุ เฒี้ยว โหฒว หว่าย นิ่น บัว เญย เมี้ย-เธี้ยง.
37แป้ง ออน เซ้ก เหฑียะ เญย ปะกี ยู่ง ล่าน หฒุ ป่าย หว่าย
หลาย เฒี้ยว เฉีย เจี์ย! โน์ว ไห่.
38นิ่น ฮนั้ง เซี่ยน เล่ย ฆอย นิ่น เญย ค้วด,
เหว่ย หฒุ นิ่น บัว เญย เต่ย-ปูง หฒุ ป่าย เหฑ่ง,
หลาย เหฒย เมี่ยน วั้ว เต้า เญย หฑุ ด๊าว
หย่า หลาย เฒี้ยว โน์ว, เฉีย เจี์ย ไห่.
Currently Selected:
เยเลมี 25: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
