เยเลมี 24
24
ง่ง หญอ เปี๊ยว หลง เหธา หว่าย
1บาบีโลน เญย ฮู่ง, เนบูคัดเน้ดซา เฒาะ ยูดา ฮู่ง, เยโฮยาคิม เญย ตอน, เยโคนียา, เหธา ยูดา เญย เจียน เหธา หฒั่ง เมี่ยน เหธา เฮลียะ-หฒั่ง เยียม เยลูซาเลม กว๊าด มี่ง เถา บาบีโลน หมี่ อ๊ะ.#2 ฮู่ง โต้ว 24:12-16; 2 ฒุ่น ต่อย โต้ว 36:10 น้าย เต๋ย สี่ เจี๋ย ลิ์ว, เฒี้ยว ปุน เยีย ปวัด น้าย เต๋ย หิ่น ย่าง เญย สี่. ม่าย อี ดาน ง่ง หญอ เปี๊ยว อัน เจี๊ยน หฒั่ง เฒี้ยว เญย เปย๊า หฑะเฮมียน. 2เหยียด ดาน เซ หลง ไห่ เญย ง่ง หญอ เปี๊ยว, ฮนั้ง หฒัวะ ด่าง เญย ต้าว ถอง เปี๊ยว. มป่า แอ๋ง ม่าย ดาน เซ หว่าย ไห่ เญย เปี๊ยว. หว่าย เกา, ฒู้ง ไม้ เป๋น หญั่น.
3 เฒี้ยว หน่าย เยีย, “เยเลมี อ่า, เม่ย ปวัด หาย หญู่ง?”
เยีย ก๊อง, “เยีย ปวัด ง่ง หญอ เปี๊ยว. หลง เญย วั้ว เต๋ย หลง เกา, หว่าย วั้ว เต๋ย หฒะเก้ง หว่าย เกา, ฒู้ง ไม้ เป๋น หญั่น.”
4เยีย แอ๋ง ตุ๊ ฒิบ เฒี้ยว เญย หว่า ก๊อง, 5“เฒี้ยว, อิสะลาเอน เมี่ยน เญย ทิน-ฮู่ง, ฮนั้ง น้าย ก๊อง, ‘น้าย เต๋ย หลง เญย ง่ง หญอ เปี๊ยว เป๊ย หฒุ กว๊าด มี่ง เญย ยูดา เมี่ยน, ต้ง เยีย ปุน เยียม น้าย นอม ต๋อง ธ้วด มี่ง เถา เคนเดีย เมี่ยน เญย เต่ย-ปูง. 6เยีย เญย มฒีง อ๋อย หมั่ง เจี๊ยน นิ่น บัว เหว่ย ปุน นิ่น บัว ตุ๊ หลง. เยีย หย่า อ๋อย ต้อ นิ่น บัว หฑวน น้าย นอม เต่ย-ปูง. เยีย เหธย เจี์ย นิ่น บัว, ไม้ เฒ์ย แธะ นิ่น บัว เหฌี่ย. เยีย อ๋อย หฒวัง นิ่น บัว, ไม้ เฒ์ย แปง นิ่น บัว ธ้วด. 7เยีย อ๋อย ปุน นิ่น บัว ม่าย เฮญี้ยว ฮิ้ว ตุ๊ เยีย เซ เฒี้ยว. นิ่น บัว ฯฒฯ โหฒว เยีย เญย แปะ ฝีง, เยีย หย่า โหฒว นิ่น บัว เญย ทิน-ฮู่ง, เหว่ย หฒุ นิ่น บัว อ๋อย ปวั๊ง เฮญี้ยว หฑวน ต้าย ล์อ เยีย.”
8“เฒี้ยว ฮนั้ง น้าย ก๊อง, ‘วั้ว เต๋ย หว่าย เญย ง่ง หญอ เปี๊ยว, ต้ง หว่าย เกา, ฒู้ง ไม้ เป๋น หญั่น เญย เปี๊ยว, เยีย อ๋อย ฮนั้ง น้าย โหฒว ปุน ยูดา ฮู่ง, เสเดคียา, เหธา นิ่น เญย เจียน เหธา เหฒ่ง เหฌี่ย เยียม น้าย นอม เต่ย-ปูง เหธา เยียม เจี๊ยน อียิบ เต่ย-ปูง เญย เยลูซาเลม เมี่ยน. 9เยีย อ๋อย ปุน นิ่น บัว เป๋น ลู่ง เดี๊ย หม่าน กั๊วะ เมี่ยน กั้ม เหฑีย ไห่ เญย กะน้าย, ปุน นิ่น บัว หฒุ เมี่ยน ต้าน, หฒุ เป๋น โก๊ว ก๊อง, เยียม เยีย อ๋อย หฒุ่น นิ่น บัว มี่ง เยียม เญย นอมๆ ต๋อง หฒุ เมี่ยน จั๊ด หย่า หฒุ เมี่ยน เหฒียว. 10เยีย อ๋อย ปุน นิ่น บัว หฒุ หฑุ ด๊าว, หฒุ หง่อ หฮนาง, หฒุ ววน-แป่ง, เถา นิ่น บัว เยียม เยีย เหธย ปุน นิ่น บัว เหธา นิ่น บัว เญย อง-ถาย เญย เต่ย-ปูง หฒุ เหมียด เหฑ่ง หมี่ อ๊ะ.’”
Currently Selected:
เยเลมี 24: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
