เยเลมี 20
20
ปาดเฮ เฒาะ เยเลมี
1อิมเม เญย ตอน, ปาดเฮ ไซ เมี่ยน, โหฒว เปย๊ย กุ๊น หฒั่ง เฒี้ยว เญย เปย๊า. นิ่น ไฮ์ เยเลมี โต่ว หว่า ก๊อง น้าย เต๋ย สี่. 2ปาดเฮ ฯฒฯ เบ๊าะ โต่ว หว่า เมี่ยน, เยเลมี, แอ๋ง เยียม หฒั่ง เฒี้ยว เญย เปย๊า วั้ว เจี๋ย ปูง เบนยามิน แก้ง เญย กับ ปั์ว-เหฒา กะน้าย กับ เจี๊ยน นิ่น. 3ตะเหญ่ย ฮนอย, ปาดเฮ ปู๋ง เยเลมี ธ้วด กับ ปั์ว-เหฒา เญย กะน้าย วั้ว หฒั่น, เยเลมี ก๊อง บั๋ว นิ่น, “เฒี้ยว ไม้ เฒ์ย เห่ว เม่ย เญย บั๋ว โหฒว ปาดเฮ. นิ่น เห่ว เม่ย โหฒว มาโกมิดซาบิบ.#20:3 มาโกมิดซาบิบ เญย เอ๋ย เล์ย เซ “แฮะ เว่ย ก๋อม เญย ต๋อง กั้ม เหฑีย”. 4เหว่ย หฒุ เฒี้ยว ฮนั้ง น้าย ก๊อง, “เยีย ฒู้ง อ๋อย ปุน เม่ย แฮะ เม่ย กั้น กั้ม เหฑีย, แอ๋ง แฮะ เม่ย เญย เหยียด ฒู้ง โล์-แกง ต่อย กั้ม เหฑีย. เม่ย หมั่ง เจี๊ยน เญย เฒี่ยง โห่, นิ่น บัว เยียม วิน-วั้ง เญย หฑะเฮมียน หฒุ หฑุ ด๊าว ไต๋. เยีย หย่า อ๋อย เฒาะ ยูดา เญย หฒวัง เมี่ยน จิว ปุน บาบีโลน เญย ฮู่ง. นิ่น หย่า อ๋อย เฒาะ นิ่น บัว กว๊าด มี่ง เถา บาบีโลน, เยียม วั้ว หล่ง หฑุ ด๊าว ไต๋ นิ่น บัว. 5ไม้ ตาน บัวะ น้าย. เยีย อ๋อย เฒาะ เยียม น้าย นอม ฒี่ง เญย เหยียด ฒู้ง ฒิ่น ฒ่อย, เหยียด ฒู้ง หฒ่อน ต้าย เญย กะน้าย, เหธา ยูดา ฮู่ง เหยียด ฒู้ง จ๋าย เญย กะน้าย, จิว ปุน เยียม นิ่น บัว เญย วิน-วั้ง เญย ปั์ว ลู้, อ๋อย เฒาะ แอ๋ง เปี้ยน มี่ง บาบีโลน. 6ปาดเฮ อ้า! เม่ย แอ๊ะ, เหธา เหยียด ฒู้ง เยียม เม่ย เญย เปย๊า เญย เมี่ยน อ๋อย หฒุ กว๊าด มี่ง. เม่ย ฯฒฯ มี่ง บาบีโลน. เม่ย ฒู้ง อ๋อย หฒุ เยียม วั้ว ไต่ แอ๋ง หฒัง เจี๊ยน วั้ว, เซ เม่ย เหธา เม่ย เญย หฒวัง โล์-แกง ต่อย, ต้ง เม่ย โต่ว จ๊า หว่า ปุน วั้ว เต๋ย.”
เยเลมี งบ
7 เฒี้ยว อ่า, เม่ย ดั๊ว เยีย, เยีย หย่า หฒุ ดั๊ว อ๊ะ.#20:7 ไฟ “เม่ย ก๊อง เกา, เยีย อ๋อย หฒุ แล์ง เอย อ๊ะ”.
เม่ย ม่าย ชะ เก้า เฮ้น เยีย ฯฒฯ ฮี่ง เยีย.
เยีย เฒี่ยง ฮนอย หฒุ เมี่ยน จั๊ด เยีย,
เต้าๆ ฮว้วด เยีย.
8เหว่ย หฒุ เยีย หาย หฒั่น ก๊อง, เยีย เห่ว ธ้วด.
เยีย เห่ว เจี๊ยน ก๊อง, “หฒุ เฮ้ย สี่, ป่าย หว่าย อ๊ะโล่ะ!”
เหว่ย หฒุ เฒี้ยว เญย หว่า เฒี่ยง ฮนอย
ปุน เยีย หฒุ เมี่ยน ก๊อง โตะ, หฒุ เมี่ยน ฮว้วด.
9สี ก๊อง เยีย ไม้ แอ๋ง ก๊อง, “เยีย ไม้ ก๊อง เถา นิ่น,
ไฟ แอ๋ง เต๊ง นิ่น เญย บั๋ว ก๊อง,”
นิ่น เญย หว่า เยียม เยีย เญย เฮญี้ยว ฮนั้ง โต์ว ปั๊ว นอ,
หย่า ฒด เจี๊ยน เยีย เญย บู๊ง กะญั์ว.
เยีย เญี์ยน เจี๊ยน ไฮ์ โค้ว ไห่,
เญี์ยน ไม้ ตุ๊ อ๊ะ.
10เหว่ย หฒุ เยีย ไฮ์ เมี่ยน ธั้ม เญย หว่า-ซับ ก๊อง,
“กั้ม เหฑีย ไห่ เญย สี่ เยียม เว่ย ก๋อม.”
เยีย หฒัวะ ไห่ เญย เหยียด ฒู้ง โล์-แกง ต่อย ก๊อง,
“โก๋ นิ่น ม่าะ! บัว ล่ม ฑ่อย โก๋ นิ่น อ๊ะ.”
นิ่น บัว หย่า ฒั้ว เจี๊ยน เยีย โหฒว ต่อง.#20:10 โหฒว ต่อง ฟาน หฒะ ก๊อง, ดิ๊ หฒุ ดอบ.
นิ่น บัว ก๊อง, “เหฑีย นิ่น ไฮ่ หฒุ ดั๊ว,
เยีย บัว ฯฒฯ ไฮ่ ฮี่ง นิ่น,
แอ๋ง จ๊าว วิน ปุน นิ่น.”
11มป่า เฒี้ยว เหธา เยีย เยียม
ฮนั้ง เบ๊าะ จ๋า เฮ้น เญย แปง นอ.”#20:11 ไฟ “ฮนั้ง กั้ม เหฑีย ไห่ เญย ต้ม แปง นอ”.
โหฒว โตะ เยีย วั้ว เต๋ย ฯฒฯ ดิ๊ หฒุ ดอบ.
นิ่น บัว ไม้ ไฮ่ ฮี่ง เยีย.
นิ่น บัว ฒู้ง หฒุ ป่าย เฮมียน ธั้ม เญย,
เหว่ย หฒุ นิ่น บัว โหฒว ไม้ ธ้วด.
นิ่น บัว หฒุ ป่าย เฮมียน,
เมี่ยน เหยียด ลิ์ว ไม้ หละคุ.
12เน่น เจี๋ย เญย เฒี้ยว อ้า!
เม่ย เสย คู้ เมี่ยน,
หย่า หมั่ง เมี่ยน เญย เฮญี้ยว เหธา ฮนั้ม เญย สี่.
โท้ ปุน เยีย ปวัด เม่ย จ๊าว วิน ปุน นิ่น บัว,
เหว่ย หฒุ เยีย เฒาะ เยีย เญย สี่ จิว ปุน เม่ย หมี่ อ๊ะ.
13อ๋อย หฒุ ป๋าว ฑูง ปุน เฒี้ยว,
อ๋อย หฒุ เธง เฒี้ยว,
เหว่ย หฒุ นิ่น เหฌียว ตั๋ง-ต๋น เมี่ยน เญย แหม่ง,
เปย๋า ดุ๊ด เอ๊าะ เมี่ยน เญย ปั์ว-เดี๊ย.
14โท้ ปุน เยีย ธ้วด เสย วั้ว ฮนอย หฒุ เหฒียว อ๊ะ.
โท้ ไม้ ตู๋ง ปุน เยีย เญย มา ยู์ง เยีย ต้าย วั้ว ฮนอย ตุ๊ ฟุ.#โย้บ 3:1-19
15โท้ ปุน ต้อ เฝียน ต้าย บั๋ว เยีย เญย เตีย,
“เม่ย ตุ๊ เต้า ตอน ต้าย อ๊ะ,”
ปุน เยีย เญย เตีย อะเฮน้ย วั้ว เต้า เมี่ยน หฒุ เหฒียว อ๊ะ.
16โท้ ปุน วั้ว เต้า เมี่ยน
ฮนั้ง เฒี้ยว ป่าย หว่าย วั้ว เต๋ย ฒี่ง,
ไม้ ตุ๊ ค้อ-เลี่ยน.
โท้ ปุน นิ่น ลู่ง ดอม หมวัง ไฮ์ เฑ่า เญี้ยม เญย เฉีย,
ลู่ง อ๋าน ไฮ์ เบ๊าะ จ๋า เญย เฉีย บุย.
17เหว่ย หฒุ เยีย เยียม มา เญย กะเซีย วั้ว หฒั่น นิ่น ไม้ ไต๋ เยีย,
ปุน เยีย เญย มา เป๋น หฒัง เยีย เญย โฒ้ว,
นิ่น เญย กะเซีย เหยียด ลิ์ว โฮล.
18เยีย เหว่ย หาย ติ่ว ธ้วด เสย ต้าย?#20:18 ฟาน หฒะ ก๊อง ธ้วด กู้งว์า-บัวะ.
เหว่ย ปวัด ล่าว หลุ่ย, เฑ่า โค้ว,
ปุน หฒุ ไญ้ เญย เจ๊า
หญั่น เหฑ่ง เยีย เญย ฮนอย-เหญียะ.
Currently Selected:
เยเลมี 20: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
