เยเลมี 16
16
เฒี้ยว ตี่ง แปะ ฝีง เญย ฒุ์ย
1เยีย แอ๋ง ตุ๊ ฒิบ เฒี้ยว เญย หว่า ก๊อง, 2“เม่ย เยียม น้าย นอม เต่ย-ปูง ไม้ ตู๋ง หล่ง เอ๊า, ไม้ ตู๋ง ม่าย ตอน ม่าย เซียะ. 3เหว่ย หฒุ เฒี้ยว ฮนั้ง น้าย นอ ก๊อง เถา เยียม น้าย นอม ต๋อง ธ้วด เสย เญย ตอน เซียะ, หย่า ก๊อง เถา เยียม น้าย นอม เต่ย-ปูง ยู์ง นิ่น บัว วั้ว เต๋ย เตี๋ย หม่า. 4นิ่น บัว ฒู้ง หฒุ เธี้ยว เญย ววน-แป่ง ไต่ หย่า ไม้ ม่าย หาย เต้า เหว่ย นิ่น บัว เฑ่า เญี้ยม, ไม้ ม่าย หาย เต้า ปย๊บ. นิ่น บัว เญย เซย ฯฒฯ เยียม วั้ว เดา ฮนั้ง ไฆ้ นอ. นิ่น บัว หฒุ หฑุ ด๊าว, หฒุ หง่อ หฮนาง ไต่. นิ่น บัว เญย เซย ฯฒฯ เป๋น ด๊าม-ลู่ง เญย เหนาะ เหธา เดา-เป้ย เญย เฮยี่ย ฒ่อย เญย หญั่น ฮบ.
5เหว่ย หฒุ เฒี้ยว ก๊อง, “ไม้ ตู๋ง เปียะ เมี่ยน เฑ่า เญี้ยม เญย เปย๊า ไฟ มี่ง เถง เมี่ยน เญี้ยม ไฟ เถง นิ่น บัว เฑ่า.” เฒี้ยว ก๊อง, “เหว่ย หฒุ เยีย เยียม น้าย เต๋ย แปะ ฝีง ฒู้ง เฒาะ เยีย เญย แป้ง ออน เหธา เยีย เหฒียบ ฒัวะ ฮนั้ม เมี่ยน เญย เจ๊า เหธา ค้อ-เลี่ยน เมี่ยน เญย เฮญี้ยว ธ้วด หมี่ อ๊ะ. 6เลี่ยม โหฒว โฮล โหฒว ไฝ ฒู้ง หฒุ เยียม น้าย นอม เต่ย-ปูง ไต่. ไม้ ม่าย หาย เต้า ปย๊บ ไฟ เหว่ย นิ่น บัว เฑ่า เญี้ยม, ไฟ ก๊าด ซิน ไฟ เถย มฆ้อง เหว่ย นิ่น บัว เฑ่า. 7ไม้ ม่าย หาย เต้า เบ่น หญั่น ฮบ เถง เหว่ย เมี่ยน ไต่ เฑ่า เญี้ยม เญย เมี่ยน ไจ๊ เฑ่า. เลี่ยม เหว่ย นิ่น บัว เญี้ยม เตีย ไฟ มา, ไม้ ม่าย หาย เต้า ปุน ฒ้าน ติ๊ว ออน นิ่น บัว เญย เฮญี้ยว.
8“เม่ย หย่า ไม้ ตู๋ง เปียะ โหฒว จอม เบ่น หญั่น เญย เปย๊า เหธา นิ่น บัว เฒว์ย เจี๊ยน หญั่น, เฒว์ย เจี๊ยน ฮบ.” 9เหว่ย หฒุ เน่น เจี๋ย เญย เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, “เยียม เม่ย บัว เฒี่ยง เจี๊ยน เญย ฮนอย-เหญียะ, เยีย อ๋อย ตอง เจี๊ยน เม่ย บัว ปุน โหฒว จอม, โหฒว เหน่า หญิด เญย เฉีย, เหธา เซียง-ล่าง เซียง-บวั์ง เญย เฉีย, เยียม น้าย นอม เต่ย-ปูง เซ้ก เหฑียะ.#เยเลมี 7:34; 25:10; หล่าว ย่าง 18:23
10“เม่ย เฒาะ น้าย เต๋ย เหยียด ฒู้ง หว่า บั๋ว น้าย เต๋ย แปะ ฝีง เญย เฒี่ยง โห่, นิ่น บัว อ๋อย หน่าย เม่ย, ‘เฒี้ยว เหว่ย หาย ติ่ว ก๊อง อ๋อย ปุน เยีย บัว หฒุ น้าย เต๋ย เหยียด ฒู้ง เหฒะ หน่าน? เยีย บัว โหฒว หาย หญู่ง เอ๊าะ สี่? เยีย บัว ป์าม หาย หญู่ง ฒุ์ย ต่อง เฒี้ยว, เยีย บัว เญย ทิน-ฮู่ง? 11วั้ว หฒั่น เม่ย อ๋อย หฒุ บั๋ว นิ่น บัว, เฒี้ยว ก๊อง, ‘เซ หลาย เม่ย บัว เญย อง-ถาย กวั่ง เยีย มี่ง กัน เหญี่ย เญย เฒี่ยน ฯฒฯ ฟู-สู, ป๋าย วั้ว เต๋ย เฒี่ยน. นิ่น บัว กวั่ง เยีย, ไม้ เอย เจี๊ยน เยีย เญย เล์ย-หลัด โหฒว. 12มป่า เม่ย บัว โหฒว เก้า หว่าย เจี๋ย เม่ย บัว เญย อง-ถาย เหว่ย หฒุ เก๊าะ-เมี่ยน เอย เจี๊ยน เก๊าะ-เมี่ยน กั้น เอ๊าะ เญย เอ๋ย โหฒว เฮญี้ยว แหง่ง, ไม้ คั้ง หมวัง เยีย. 13เหว่ย น้าย เยีย อ๋อย เฒาะ เม่ย บัว เยียม น้าย นอม เต่ย-ปูง ธ้วด มี่ง เถา เม่ย บัว เหธา เม่ย บัว เญย อง-ถาย ไม้ ฮิ้ว เจี๋ย เญย เต่ย-ปูง. เยียม วั้ว เม่ย บัว ฯฒฯ เฒี่ยง ฮนอย เฒี่ยง ม์วน ฟู-สู เหญี่ย เญย เฒี่ยน, เหว่ย หฒุ เยีย ไม้ โหฒว หาย หญู่ง ค้อ-เลี่ยน เม่ย บัว.’
14 เฒี้ยว ก๊อง, “ฮนอย-เหญียะ อ๋อย เถา, ไม้ ม่าย เมี่ยน แอ๋ง ก๊อง, ‘เยีย เฒี้ยง เจี๊ยน เฒี่ยง เจี๊ยน เญย เฒี้ยว, ต้ง ต้อ อิสะลาเอน เมี่ยน ธ้วด อียิบ เต่ย-ปูง วั้ว เต้า.’ 15มป่า นิ่น บัว อ๋อย ก๊อง, “เยีย เฒี้ยง เจี๊ยน เฒี่ยง เจี๊ยน เญย เฒี้ยว, ต้ง ต้อ อิสะลาเอน เมี่ยน เยียม ป๊ะ ปูง เญย ต๋อง, เหธา เยีย หฒุ่น นิ่น บัว มี่ง เถา เญย นอมๆ กั๊วะ หฑวน ต้าย.’ เหว่ย หฒุ เยีย อ๋อย ต้อ นิ่น บัว หฑวน ต้าย เยียม ต้ง ฒิ่น ด่าง เยีย จิว ปุน นิ่น บัว เญย อง-ถาย เญย เต่ย-ปูง.”
16 เฒี้ยว ก๊อง, “เยีย อ๋อย เห่ว เฒาะ เบย์า เมี่ยน ธั้ม เญย ต้าย. นิ่น บัว ฯฒฯ มี่ง เฒาะ น้าย เต๋ย เมี่ยน. ฆะฮ้า เยีย หย่า เห่ว หฒุ่น อ๊อ เมี่ยน ธั้ม เญย ต้าย. นิ่น บัว ฯฒฯ มี่ง นอมๆ ต้ม บง ฟิ้ว-บง เหธา หละเปย๊ย-ฉัง เฒาะ นิ่น บัว. 17เหว่ย หฒุ เยีย เญย มฒีง หมั่ง เจี๊ยน นิ่น บัว โหฒว เญย เหยียด ฒู้ง เจ๊า. นิ่น บัว ปี๋ง ไม้ เจี๊ยน เยีย. นิ่น บัว เญย ฒุ์ย หย่า ปี๋ง เยีย เญย มฒีง ไม้ เบว์ย. 18เยีย อ๋อย เหว่ย นิ่น บัว โหฒว เญย เอ๊าะ สี่ เหธา นิ่น บัว เญย ฒุ์ย ปุ้ย อี โก๊ว, หลาย นิ่น บัว ปุน นิ่น บัว เญย กั้ม เฑี้ย ไห่, ไม้ ม่าย แหม่ง เญย หมิ่ว-ฝัง โหฒว ปุน เยีย เญย เต่ย-ปูง ม่าย หวุย, หย่า ปุน เยีย หฑิบ เญย ป่วน ม่าย นิ่น บัว เญย โหยว ไห่ เญย กะน้าย ปวั๊ง.”
19“เฒี้ยว อ่า, เม่ย เซ เยีย เญย ชะ
เหธา เยีย ว้วน เญย ต๋อง.
เยียม หฒุ โค้ว เญย ฮนอย
เป๋น เยีย ด้าว เขา เญย ต๋อง.
หม่าน กั๊วะ เมี่ยน อ๋อย เยียม จ่ม ลู่ง เดี๊ย
ต้าย ล์อ เม่ย ก๊อง,
“เยีย บัว เญย อง-ถาย หฑิบ เญย ป่วน
เซ จ๊า เญย เฒี่ยน,#16:19 ฟาน หฒะ ก๊อง “...หฑิบ ก๊อง-แปะ เญย กะน้าย”.
เซ ไม้ ลั่ม หล่ง,
เถง ไม้ ตุ๊ หาย หญู่ง เญย กะน้าย.
20ป้าม เมี่ยน ไฮ่ เหว่ย กั้น เหฒย เฒี่ยน ไฟ?
น้าย ไม้ เฒ์ย เฒี่ยน.”
21“เหว่ย น้าย เยีย อ๋อย ปุน นิ่น บัว ฮิ้ว ตุ๊.
น้าย หฑุ่น เยีย อ๋อย ปุน นิ่น บัว ฮิ้ว ตุ๊ เยีย เญย ชะ,
เหธา เยีย ด่ง หาย เฮ้น.
นิ่น บัว ฯฒฯ ฮิ้ว ตุ๊
เยีย เญย บั๋ว เซ เฒี้ยว.
Currently Selected:
เยเลมี 16: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
