อิสะยา 58
58
เฒย ตุ๊ หอบ เญย เจ๊า
1“อ๋อย หฒุ เห่ว บุย, ไม้ ตู๋ง เญี์ยน เจี๊ยน.
ปุน เฉีย บุย ฮนั้ง ปย๊ม จอง.#58:1 ไฟ หฑัด.
ฒุ่น บั๋ว เยีย เญย แปะ ฝีง ฮิ้ว ตุ๊ นิ่น บัว โหฒว ต่อง เญย สี่,
บั๋ว ยาโค้บ เญย เฒ้ย-ฟุน นิ่น บัว ป์าม เญย ฒุ์ย.
2นิ่น บัว ฮนอยๆ ล์อ เยีย,
อะเฮน้ย เม่ง แปะ เยีย เญย เจ๊า.
ฮนั้ง เหยียด กั๊วะ โหฒว หอบ เญย เมี่ยน,
ไม้ กวั่ง นิ่น บัว เญย ทิน-ฮู่ง เญย เล์ย นอ.
นิ่น บัว โท้ เยีย แป้ง ฟิม เญย เซี้ยม.
นิ่น บัว อะเฮน้ย เยียม นิด ฟัด ทิน-ฮู่ง.
3นิ่น บัว ก๊อง, ‘เยีย บัว เฒย ไม้ หญั่น หาย หญู่ง.
เม่ย เหว่ย หาย ติ่ว ไม้ หมั่ง?
เยีย บัว เหว่ย หาย ติ่ว เหญี่ยม กั้น โหฒว ไฝ,
เม่ย หย่า ฮนั้ง ไม้ ปวัด นอ.’
“หมั่ง ม่าะ! เม่ย เฒย ไม้ หญั่น หาย หญู่ง เญย ฮนอย,
เม่ย เซว่ย กั้น เญย เฮญี้ยว โหฒว ฮนั้ง,
หย่า เหฒย เม่ย เญย เหยียด ฒู้ง กง-เมี่ยน.
4หมั่ง ม่าะ! เม่ย เฒย ไม้ หญั่น หาย หญู่ง
เหว่ย แฑง จ๋า เบ๊าะ จ๋า,
หล่ง เอ๊าะ เญย ปั์ว-จ้วน เฑวย เมี่ยน.
เม่ย เฒย ไม้ หญั่น หาย หญู่ง ฮนั้ง อี้ ฮนอย,
ไม้ ตู๋ง ฮนั้ม เยียม ฮลัง เญย ต๋อง
หมวัง ตุ๊ ไฮ์ เม่ย เญย เฉีย.
5ฮนั้ง หน่าย เฒย เซ เยีย กิ๊น ต้าย
ปุน เมี่ยน หล่ง วั้ว นอม ฮนอย ฒัด กั้น โหฒว ไฝ ฮนั้ง ไฟ?
เซ เมี่ยน โด๊ะ มฆ้อง ฮนั้ง โบ๋ว-เบ๊ด,
หย่า หล่ง ล่าม่า เดีย-โธว เหธา ซ้าย
ติ่ม เจี๊ยน เดา เปว๋ย ไฟ?
น้าย เซ เม่ย เห่ว หญั่น เฒย,
เป๋น เฒี้ยว อะเฮน้ย เญย ฮนอย ไฟ?
6“เยีย กิ๊น เฒย ไม้ หญั่น เซ ฮนั้ง น้าย ไม้ เฒ์ย?
เซ อ๋อย หฒุ ธุด ดุ๊ด ฮยวัง เอ๊าะ เญย หลิ่ม,
ไจ๊ ฆอย โด้ เดี๋ยง-ก์า เญย ฮลาง.
อ๋อย หฒุ ปู๋ง ฆอย หฒุ เหฒย เญย เมี่ยน
หย่า ว้วด นอมๆ เดี๋ยง-ก์า เน้า.
7อ๋อย หฒุ เฒาะ เม่ย เญย หญั่น ฮบ ปุน ฆอย เฮญี้ยว เซีย เญย เมี่ยน,
ต้อ ไม้ ม่าย เปย๊า เญย เมี่ยน จ่ม เมี่ยน เปียะ เม่ย เญย เปย๊า.
ปวัด เมี่ยน ฌัง ซิน, อ๋อย หฒุ ปุน ลุย-โหว นิ่น บัว ฒุ,
หย่า ไม้ ตู๋ง เนี้ยว เฮมียน ไม้ หมั่ง กั้น เญย เธียน-เธะ.#มัดทาย 25:35-36
8ฮนั้ง หน่าย เม่ย เญย ฌัง ฯฒฯ ธ้วด ฮนั้ง ลู่ง ดอม เฑี้ยว เญย ฌัง.
เม่ย หย่า ตุ๊ เซี้ยบๆ เญย หฒ่อ หลง.
เม่ย โหฒว หอบ เญย เจ๊า อ๋อย เยียม เม่ย เญย วั้ว ด่าง แหมง.
เฒี้ยว เญย ฌัง-หล่าง หย่า อ๋อย เยียม
เม่ย ฆะฮ้า ฆาง เปว เจี๊ยน เม่ย.
9วั้ว หฒั่น เม่ย เห่ว เจี๊ยน โท้, เฒี้ยว อ๋อย เตา.
เม่ย เห่ว เจี๊ยน โท้ เถง, นิ่น ฯฒฯ ก๊อง, ‘เยีย เยียม น้าย.’
“สี ก๊อง เม่ย กวั่ง ไม้ เหฒย เมี่ยน,#58:9 ฟาน หฒะ ก๊อง “เหฒย เมี่ยน เญย เดี๋ยง-ก์า”.
ไม้ หล่ง ปั์ว-โด๊ะ นุ เมี่ยน,
หย่า กวั่ง ไม้ ก๊อง เอ๊าะ เญย เจ๊า,
10สี ก๊อง เม่ย เฒาะ หญั่น ฮบ ปุน เฮญี้ยว เซีย เญย เมี่ยน,
ปุน หฒุ โค้ว เญย เมี่ยน ตุ๊ ปวั๊ง เอ๋ย,
เม่ย เญย ฌัง ฯฒฯ เยียม หฮมวัง เญย ต๋อง ธ้วด ต้าย,
เม่ย เยียม หฮมวัง ฯฒฯ ทิ้ว เป๋น ลู่ง อ๋าน หฒั่น เญย ฌัง.
11 เฒี้ยว หย่า อ๋อย เหยียด ลิ์ว ต้อ เจ๊า เม่ย,
ปุน เม่ย ตุ๊ หลง เญย กะน้าย ปวั๊ง เฮญี้ยว,
ปุน เม่ย เญย บู๊ง เฮ้น.
เม่ย ฒู้ง อ๋อย ฮนั้ง เญี์ยม เญย หฮวีง,
หย่า ฮนั้ง เหยียด ลิ์ว ไม้ ฆาย เญย ววม-ฒี้ง.
12เม่ย อ๋อย เซียง-เหธย เจี์ย บาง มี่ง เล่า เญย ต๋อง,
หย่า อ๋อย เหลียบ เจี์ย เหฒีย ต่อย เมี่ยน เญย กอน-โด๊ะ.
เม่ย ฯฒฯ ตุ๊ บั๋ว เห่ว,
เซียง-เหธย เจี์ย ฒี่ง หลาด เญย เมี่ยน
เหธา เซียง-เหธย เจี์ย เปย๊า-บาง#58:12 ม่าย เต๋ย ก๊อง “เซียง-หฒ่อ ม่าย เปย๊า เญย เจ๊า เญย เมี่ยน’. เญย เมี่ยน.
เซียว ตี้ง กง ฮนอย เญย เล์ย
13“สี ก๊อง เม่ย กัน หลง ตี้ง กง ฮนอย#58:13 ฟาน หฒะ ก๊อง “ไม้ ตู๋ง ปุน เหฒา โหฒว ต่อง ตี้ง กง ฮนอย.” วั้ว นอม ฮนอย เมี่ยน ไม้ หอบ หฒุ ธ้วด เจ๊า มี่ง หาย เดา โก. เป๊ย หมั่ง ธ้วด อียิบ 16:29. เญย เล์ย,
เซ เยียม เยีย เญย ธีง-เหฑ่ง ฮนอย ไม้ เซว่ย กั้น เญย เฮญี้ยว โหฒว,
สี ก๊อง เห่ว ตี้ง กง ฮนอย เป๋น อะเฮน้ย เญย ฮนอย,
หย่า ท่าย เฒี้ยว เญย ธีง-เหฑ่ง ฮนอย,
สี ก๊อง เม่ย ท่าย, ไม้ เอย กั้น เญย เจ๊า ยั่ง,
ไฟ เซว่ย กั้น เญย เฮญี้ยว โหฒว ไฟ ก๊อง ไม้ ลั่ม หล่ง เญย หว่า,
14เม่ย ฯฒฯ เขา เฒี้ยว อะเฮน้ย.
ก๋อม ลู่ง เดี๊ย เญย เมี่ยน ฯฒฯ ท่าย เม่ย.#58:14 ฟาน หฒะ ก๊อง “ปุน เม่ย เก้ เจี๊ยน ลู่ง เดี๊ย เก้า ฮลัง เจี๋ย เญย ต๋อง”.
เยีย หย่า อ๋อย ปุน เม่ย เญย อง-ถาย, ยาโค้บ, หฑิบ เญย ป่วน ยู์ง เม่ย.”
น้าย เซ เฒี้ยว กั้น เญย ฑุ่ย ก๊อง.
Currently Selected:
อิสะยา 58: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
