อิสะยา 53
53
1หาย เต้า ไฮ่ เสียน เยีย บัว ฒุ่น เญย เจ๊า?#53:1 ไฟ “เยีย บัว ไฮ์ เจี๋ย เญย”.
เฒี้ยว เญย ชะ#53:1 ฟาน หฒะ ก๊อง “เฒี้ยว เญย ปั์ว เญย ชะ”. ธ้วด ต้าย ปุน หาย เต้า ปวัด?#โยฮัน 12:38; โลมา 10:16
2นิ่น เยียม เฒี้ยว เญย หฑะเฮมียน โฮล ต้าย ฮนั้ง หธุน หลุน,
ฮนั้ง เดี๋ยง-ฑู่ง เยียม เดา-ฆาย ธ้วด หธุน.
ไม้ ม่าย ฝัง เฒ้ย ไฟ เหฑว่ย เญย จ๋า ปุน เยีย บัว ไฮ์ อ๋อย หมั่ง.
หย่า ไม้ ม่าย เหฑว่ย เญย ต๋อง ละ เยีย บัว เญย เหมว่ย.
3นิ่น หฒุ เมี่ยน หมั่ง เผีย, หฒุ เมี่ยน เฆ่ม,
นิ่น หฒุ เตี๊ย มุน, หฒุ เตี๊ย โค้ว.#53:3 กีก หว่า ก๊อง “นิ่น หฒุ โยว-เฑ่า, ฮิ้ว ตุ๊ เฑ่า โค้ว’.
นิ่น เซ ฮนั้ง เมี่ยน ปวัง เจี๊ยน เฮมียน, ไม้ อ๋อย หมั่ง เญย เมี่ยน,
นิ่น หฒุ เมี่ยน หมั่ง เผีย, เยีย บัว หย่า ไม้ ท่าย นิ่น.
4นิ่น ดาม เยีย บัว เญย แป่ง ถง,
ฮล้อ เยีย บัว เฑ่า โค้ว เญย เจ๊า มี่ง เหฑ่ง.
ไม้ กุ๊น ฮนั้ง หน่าย, เยีย บัว ฝุน นิ่น หฒุ เบ๊าะ,
เซ หฒุ ทิน-ฮู่ง เบ๊าะ, หย่า หฒุ โค้ว.#มัดทาย 8:17
5ต๋าว หฑวน นิ่น หลาย เยีย บัว โหฒว ต่อง เญย สี่ หฒุ มุน,
หลาย เยีย บัว ป์าม เญย ฒุ์ย หฒุ เบ๊าะ ฝาว ฑย้าม.
นิ่น หฒุ ตี่ง ฒุ์ย ปุน เยีย บัว ตุ๊ แป้ง ออน.
นิ่น หฒุ เบ๊าะ ฝาว ฑย้าม ปุน เยีย บัว ตุ๊ หฒ่อ หลง.#1 ปีเต 2:24
6เยีย บัว เหยียด ฒู้ง ฮนั้ง ปะกี ยู่ง, ยั่ง ต่อง เจ๊า,
เก๊าะ-เมี่ยน ยั่ง เก๊าะ-เมี่ยน เญย เจ๊า ฮนั้ง.
เฒี้ยว เฒาะ เยีย บัว หฒวัง เมี่ยน เญย ฒุ์ย
อัน เจี๊ยน นิ่น, ปุน นิ่น ดาม.#1 ปีเต 2:25
7นิ่น หฒุ ห่อย, หฒุ เตี๊ย โค้ว,
นิ่น หย่า ไม้ โค โล.
นิ่น เซ ฮนั้ง หฒุ ต้อ มี่ง ไต๋ เญย ปะกี ยู่ง ตอน,
แอ๋ง ฮนั้ง จั๊บ เปยย เญย ปะกี ยู่ง ตอน ไม้ โค โล,
หย่า ไม้ หมอง นิ่น เญย ฑุ่ย.#กง-โฒ่ 8:32-33; หล่าว ย่าง 5:6
8นิ่น หฒุ เหฒย, หฒุ เซี้ยม, หฒุ ต้อ มี่ง.
ต้ง นิ่น วั้ว ต่อย เมี่ยน ไม้ ม่าย หาย เต้า ฮนั้ม เถา
นิ่น เหว่ย เยีย เญย แปะ ฝีง ป์าม เญย ฒุ์ย หฒุ เบ๊าะ,
หย่า เยียม เฒี่ยง เจี๊ยน เญย เมี่ยน บุด๋ง หฒุ ไพ กวั่ง.
9ไม้ กุ๊น นิ่น ไม้ โหฒว โตะ,
นิ่น เญย ฑุ่ย หย่า ไม้ ดั๊ว เมี่ยน,
มป่า เมี่ยน หลิ่ว เล์ย ปุน นิ่น เหธา เอ๊าะ เมี่ยน ปย๊บ.
ไต่ วั้ว หฒั่น นิ่น เหธา ปุ๊ด-ฒ่อย เมี่ยน จวั่ง โฒ้ว หฒัง.#1 ปีเต 2:22
10มป่า เซ เฒี้ยว เญย หฒะเอ๋ย ปุน นิ่น หฒุ ฝาว ฑย้าม,
ปุน นิ่น หฒุ เสี่ยว โค้ว.
เฒี้ยว หล่ง นิ่น โหฒว เหฒี่ย ฟิ ฒุ์ย เญย กะน้าย,#53:10 ไฟ “นิ่น ฝ่ง ห่อ นิ่น เญย ซิน โหฒว เหฒี่ย เหว่ย ฟิ ฒุ์ย เญย กะน้าย”.
นิ่น ฒู้ง ตุ๊ ปวัด กั้น เญย โฮ์ ต่อย,
หย่า ตุ๊ ปุน นิ่น เฒี่ยง เญย ฮนอย-เหญียะ ด๊าว.
เฒี้ยว อะเฮน้ย เญย หฒะเอ๋ย ฯฒฯ เยียม นิ่น เญย ปั์ว โหฒว ตุ๊ ธ้วด.
11นิ่น ฒู้ง ตุ๊ ปวัด กั้น เหว่ย เสี่ยว โค้ว
โหฒว ธ้วด ต้าย เญย สี่ ฯฒฯ ปวั๊ง เฮญี้ยว.
เหว่ย น้าย เต้า คู้ เมี่ยน,
เซ เยีย เญย โปว เญย ว่วน ฒาง,
เมี่ยน ธั้ม ตุ๊ ฝุน เป๋น คู้ เมี่ยน.
นิ่น หย่า อ๋อย ดาม นิ่น บัว เหยียด ฒู้ง เญย ฒุ์ย.
12เหว่ย น้าย เยีย อ๋อย ปุน นิ่น เหธา โหฒว โฮล เญย เมี่ยน ม่าย ป่วน.
นิ่น เหธา เมี่ยน เฮ้น เมี่ยน ปุน ฆอย ธ้าง ต้าย เญย กะน้าย,
เหว่ย หฒุ นิ่น เฒาะ นิ่น เญย แหม่ง โต๋ ธ้วด หฒุ ไต่,
หย่า หฒุ ฝุน เหธา ฒุ์ย-เมี่ยน ฟี่ ฮนั้ง.
ไม้ กุ๊น ฮนั้ง หน่าย, นิ่น ดาม เมี่ยน ธั้ม เญย ฒุ์ย,
หย่า เหว่ย ป์าม ฒุ์ย เญย เมี่ยน โจ้ว ทิน-ฮู่ง.#มาโค 15:28; ลูกา 22:37
Currently Selected:
อิสะยา 53: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
