อิสะยา 50
50
ทิน-ฮู่ง เถง นิ่น เญย โปว
1 เฒี้ยว ฮนั้ง น้าย นอ ก๊อง,
“เยีย หล่ง หฒุ่น เม่ย บัว เญย มา เปย๋า วั้ว เฒ้ย เล่ย ไธ โซว เยียม หาย?
ไฟ เยีย เฒาะ เม่ย บัว หม่าย ปุน เยีย เญย หาย เต้า แฒะ-เฒี้ยว?
เซ หลาย เม่ย บัว เญย ฒุ์ย เม่ย บัว หธีง หฒุ หม่าย.
หลาย เม่ย บัว ป์าม ฒุ์ย เม่ย บัว เญย มา หธีง หฒุ หฒุ่น เปย๋า.
2เยีย ต้าย เญย เฒี่ยง โห่ เหว่ย หาย ติ่ว ไม้ ม่าย เมี่ยน ฒั้ว?
เยีย เห่ว เญย เฒี่ยง โห่ เหว่ย หาย ติ่ว ไม้ ม่าย หาย เต้า เตา?
เยีย เญย ปั์ว นั้ง ไห่, ไม้ ไฮ่ หฒัวะ เม่ย บัว ไฟ?
เยีย ไม้ ม่าย ชะ เหฌียว ไฟ?
หมั่ง ม่าะ! เยีย หัด ค้อย, ค้อย ฯฒฯ ฆาย หมี่ อ๊ะ.
เยีย ปุน ด้าย เป๋น เต่ย-ปูง-ฮวาง.
เยียม หน่าย เญย เบย์า หลาย ไม้ ม่าย ววม
ฯฒฯ ไต่, ฮู้ เหฒวย เหฑ่ง.
3เยีย ปุน ลู่ง หฮมวัง มี่ง ต๋อง ลุย-โหว,
หย่า หล่ง ล่าม่า เดีย-โธว ก๊ม เจี๊ยน.”
4เฒี้ยว ทิน-ฮู่ง หฌาว เยีย อ๋อย หฒุ ก๊อง หาย หญู่ง หอบ เญย หว่า
เหว่ย หล่ง หว่า เถง ป๊า เจี๊ยน โค้ว เญย เมี่ยน.
เฒี้ยว ดอมๆ เห่ว เยีย เญีย ต้าย,
เหว่ย ปุน เยีย เญย มน่อม หมวัง นิ่น อ๋อย หฌาว เยีย เญย หว่า.
5เฒี้ยว ทิน-ฮู่ง ปุน เยีย เญย มน่อม หมวัง ตุ๊ ไฮ์,#50:5 ฟาน หฒะ ก๊อง “คอย ทง เยีย เญย มน่อม.”
เยีย หย่า ไม้ แหง่ง, หย่า ไม้ ฮวิน กั้น ปูง.
6เมี่ยน เบ๊าะ เยีย เญย ติ ต์าน, เยีย เซว่ย เมี่ยน เบ๊าะ.
เมี่ยน แปง เยีย เญย ซยาม,
เยีย ฮวิน เยีย เญย ขัม-ปุย ปุน นิ่น บัว.
เมี่ยน ปุน เยีย หฒุ ไญ้,
ทุ้ย ววม-ฑุ่ย ปุน เยีย,
เยีย ไม้ ปวัง เยีย เญย เฮมียน.#มัดทาย 26:67; มาโค 14:65
7เหว่ย หฒุ เฒี้ยว ทิน-ฮู่ง เถง เยีย,
เยีย ไม้ หฒุ ไญ้.
เยีย ฯฒฯ แหง่ง เจี๊ยน ฮนั้ง โต์ว-เลา นอ แหง่ง,
หย่า ฮิ้ว ตุ๊ เยีย ไม้ หฒุ ป่าย เฮมียน.
8ก๊อง เยีย โหฒว ตุ๊ หอบ วั้ว เต้า เยียม นิด ฟัด เยีย,
วั้ว หญู่ง หาย เต้า อ๋อย เหธา เยีย โหฒว สี่?
ปุน วั้ว เต้า เหธา เยีย โซ้ว เจี๊ยน น้าย.
หาย เต้า โก๋ เยีย?
ปุน นิ่น ต้าย เยียม นิด ฟัด เยีย.#โลมา 8:33-34
9เซ เฒี้ยว ทิน-ฮู่ง เถง เยีย.
หาย เต้า ไฮ่ โก๋ เยีย, ก๊อง เยีย โหฒว ต่อง?
นิ่น บัว เหยียด ฒู้ง อ๋อย ฮนั้ง ลุย-โหว โล์ มี่ง,
หฒุ แกง หญั่น เหฑ่ง.
10เยียม เม่ย บัว บุด๋ง, หาย เต้า ท่าย เฒี้ยว,
หย่า หมวัง นิ่น เญย โปว เญย หว่า?
นิ่น ยั่ง หฮมวัง เญย ต๋อง,
ไม้ ม่าย ฌัง,
นิ่น อ๋อย หฒุ เขา เฒี้ยว เญย เม่ง,
หย่า ปั่ง นิ่น เญย ทิน-ฮู่ง.
11ตะฟ่าน เม่ย บัว เหยียด ฒู้ง เตี๊ยม โต์ว
ปั๊ว เหฒียะ โต์ว-ป๊า เญย เมี่ยน,
กุ๊น ปั่ง เม่ย บัว เตี๊ยม เญย โต์ว
เหธา ปั๊ว เหฒียะ เญย โต์ว-ป๊า เญย ฌัง ยั่ง ม่าะ!
น้าย เซ เยีย เญย ปั์ว อ๋อย โหฒว เญย,
เซ ปุน เม่ย บัว เปว๋ย เหฌี่ย หฒุ เสี่ยว โค้ว.
Currently Selected:
อิสะยา 50: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
