อิสะยา 32
32
แป้ง ฟิม เญย ฮู่ง
1หมั่ง ม่าะ! ม่าย เต้า ฮู่ง เตี๋ย อ๋อย เฮญี้ยว หฒีง เญย กุ๊น.
ม่าย ต้ม เจียน อ๋อย แป้ง ฟิม เญย กุ๊น.
2เต้าๆ เมี่ยน ฯฒฯ ฮนั้ง นอม ต๋อง ปี๋ง หฑยาว,
หย่า เป๋น ปี๋ง บยู่ง-หฑยาว เญย ต๋อง,
หย่า ฮนั้ง โด๊ะ เหลี่ยว เดา-ฆาย,
ฮนั้ง ท้อง ล่าง เญย หละเปย๊ย เยียม เต่ย-ปูง-ฮ์าน.
3วั้ว หฒั่น ไฮ่ หมั่ง ตุ๊ ปวัด เญย เมี่ยน เญย มฒีง ไม้ ฌิบ.
หมวัง ตุ๊ ไฮ์ เญย เมี่ยน เญย มน่อม หย่า หมวัง ตุ๊ ไฮ์ อ๊ะ.
4ฑุ่ย เซี้ยบ เญย เมี่ยน ไฮ่ ฮนั้ม ตุ๊ ทง หย่า เปียะ เฮญี้ยว,#32:4 ม่าย เต๋ย โซว ฟาน ต้าย ก๊อง เฒียน เล์ย.
อะลั่น เญย เมี่ยน ไฮ่ ก๊อง หว่า บย่าง หย่า เม่ง เญย.
5เยียม น้าย มี่ง เมี่ยน ไม้ ท่าย เมี่ยน หฮงง เมี่ยน โหฒว โฮล,
หย่า ไม้ ท่าย โหฒว หว่าย สี่ เญย เมี่ยน,
6เหว่ย หฒุ หฮงง เญย เมี่ยน ก๊อง หฮงง เญย หว่า.
เฮญี้ยว ขูง ฮนั้ม โหฒว เอ๊าะ สี่ ฮนั้ง.
นิ่น โหฒว สี่ ไม้ หอบ ทิน-ฮู่ง
หย่า ก๊อง ต่อง เฒี้ยว เญย เจ๊า,
เหว่ย ปุน เฮญี้ยว เซีย เญย เมี่ยน หง่อ เจี๊ยน เยียม,
ปุน จาง ฆ้าด เญย เมี่ยน ไม้ ตุ๊ ววม ฮบ.
7โหฒว หว่าย สี่ เญย เมี่ยน เญย หฒะเอ๋ย เซ เอ๊าะ ไห่,
ขูง ต๊า ธ้วด เอ๊าะ เญย หฒะเอ๋ย ฮนั้ง
เหว่ย หล่ง ก๊อง-แปะ เญย เจ๊า ปุน เมี่ยน จ่ม เมี่ยน หฒุ เหมียด,
ไม้ กุ๊น ตั๋ง-ต๋น เญย เมี่ยน โท้ เญย หว่า หอบ.
8เมี่ยน หลง เมี่ยน ต๊า หลง เญย หฒะเอ๋ย,
นิ่น ขูง โหฒว เจี๊ยน หลง เญย สี่ มี่ง.
ต๊น เยลูซาเลม เญย มเซียะ ตอน
9เม่ย บัว คู่ เยียม คู่ หญั่น เญย มเซียะ ตอน อ่า,
เจี์ย ต้าย หมวัง เยีย เญย เฉีย.
ปวั๊ง เอ๋ย เญย เซียะ อ่า,
แปง มน่อม หมวัง เยีย อ๋อย ก๊อง เญย หว่า.
10ปวั๊ง เอ๋ย เญย มเซียะ ตอน อ่า,
แอ๋ง เจี๋ย เหยียด หฮญัง เล่ง เม่ย ฯฒฯ เฮญี้ยว ฮวาง, ซิน หฒิน,
เหว่ย หฒุ อะหงุ่น หฮวีง ไม้ ม่าย เปี๊ยว.
เซียว เปี๊ยว เญย เฒี่ยง โห่ หย่า ไม้ เถา.
11เม่ย บัว คู่ เยียม คู่ หญั่น เญย มเซียะ ตอน อ่า, อ๋อย หฒุ ซิน หฒิน.
เม่ย บัว ปวั๊ง เอ๋ย เญย เซียะ อ่า, อ๋อย หฒุ เฮญี้ยว ฮวาง ญั่นๆ เญย.
ไจ๊ ฆอย ลุย-โหว,
ไซ เจี๊ยน ล่าม่า เดีย-โธว.
12เม่ย บัว อ๋อย หฒุ เหว่ย เม่ย บัว หลง ไห่ เญย ลี่ง เต่ย
เหธา เฒี่ยง ตุ๊ กิ๊ด เญย อะหงุ่น เฮมย เฑวย หละค้วด.#32:12 นิ่น บัว เฑวย หละค้วด ปุน ธีง นิ่น บัว เฑ่า.
13อ๋อย หฒุ เหว่ย เยีย เญย แปะ ฝีง เญย เดา
ขูง ธ้วด ฌิ้ม-โธว ฌิ้ม-หม่วน,
หย่า เหว่ย เฌียน-โย่ว เญย ฒี่ง
เหธา เหยียด ฒู้ง ออน-เหลาะ เญย เปย๊า เฑ่า เญี้ยม.
14ฮู่ง ติ่น อ๋อย หฒุ กวั่ง ฮวาง,
ม่าย แปะ ฝีง ธั้ม เญย ฒี่ง ขูง เหฑ่ง หมี่ อ๊ะ.
บง-ไอ๊ เว่ย ว้วน เญย ต๋อง เหธา ล่าว อ๋อย หฒุ เหยียด ลิ์ว เป๋น เดา-ฮวาง,
โหฒว เฮยี่ย ล่อ อะเฮน้ย เญย ต๋อง เหธา ยู่ง กวั้น เญย เมี้ย-เธี้ยง.
15ฒั้ว เถา สีง ลี่ง เยียม กู้ หงว่าย โต๋ เหฌี่ย เยีย บัว,
เดา-ฮวาง ฯฒฯ ทิ้ว เป๋น เดา-หลง,
เดา-หลง หย่า ปวัด ฮนั้ง เดี๋ยง-หล่ม.
16แป้ง ฟิม เญย เจ๊า ฯฒฯ เยียม เต่ย-ปูง-ฮวาง,
โหฒว หอบ เญย เจ๊า หย่า เยียม เดา-หลง.
17โหฒว หอบ เญย เจ๊า ปุน เมี่ยน ม่าย แป้ง ออน,
โหฒว หอบ เญย เจ๊า ธ้วด ถาย-แป้ง เญย สี่
เหธา ม่าย ลั่ม เขา ต๋อง เหว่ย เหยียด ลิ์ว.
18เยีย เญย แปะ ฝีง ตุ๊ เยียม แป้ง ออน เญย ต๋อง,
ตุ๊ เยียม ว้วน เญย เปย๊า,
เซ้ก เหฑียะ เญย ฮิด ขวน ต๋อง.
19ไม้ กุ๊น ตุ้ย เปาะ เหฌี่ย เบ๊าะ เดี๋ยง-หล่ม บาง,
ฒี่ง หย่า หฒุ ป่าย เหฑ่ง,
20เม่ย บัว เยียม ติ้วๆ โด๊ะ-เฮลน หฒวัง กะน้าย,
ปู๋ง เม่ย บัว เญย ง่ง เหธา ล่อ เซว่ย เจี๊ยน มี่ง หญั่น เมี้ย,
น้าย หญู่ง เมี่ยน ฯฒฯ ม่าย ออน-เหลาะ.
Currently Selected:
อิสะยา 32: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
