อิสะยา 31
31
อ๋อย หฒุ เขา ทิน-ฮู่ง ไม้ เฒ์ย เขา อียิบ
1มี่ง เขา อียิบ เมี่ยน วั้ว เต๋ย อ๋อย หฒุ โค้ว อ๊ะ.
นิ่น บัว เขา อียิบ เมี่ยน เญย ม์า,
หย่า เขา นิ่น บัว เบ๊าะ จ๋า เญย ม์า-เธีย ธั้ม,
หย่า เขา นิ่น บัว เญย เก้ ม์า แปง เหว่ย หฒุ นิ่น บัว เฮ้น ไห่,
มป่า นิ่น บัว ไม้ เขา อิสะลาเอน เญย ธีง-เหฑ่ง ทิน-ฮู่ง
ไฟ ล์อ เฒี้ยว เถง.
2มป่า เฒี้ยว ม่าย ธง-เม่ง ฯฒฯ อ๋อย ปุน หฒุ เหฒะ หน่าน.
นิ่น หย่า ไม้ ถุย นิ่น เญย หว่า.
นิ่น อ๋อย เจี์ย ต้าย เหธา เอ๊าะ เมี่ยน เญย เฒ้ย-ฟุน
เหธา เถง เอ๊าะ เมี่ยน วั้ว เต๋ย ต๋อย-เตก.
3อียิบ เมี่ยน มต้าย ป้าม เมี่ยน, ไม้ เฒ์ย เฒี่ยน.
นิ่น บัว เญย ม์า มต้าย ม่าย อ๊อ ม่าย ฑย้าม เญย, ไม้ เฒ์ย เป๋น ว่วน.
เฒี้ยว เยี้ยด ซูง ปั์ว,
เถง เมี่ยน เญย เมี่ยน
เหธา ตุ๊ เมี่ยน เถง วั้ว เต๋ย ฒู้ง อ๋อย ดิ๊ หฒุ ดอบ.
นิ่น บัว ฯฒฯ เหยียด เหฌี่ย หฒุ เหมียด เหฑ่ง.
4 เฒี้ยว ฮนั้ง น้าย ก๊อง บั๋ว เยีย,
“ฮนั้ง เต้า เซี่ยน ไฟ เซี่ยน หลุน
ฌุ่น นิ่น ธา ต้าย เญย อ๊อ,
ไม้ กุ๊น เห่ว กวั้น ปู๋ง ยู่ง เญย เมี่ยน ธั้ม เญย
กั๊บ ฒุ้น ต้าย ป์อง นิ่น,
นิ่น ไม้ กั้ม เหฑีย นิ่น บัว เหยียด ฒู้ง เห่ว เญย เฉีย.
นิ่น หย่า ไม้ ฮวาง นิ่น บัว เบี้ยวๆ เญย เห่ว.
เน่น เจี๋ย เญย เฒี้ยว อ๋อย ฮนั้ง วั้ว นอ เหฌี่ย ต้าย
เยียม สิโอน บง เหธา สิโอน เญย บง-ไอ๊ ต๋อง เบ๊าะ จ๋า.
5ฮนั้ง เหนาะ ได๋ โย่ว เจี๊ยน กู้ หงว่าย หมั่ง,
เน่น เจี๋ย เญย เฒี้ยว อ๋อย ฮนั้ง น้าย นอ เปว เจี๊ยน เยลูซาเลม.
นิ่น อ๋อย เปว เจี๊ยน หย่า เหฌียว,
นิ่น อ๋อย เจี๋ย กู้ หงว่าย#31:5 เป๊ย หมั่ง ธ้วด อียิบ 12:13. เสีย ธ้วด.”
6โอ อิสะลาเอน เมี่ยน อ้า! หฑวน ต้าย ล์อ เฒี้ยว, ต้ง เม่ย บัว แหง่ง ตุ๊ เฮนี้ย วั้ว เต้า. 7เถา วั้ว ฮนอย เม่ย บัว เต้าๆ อ๋อย เฒาะ เม่ย บัว กั้น เญย ปั์ว ป์าม ฒุ์ย หล่ง เจียม หล่ง ญ่าน โหฒว ต้าย เญย หมิ่ว-ฝัง ฒอย กวั่ง.
8“อัดซีเลีย เมี่ยน อ๋อย หฒุ หฑุ ด๊าว ไต๋, หย่า ไม้ เฒ์ย เมี่ยน เญย หฑุ.
ม่าย หฑุ ด๊าว อ๋อย นะ เหฑ่ง นิ่น บัว, มป่า ไม้ เฒ์ย ป้าม เมี่ยน เญย หฑุ.
นิ่น บัว อ๋อย เปย๋า หฑุ ด๊าว,
นิ่น บัว เญย เมี่ยน หลุน เมี่ยน อ๋อย หฒุ อ๊าบ โหฒว กง โค้ว.
9นิ่น บัว เญย ฮู่ง เตี๋ย#31:9 ฮิบลู หว่า ก๊อง หละเปย๊ย. ม่าย เต๋ย โซว ฟาน ต้าย ก๊อง ฮู่ง เตี๋ย ไฟ เฒี่ยน ไฟ เว่ย ว้วน เญย ต๋อง. หลาย กั้ม เหฑีย ฯฒฯ เปย๋า.
นิ่น บัว เญย ต้ม แปง-เปย๊ย ปะหละ กั้ม เหฑีย ฯฒฯ กวั่ง เจี๊ยน เบ๊าะ จ๋า เญย เก้ เปย๋า.”
น้าย เซ ม่าย โต์ว เยียม สิโอน
หย่า ม่าย โต์ว-โล่ว เยียม เยลูซาเลม เญย เฒี้ยว ก๊อง เญย หว่า.
Currently Selected:
อิสะยา 31: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
