อิสะยา 27
27
อิสะลาเอน ตุ๊ เหฌียว
1เถา วั้ว ฮนอย,
เฒี้ยว อ๋อย หล่ง นิ่น เญย หฑุ ด๊าว,
เซ นิ่น แหง่ง ไห่, เฮ้น ไห่ เญย ต้ม หฑุ ด๊าว,
ไต๋ ลุ่ย เจี๊ยน มี่ง เซี้ยบ เญย นาง, เลวีอาทาน,
เซ โชวๆ มี่ง เญย นาง, เลวีอาทาน.
นิ่น อ๋อย ไต๋ เยียม ค้อย วั้ว เต้า ต้ม กะน้าย.#โย้บ 41:1; สีง ฑูง 74:14; 104:26
2เถา วั้ว ฮนอย,
“อ๋อย หฒุ ป๋าว ฑูง ก๊อง เถา คู่ เยียม เญย อะหงุ่น หฮวีง.
3เยีย, เฒี้ยว โก๋ว เจี๊ยน น้าย นอม หฮวีง,
หย่า หฒั่นๆ ฟุ ววม.
เหฑีย ม่าย เมี่ยน ต้าย ห่อย,
เยีย ฯฒฯ ฮนอยๆ ม์วนๆ ฒั้ว เจี๊ยน.
4เยีย หย่า ไม้ เฉีย เจี์ย.
สี ก๊อง ม่าย ฌิ้ม-โธว ฌิ้ม-หม่วน เหธา เยีย ต๋อย-เตก,
เยีย ฯฒฯ ธ้วด มี่ง เหธา นิ่น บัว ต๋อย-เตก.
เยีย ฒู้ง หล่ง โต์ว ปั๊ว ชุย เหฑ่ง.
5ไม้ เฒย แอ๊ะ, ปุน นิ่น บัว ต้าย ปั่ง เยีย โก๋ว นิ่น บัว.
ปุน นิ่น บัว เหธา เยีย โหฒว หอบ.
เฒ์ย เญย, ปุน นิ่น บัว เหธา เยีย โหฒว หอบ.”
6อ๋อย เถา เญย ฮนอย, ยาโค้บ อ๋อย ฮนั้ง เดี๋ยง นอ เหฌี่ย ฑู่ง,
อิสะลาเอน อ๋อย ฆอย เปี้ยง ธ้วด หธุน.
เปี๊ยว ฯฒฯ ปวั๊ง เหฑ่ง ลู่ง เดี๊ย.
7 เฒี้ยว #27:7 ฮิบลู หว่า ก๊อง นิ่น. เบ๊าะ อิสะลาเอน ฮนั้ง นิ่น เบ๊าะ
ต้ง เบ๊าะ อิสะลาเอน วั้ว เต๋ย เมี่ยน ไฟ?
อิสะลาเอน เมี่ยน หฒุ ไต๋
ฮนั้ง ไต๋ นิ่น บัว วั้ว เต๋ย เมี่ยน หฒุ ไต๋ เญย ไฟ?
8เม่ย หฒุ่น นิ่น บัว, ปุน นิ่น บัว หฒุ กว๊าด มี่ง,
เหธา นิ่น บัว ต๋อย-เตก แฑง,
เม่ย หล่ง เธี้ยว เญย เฉีย หฒุ่น นิ่น บัว ธ้วด
ฮนั้ง ตง ปูง เญย หฑยาว-จอม ป่วน เญย ฮนอย.
9ฮนั้ง หน่าย, ยาโค้บ โหฒว ต่อง เญย ฒุ์ย ตุ๊ กวั่ง ลิ์ว อ๊ะ,
นิ่น เญย ฒุ์ย ตุ๊ เฒาะ ฆอย กวั่ง เหฑ่ง หมี่ อ๊ะ.
เซ นิ่น เฒาะ เหฒี่ย-ต้อง เญย เหยียด ฒู้ง หละเปย๊ย
เบ๊าะ หม่วน เป๋น ฮวุย เหฑ่ง,
ไม้ ม่าย อาเซลา เฒี่ยน เญ์ย เญย ฝัง
ไฟ ปั๊ว ฮูง เตี้ย เยียม วั้ว.
10เว่ย ว้วน เญย ฒี่ง เป๋น ฒี่ง ฮวาง,
เซ เป๋น กวั่ง ฮวาง เญย ต๋อง ฮนั้ง เต่ย-ปูง-ฮวาง นอ.
ง่ง ตอน เยียม วั้ว หญั่น เมี้ย,
นิ่น หย่า เปว๋ย วั้ว,
หญั่น เหฑ่ง เยียม วั้ว เญย เดี๋ยง-ฆว่า.
11ฆว่า ฆาย ฯฒฯ เน้า ดุ๊ด.
มเซียะ ตอน เฑ์า ต้าย ปั๊ว โต์ว.
เหว่ย หฒุ หน่าย ฝีง เมี่ยน ไม้ ฮิ้ว หาย หญู่ง,
เหฒย นิ่น บัว ต้าย วั้ว เต้า ฯฒฯ ไม้ ค้อ-เลี่ยน นิ่น บัว.
นั้น นิ่น บัว ต้าย วั้ว เต้า ไม้ เหธย เอน ปุน นิ่น บัว.
12โอ อิสะลาเอน เมี่ยน อ้า! เถา วั้ว ฮนอย เฒี้ยว อ๋อย เยียม ยูเฟติด ด้าย มี่ง เถา อียิบ โด๊ะ เฒาะ เม่ย บัว เหยียด เต้า เหยียด เต้า เซียว ต้าย ฮนั้ง เบ๊าะ เบย้า นอ. 13ต้ง วั้ว ฮนอย ฯฒฯ ม่าย ต้ม หฑัด เญย เฉีย บุย. เยียม อัดซีเลีย หฒุ เหมียด เจี๊ยน เยียม เญย เมี่ยน เหธา หฒุ กว๊าด มี่ง เยียม อียิบ เต่ย-ปูง วั้ว เต๋ย ฯฒฯ ต้าย เยียม เยลูซาเลม เญย ธีง-เหฑ่ง บง หฒั่ง เฒี้ยว.
Currently Selected:
อิสะยา 27: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
