อิสะยา 14
14
อิสะลาเอน เมี่ยน ตุ๊ หฑวน ต้าย
1 เฒี้ยว อ๋อย ค้อ-เลี่ยน ยาโค้บ,
แอ๋ง กิ๊น อิสะลาเอน เมี่ยน,
ปุน นิ่น บัว เยียม เหฌี่ย
นิ่น บัว กั้น เญย เต่ย-ปูง.
กั้น ฝีง เมี่ยน หย่า อ๋อย ต้าย เหธา เจี๊ยน นิ่น บัว เยียม,
แอ๋ง หฒอบ เจี๊ยน ยาโค้บ เญย เฒ้ย-ฟุน.
2กั้น ฝีง เมี่ยน อ๋อย ต้อ นิ่น บัว
หฑวน เถา นิ่น บัว กั้น เญย ต๋อง.
อิสะลาเอน เญย เฒ้ย-ฟุน ฯฒฯ เยียม เฒี้ยว เญย เต่ย-ปูง
ตุ๊ กั้น ฝีง เมี่ยน โหฒว นิ่น บัว เญย โน่ว เก๊า โน่ว เป์ย.
นิ่น บัว ตุ๊ กว๊าด ต้าย ต้ง ฒิ่น ด่าง กว๊าด นิ่น บัว มี่ง วั้ว เต๋ย,
หย่า ตุ๊ กุ๊น ต้ง ฒิ่น ด่าง เหฒย นิ่น บัว วั้ว เต๋ย เมี่ยน.
3 เฒี้ยว ปุน เม่ย บัว เปย๋า ดุ๊ด หฒุ มุน, หฒุ ฟ้าน หลุ่น, หฒุ อ๊าบ โหฒว กง โค้ว เญย สี่ ฯฒฯ ตุ๊ ฮิด วั้ว ฮนอย, 4เม่ย บัว ฯฒฯ หล่ง น้าย เต๋ย หว่า ก๊อง ฮว้วด บาบีโลน เญย ฮู่ง เตี๋ย.
เหฒย เมี่ยน เญย เมี่ยน วั้ว เต้า เซ้ก เหฑ่ง หมี่ อ๊ะ.
นิ่น โตะ ไห่, เธี้ยว ไห่ เญย ชะ#14:4 น้าย โจ๋ว ฮิบลู หว่า เซ ไม้ หนั่ง เม่ง. ตี้ง หมี่ อ๊ะ.
5 เฒี้ยว ว้วด เน้า เอ๊าะ เมี่ยน เญย ปย๊า,
เซ โหฒว โฮล วั้ว เต๋ย กุ๊น เมี่ยน เญย หลี่ง.#14:5 ฟาน หฒะ ฮิบลู หว่า ก๊อง ฮู่ง ปย๊า.
6นิ่น บัว เฉีย เจี์ย,
ไม้ ตี้ง เลี่ยว เญย เบ๊าะ เหฒีย ฝีง เมี่ยน.
นิ่น บัว โน์ว เจี๊ยน กุ๊น เหฒีย นอม กั๊วะ,
โหฒว โตะ ห่อย เมี่ยน หย่า ไม้ ตี้ง.
7เฒี่ยง นอม ลู่ง เดี๊ย ตุ๊ ฮิด ขวน, ถาย-แป้ง หมี่ อ๊ะ.
เมี่ยน ธ้วด เฉีย ป๋าว ฑูง.
8เลี่ยม ไซปัด ฒ่ง เหธา เลบานอน เญย สีดา ฒ่ง เดี๋ยง,
หลาย เม่ย เฌียน-โย่ว ฯฒฯ ก๊อง,
“เยียม เม่ย หฒุ ด๊อด เหฌี่ย มี่ง,
ไม้ ม่าย ก๋อย เดี๋ยง เญย เมี่ยน ต้าย ก๋อย เยีย บัว.”
9เยี่ยม เกน อะเฮน้ย เญย หลิ่ว เล์ย
เหว่ย ฒิบ เม่ย เหฌี่ย.
ไต่ มี่ง วั้ว เต๋ย,
เซ ฒิ่น ด่าง โหฒว ลู่ง เดี๊ย เญย เปย๊ย เฒ้ย วั้ว เต๋ย เหยียด ฒู้ง,
เจี์ย ต้าย ฒิบ เม่ย.
โหฒว เจี๋ย เหฒีย กั๊วะ เญย ฮู่ง วั้ว เต๋ย เหยียด ฒู้ง
เยียม นิ่น บัว เญย เหว่ย เจี์ย ซิน ต้าย.
10นิ่น บัว เหยียด ฒู้ง อ๋อย ก๊อง
หย่า ก๊อง บั๋ว เม่ย,
“เม่ย อี้ หฒั่น เมา ฮนั้ง เยีย บัว นอ,
เม่ย เซ ฮนั้ง เยีย บัว อ๊ะ.”
11เม่ย เญย ฌัง-หล่าง เหธา
เม่ย เญย ต้าน ป้า เญย เฉีย
หฒุ เหฌี่ย เถา เยี่ยม เกน.
ติ่ม เม่ย กะเดี๊ย เซ แกง-เมา,
เม่ย ห่ม เญย เซ แกง-จุ๊น.
12โอ ลู่ง ดอม เญย เหฮลย, ลู่ง ดอม เฑี้ยว เญย ตอน อ้า!
เม่ย เยียม วั้ว ลู่ง หฒุ ด๊อด เหฌี่ย.
เม่ย โหฒว ปุน เหฒีย นอม กั๊วะ หฒุ ป่าย,
อี้ หฒั่น เม่ย หฒุ ไพ เหฌี่ย เถา เดา.#หล่าว ย่าง 8:10; 9:1
13เม่ย เยียม เฮญี้ยว ก๊อง,
“เยีย อ๋อย ฝาว กู้ หงว่าย ลู่ง,
เก้า ฮลัง เจี๋ย ทิน-ฮู่ง เญย หฒวัง เหฮลย.
เยีย อ๋อย เหลียบ เยีย เญย เหว่ย เยียม วั้ว นอม ฮลัง เญย ต๋อง.
เยีย อ๋อย เฒว์ย เจี๊ยน กั๊บ ฒุ้น เญย หวุ่ย เญย บง,
เซ เยียม ป๊ะ ปูง โก เจี๋ย เญย ต๋อง.#มัดทาย 11:23; ลูกา 10:15
14เยีย อ๋อย ฝาว เถา บ๋วน กู้ หงว่าย.
เยีย อ๋อย ปุน เยีย กั้น เหธา เยียม ฮลัง เจี๋ย วั้ว เต้า ฟี่ ด่ง.”
15ต๋าว หฑวน เม่ย หฒุ เหฌี่ย เยี่ยม เกน,
เซ เถา ค้วด โด เจี๋ย เญย ต๋อง.
16ปวัด เม่ย วั้ว เต๋ย อ๋อย ชะ หมั่ง เม่ย
หย่า เยียม เฮญี้ยว ฮนั้ม เถา เม่ย,
“เซ ต้ง น้าย ล่าน เมี่ยน ปุน ป้าม เกน หฒุ ดั่น ต์ง,
หย่า ฆั้ม ต์ง เหฒีย นอม กั๊วะ ไฟ?
17ปุน ลู่ง เดี๊ย เป๋น เดา-ฮวาง,
ปุน ฒี่ง เบี๊ยน เหฑ่ง,
หย่า ไม้ ปู๋ง กว๊าด ต้าย เญย เมี่ยน หฑวน เปย๊า
เซ ต้ง น้าย เต้า ไฟ?”
18หฒวัง กั๊วะ เญย เหยียด ฒู้ง ฮู่ง เตี๋ย หฒัง ตุ๊ ม่าย เม่ง เต้า,
เก๊าะ-เมี่ยน เยียม เก๊าะ-เมี่ยน เญย โฒ้ว.
19มป่า เม่ย หฒุ ฒอย กวั่ง,
ไม้ ตุ๊ หฒัง กั้น เญย โฒ้ว,
ฮนั้ง กั้ม เฑี้ย เญย กะน้าย-ไต่#14:19 น้าย เซ กัน กีก หว่า เญย โซว. ฮิบลู หว่า ก๊อง “ฮนั้ง กั้ม เฑี้ย เญย ฆว่า”. นอ.
เม่ย เญย ลุย เซ ไต่ มี่ง เญย เมี่ยน,
ต้ง หฒุ หฑุ ด๊าว ฑบ เญย เมี่ยน.
เซ หฒุ ด๊อด เหฌี่ย โด ไห่, ม่าย หละเปย๊ย เญย ค้วด,
เป๋น หฒุ เมี่ยน ธ้าย เญย เซย.
20เม่ย ไม้ ตุ๊ เหธา ฮู่ง หฒัง,
เหว่ย หฒุ เม่ย ป่าย หว่าย เม่ย เญย กั๊วะ,
หย่า ไต๋ เม่ย เญย แปะ ฝีง.
เอ๊าะ เมี่ยน เญย เฒ้ย-ฟุน อ้า!
เมี่ยน เหยียด ลิ์ว ไม้ หฑั่ม เถา.
21อ๋อย หฒุ หลิ่ว เล์ย ไต๋ นิ่น เญย ฟุน-ฟะ
หลาย นิ่น บัว เญย อง-ถาย โหฒว เญย ฒุ์ย.
กั้ม เหฑีย นิ่น บัว เจี์ย ต้าย ตุ๊ เหฑ่ง ป้าม เกน,
แอ๋ง เหลียบ ฒี่ง ปวั๊ง ลู่ง เดี๊ย.
ทิน-ฮู่ง อ๋อย เหมียด บาบีโลน
22เน่น เจี๋ย เญย เฒี้ยว ก๊อง,
“เยีย อ๋อย เจี์ย ต้าย เบ๊าะ นิ่น บัว.
เยีย หย่า อ๋อย ไพ กวั่ง บาบีโลน เญย เม่ง
เหธา ตุ๊ แหม่ง ธ้วด, เหฒ่ง เหฌี่ย เญย เมี่ยน,
หย่า ไพ กวั่ง นิ่น เญย ตอน-เจว๊ย เฒ้ย-ฟุน.”
น้าย เซ เฒี้ยว ก๊อง เญย หว่า.
23“เยีย อ๋อย ปุน บาบีโลน เป๋น ฌ่าง,
เป๋น เหนาะ กู๊ ลง#14:23 ไฟ เดี้ยน เหฑ่ย. เยียม เญย ต๋อง.
เยีย อ๋อย ปุน หฒุ เหมียด ฮนั้ง หล่ง ก๊าน พ้วด ฌัง เหฑ่ง.”
น้าย เซ เน่น เจี๋ย เญย เฒี้ยว ก๊อง เญย หว่า.
ทิน-ฮู่ง อ๋อย เหมียด อัดซีเลีย
24เน่น เจี๋ย เญย เฒี้ยว โฮ้ว เจี๊ยน ฮนั้ง น้าย นอ ก๊อง,
“เยีย ต๊า เญย หฒะเอ๋ย หฒะเก้ง อ๋อย ฮนั้ง วั้ว นอ โหฒว ธ้วด.
เยีย ฮนั้ง หาย นอ ตี่ง, หฒะเก้ง อ๋อย ฮนั้ง วั้ว นอ ธ้วด ต้าย.#อิสะยา 10:5-34; นาฮูม 1:1—3:19; เสฟันยา 2:13-15
25เยีย อ๋อย เบ๊าะ ป่าย เยียม เยีย เญย เต่ย-ปูง เญย อัดซีเลีย เมี่ยน.
เยียม เยีย เญย นอมๆ บง เยีย อ๋อย ธ้าย นิ่น บัว เหฌี่ย.
อัดซีเลีย เมี่ยน ปุน เยีย เญย แปะ ฝีง, อิสะลาเอน เมี่ยน,
ก์า เญย เดี๋ยง-ก์า เยีย อ๋อย เฒาะ ฆอย,
นิ่น บัว หฒุ ดาม เญย ด๋าม
เยีย หย่า โป้ว เหฌี่ย บะเต้า.”
26น้าย เซ เยีย เหว่ย เฒี่ยง นอม ลู่ง เดี๊ย ตี่ง ต้าย เญย หฒะเอ๋ย,
น้าย เซ ซูง ธ้วด เยียม หม่าน กั๊วะ กู้ หงว่าย เญย ปั์ว.
27เน่น เจี๋ย เญย เฒี้ยว ตี่ง ฮนั้ง น้าย โหฒว,
หาย เต้า ไฮ่ ตั๊ง เจี๊ยน ไม้ ปุน โหฒว?
นิ่น เญย ปั์ว ซูง ธ้วด ต้าย,
ม่าย หาย เต้า ไฮ่ ปุน นิ่น ฮล้วด หฑวน?
ทิน-ฮู่ง อ๋อย เหมียด ฟีลิสะเตีย เมี่ยน
28อาหัด ฮู่ง เกวย เสย วั้ว หฮญัง, น้าย เซ เยียม ทิน-ฮู่ง ต้าย เญย หว่า.#2 ฮู่ง โต้ว 16:20; 2 ฒุ่น ต่อย โต้ว 28:27
29เม่ย บัว ฟีลิสะเตีย เมี่ยน อ้า! เม่ย บัว เหยียด ฒู้ง ไม้ ตู๋ง อะเฮน้ย
เหว่ย เบ๊าะ เม่ย บัว วั้ว ติ้ว ปย๊า เน้า.
เหว่ย หฒุ เหยียด ติ้ว นาง#14:29 ฟาน หฒะ ฮิบลู หว่า ก๊อง นาง เญย กอน. อ๋อย ธ้วด ติ้ว นาง-โตะ.
ฆะฮ้า แอ๋ง ธ้วด ติ้ว จูง-ฮู่ง ได๋.#14:29 ม่าย เต๋ย โซว ก๊อง “ม่าย โต์ว เญย จูง-ฮู่ง ได๋”.#เยเลมี 47:1-7; เอเสเคน 25:15-17; โยเอน 3:4-8; อาโม้ด 1:6-8; เสฟันยา 2:4-7; เสคาลิยา 9:5-7
30เก้า จ่ม เจี๋ย เญย เมี่ยน#14:30 ม่าย เต๋ย โซว ฟาน ต้าย ก๊อง “เมี่ยน จ่ม เมี่ยน เญย ตอน-หละเก๊า”. อ๋อย ตุ๊ หญั่น,
ตั๋ง-ต๋น เมี่ยน ตุ๊ แป้ง ออน เญย เปว๋ย,
มป่า เยีย อ๋อย ปุน เม่ย บัว ฟีลิสะเตีย เมี่ยน,#14:30 ฮิบลู หว่า ก๊อง เม่ย บัว เญย ฑู่ง. หง่อ หฮนาง ไต่.
ตุ๊ แหม่ง ธ้วด เญย เมี่ยน เยีย อ๋อย ไต๋ ไต่.
31โอ ฟีลิสะเตีย เญย หฒวัง เมี่ยน อ้า! เยียม เม่ย บัว เญย ฒี่ง แก้ง ชะ เญี้ยม บุย เญย.#14:31 ฟาน หฒะ ก๊อง “ฒี่ง แก้ง อ้า! อ๋อย หฒุ เญี้ยม. ฒี่ง อ้า! อ๋อย หฒุ เห่ว อ๊ะ.”
อ๋อย หฒุ กั้ม เหฑีย, บะฑิว หยุ เหฑ่ง,
เหว่ย หฒุ เยียม ป๊ะ ปูง ม่าย โต์ว-เสียว ธ้วด ต้าย,
นิ่น บัว เญย กวั้น หย่า ไม้ ม่าย เหยียด เต้า เหลาะ ฆาง.
32อ๋อย หฒุ ฮนั้ง หาย นอ เตา
วั้ว นอม กั๊วะ ฝูง ต้าย เญย โต่ว เฝียน เมี่ยน?
อ๋อย หฒุ บั๋ว นิ่น บัว, “เฒี้ยว เหลียบ สิโอน.
เยียม นิ่น เญย แปะ ฝีง บุด๋ง โค้ว เญย เมี่ยน,
ไฮ่ ตุ๊ เยียม หน่าย ม่าย ด้าว เขา เญย ต๋อง.”
Currently Selected:
อิสะยา 14: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
