อิสะยา 13
13
ทิน-ฮู่ง อ๋อย ตี่ง บาบีโลน เญย ฒุ์ย
1น้าย เซ อาม้อด เญย ตอน, อิสะยา, ปวัด หล่าว ย่าง ก๊อง เถา บาบีโลน เญย หว่า.#อิสะยา 47:1-15; เยเลมี 50:1—51:64
2อ๋อย หฒุ เยียม บง-ฌัง กู้ หงว่าย เหลียบ ต้ม เก้,
อ๋อย หฒุ เห่ว นิ่น บัว เหยียด ฒู้ง,
อ๋อย หฒุ ย้าบ เม่ย เญย ปั์ว เห่ว นิ่น บัว ต้าย
เปียะ โหฒว โฮล เญย เมี่ยน เญย ฒี่ง แก้ง.
3เยีย กั้น พ้าย เยีย กิ๊น ต้าย เญย เมี่ยน,
เยีย เห่ว เยีย เญย เฮ้น ไห่ เญย แปง,
เซ วั้ว เต๋ย โหฒว เหมา เธง-โฮล เญย เมี่ยน,
เบ๊าะ ต้ง เยีย เฉีย เจี์ย วั้ว เต๋ย.
4หมวัง ม่าะ! เยียม บง กู้ หงว่าย ม่าย เฉีย บุย,
ฮนั้ง ต้ม กวั้น เมี่ยน เญย เฉีย บุย นอ.
หมวัง ม่าะ! ม่าย เหฒีย กั๊วะ เมี่ยน เญย เฉีย บุย,
ฮนั้ง ธั้ม-ฝีง เมี่ยน กั๊บ ฒุ้น ต้าย.
เน่น เจี๋ย เญย เฒี้ยว
ติ่ว ฑ่อย จุน-แปง เบ๊าะ จ๋า.
5นิ่น บัว เยียม โก เญย เต่ย-ปูง,
เยียม จ่ม ลู่ง กอน ต้าย,
เซ เฒี้ยว เฉีย เจี์ย เจี๊ยน#13:5 ไฟ “เฉีย เจี์ย เจี๊ยน หล่ง เญย หวัวะ กิ่น”.
อ๋อย เหมียด เหฑ่ง น้าย เฒี่ยง นอม เต่ย-ปูง.#13:5 ไฟ ลู่ง เดี๊ย.
6เม่ย บัว อ๋อย หฒุ เญี้ยม
เหว่ย หฒุ เฒี้ยว เญย ฮนอย เถา ฟัด อ๊ะ.
น้าย นอม ฮนอย อ๋อย เถา
ฮนั้ง เน่น เจี๋ย วั้ว เต้า#13:6 ฮิบลู หว่า ก๊อง ซัดได. ต้อ หฒุ เหมียด เญย เจ๊า ต้าย.#โยเอน 1:15
7เหว่ย น้าย โม์ว เต้า เมี่ยน เญย ปั์ว ฯฒฯ เมา,
เต้าๆ เญย เฮญี้ยว หย่า หยุ เหฑ่ง.
8นิ่น บัว ฯฒฯ หฒะเก้ง! กั้ม เหฑีย ไห่,
หฒุ มุน, เฑ่า โค้ว,
เนี้ยว เจี๊ยน ซิน ฮนั้ง มเซียะ ตอน มุน กู้งว์า นอ.
กั้ม เหฑีย เกา, ล่าน หมั่ง ล่าน.
นิ่น บัว เญย เฮมียน หฑั่น ซิ ฮนั้ง โต์ว-เบียด นอ.
9หมั่ง ม่าะ! เฒี้ยว เญย ฮนอย อ๋อย เถา.
เป๋น โตะ ไห่ เญย ฮนอย, ปิ๋ว เม่ง นิ่น เฉีย เจี์ย, โน์ว เมี่ยน,
เหว่ย ปุน ลู่ง เดี๊ย#13:9 ไฟ น้าย นอม เต่ย-ปูง. เป๋น เดา-ฮวาง,
หย่า ปุน เยียม เต่ย-ปูง กะญั์ว เญย ฒุ์ย-เมี่ยน หฒุ เหมียด เหฑ่ง.
10ลู่ง หฒั่ง เญย เหฮลย เหธา เหฮลย-กวั้น
ฒู้ง ไม้ แอ๊ง ธ้วด ฌัง.
บะฮนอย ธ้วด ต้าย ฒู้ง หฮมวัง หมี่ อ๊ะ.
หฮลา หย่า ไม้ หฒิว ฌัง.#เอเสเคน 32:7; มัดทาย 24:29; มาโค 13:24-25; ลูกา 21:25; หล่าว ย่าง 6:12-13; 8:12
11เยีย อ๋อย ตี่ง ลู่ง เดี๊ย เญย ฒุ์ย หลาย โหฒว เญย เอ๊าะ สี่,
หย่า ตี่ง เมี่ยน หว่าย เมี่ยน เหว่ย นิ่น โหฒว เญย ฒุ์ย.
เยีย อ๋อย ปุน โหฒว เหมา เญย เมี่ยน เญย เจ๊า ตั๋ง,
หย่า ฒัด เจี๊ยน เมี่ยน โตะ เมี่ยน เธง-โฮล เญย สี่.
12เยีย อ๋อย ปุน ป้าม เมี่ยน เก้า โหฒะ เฒียน เจียม,
เซ เก้า โหฒะ โอฟี เญย เจียม.
13เหว่ย น้าย เยีย, เน่น เจี๋ย เญย เฒี้ยว, โน์ว ไห่,
กะเฉีย ปยุ้ย ธ้วด วั้ว ฮนอย, อ๋อย ปุน ลู่ง ต์ง,
ป้าม เกน หย่า หฒุ ดั่น เพียน นิ่น เญย ต๋อง.
14ฮนั้ง หฒุ หฒุ่น เญย ไฌ่,
หย่า ฮนั้ง ปะกี ยู่ง กวั้น ไม้ ม่าย เมี่ยน ฮ่อง ฒุ้น,
เก๊าะ-เมี่ยน อ๋อย หฑวน เก๊าะ-เมี่ยน เญย ป๊วน-ฝีง,
เก๊าะ-เมี่ยน อ๋อย เปย๋า หฑวน เก๊าะ-เมี่ยน เญย ป๊วน-เต่ย.
15วิน-วั้ง ล์อ ปวัด หาย เต้า,
วั้ว เต้า หฒุ ฑบ ทง.
หาย เต้า หฒุ เฒาะ,
วั้ว เต้า หฒุ หฑุ ด๊าว ไต๋.
16นิ่น บัว เญย กู้งว์า ตอง เจี๊ยน นิ่น บัว
หฒุ แกว๊ะ หม่วน เหฑ่ง.
นิ่น บัว เญย เปย๊า หฒุ ลู้,
นิ่น บัว เญย เอ๊า หย่า หฒุ ธา.
บาบีโลน หฒุ มีเดีย เมี่ยน ฮี่ง
17หมั่ง ม่าะ! เยีย โธะ มีเดีย เมี่ยน ต้าย เบ๊าะ บาบีโลน.
น้าย เต๋ย เมี่ยน ฝุน ญ่าน ไม้ หล่ง เจี๊ยน,
นิ่น บัว หย่า ไม้ เฒ์ย อะเฮน้ย เจียม.
18นิ่น บัว หล่ง จวัง-หฒิน ป๊วน เมี่ยน หลุน เมี่ยน ไต่.
นิ่น บัว หย่า ไม้ ค้อ-เลี่ยน เยียม กะเซีย เญย กู้งว์า.
นิ่น บัว เญย มฒีง หย่า ไม้ ค้อ-เลี่ยน ฝุเจว๊ย.
19เป๊ย หฒวัง กั๊วะ, บาบีโลน เก้า เหฑว่ย เจี๋ย,
เป๋น เคนเดีย เมี่ยน ปู๋ง หว่า-เหมา เญย ฌัง-หล่าง ฒี่ง.
น้าย นอม ฒี่ง อ๋อย หฒุ ฮนั้ง โสโดม เหธา โกโมลา,
ต้ง ทิน-ฮู่ง เบี๊ยน นิ่น บัว วั้ว หฒั่น.#ทิน เต่ย โต้ว 19:24
20บาบีโลน ฯฒฯ เหยียด ลิ์ว ไม้ ม่าย เมี่ยน เยียม,
หม่าน โก๊ว หม่าน ต่อย ไม้ ม่าย หาย เต้า เยียม.
ไม้ ม่าย อาหลับ เมี่ยน เยียม หน่าย ธอง ด๊บ-ลิ่ว,
หย่า ไม้ ม่าย ปู๋ง ปะกี ยู่ง เญย เมี่ยน เยียม หน่าย ปู๋ง ยู่ง.
21มป่า ม่าย เต่ย-ปูง-ฮวาง เญย เฮยี่ย ฒ่อย เปว๋ย หน่าย,
เหนาะ กู๊ ลง เยียม ปวั๊ง เปย๊า-บาง,
เหนาะ ล่อ ท่อ หย่า เยียม วั้ว,
แอ๋ง ม่าย เฮยี่ย ยู่ง เยียม หน่าย หธัง เหย.#อิสะยา 34:14; เสฟันยา 2:14; หล่าว ย่าง 18:2
22เฮยี่ย จู๊-เปน, เยียม เว่ย ว้วน เญย ต๋อง เห่ว,
เฮยี่ย จู๊ เยียม เหฑว่ย ไห่ เญย ติ่น เห่ว.
บาบีโลน หฒุ ตี่ง ฒุ์ย เญย เฒี่ยง โห่ เถา ฟัด อ๊ะ.
นิ่น เญย ฮนอย-เหญียะ หย่า ไม้ ตุ๊ ทอ ด๊าว.
Currently Selected:
อิสะยา 13: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
