อิสะยา 10
10
1เหลียบ ไม้ แป้ง ฟิม เญย เล์ย-หลัด
เหธา เฟี้ย#10:1 ไฟ หฒั่นๆ เฟี้ย. ปุน เมี่ยน หฒุ เหฒย เญย เล์ย วั้ว เต๋ย
อ๋อย หฒุ โค้ว อ๊ะ.
2เม่ย บัว อ๋อย ปุน ตั๋ง-ต๋น เญย เมี่ยน
ไม้ ตุ๊ แป้ง ฟิม เญย เล์ย,
อ๋อย เควย เยีย เญย แปะ ฝีง เญย เมี่ยน จ่ม เมี่ยน,
ไม้ ปุน นิ่น บัว ตุ๊ หอบ หฒุ ตุ๊ เญย เล์ย.
เหว่ย ปุน เอ๊า-กว๊า ต๋อง ลู้ เญย กะน้าย,
หย่า ปุน กู้ ฮั่น ฝุเจว๊ย ต๋อง ธ้าง ต้าย เญย กะน้าย.
3เถา ตี่ง ฒุ์ย เญย ฮนอย,
หฒุ เหฒะ หน่าน เยียม โก เญย ต้าย,
เม่ย บัว ฮนั้ง หาย นอ โหฒว?
เม่ย บัว อ๋อย เปย๋า มี่ง ล์อ หาย เต้า เถง?
เม่ย บัว เญย ฒิ่น ฒ่อย เม่ย บัว อ๋อย เซียว หาย?
4ธ้วด ลิ์ว เม่ย บัว หฒุ เหธา ธ้าง มี่ง เญย เมี่ยน,
ไฟ เบ๊าะ จ๋า หฒุ ไต๋ ไต่,
ไม้ เหฒ่ง หาย หญู่ง อ๊ะ.
ไม้ กุ๊น ฮนั้ง หน่าย, นิ่น เญย กะเฉีย หธ่อ ไม้ ฟิว.
นิ่น หธ่อ ซูง เจี๊ยน นิ่น เญย ปั์ว.
ทิน-ฮู่ง ตี่ง อัดซีเลีย เญย ฒุ์ย
5“อัดซีเลีย เมี่ยน อ๋อย หฒุ โค้ว อ๊ะ.
เยีย หล่ง นิ่น บัว ต๋อง ปย๊า เบ๊าะ เยีย เฉีย เจี์ย วั้ว ฝีง เมี่ยน,
เยีย หล่ง นิ่น บัว ต๋อง นั้น เดี๋ยง-ด๋น เบ๊าะ เยีย โน์ว เญย เมี่ยน.#อิสะยา 14:24-27; เนหะมี 1:1—3:19; เสฟันยา 2:13-15
6เยีย อ๋อย พ้าย อัดซีเลีย เมี่ยน มี่ง เบ๊าะ ไม้ กัน ทิน-ฮู่ง เญย เหยียด กั๊วะ เมี่ยน.
เยีย พ้าย นิ่น บัว มี่ง เบ๊าะ ธัวะ เยีย เฉีย เจี์ย เญย เหยียด ฝีง เมี่ยน,
เหว่ย ลู้ หย่า ธ้าง นิ่น บัว เญย กะน้าย,
หย่า ธ้าย นิ่น บัว เหฌี่ย ฮนั้ง ธ้าย เยียม เฮย-ห่อง เญย ววม-ปั่ม.
7มป่า อัดซีเลีย ฮู่ง เญย เฮญี้ยว ไม้ เฒ์ย ฮนั้ง น้าย นอ ฮนั้ม.
เยียม เฮญี้ยว นิ่น ไม้ เฒ์ย อ๋อย ฮนั้ง หน่าย โหฒว.
นิ่น เญย หฒะเอ๋ย เซ นิ่น อ๋อย เหมียด,
อ๋อย ปุน เหฒีย นอม กั๊วะ หฒุด เหฑ่ง.
8นิ่น ก๊อง, ‘เยีย เญย แปง-เปย๊ย#10:8 ไฟ ต้ม เจียน. เหยียด ฒู้ง โหฒว ฮู่ง ไม้ เฒ์ย?
9คานโน ฒี่ง หฒุ โค้ว ฮนั้ง คานเคมิด ฒี่ง ไม้ เฒ์ย?
ฮามัด หฒุ ฮนั้ง อานปัด ฒี่ง ไม้ เฒ์ย?
สะมาเลีย หย่า หฒุ ฮนั้ง ดามัดกัด ฒี่ง ไม้ เฒ์ย?
10ฮนั้ง เยีย ซูง ปั์ว เบ๊าะ หฒั่ง หมิ่ว-ฝัง วั้ว เต๋ย กั๊วะ,
วั้ว เต๋ย กั๊วะ ม่าย หฒุ ต้าย เญย หมิ่ว-ฝัง เก้า ธั้ม#10:10 ไฟ เก้า โฮล ไฟ เก้า เฮ้น.
เยียม เยลูซาเลม เหธา สะมาเลีย.
11วั้ว หญู่ง, เยีย ไม้ เฒ์ย ไฮ่ โหฒว ปุน เยลูซาเลม เหธา นิ่น เญย หมิ่ว-ฝัง,
ฮนั้ง เยีย โหฒว ปุน สะมาเลีย เหธา นิ่น เญย หมิ่ว-ฝัง ไฟ?’”
12เฒี้ยว เยียม สิโอน บง เหธา เยลูซาเลม โหฒว เหฒียง นิ่น เญย เหยียด ฒู้ง กง, นิ่น ฯฒฯ ก๊อง, “เยีย อ๋อย ตี่ง อัดซีเลีย ฮู่ง เญย ฒุ์ย, เหว่ย หฒุ นิ่น เฮญี้ยว เหมา, เธง กั้น โฮล, มฒีง-จ๋า ฮลัง. 13เหว่ย หฒุ นิ่น ก๊อง,
“‘เยีย หล่ง เยีย เญย ปั์ว เญย ชะ ฮนั้ง น้าย นอ โหฒว.
เยีย เขา เยีย กั้น เญย ธง-เม่ง เหว่ย หฒุ เยีย ม่าย ว่วน ฒาง.
เยีย ซุ้ย กั๊วะ เญย กั๊บ-จ๋าย,
หย่า ธ้าง นิ่น บัว เญย ฒิ่น ฒ่อย.
ฮนั้ง เต้า เฮ้น ไห่ เญย เมี่ยน,#10:13 ไฟ ฮนั้ง เต้า ง่ง โก๊ว.
เยีย ปุน นิ่น บัว เญย ฮู่ง เตี๋ย ถุย เหว่ย.
14ฮนั้ง เมี่ยน ลม เปียะ เหนาะ เล์า,
เยีย เญย ปั์ว ลม เปียะ นอมๆ กั๊วะ เฒาะ นิ่น บัว เญย ฒิ่น ฒ่อย.
ฮนั้ง เมี่ยน เฑ์า เหนาะ กวั่ง เญย เจ๋า,
เยีย หย่า ตุ๊ เหฑ่ง เฒี่ยง นอม ลู่ง เดี๊ย.
ไม้ ม่าย เหยียด คว้าย ด๊าด ต์ง,
ไฟ เหยียด ซูง ฑุ่ย เห่ว.’”
15โป๊ว เธง กั้น เก้า โฮล หล่ง โป๊ว ก๋อย เดี๋ยง วั้ว เต้า ไฟ?
เหฌียว เธง กั้น เก้า โฮล หล่ง เหฌียว วั้ว เต้า ไฟ?
ปย๊า ไม้ ไฮ่ นั้น เมี่ยน, เซ เมี่ยน นั้น ปย๊า.
เดี๋ยง-ด๋น ไม้ ไฮ่ นั้น เมี่ยน, เซ เมี่ยน นั้น เดี๋ยง-ด๋น.
16เหว่ย น้าย เฒี้ยว, เน่น เจี๋ย เญย เฒี้ยว,
อ๋อย ปุน อัดซีเลีย จุ่น ไห่#10:16 ไฟ เฮ้น ไห่. เญย แปง ปุ๊ด แป่ง-ง์าย.
นิ่น บัว เญย ซิน ฯฒฯ ฮนั้ง ม่าย โต์ว เหฒียะ ต้าย, ฮนั้ง ปั๊ว เจี๊ยน นอ.
17อิสะลาเอน เญย ฌัง ฯฒฯ เป๋น โต์ว.
นิ่น บัว เญย ธีง-เหฑ่ง ทิน-ฮู่ง เป๋น โต์ว-เบียด.
เยียม เหยียด ฮนอย ฮนั้ง นิ่น อ๋อย เฒาะ
อัดซีเลีย ฮู่ง เญย ฌิ้ม-โธว ฌิ้ม-หม่วน ปั๊ว ชุย เหฑ่ง.
18นิ่น เญย เก้ม หล่ม
เหธา เดา-โท้ว หลง เญย เด่ย เญย ฌัง-หล่าง,#10:18 ฮิบลู หว่า ก๊อง เลี่ยม ซิน เลี่ยม เฮญี้ยว.
เฒี้ยว หย่า อ๋อย ปั๊ว ชุย เหฑ่ง,
ฮนั้ง เมี่ยน ปุ๊ด แป่ง-ง์าย หมี่ อ๊ะ
19นิ่น เญย เก้ม หล่ม เหฒ่ง เหฌี่ย เญย เดี๋ยง โหฒะ ไห่,
เลี่ยม ฝุเจว๊ย ไฮ่ ซ้าว#10:19 ไฟ เฟี้ย. ตุ๊ เหฑ่ง เญย.
เหฒ่ง เหฌี่ย เญย อิสะลาเอน เมี่ยน
20เถา วั้ว ฮนอย, อิสะลาเอน เหฒ่ง เหฌี่ย เญย เมี่ยน,
เซ ยาโค้บ เญย เฒ้ย-ฟุน, ตุ๊ แหม่ง ธ้วด วั้ว เต๋ย,
เยียม น้าย มี่ง ไม้ เขา
เบ๊าะ นิ่น บัว วั้ว เต๋ย,
มป่า นิ่น บัว อ๋อย เหฒียบ ฒัวะ เญย เขา เฒี้ยว,
อิสะลาเอน เญย ธีง-เหฑ่ง ทิน-ฮู่ง.
21ม่าย เหฒ่ง เหฌี่ย เญย เมี่ยน อ๋อย หฑวน ต้าย ล์อ เฮ้น ไห่ เญย ทิน-ฮู่ง,
เซ ยาโค้บ เญย เฒ้ย-ฟุน เหฒ่ง เหฌี่ย เญย เมี่ยน อ๋อย หฑวน.
22โอ อิสะลาเอน เมี่ยน อ่า, ไม้ กุ๊น เม่ย บัว เญย เมี่ยน
ด่ง ค้อย เญย ซา-เฒียว ธั้ม,
ขูง ม่าย เหฒ่ง เหฌี่ย เญย เมี่ยน ตุ๊ หฑวน ฮนั้ง.
หฒุ เหมียด เญย เจ๊า ตี่ง เหฒียง อ๊ะ,
หฒิว หอบ หฒุ ตุ๊ เญย อ๋อย หฒุ วิ่น ปุน นิ่น บัว, ฮนั้ง ววม ปวั๊ง เมี์ยน นอ.#โลมา 9:27-28
23เหว่ย หฒุ เฒี้ยว, เน่น เจี๋ย เญย เฒี้ยว,
ฒู้ง อ๋อย โหฒว หฒิว นิ่น ตี่ง เหฒียง เญย โหฒว ปุน เฒี่ยง นอม เต่ย-ปูง.#10:23 ไฟ เฒี่ยง นอม ลู่ง เดี๊ย.
เฒี้ยว ตี่ง อัดซีเลีย เญย ฒุ์ย
24เหว่ย น้าย, เฒี้ยว, เซ เน่น เจี๋ย เญย เฒี้ยว, ฮนั้ง น้าย นอ ก๊อง,
“โอ เยีย เญย แปะ ฝีง, เยียม สิโอน เญย เมี่ยน อ้า!
ไม้ ตู๋ง กั้ม เหฑีย อัดซีเลีย เมี่ยน.
นิ่น บัว หล่ง ปย๊า เบ๊าะ เม่ย บัว,
แอ๋ง ย่าม เดี๋ยง-ด๋น, ฮนั้ง อียิบ เมี่ยน โหฒว นอ.
25เยีย เฉีย เจี์ย เม่ย บัว เญย เจ๊า ไม้ เล่า ป่า หมี่ อ๊ะ.
เยีย ฯฒฯ โน์ว นิ่น บัว แอ๋ง ปุน นิ่น บัว หฒุ เหมียด.”
26เน่น เจี๋ย เญย เฒี้ยว ฯฒฯ หล่ง ปย๊า-ปิน เบ๊าะ นิ่น บัว,
ฮนั้ง เยียม โอเล้บ เญย หละเปย๊ย เบ๊าะ มีเดียน เมี่ยน.
เฒี้ยว อ๋อย ซูง นิ่น เญย ปย๊า-บย่า เยียม ววม กู้ หงว่าย,
ฮนั้ง นิ่น เยียม อียิบ โหฒว วั้ว นอ.
27เถา วั้ว ฮนอย, อัดซีเลีย เมี่ยน
ปุน เม่ย บัว ดาม เญย ด๋าม ตุ๊ เยียม เม่ย บัว เญย บะเต้า โป้ว เหฌี่ย.
ก์า เญย เดี๋ยง-ก์า ฒู้ง หฒุ ว้วด เน้า,
ไม้ เยียม เม่ย บัว เญย จาง อ๊ะ.#10:27 ฟาน หฒะ ฮิบลู หว่า ก๊อง บะเต้า. น้าย เหยี่ยม แอ๋ง ม่าย เต๋ย ฮิบลู หว่า ก๊อง “เดี๋ยง-ก์า ฒู้ง หฒุ ว้วด เน้า หลาย เม่ย บัว จุ่น”.
อัดซีเลีย ต้าย เบ๊าะ อ๊ะ
28อัดซีเลีย เญย แปง เถา ไอย้าด ฒี่ง,
แอ๋ง เจี๋ย มิโกน ฒี่ง,
หย่า เฒาะ นิ่น บัว เญย กะน้าย อัน เจี๊ยน มิกม้าด หมี่ อ๊ะ.
29นิ่น บัว เจี๋ย ทง บง-ฉัง,
เปว๋ย ม์วน เกบา.
ลามา ฒี่ง เญย เมี่ยน ซิน หฒิน เหฑ่ง,
เซาโล เญย กิเบอา ฒี่ง เญย เมี่ยน เปย๋า หมี่ อ๊ะ.
30กันลิม เมี่ยน#10:30 ม่าย เต๋ย โซว ก๊อง กันลิม เญย เซียะ. อ้า! เห่ว บุย เญย ม่าะ!
ไลซา เมี่ยน อ้า! หมวัง ม่าะ!
อานาโท้ด เมี่ยน อ้า! หฒะเก้ง ค้อ-เลี่ยน เญย.
31มัดเมนา เมี่ยน เปย๋า หมี่ อ๊ะ.
เกบิม เญย แปะ ฝีง ล์อ ต๋อง ปี๋ง.
32อี้ ฮนอย วิน-วั้ง#10:32 วิน-วั้ง ฮิบลู หว่า ก๊อง นิ่น. น้าย โจ๋ว ก๊อง หฒุ อัดซีเลีย ฮู่ง. นิ่น เหธา นิ่น เญย แปง เยียม ป๊ะ ปูง เหฌี่ย น่าม ปูง เบ๊าะ เจี๊ยน เหยียด ฒี่ง เจี๋ย เหยียด ฒี่ง มี่ง. อ๋อย เยียม โน้บ มู้ง,
ญ้วด ปั์ว-จ้วน ปุน สิโอน เมี่ยน#10:32 ไฟ สิโอน เญย เซียะ. เยียม เญย บง,
เซ เยลูซาเลม เยียม เญย บง.
33หมั่ง ม่าะ! เฒี้ยว, เน่น เจี๋ย เญย เฒี้ยว,
อ๋อย หล่ง ต้ม ชะ ฮงะ เดี๋ยง-ฆว่า ด๊าว ดุ๊ด.
ฮลัง เจี๋ย เญย เดี๋ยง ฒู้ง หฒุ ก๋อย เน้า,
ฮลัง ไห่ เญย เดี๋ยง อ๋อย หฒุ ก๋อย เหฌี่ย.
34นิ่น หย่า อ๋อย หล่ง โป๊ว ก๋อย เก้ม หล่ม.
เลบานอน เญย ต้ม เดี๋ยง หย่า อ๋อย หฒุ เฮ้น ไห่ วั้ว เต้า ก๋อย.
Currently Selected:
อิสะยา 10: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
