โฮเซยา 2
2
โกเม ไม้ เหฒียบ ฒัวะ, อิสะลาเอน เมี่ยน หย่า ไม้ เหฒียบ ฒัวะ
1“อ๋อย หฒุ ก๊อง บั๋ว เม่ย บัว เญย โย์ว, ‘อัมมี,’#2:1 อัมมี เญย เอ๋ย เล์ย เซ เยีย เญย แปะ ฝีง. หย่า บั๋ว เม่ย บัว เญย หมั่ว, ‘ลูฮามา,’ #2:1 ลูฮามา เญย เอ๋ย เล์ย เซ ตุ๊ ทิน-ฮู่ง ค้อ-เลี่ยน.
2“เม่ย บัว อ๋อย หฒุ ชะ โท้ เม่ย บัว เญย มา. หฒะเก้ง อ๋อย หฒุ ชะ โท้, #2:2 ชะ โท้ ไฟ เฮนี้ยๆ เญย ก๊อง.
เหว่ย หฒุ นิ่น ไม้ เฒ์ย เยีย เญย เอ๊า,
เยีย หย่า ไม้ เฒ์ย นิ่น เญย โหฆ.
อ๋อย หฒุ เห่ว นิ่น กวั่ง ฆอย หม่าย ซิน เญย เฮมียน-เหมว่ย,
หย่า กวั่ง ฆอย นิ่น เหฮยียน โหฆ เญย เจ๊า. #2:2 ฮิบลู หว่า หย่า ทิบ หว่า ก๊อง “...เญย เจ๊า, เยียม นิ่น เญย อี นอม หญอ บุด๋ง-ฉัง”.
3ไม้ เฒย แอ๊ะ, เยีย อ๋อย เธี้ย นิ่น เญย ลุย-โหว,
ปุน นิ่น แล่ง แก๊ง เญย เยียม ฮนั้ง นิ่น ธ้วด เสย วั้ว ฮนอย.
เยีย หย่า อ๋อย ปุน นิ่น ฮนั้ง เต่ย-ปูง-ฮวาง,
โหฒว ปุน นิ่น เป๋น บ๋อง ฆาย เญย เดา,
หย่า ปุน นิ่น จาง ฆ้าด เถา ไต่.
4เยีย หย่า ไม้ ค้อ-เลี่ยน นิ่น เญย ฝุเจว๊ย
เหว่ย หฒุ นิ่น บัว เซ หม่าย ซิน เมี่ยน ตุ๊ ต้าย เญย ฝุเจว๊ย.
5นิ่น บัว เญย มา มี่ง หม่าย ซิน.
ตุ๊ นิ่น บัว ต้าย วั้ว เต้า มา โหฒว ไญ้ ไห่ เญย สี่.
นิ่น ก๊อง, ‘เยีย มี่ง กัน ฮนั้ม เยีย วั้ว เต๋ย,
ต้ง ปุน หฮนาง ปุน ววม เยีย,
ปุน ปะกี ยู่ง เปยย เหธา ล่าม่า เดีย เยีย,
หย่า ปุน กะลั้น โย่ว เหธา อะหงุ่น ติ๊ว.
6เหว่ย น้าย เยีย อ๋อย หล่ง ฌิ้ม-มฌ่อม บย์อง เจี๊ยน นิ่น เญย เจ๊า,
เยีย หย่า อ๋อย โหฒว หลาด ตั๊ง เจี๊ยน นิ่น,
นิ่น ฯฒฯ ล์อ ไม้ ปวัด เจ๊า มี่ง.
7นิ่น อ๋อย หฒุ่น นิ่น ฮนั้ม วั้ว เต๋ย มป่า หฒุ่น ไม้ หฒ่าย.
นิ่น อ๋อย ล์อ นิ่น บัว มป่า ล์อ ไม้ ปวัด.
นิ่น ฯฒฯ ก๊อง, ‘เยีย มี่ง อ๊ะ.
เยีย มี่ง ล์อ เยีย เญย โล์-โหฆ,
เหว่ย หฒุ วั้ว หฒั่น เยีย ตุ๊ เก้า หลง อี้ หฒั่น.’
8นิ่น ไม้ ฮิ้ว ตุ๊ เซ ต้ง เยีย ปุน เบย้า,
อะหงุ่น ติ๊ว เหธา กะลั้น โย่ว,
แอ๋ง จา ทิบ เจียม ญ่าน ธั้ม เญย ปุน นิ่น,
ต้ง นิ่น บัว หล่ง เหว่ย หฒั่ง บาอัน เฒี่ยน.
9เหว่ย น้าย เถา เซียว เบย้า เญย เฒี่ยง โห่,
เหธา โหฒว เหฒียง เซียง-อะหงุ่น ติ๊ว เญย เฒี่ยง โห่,
เยีย อ๋อย เฒาะ หฑวน.
เยีย เญย ปะกี ยู่ง เปยย เหธา ล่าม่า เดีย,
ต้ง หล่ง ปวัง เจี๊ยน นิ่น แล่ง แก๊ง เญย ซิน,
เยีย หย่า อ๋อย เฒาะ หฑวน.
10อี้ หฒั่น เยีย อ๋อย เยียม ต้ง นิ่น ฮนั้ม วั้ว เต๋ย เญย หฑะเฮมียน
ปิ๋ว เม่ง นิ่น โหฒว ไล่ ฮลบ เญย สี่,
หย่า ไม้ ม่าย หาย เต้า เหฌียว นิ่น
เปย๋า ดุ๊ด เยีย เญย ปั์ว-เดี๊ย.
11เยีย อ๋อย ปุน นิ่น เหยียด ฒู้ง เฌียน-โย่ว เญย เจ๊า ป่า หมี่ อ๊ะ,
เซ นิ่น เจี๋ย เญย ฒิบ, นิ่น เปียะ เซียง-หฮลา เญย ฒิบ, นิ่น เญย ตี้ง กง ฮนอย,
เหธา นิ่น เญย เหยียด ฒู้ง ตี่ง ต้าย เญย ฒิบ.
12เยีย หย่า อ๋อย โหฒว หว่าย นิ่น เญย อะหงุ่น เฮมย เหธา นิ่น เญย ง่ง หญอ เดี๋ยง,
ต้ง นิ่น ก๊อง, ‘น้าย เซ ฮนั้ม เยีย วั้ว เต๋ย ปุน เยีย เหว่ย ธี้ง เยีย.’
เยีย ฯฒฯ ปุน วั้ว เต๋ย เดี๋ยง เป๋น หล่ม.
หล่ม- ฮวาง เญย เฮยี่ย ฒ่อย ฯฒฯ นะ เหฑ่ง น้าย เต๋ย เดี๋ยง.
13เยีย อ๋อย ตี่ง นิ่น เญย ฒุ์ย,
เหว่ย นิ่น เจี๋ย ฒิบ เญย ฮนอย ปั๊ว ฮูง ปุน บาอัน เฒี่ยน,
หย่า เหว่ย นิ่น ตั้ง เจี๊ยน ปั์ว-โด๊ะ-แฑง #2:13 ไฟ มน่อม ฮยุน. เหธา เซียว-เซ้ด
มี่ง กัน ฮนั้ม นิ่น วั้ว เต๋ย
หย่า หละคุ เยีย.”
น้าย เซ เฒี้ยว ก๊อง เญย หว่า.
เฒี้ยว ฮนั้ม นิ่น เญย แปะ ฝีง
14เหว่ย น้าย หมั่ง ม่าะ! เยีย อ๋อย หยัวะ นิ่น,
ต้อ นิ่น เปียะ เต่ย-ปูง-ฮวาง
ก๊อง ออน เฮญี้ยว เญย หว่า.
15เยียม วั้ว เยีย อ๋อย เฒาะ อะหงุ่น หฮวีง ปุน นิ่น,
แอ๋ง เฒาะ อาโค ฮ์อง#2:15 อาโค เญย เอ๋ย เล์ย เซ เหฒะ หน่าน. เป๋น ม่าย ลั่ม ฮนั้ม เญย แก้ง.
นิ่น ฯฒฯ เตา #2:15 เตา ไฟ ป๋าว ฑูง. ฮนั้ง นิ่น หลุน เญย เฒี่ยง โห่,
ฮนั้ง เยียม อียิบ ธ้วด ต้าย เญย เฒี่ยง โห่.” #โยซูวา 7:24-26
16 เฒี้ยว ก๊อง, “เถา วั้ว ฮนอย
เม่ย อ๋อย เห่ว เยีย, ‘เยีย เญย โหฆ.’
เยียม น้าย มี่ง เม่ย ไม้ เห่ว เยีย โหฒว, ‘เยีย เญย บาอัน.’
17เหว่ย หฒุ เยีย อ๋อย เฒาะ บาอัน เฒี่ยน เญย บั๋ว ธ้วด นิ่น เญย ฑุ่ย,
นิ่น ฯฒฯ ไม้ แอ๋ง เห่ว น้าย เต๋ย บั๋ว.
18เถา วั้ว หฒั่น เยีย อ๋อย เหว่ย นิ่น #2:18 นิ่น ไฟ นิ่น บัว ก๊อง หฒุ นิ่น เญย แปะ ฝีง.
เหธา หล่ม-ฮวาง เญย เฮยี่ย ฒ่อย, เหธา ด๊าม-ลู่ง เญย เหนาะ,
เหธา ญอง เดา เญย กะน้าย เหลียบ เจี์ย แหง่ง หว่า.
เยีย หย่า อ๋อย ว้วด เน้า #2:18 ฮิบลู หว่า ก๊อง ว้วด เน้า. ม่าย เต๋ย โซว ฟาน ต้าย ก๊อง เหมียด.
เยียม กั๊วะ กะญั์ว เญย จวัง-หฒิน เหธา หฑุ ด๊าว,
หย่า ปุน เบ๊าะ จ๋า เญย เจ๊า ตั๋ง.
เยีย หย่า อ๋อย ปุน นิ่น แป้ง ออน เญย เปว๋ย เหฌี่ย.
19เยีย อ๋อย ก๊อง เฒี่ยง เม่ย, ปุน เม่ย เหยียด ลิ์ว เป๋น เยีย เญย เอ๊า.
เยีย อ๋อย หล่ง โหฒว หอบ เญย เจ๊า, แป้ง ฟิม เญย,
เหฒียบ ฒัวะ ฮนั้ม เมี่ยน เญย เฮญี้ยว
เหธา ค้อ-เลี่ยน เญย เฮญี้ยว ก๊อง เฒี่ยง เม่ย.
20เยีย อ๋อย เหฒียบ ฒัวะ เญย ก๊อง เฒี่ยง เม่ย.
เม่ย ฯฒฯ ฮิ้ว ตุ๊ เยีย, เฒี้ยว. ”
21 เฒี้ยว ก๊อง, “เถา วั้ว ฮนอย เยีย อ๋อย เตา ลู่ง,
ลู่ง ฯฒฯ เตา เดา. #2:21-22 น้าย เต๋ย อี เหยี่ยม ก๊อง เถา ทิน-ฮู่ง เอย นิ่น เหธา อิสะลาเอน เมี่ยน แล์ง เญย แหง่ง หว่า โหฒว. ฮิบลู หว่า ก๊อง เตา ธั้ม-หฑุ่น. เอ๋ย เล์ย เซ หฒิว เมี่ยน โท้ เญย หว่า ทิน-ฮู่ง ปุน ลู่ง ตุ้ย บยู่ง เถง เดา, เดา หย่า ธ้วด กะน้าย.
22เดา หย่า อ๋อย เตา เบย้า,
อะหงุ่น ติ๊ว เหธา กะลั้น โย่ว.
น้าย เต๋ย หย่า อ๋อย เตา ยิดเลเอน.#2:22 ยิดเลเอน เญย เอ๋ย เล์ย เซ ทิน-ฮู่ง หฒวัง. เยียม น้าย นิ่น บัว หล่ง ก๊อง เถา เหยียด ฝีง อิสะลาเอน เมี่ยน.
23เยีย อ๋อย เหว่ย เยีย กั้น เฒาะ นิ่น
หฒวัง เจี๊ยน น้าย นอม เต่ย-ปูง.
เยีย ฯฒฯ ค้อ-เลี่ยน โลลุหะมา #2:23 เป๊ย หมั่ง โฮเซยา 1:6. หย่า ก๊อง บั๋ว โลอัมมี, #2:23 เป๊ย หมั่ง โฮเซยา 1:9.
‘เม่ย เซ เยีย เญย แปะ ฝีง.’
นิ่น ฯฒฯ ก๊อง, ‘เม่ย เซ เยีย เญย ทิน-ฮู่ง.’ #โลมา 9:25; 1 ปีเต 2:10
Currently Selected:
โฮเซยา 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
