ฮิบลู 6
6
1ฮนั้ง หน่าย, บัว อ๋อย หฒุ เจี๋ย ตะเยี้ยด คัง กีตู่ เญย โต์-เล์ย แอ๋ง หูง เจี๊ยน วั้ว ด่าง มี่ง เถา เอย เสียน เญย เจ๊า เป๋น ต้ม เมี่ยน. ไม้ ตู๋ง แอ๋ง พาน-เพย เหลียบ หฑุ่น กอน-โด๊ะ, ต้ง อ๋อย หฒุ ก๊อย เฮญี้ยว กวั่ง ไม้ ลั่ม หล่ง เญย สี่#6:1 ไฟ “ต้อ เมี่ยน มี่ง หฒุ ไต่ เญย สี่”. เสียน ทิน-ฮู่ง. 2ไม้ ตู๋ง พาน-เพย หฌาว เจี๋ย ววม เญย เล์ย,#6:2 ฟาน หฒะ ก๊อง หฑาว เญย เล์ย. เหธา หล่ง ปั์ว มาน เมี่ยน เญย เล์ย, เหธา เมี่ยน ไต่ มี่ง แอ๋ง นั่ง ต้าย เญย เจ๊า, เหธา หฒุ ทิน-ฮู่ง เซี้ยม ตี่ง ฒุ์ย เหว่ย เหยียด ลิ์ว วั้ว หญู่ง เจ๊า. 3สี ก๊อง ทิน-ฮู่ง ปุน นอ, บัว หฒะเก้ง ฮนั้ง น้าย นอ โหฒว อ๊ะ.
4ฒิ่น ด่าง เสียน ลิ์ว เยซู แอ๋ง ธ้วด มี่ง วั้ว เต๋ย เมี่ยน, ฮนั้ง หาย นอ ไฮ่ ต้อ นิ่น บัว ก๊อย เฮญี้ยว หฑวน? นิ่น บัว ฒิบ เจี๋ย ทิน-ฮู่ง เญย ฌัง, หย่า เสย เจี๋ย เยียม ทิน-ต้อง ต้าย เญย ฒี่ง เหญ่ย เญย เหมวย, หย่า ตุ๊ ป่วน สีง ลี่ง, 5หย่า ตุ๊ เสย เจี๋ย ฯฒฯ ฮิ้ว ตุ๊ ทิน-ฮู่ง เญย หว่า ม่าย เหมวย โต่ หลง เญย, หย่า ตุ๊ เสย เจี๋ย ฆะฮ้า วั้ว กิ๊ด ลู่ง เดี๊ย เญย ชะ. 6สี ก๊อง เสย ลิ์ว มป่า ฆะฮ้า ธ้วด เยซู, ไม้ เสียน, หฒะเก้ง ไม้ ม่าย หฒะเอ๋ย ต้อ น้าย หญู่ง เมี่ยน ก๊อย เฮญี้ยว หฑวน, เหว่ย หฒุ นิ่น บัว เฒาะ ทิน-ฮู่ง เญย ตอน แอ๋ง ตีง เจี๊ยน เหฒียบ หฑั่ง จ๋า ปุน นิ่น ตอง หฒวัง หฒุ ไญ้.
7หาย ฑง เด่ย หฒั่นๆ ตุ๊ บยู่ง-ววม หลง, แกง-หฒวัง ฯฒฯ ธ้วด หลง เหว่ย เถง โหฒว เด่ย เญย เมี่ยน, วั้ว ฑง เด่ย ตุ๊ ทิน-ฮู่ง เหธย ฟุ. 8มป่า หาย ฑง เด่ย ขูง ธ้วด ฌิ้ม ธ้วด เมี้ย เซ ไม้ ลั่ม หล่ง, อ๊า ลั่ม เต๋ย หฒุ เหฒียว อ๊ะ. ฆะฮ้า ฯฒฯ หฒุ โต์ว ปั๊ว ชุย เหฑ่ง.#ทิน เต่ย โต้ว 3:17-18
9ฮนั้ม ไห่ เญย ก๋อ-โย์ว อ่า, ไม้ กุ๊น เยีย บัว ฮนั้ง น้าย นอ ก๊อง, เยีย บัว เสียน ตี่ง เหว่ย เม่ย บัว ตุ๊ เหฌียว เม่ย บัว อ๋อย ตุ๊ เก้า หลง เญย สี่. 10ทิน-ฮู่ง เซ แป้ง ฟิม เญย. นิ่น ไม้ ไฮ่ หละคุ เม่ย บัว โหฒว เญย กง, หย่า ไม้ หละคุ เม่ย บัว ปุน ธีง เม่ย บัว ฮนั้ม นิ่น, ต้ง เม่ย บัว เถง นิ่น เญย เมี่ยน หย่า หฒั่นๆ เถง เจี๊ยน มี่ง. 11เยีย บัว อ๋อย เม่ย บัว โม์ว ล่าน ฟี่ ฮนั้ง เญย จอม เฮญี้ยว เถา เซ้ด เมว์ย เหว่ย ปุน เม่ย บัว หฒะเก้ง ตุ๊ ต้ง เม่ย บัว ม่าย ลั่ม ฮนั้ม อ๋อย ตุ๊ เญย. 12เยีย บัว ไม้ อ๋อย เม่ย บัว เหลว่ย, มป่า อ๋อย เม่ย บัว หฒวด ต้ง ม่าย เสียน ฟิม หย่า หล่ง หน่อย ฒั้ว วั้ว เต๋ย เญย หญู่ง เฒ้ย ฯฒฯ ตุ๊ เสี่ยว ทิน-ฮู่ง แล์ง ปุน เญย ป่วน.
ทิน-ฮู่ง แล์ง เญย หว่า
13ทิน-ฮู่ง แล์ง หว่า ปุน อับลาฮัม วั้ว หฒั่น นิ่น ไม้ ลั่ม เฒี้ยง ต๋อง เหว่ย หฒุ ไม้ ม่าย หาย เต้า เก้า โฮล เจี๋ย ทิน-ฮู่ง กั้น. นิ่น ฯฒฯ เฒี้ยง เจี๊ยน นิ่น กั้น แล์ง หว่า. 14นิ่น ก๊อง บั๋ว อับลาฮัม,
“เยีย ฒู้ง อ๋อย เหธย ฟุ ปุน เม่ย
หย่า อ๋อย ปุน เม่ย ม่าย เฒ้ย-ฟุน ธั้ม.”#ทิน เต่ย โต้ว 22:16-17
15อับลาฮัม หล่ง หน่อย ฒั้ว ฯฒฯ ตุ๊ ฒิบ ทิน-ฮู่ง แล์ง เหธย ปุน เญย. 16ป้าม เมี่ยน แล์ง หว่า นิ่น บัว เฒี้ยง เจี๊ยน เหยียด เต้า เก้า โฮล นิ่น บัว กั้น แล์ง. ฮนั้ง หน่าย แล์ง ลิ์ว, น้าย เต๋ย หว่า เซ เหลียบ ตี่ง หมี่ อ๊ะ, ไม้ ลั่ม แฑง ต๋อง. 17ทิน-ฮู่ง อ๋อย ปุน, ต้ง อ๋อย ฒิบ นิ่น แล์ง ปุน เญย วั้ว เต๋ย, เม่งๆ เญย ฮิ้ว ตุ๊ นิ่น เญย หฒะเอ๋ย เหยียด ลิ์ว ไม้ ไฮ่ ก๊อย เหยี่ยน. เหว่ย น้าย, นิ่น หธีง ต้าย เฒี้ยง นิ่น กั้น แล์ง หว่า. 18ฮนั้ง หน่าย, ม่าย น้าย เต๋ย อี หญู่ง เหยียด ลิ์ว ไม้ ไฮ่ ก๊อย เหยี่ยน, ทิน-ฮู่ง หย่า ไม้ ไฮ่ ก๊อง-แปะ. เหว่ย น้าย บัว เปย๋า ต้าย ล์อ นิ่น ปุน บัว ม่าย ลั่ม เขา ต๋อง ฯฒฯ ปุน บัว เก้า จอม เฮญี้ยว เสียน ว้วน ม่าย ลั่ม ฮนั้ม ฆะฮ้า ฮี้ง อ๋อย ตุ๊ เญย. 19บัว ฮนั้ง น้าย ม่าย ลั่ม ฮนั้ม เซ ฮนั้ง ม่าย กะน้าย หฒุ่ย เจี๊ยน บัว เญย เฮญี้ยว ตี่ง เญย, ว้วน เญย. น้าย หญู่ง ม่าย ลั่ม ฮนั้ม เปียะ ทิน-ต้อง เญย สีง ติ่น, เยียม แบะ แก้ง เดีย กะญั์ว วั้ว ฉง.#เลวี 16:2 20เยซู เหว่ย บัว ฒู้ง เปียะ กะญั์ว ด่าง หมี่ อ๊ะ, หย่า เหยียด ลิ์ว โหฒว ต้ม ไซ เมี่ยน, ฮนั้ง เมนคีเซเดก วั้ว หญู่ง ไซ เมี่ยน.#สีง ฑูง 110:4
Currently Selected:
ฮิบลู 6: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
