ทิน เต่ย โต้ว 41
41
โยเซ้บ พ้อ ฮู่ง เตี๋ย เญย เบ๋ย
1เจี๋ย ต้าย ปวั๊ง อี หฮญัง, ฟาโล ฮู่ง เบ๋ย นอม เบ๋ย, เบ๋ย ปวัด นิ่น กั้น โซ้ว เจี๊ยน ไนอา ด้าย เฮลน. 2ม่าย เสี่ย เต้า ยั่ง ง่ง เญ์ย เหฑว่ย เญย, จุ่น เญย, เยียม ด้าย ธ้วด ต้าย เยียม วั้ว หญั่น หลัวะ ติ น่อม. 3แอ๋ง ม่าย เสี่ย เต้า ยั่ง ง่ง เญ์ย คอง ไจ่ เญย, อะหมั่ง เญย, เยียม ไนอา ด้าย ธ้วด ต้าย โซ้ว เจี๊ยน จุ่น วั้ว เต๋ย ง่ง เญ์ย เญย กะเฮลน. 4ง่ง ไจ่ ฯฒฯ หญั่น เหฑ่ง วั้ว เต๋ย เสี่ย เต้า ง่ง จุ่น. เบ๋ย ลิ์ว, ฮู่ง เตี๋ย ฯฒฯ เญีย ต้าย อ๊ะ.
5ฮู่ง เตี๋ย แอ๋ง มฌ่อม มี่ง, เบ๋ย ตะเหญ่ย นอม เบ๋ย. เบ๋ย ปวัด ม่าย ฒู่ง เบย้า ธ้วด เสี่ย ต๊อ, เหยียด ฒู้ง เจ้า เญย, ยั่ง เญย. 6ฆะฮ้า แอ๋ง ธ้วด เสี่ย ต๊อ เบย้า เหมา, เจี๊ยะ เญย, หลาย หฒุ ตง ปูง แหมง เญย หฑยาว ป่วน. 7เบย้า เหมา นะ เหฑ่ง วั้ว เต๋ย เสี่ย ต๊อ เจ้า เญย, ยั่ง เญย เบย้า หมี่ อ๊ะ. ฟาโล ฮู่ง ฯฒฯ เญีย ต้าย, ฮิ้ว ตุ๊ นิ่น เบ๋ย ปวัด.
8ตะเหญ่ย ดอม นิ่น ไฮ์ เฮญี้ยว ไม้ เฮ่น ฯฒฯ เห่ว อียิบ เต่ย-ปูง เญย หมั่ง โซว พ้อ เบ๋ย เญย ฟิน-แซง เหธา ไกว-เก๊าะ ฟิน-แซง เหยียด ฒู้ง ต้าย.#ดานีเอน 2:2 ฟาโล ฯฒฯ ก๊อง นิ่น เญย เบ๋ย ปุน นิ่น บัว หมวัง. มป่า ไม้ ม่าย หาย เต้า ไฮ่ พ้อ ตุ๊ เบ๋ย ธ้วด.
9วั้ว หฒั่น เถง ฟาโล ฮู่ง โป้ว ติ๊ว วั้ว เต้า ต้ม เจียน ก๊อง บั๋ว ฮู่ง เตี๋ย, “อี้ ฮนอย เยีย จั๋ง หฒุ เยีย โหฒว ต่อง เญย สี่ อ๊ะ. 10ม่าย หฑุ่น ฮู่ง เตี๋ย เฉีย เจี์ย นิ่น เญย โปว, ฯฒฯ เฒาะ เยีย เหธา โหฒว ฌั้ว เญย ต้ม เจียน มี่ง หววน เจี๊ยน เยียม โก๋ว ฮู่ง ติ่น เญย ต้ม แปง-เปย๊ย เญย เปย๊า วั้ว นอม โล่. 11ม่าย ม์วน นอ, เยีย บัว อี เต้า ฒู้ง เบ๋ยๆ. เหยียด เต้า เญย เบ๋ย ม่าย เหยียด หญู่ง เอ๋ย เล์ย. 12ม่าย เต้า ฮิบลู เมี่ยน หลุน เมี่ยน หย่า เหธา เยีย บัว หฒุ หววน เจี๊ยน โล่. นิ่น โหฒว โก๋ว ฮู่ง ติ่น เญย ต้ม แปง-เปย๊ย เญย โน่ว. เยีย บัว ก๊อง เยีย บัว เญย เบ๋ย ปุน นิ่น หมวัง, นิ่น ฯฒฯ หฒิว เก๊าะ-เมี่ยน เญย เบ๋ย พ้อ เบ๋ย เญย เอ๋ย เล์ย. 13ฆะฮ้า หฒะเก้ง ต๋อย-ติ่ว เหฑ่ง นิ่น พ้อ เญย เอ๋ย เล์ย. เยีย ตุ๊ โหฒว กง ฮนั้ง ฒิ่น ด่าง นอ, มป่า โหฒว ฌั้ว วั้ว เต้า หฒุ ต้อ มี่ง ดิ๋ว เจี๊ยน เดี๋ยง ไต๋ กวั่ง.”
14ฟาโล ฮู่ง ฯฒฯ พ้าย เมี่ยน มี่ง เห่ว โยเซ้บ ต้าย. นิ่น บัว ฯฒฯ เซี้ยบๆ เญย มี่ง ต้อ นิ่น ธ้วด. โยเซ้บ เถย ซยาม, จั๊บ บะเปยย, เหยี่ยน ฆอย ลุย-โหว, มี่ง เถา ฟาโล ฮู่ง เญย หฑะเฮมียน.
15ฮู่ง เตี๋ย ก๊อง บั๋ว นิ่น, “เยีย เบ๋ย นอม เบ๋ย หย่า ไม้ ม่าย หาย เต้า ไฮ่ พ้อ ตุ๊ ธ้วด. เยีย ไฮ์ เมี่ยน ก๊อง เม่ย ไฮ์ ลิ์ว เบ๋ย ฯฒฯ ไฮ่ พ้อ เบ๋ย เญย.”
16โยเซ้บ เตา ฟาโล ฮู่ง, “เซ ไม้ เฒ์ย เยีย ไฮ่ พ้อ เบ๋ย. ทิน-ฮู่ง กั้น อ๋อย พ้อ ตุ๊ หอบ บั๋ว ฟาโล.”
17ฟาโล ฮู่ง ฯฒฯ ก๊อง บั๋ว โยเซ้บ, “เยีย เบ๋ย ปวัด เยีย กั้น โซ้ว เจี๊ยน ไนอา ด้าย เฮลน. 18ม่าย เสี่ย เต้า ยั่ง ง่ง เญ์ย เหฑว่ย เญย, จุ่น เญย, เยียม วั้ว ด้าย ธ้วด ต้าย เยียม วั้ว หญั่น หลัวะ ติ น่อม. 19ฆะฮ้า แอ๋ง ม่าย เสี่ย เต้า ยั่ง ง่ง เญ์ย คอง ไจ่ เญย, อะหมั่ง เญย, ธ้วด ต้าย. เยียม อียิบ เต่ย-ปูง เยีย ไม้ แก้ง ปวัด เจี๋ย ยั่ง ง่ง ด่ง หน่าย อะหมั่ง. 20วั้ว เต๋ย ง่ง ไจ่ หญั่น เหฑ่ง ธ้วด ด่าง วั้ว เต๋ย เสี่ย เต้า ง่ง จุ่น. 21หญั่น ลิ์ว มป่า ไม้ ม่าย หาย เต้า เฒียะ ตุ๊ นิ่น บัว หญั่น วั้ว เต๋ย ง่ง จุ่น. นิ่น บัว หธ่อ ฮนั้ง ฒิ่น ด่าง นอ, อะหมั่ง. เยีย ฯฒฯ เญีย ต้าย อ๊ะ.
22“เยีย แอ๋ง เบ๋ย ปวัด ม่าย ฒู่ง เบย้า ธ้วด เสี่ย ต๊อ เจ้า เญย, ยั่ง เญย. 23ฆะฮ้า แอ๋ง ธ้วด เสี่ย ต๊อ เบย้า เหมา, เหญา เหฑ่ง, เจี๊ยะ เหฑ่ง, หลาย หฒุ ตง ปูง เญย หฑยาว ป่วน. 24วั้ว เต๋ย เบย้า เหมา นะ เหฑ่ง วั้ว เต๋ย เสี่ย ต๊อ เบย้า เจ้า หมี่ อ๊ะ. เยีย ก๊อง เยีย เญย เบ๋ย ปุน หมั่ง โซว พ้อ เบ๋ย เญย ฟิน-แซง หมวัง หย่า ไม้ ม่าย เหยียด เต้า ไฮ่ พ้อ ตุ๊ ธ้วด.”
25โยเซ้บ ฯฒฯ ก๊อง บั๋ว ฟาโล ฮู่ง, “อี นอม เบ๋ย เญย เอ๋ย เล์ย ฒู้ง ฟี่ ฮนั้ง เญย. ทิน-ฮู่ง จา-ด่าง ปุน เม่ย ฮิ้ว ตุ๊ นิ่น อ๋อย ฮนั้ง หาย นอ โหฒว. 26วั้ว เต๋ย เสี่ย เต้า ยั่ง ง่ง จุ่น เป๊ย เสี่ย หฮญัง. วั้ว เต๋ย เสี่ย ต๊อ เบย้า เจ้า หย่า เป๊ย เสี่ย หฮญัง. อี นอม เบ๋ย เญย เอ๋ย เล์ย เซ ฟี่ ฮนั้ง เญย. 27ฆะฮ้า ธ้วด วั้ว เต๋ย เสี่ย เต้า ยั่ง ง่ง ไจ่ เญย, อะหมั่ง เญย, เหธา วั้ว เต๋ย เสี่ย ต๊อ เบย้า เหมา หฒุ ตง ปูง แหมง เญย หฑยาว ป่วน เจี๊ยะ มี่ง, เซ เป๊ย เสี่ย หฮญัง ต้ม ฮวาง ต้ม หง่อ.
28“น้าย หฒะเก้ง ฮนั้ง เยีย บั๋ว ลิ์ว ฮู่ง เตี๋ย วั้ว นอ. ทิน-ฮู่ง อ๋อย ปุน เม่ย ฮิ้ว ตุ๊ นิ่น อ๋อย ฮนั้ง หาย นอ โหฒว. 29เยียม น้าย มี่ง เสี่ย หฮญัง กะญั์ว, ก๋อม อียิบ เต่ย-ปูง ปู๋ง-หฒัวะ หลง. 30ฆะฮ้า แอ๋ง ม่าย เสี่ย หฮญัง ต้ม ฮวาง ต้ม หง่อ. หลาย หง่อ หฮนาง, เมี่ยน ฒู้ง อ๋อย หละคุ ปู๋ง-หฒัวะ หลง เญย หฮญัง. เต่ย-ปูง หย่า อ๋อย หว่าย เหฑ่ง. 31เถา หง่อ เญย เฒี่ยง โห่ ปะหละ หง่อ ตุ๊ โค้ว ไห่, เมี่ยน ฯฒฯ หละคุ เหฑ่ง ปู๋ง-หฒัวะ หลง เญย เฒี่ยง โห่. 32ฮู่ง เตี๋ย เบ๋ย น้าย เต๋ย อี นอม เบ๋ย ปิ๋ว เม่ง ทิน-ฮู่ง ตี่ง เหฒียง ฮนั้ง น้าย นอ โหฒว หย่า อ๋อย เซี้ยบๆ เญย โหฒว.
33“ฮนั้ง น้าย, โท้ ฮู่ง เตี๋ย กิ๊น เต้า ไกว เญย, ม่าย ธง-เม่ง เญย เมี่ยน, ออน นิ่น กุ๊น อียิบ เต่ย-ปูง. 34แอ๋ง ออน เต๋ย เจียน กุ๊น ก๋อม เต่ย-ปูง. น้าย เต๋ย ปู๋ง-หฒัวะ หลง เญย เสี่ย หฮญัง กะญั์ว อ๋อย หฒุ เซียว เหยียด ฒู้ง แกง-หฒวัง ปยา โก๊ว เญย เหยียด โก๊ว. 35น้าย เต๋ย หฮญัง-ฒี่ง หลง เญย เฒี่ยง โห่, น้าย เต๋ย เจียน อ๋อย หฒุ เฒาะ ล่าง หฒิ กั๊บ ฑ่อย เกวย ฟาโล ฮู่ง เญย ปั์ว-เดี๊ย เซียว เจี๊ยน เยียม นอมๆ ฒี่ง โหฒว หญั่น ฮบ. 36น้าย เต๋ย ล่าง หฒิ เลี่ยว เจี๊ยน บู้ง อียิบ เต่ย-ปูง หง่อ เสี่ย หฮญัง เญย เฒี่ยง โห่ ฯฒฯ ม่าย หญั่น ม่าย ฮบ เหว่ย ไม้ ปุน เต่ย-ปูง หลาย หง่อ หฮนาง หฒุ เหมียด เหฑ่ง.”
ฟาโล เหลียบ โยเซ้บ โหฒว อียิบ เต่ย-ปูง เญย หฒูง
37ฟาโล ฮู่ง เหธา นิ่น เญย เหยียด ฒู้ง เจียน ไฮ์ โยเซ้บ เญย หฒะเอ๋ย หลง เญย. 38ฮู่ง เตี๋ย ก๊อง บั๋ว นิ่น เญย หฒวัง เจียน, “บัว ไฮ่ ล์อ ตุ๊ กั้น เต้า ฮนั้ง น้าย เต้า ม่าย ทิน-ฮู่ง เญย สีง ลี่ง ไฟ?”
39นิ่น ก๊อง บั๋ว โยเซ้บ, “เหว่ย หฒุ ทิน-ฮู่ง ปุน เม่ย ฮิ้ว ตุ๊ น้าย เต๋ย เหยียด ฒู้ง สี่, ไม้ ม่าย หาย เต้า ด่ง เม่ย ไกว หย่า ม่าย ธง-เม่ง. 40เยีย อ๋อย ปุน เม่ย โก๋ว เยีย เญย ติ่น. เยีย เญย หฒวัง แปะ ฝีง หย่า อ๋อย หฒุ บัวะ เม่ย, หมวัง เม่ย เญย หว่า. ขูง เยีย กั้น ม่าย หลี่ง เก้า โฮล เจี๋ย เม่ย เญย ฮนั้ง.”#กง-โฒ่ 7:10
โยเซ้บ กุ๊น เหฑ่ง อียิบ เต่ย-ปูง
41ฟาโล ฮู่ง แอ๋ง ก๊อง บั๋ว โยเซ้บ, “เยีย อี้ หฒั่น ออน เม่ย กุ๊น เหฑ่ง อียิบ เต่ย-ปูง.” 42ฟาโล ฮู่ง ฯฒฯ ฮลุด ม่าย เหยียน เญย ปั์ว-โด๊ะ-แฑง เถง โยเซ้บ ตั้ง เจี๊ยน. ปุน นิ่น ฒุ เจี๊ยน ล่าม่า เดีย-หม่วน เญย ลุย-ด๊าว, แอ๋ง เฒาะ ติ้ว เจียม-หลิ่ม ขวัง เจี๊ยน นิ่น เญย จาง.#ดานีเอน 5:29 43ฟาโล หย่า ปุน โยเซ้บ เฒว์ย นิ่น เญย ตะเหญ่ย นอม ม์า-เธีย. แอ๋ง ม่าย เมี่ยน มี่ง ด่าง เห่ว เจี๊ยน ก๊อง, “เกว่ย เหฌี่ย โอ๊!”#41:43 เกว่ย เหฌี่ย โอ๊! ไฟ ซิ้ม เจ๊า อ๊ะ! ฟาโล ฮู่ง ฮนั้ง น้าย ออน นิ่น กุ๊น อียิบ เต่ย-ปูง.
44ฟาโล แอ๋ง ก๊อง บั๋ว โยเซ้บ, “เยีย โหฒว ฟาโล ฮู่ง เตี๋ย. ธ้วด ลิ์ว เม่ย กั้น ฆอย ฑุ่ย, เยียม น้าย อียิบ เต่ย-ปูง ไม้ ม่าย หาย เต้า ไฮ่ โหฒว หาย หญู่ง.”#41:44 ฮิบลู หว่า ก๊อง เธา ปั์ว เธา เหฒา. 45ฮู่ง เตี๋ย เถง โยเซ้บ ธ้วด นอม อียิบ เต่ย-ปูง เญย บั๋ว เห่ว สาเฟน้าดปาเนอา หย่า เฒาะ โอน ฒี่ง เญย ไซ เมี่ยน, โปทิเฟลา, เญย เซียะ, อาเสนัด, ปุน โยเซ้บ หล่ง โหฒว เอ๊า. โยเซ้บ ฯฒฯ ธ้วด มี่ง ฒ่า ก๋อม อียิบ เต่ย-ปูง.
46โยเซ้บ เจี์ย กอน เหว่ย อียิบ เต่ย-ปูง เญย ฟาโล ฮู่ง โหฒว กง วั้ว หฒั่น, นิ่น เญย หฮญัง-เจ๊ย ตุ๊ ฟ่า เหฒียบ หฮญัง. นิ่น เยียม ฮู่ง ติ่น ธ้วด มี่ง โย่ว ก๋อม อียิบ เต่ย-ปูง. 47เยียม วั้ว เต๋ย ปู๋ง-หฒัวะ หลง เญย เสี่ย หฮญัง กะญั์ว, เต่ย-ปูง ธ้วด แกง-หฒวัง กะน้าย หลง ไห่. 48โยเซ้บ ฯฒฯ เซียว น้าย เต๋ย เสี่ย หฮญัง กะญั์ว เญย ล่าง หฒิ กั๊บ ฒุ้น เยียม นอมๆ ฒี่ง. เยียม หาย นอม ฒี่ง เญย ห่อง หฒั่ง หฒวัง เญย ล่าง หฒิ หย่า เซียว ต้าย กั๊บ ฒุ้น อัน เจี๊ยน วั้ว นอม ฒี่ง. 49โยเซ้บ เซียว ตุ๊ ล่าง หฒิ ด่ง ค้อย-เฮลน เญย ซา-เฒียว ธั้ม. ธั้ม เกา, ฮลาว ไม้ ฮี่ง, ซ้าว ไม้ ฮี่ง, เฒียง หน่าย ไม้ ซ้าว อ๊ะ.
50ต้ม หง่อ เญย หฮญัง-ฒี่ง ไม้ แก้ง เถา, โอน ฒี่ง เญย ไซ เมี่ยน, โปทิเฟลา, เญย เซียะ, อาเสนัด, ยู์ง ตุ๊ อี เต้า ตอน ปุน โยเซ้บ. 51โยเซ้บ ฯฒฯ เถง นิ่น เญย ตอน-โฮล ธ้วด บั๋ว เห่ว มะนัดเส.#41:51 มะนัดเส ไฮ์ ฮนั้ง ฮิบลู หว่า ก๊อง เถง เยีย หละคุ. นิ่น ก๊อง, “ทิน-ฮู่ง เถง เยีย หละคุ เยีย เญย เหยียด ฒู้ง โค้ว หน่าน เหธา เยีย เญย เตีย เญย เปย๊า ฒง ฮมวั้ง ต่อย.” 52ตะเหญ่ย เต้า ตอน นิ่น ธ้วด บั๋ว เห่ว เอฟาอิม#41:52 เอฟาอิม น้าย โจ๋ว หว่า เยียม ฮิบลู หว่า ต้าย. เอ๋ย เล์ย เซ เฒี่ยง เปี๊ยว กิ๊ด. หย่า ก๊อง, “เหว่ย หฒุ เยียม น้าย เต่ย-ปูง เยีย เสี่ยว โค้ว หน่าน มป่า ทิน-ฮู่ง ปุน เยีย ตุ๊ ฝุเจว๊ย.”
53อียิบ เต่ย-ปูง ปู๋ง-หฒัวะ หลง เญย เสี่ย หฮญัง เจี๋ย ลิ์ว, 54แอ๋ง เปียะ เสี่ย หฮญัง เญย ต้ม หง่อ ต๋อย เหฑ่ง โยเซ้บ ก๊อง เญย หว่า.#กง-โฒ่ 7:11 นอมๆ กั๊วะ หง่อ เหฑ่ง อ๊ะ. มป่า อียิบ เต่ย-ปูง นอมๆ ต๋อง ม่าย หญั่น เญย. 55เถา อียิบ เมี่ยน หง่อ ต้าย, หฒวัง แปะ ฝีง มี่ง เถง ฟาโล ฮู่ง โท้ หญั่น. ฮู่ง เตี๋ย ก๊อง บั๋ว นิ่น บัว, “เม่ย บัว อ๋อย หฒุ มี่ง ล์อ โยเซ้บ ฮนั้ง. นิ่น ฮนั้ง หาย นอ ก๊อง, เม่ย บัว อ๋อย หฒุ เอย เจี๊ยน นิ่น เญย หว่า โหฒว.”#โยฮัน 2:5
56ต้ม หง่อ กุ๊น โหฒว กุ๊น โค้ว ปวั๊ง เหฑ่ง อียิบ เต่ย-ปูง หมี่ อ๊ะ. โยเซ้บ ฯฒฯ คอย ฆอย นิ่น เญย นอมๆ ต๋อง เญย ต้ม ลั์ม หม่าย เบย้า ธ้วด ปุน อียิบ เมี่ยน. 57แอ๋ง ม่าย ลู่ง เดี๊ย เมี่ยน เหยียด ฒู้ง มี่ง อียิบ เต่ย-ปูง เถง โยเซ้บ ม์าย เบย้า, เหว่ย หฒุ ลู่ง เดี๊ย หฒุ ต้ม ฮวาง ต้ม หง่อ โค้ว ไห่.
Currently Selected:
ทิน เต่ย โต้ว 41: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
