กาลาเทีย 6
6
ล่าน อ๋อย หฒุ เถง ล่าน
1หฒวัง ก๋อ-โย์ว อ่า, สี ก๊อง เฒาะ ตุ๊ หาย เต้า ต่อง หาย หญู่ง ฒุ์ย,#6:1 ไฟ “หาย เต้า ธะ-โป่ว โหฒว ต่อง”. เม่ย บัว เอย สีง ลี่ง โหฒว เญย เมี่ยน อ๋อย หฒุ หล่ง ส่วน เฮญี้ยว ต้อ นิ่น หฑวน ต้าย โหฒว หอบ. มป่า เม่ย บัว อ๋อย หฒุ ไฝ ฟิม. เหฑีย กั้น หย่า หฒุ ดั๊ว โหฒว ต่อง. 2หาย เต้า ม่าย หาย หญู่ง สี่ อ๋อย หฒุ ล่าน เถง ล่าน ดาม. ฮนั้ง หน่าย เม่ย บัว ฯฒฯ เอย เจี๊ยน กีตู่ เญย หลี่ง โหฒว. 3หาย เต้า ไม้ เฒ์ย หล่ง เจี๊ยน เญย เมี่ยน มป่า ท่าย กั้น โหฒว หล่ง เจี๊ยน เญย เมี่ยน นอ, วั้ว เต้า ขูง ดั๊ว กั้น ฮนั้ง. 4เก๊าะ-เมี่ยน อ๋อย หฒุ ฒ่า กั้น โหฒว เญย สี่. โหฒว ตุ๊ หลง, นิ่น ฯฒฯ ไฮ่ อะเฮน้ย กั้น หย่า ไม้ หฒุ ต้อ มี่ง เป๊ย กั้น เต้า โหฒว เญย. 5เหว่ย หฒุ เก๊าะ-เมี่ยน ม่าย เก๊าะ-เมี่ยน เญย ป่วน อ๋อย หฒุ ดาม.
6หาย เต้า ตุ๊ เมี่ยน หฌาว กีตู่ เญย โต์, นิ่น ม่าย เญย หญู่งๆ หลง เญย กะน้าย อ๋อย หฒุ ปุน หฌาว นิ่น วั้ว เต้า ตุ๊ จวั่ง เจี๊ยน หล่ง.
7ไม้ ตู๋ง ดั๊ว กั้น. ไม้ ม่าย หาย เต้า ไฮ่ ดั๊ว ตุ๊ ทิน-ฮู่ง. เมี่ยน หฒวัง หาย หญู่ง ฯฒฯ เซียว ตุ๊ วั้ว หญู่ง. 8สี ก๊อง เมี่ยน เซว่ย กั้น เญย เฮญี้ยว หั่น โหฒว เซ ฮนั้ง หฒวัง ญิม เหฌี่ย เดา นอ, เซียว ต้าย เญย เซ ปุน นิ่น หฒุ ไต่. มป่า เมี่ยน เอย สีง ลี่ง หฒวัง, สีง ลี่ง ฯฒฯ ปุน นิ่น เซียว ต้าย เญย เซ เหยียด ลิ์ว เญย แหม่ง. 9โหฒว คู้ สี่, ไม้ ตู๋ง เฮญี้ยว หนัม. สี ก๊อง บัว ไม้ ถุย นอ, เถา เฒี่ยง โห่ บัว ฯฒฯ ม่าย เซียว-เซ่ง. 10ฮนั้ง หน่าย, หาย หฒั่น ม่าย ฉัง, บัว อ๋อย หฒุ โหฒว คู้ สี่ เถง หฒวัง เมี่ยน. เหล่ง เจ๊ย เญย อ๋อย หฒุ เถง เหว่ย เสียน เยซู เป๋น เหยียด เปย๊า เมี่ยน วั้ว เต๋ย.
เซ้ด เมว์ย หว่า
11เม่ย บัว หมั่ง ก๋า! เยีย หล่ง เยีย กั้น เญย ปั์ว เฟี้ย หฑั่ง ด่ง น้าย โฮล ปุน เม่ย บัว.
12ต้ง อ๋อย โต้ว กั้น ตุ๊ เฮมียน-หมิ่น วั้ว เต๋ย อ๋อย อ๊าบ เม่ย บัว เจี๋ย ก๊าด เญย เล์ย. นิ่น บัว ฮนั้ง น้าย นอ โหฒว เซ เหว่ย หฒุ ไม้ อ๋อย เหว่ย กีตู่ เญย เหฒียบ หฑั่ง จ๋า หฒุ เมี่ยน โหฒว โตะ นิ่น บัว. 13ไม้ กุ๊น นิ่น บัว กั้น เจี๋ย ก๊าด เญย เล์ย, นิ่น บัว ฒู้ง ไม้ เอย เล์ย-หลัด โหฒว. นิ่น บัว ขูง อ๋อย เม่ย บัว เจี๋ย ก๊าด เญย เล์ย เหว่ย ปู๋ง หว่า-เหมา ก๊อง เม่ย บัว เจี๋ย ก๊าด เญย เล์ย หมี่ อ๊ะ ฮนั้ง. 14มป่า เยีย กั้น ฒู้ง ไม้ อ๋อย ปู๋ง หว่า-เหมา, ธ้วด ลิ์ว ปู๋ง หว่า-เหมา ก๊อง บัว เญย เฒี้ยว เยซู กีตู่ เญย เหฒียบ หฑั่ง จ๋า. เซ หลาย เหฒียบ หฑั่ง จ๋า ป้าม เกน หฒุ ตีง ไต่, ป้าม เกน เญย เหยียด ฒู้ง ฯฒฯ เกวน ไม้ หฒุ เยีย. เยีย หย่า หฒุ ตีง ไต่ ฯฒฯ เกวน ไม้ หฒุ ป้าม เกน. 15เจี๋ย ก๊าด เญย เล์ย ไฟ ไม้ เจี๋ย เซ ไม้ หล่ง เจี๊ยน. หล่ง เจี๊ยน เญย เซ โหฒว เซียง-เหฒย ต้าย เญย เมี่ยน. 16โท้ ทิน-ฮู่ง เหธย แป้ง ออน หย่า ค้อ-เลี่ยน เหยียด ฒู้ง กัน น้าย หญู่ง เล์ย เญย เมี่ยน, แอ๋ง เหธา ทิน-ฮู่ง เญย เฒียน อิสะลาเอน เมี่ยน.
17เซ้ด เมว์ย เยีย อ๋อย ก๊อง, ยั่ง น้าย เจี๋ย ไม้ ตู๋ง ปุน หาย เต้า หละเญ้า เยีย, เหว่ย หฒุ เยีย เญย ซิน ม่าย หนาน ฮนั้ง ม่าย เหยียน ปุน ธีง เยีย โหฒว เยซู เญย โน่ว.
18ก๋อ-โย์ว อ่า, โท้ บัว เญย เฒี้ยว เยซู กีตู่ เหธย เอน ปุน เม่ย บัว หฒวัง เมี่ยน.#6:18 กีก หว่า ก๊อง “เหธา เม่ย บัว เญย ลี่ง ว่วน เยียม”. อาเมน.
Currently Selected:
กาลาเทีย 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007