กาลาเทีย 5
5
อ๋อย หฒุ หฒั่นๆ โหฒว ปู๋ง ฆอย เญย เมี่ยน
1เหว่ย ปุน บัว โหฒว ปู๋ง ฆอย เญย เมี่ยน, กีตู่ เถง บัว ตุ๊ ปู๋ง ฆอย หมี่ อ๊ะ. อ๋อย หฒุ เหลียบ ตุ๊ ว้วน โหฒว ปู๋ง ฆอย เญย เมี่ยน, ไม้ ตู๋ง แอ๋ง โหฒว หฑุ่น โน่ว.#5:1 กีก หว่า ก๊อง “ไม้ ตู๋ง แอ๋ง ก์า เจี๊ยน โหฒว โน่ว เญย เดี๋ยง-ก์า”.
2หมวัง หลง โอ่. เยีย, เปาโล, บั๋ว เม่ย บัว, สี ก๊อง เม่ย บัว กัน เจี๋ย ก๊าด เญย เล์ย, เซ ฮนั้ง กีตู่ ไม้ ลั่ม หล่ง, เถง ไม้ ตุ๊ เหยียด เต๋ย เม่ย บัว. 3เยีย แอ๋ง บั๋ว เต้าๆ กัน เจี๋ย ก๊าด เญย เล์ย เญย เมี่ยน, ด่ง หาย ฒู้ง อ๋อย หฒุ เอย เหฑ่ง เล์ย-หลัด เญย ติ้วๆ เล์ย. 4เม่ย บัว อ๋อย กัน เล์ย-หลัด ตุ๊ เหธา ทิน-ฮู่ง หอบ เฮญี้ยว เญย เมี่ยน อ้า! เม่ย บัว เล่ย ดุ๊ด กีตู่ หมี่ อ๊ะ, ปู๋ง ด๊อด ทิน-ฮู่ง เญย เอน. 5มป่า บัว ม่าย ลั่ม ฮนั้ม อ๋อย ตุ๊ เหธา ทิน-ฮู่ง หอบ เฮญี้ยว, บัว ฯฒฯ หล่ง เสียน ฟิม เขา สีง ลี่ง จอม เฮญี้ยว เญย ฒั้ว. 6เหว่ย หฒุ บัว เหธา กีตู่ เยซู จวั่ง แหม่ง เฒี่ยง, เจี๋ย ก๊าด เญย เล์ย ไฟ ไม้ เจี๋ย ก๊าด เญย เล์ย ไม้ เถง หาย หญู่ง. หล่ง เจี๊ยน เญย ม่าย ดุ หญู่ง ฮนั้ง, เซ อ๋อย หฒุ ม่าย เสียน ฟิม ปิ๋ว เม่ง ธ้วด ต้าย ปุน ล่าน ฮนั้ม ล่าน.
7ฒิ่น ด่าง เม่ย บัว เสียน#5:7 กีก หว่า ก๊อง สาย ถิว หลง. ตุ๊ หลง. หาย เต้า ตั๊ง เจี๊ยน เม่ย บัว, ดั๊ว เม่ย บัว ไม้ กัน เฒียน เล์ย? 8ดั๊ว เม่ย บัว เซ ไม้ เฒ์ย ทิน-ฮู่ง, เหว่ย หฒุ นิ่น เห่ว เม่ย บัว ต้าย. 9ม่าย หว่า ก๊อง, “ติ๊ เตียน ปี๊ง โหฒว ปุน เฒี่ยง ดุ้น ฌั้ว ปุ๊ด เหฑ่ง.”#1 โคลินโท 5:6 10มป่า เยีย เขา เฒี้ยว เสียน ตี่ง เม่ย บัว เหธา เยีย ไม้ อ๋อย ม่าย กั้น หญู่ง เฮญี้ยว. จิ๊ว หลุ่น เม่ย บัว วั้ว เต้า, ไม้ กุ๊น ต้ง หาย เต้า, ฒู้ง อ๋อย หฒุ ทิน-ฮู่ง ตี่ง ฒุ์ย.
11ก๋อ-โย์ว อ่า, สี ก๊อง เยีย หธ่อ ฒุ่น บั๋ว เมี่ยน อ๋อย หฒุ เจี๋ย ก๊าด เญย เล์ย นอ, เยีย เหว่ย หาย ติ่ว หธ่อ หฒุ เมี่ยน โหฒว โตะ เยีย? สี ก๊อง เยีย ฮนั้ง หน่าย ฒุ่น นอ, เยีย ฒุ่น เยซู เยียม เหฒียบ หฑั่ง จ๋า ไต่ เญย เล์ย ฯฒฯ ไม้ ม่าย หาย หญู่ง ปุน เมี่ยน เฆ่ม อ๊ะ. 12เฝย ตุ๊ จิ๊ว หลุ่น เม่ย บัว วั้ว เต๋ย เมี่ยน ไม้ ตาน เจี๋ย ก๊าด ฮนั้ง, ฒู้ง อิม เหฑ่ง นิ่น บัว กั้น อ๊ะ.
13หฒวัง ก๋อ-โย์ว อ่า, ทิน-ฮู่ง เห่ว เม่ย บัว ต้าย โหฒว ปู๋ง ฆอย เญย เมี่ยน. เม่ย บัว ตุ๊ ปู๋ง ฆอย มป่า ไม้ ตู๋ง เหว่ย น้าย เซว่ย กั้น เอย กั้น เญย เฮญี้ยว หั่น โหฒว. ต๋าว หฑวน อ๋อย หฒุ ล่าน ฮนั้ม ล่าน ฯฒฯ ล่าน ฟู-สู ล่าน, 14เหว่ย หฒุ เล์ย-หลัด เหยียด ฒู้ง ฑุด ฒุ้น จวั่ง ติ้ว, เซ
“อ๋อย หฒุ ฮนั้ม เมี่ยน ฮนั้ง ฮนั้ม กั้น นอ.”#เลวี 19:18
15สี ก๊อง เม่ย บัว โหฒว ฮนั้ง เฮยี่ย ฒ่อย, ล่าน หงาด ล่าน, ล่าน นะ ล่าน, อ๋อย หฒุ ไฝ ฟิม. เหฑีย เม่ย บัว ล่าน โหฒว ปุน ล่าน หฒุด เหฑ่ง.
อ๋อย หฒุ ปุน สีง ลี่ง ต้อ บัว
16เยีย ก๊อง เญย เอ๋ย เล์ย เซ ฮนั้ง น้าย. อ๋อย หฒุ ปุน สีง ลี่ง ต้อ เม่ย บัว. ไม้ ตู๋ง เอย กั้น เญย เฮญี้ยว หั่น โหฒว. 17เมี่ยน เญย เฮญี้ยว หั่น โหฒว เญย เซ ไม้ ต๋อย สีง ลี่ง อ๋อย โหฒว เญย. สีง ลี่ง อ๋อย โหฒว เญย หย่า ไม้ ต๋อย เมี่ยน เญย เฮญี้ยว หั่น โหฒว. น้าย เต๋ย อี หญู่ง โหฒว วิน-วั้ง หธีง ต้าย เม่ย บัว อ๋อย โหฒว เญย, ไม้ ไฮ่ โหฒว.#โลมา 7:15-23 18มป่า สี ก๊อง สีง ลี่ง ต้อ เม่ย บัว, เม่ย บัว ฯฒฯ ไม้ เยียม เล์ย-หลัด กะเดี๊ย.
19เมี่ยน เอย กั้น เญย เฮญี้ยว หั่น โหฒว เซ ปวัด ตุ๊ เม่ง เญย ฮนั้ง น้าย. โหฒว ปวั้ง เลี่ยว เญย สี่, โหฒว ไม้ ธีง-เหฑ่ง, โหฒว ไม้ หลวน ห่อง เญย สี่, 20ป๋าย หมิ่ว-ฝัง, ปู๋ง ฟ้าด, ล่าน ฑอง ล่าน เป๋น วิน-วั้ง, แฑง จ๋า เบ๊าะ จ๋า, เหมว่ย เจี๊ยะ, เฉีย เจี์ย, แฑง โหฒว โฮล, ปุน ฆอย โหฒว เหฒีย กวั้น, 21หั่น เมี่ยน, ติ๊ว ฆวิน, กั๊บ ฒุ้น โหฒว หว่าย สี่ โล หาย. น้าย เต๋ย หว่า เยีย ก๊อง บั๋ว เจี๋ย เม่ย บัว เญย, อี้ หฒั่น เยีย แอ๋ง ก๊อง หฑุ่น. หาย เต้า โหฒว น้าย หญู่ง สี่, ไม้ ไฮ่ ตุ๊ ทิน-ฮู่ง โหฒว เฒี้ยว กุ๊น นิ่น บัว.
22มป่า สีง ลี่ง ปุน เญย เซ,#5:22 กีก หว่า ก๊อง “สีง ลี่ง เฒี่ยง เญย เปี๊ยว เซ...” ปุน เมี่ยน ม่าย เฮญี้ยว ฮนั้ม เมี่ยน, ปุน เมี่ยน ม่าย เฌียน-โย่ว, ม่าย แป้ง ออน, ม่าย หน่อย, ม่าย เฮญี้ยว ค้อ-เลี่ยน เมี่ยน, โหฒว หลง เญย สี่, ม่าย เหฒียบ ฒัวะ เญย เฮญี้ยว, 23โหฒว เฮญี้ยว ส่วน, ไฮ่ กุ๊น ตุ๊ กั้น. น้าย เต๋ย เหยียด ฒู้ง เจ๊า เล์ย-หลัด ไม้ ฮ่าง. 24หฒะเก้ง โหฒว กีตู่ เยซู เญย เมี่ยน วั้ว เต๋ย, เฒาะ นิ่น บัว ป้าม เมี่ยน เญย เอ๋ย, ต้ง นิ่น บัว เญย เฮญี้ยว อ๋อย โหฒว เญย เหธา เฮญี้ยว หั่น โหฒว เญย เหยียด ฒู้ง ตีง ลิ์ว เหฒียบ หฑั่ง จ๋า หมี่ อ๊ะ.
25บัว เขา สีง ลี่ง เฒี่ยง เจี๊ยน, ฯฒฯ อ๋อย หฒุ ปุน สีง ลี่ง ต้อ บัว. 26ไม้ ตู๋ง ท่าย กั้น โฮล, ล่าน ธัวะ ล่าน, ล่าน หั่น ล่าน.
Currently Selected:
กาลาเทีย 5: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007