เอเสเคน 44
44
ตง ปูง เญย หลาด แก้ง
1วั้ว ล่าน เมี่ยน แอ๋ง ต้อ เยีย หฑวน เถา ฮวิน มี่ง ตง ปูง เญย หลาด แก้ง กะเหญี่ย แหมง. วั้ว เต้า แก้ง กวน เจี๊ยน เญย. 2เฒี้ยว ก๊อง บั๋ว เยีย, “น้าย เต้า แก้ง อ๋อย หฒุ เหยียด ลิ์ว กวน, ไม้ ตู๋ง คอย, หย่า ไม้ ตู๋ง ปุน หาย เต้า ยั่ง น้าย เต้า แก้ง เปียะ. เฒี้ยว, อิสะลาเอน เญย ทิน-ฮู่ง, กัน น้าย เต้า แก้ง เปียะ. เหว่ย น้าย อ๋อย หฒุ กวน เจี๊ยน. 3ขูง ฮู่ง เตี๋ย#44:3 น้าย โจ๋ว ก๊อง หฒิว ฮิบลู หว่า เญย เอ๋ย เล์ย เซ ท่าย โหฒว โฮล. ม่าย เต๋ย โซว ฟาน ต้าย ก๊อง ฮู่ง ตอน, มป่า หว่า ก๊อง หฒุ โหฒว โฮล, เฒว์ย เหว่ย กุ๊น เต่ย-ปูง วั้ว เต้า ฮู่ง เตี๋ย. กั้น ฮนั้ง ไฮ่ เปียะ กะญั์ว วั้ว คัง หลาด แก้ง เฒว์ย เจี๊ยน เยียม เฒี้ยว เญย หฑะเฮมียน หญั่น. นิ่น อ๋อย หฒุ ยั่ง แก้ง กะญั์ว วั้ว ฉง เปียะ แอ๋ง ยั่ง แก้ง กะญั์ว วั้ว ฉง ธ้วด.”
เปียะ หฒั่ง ทิน-ฮู่ง เญย เปย๊า เญย เล์ย-ฝีง
4วั้ว ล่าน เมี่ยน แอ๋ง ต้อ เยีย ยั่ง ป๊ะ ปูง แก้ง ต้าย เถา หฒั่ง ทิน-ฮู่ง เญย เปย๊า หฑะเฮมียน แหมง. เยีย หมั่ง, ปวัด เฒี้ยว เญย ฌัง-หล่าง ปวั๊ง เฒี้ยว เญย เปย๊า. เยีย ฯฒฯ พัวะ เหฌี่ย, เฮมียน เถา เดา.
5 เฒี้ยว ก๊อง บั๋ว เยีย, “ป้าม เมี่ยน อ้า! เม่ย อ๋อย หฒุ เหลียบ ตี่ง เฮญี้ยว, หล่ง มฒีง หมั่ง, แปง มน่อม หมวัง หลง เยีย อ๋อย บั๋ว เม่ย เญย เหยียด ฒู้ง หว่า, เซ เยีย อ๋อย เฒาะ หฒั่ง เฒี้ยว เญย เปย๊า เญย เหยียด ฒู้ง เล์ย เหธา เล์ย-เหญ่ย บั๋ว เม่ย. อ๋อย หฒุ หลงๆ หมั่ง หฒั่ง ทิน-ฮู่ง เญย เปย๊า เญย ต๋อง เหธา ธ้วด สีง ติ่น เญย นอมๆ ต๋อง.#44:5 ไฟ “หลงๆ จั๋ง เจี๊ยน หาย หญู่ง เมี่ยน เปียะ ตุ๊ หฒั่ง ทิน-ฮู่ง เญย เปย๊า, หาย หญู่ง เมี่ยน ไม้ ไฮ่ เปียะ ไม้ ตุ๊ สีง ติ่น”. 6เม่ย อ๋อย หฒุ ก๊อง บั๋ว วั้ว เต๋ย เฮญี้ยว แหง่ง เญย เมี่ยน, อิสะลาเอน เญย เฒ้ย-ฟุน, ‘เฒี้ยว ทิน-ฮู่ง ฮนั้ง น้าย ก๊อง, “โอ อิสะลาเอน เญย เฒ้ย-ฟุน อ้า! โท้ กวั่ง ฆอย เม่ย บัว โหฒว เหยียด ฒู้ง กั้ม เฑี้ย เญย สี่. 7เม่ย บัว เฒาะ เยีย เญย หญั่น ฮบ, เซ วั้ว เต๋ย เฮมย เหธา ฑย้าม, ฝ่ง ห่อ ปุน เยีย เญย เฒี่ยง โห่, เม่ย บัว ปุน เลี่ยม เฮญี้ยว เลี่ยม ซิน ไม้ เจี๋ย ก๊าด เญย เล์ย เญย กั้น ฝีง เมี่ยน เยียม เยีย เญย สีง ติ่น ปุน สีง ติ่น ม่าย หวุย. หลาย เม่ย บัว โหฒว เหยียด ฒู้ง กั้ม เฑี้ย เญย สี่ เม่ย บัว โหฒว ปุน เยีย เญย แหง่ง หว่า ด๊อด. 8เม่ย บัว หย่า ไม้ โก๋ว เยีย เญย ธีง-เหฑ่ง กะน้าย. ต๋าว หฑวน เม่ย บัว พ้าย กั้น ฝีง เมี่ยน โก๋ว เยีย เญย สีง ติ่น.”
9“‘เฒี้ยว ทิน-ฮู่ง ฮนั้ง น้าย ก๊อง, “เยียม อิสะลาเอน เมี่ยน บุด๋ง เญย เหยียด ฒู้ง กั้น ฝีง เมี่ยน, เซ ต้ง ซิน เหธา เฮญี้ยว ไม้ เจี๋ย ก๊าด เญย เล์ย เญย กั้น ฝีง เมี่ยน, ไม้ ตู๋ง ปุน เปียะ เยีย เญย สีง ติ่น.”
เลวี เมี่ยน ไม้ ตุ๊ โหฒว ไซ เมี่ยน
10“‘เฒี้ยว ก๊อง, “อิสะลาเอน เมี่ยน มี่ง ต่อง เจ๊า วั้ว หฒั่น, เลวี เมี่ยน เล่ย โก เยีย มี่ง กัน นิ่น บัว เญย หมิ่ว-ฝัง, ฯฒฯ อ๋อย หฒุ เหว่ย นิ่น บัว โหฒว เญย ฒุ์ย ดาม-ตอง. 11นิ่น บัว อ๋อย หฒุ เยียม เยีย เญย สีง ติ่น ฟู-สู, อ๋อย หฒุ โก๋ว หฒั่ง ทิน-ฮู่ง เญย เปย๊า เญย หลาด แก้ง หย่า เยียม วั้ว นอม เปย๊า ฟู-สู. นิ่น บัว อ๋อย หฒุ ไต๋ ปั๊ว เหฒี่ย เญย เหธา เหว่ย แปะ ฝีง เหฒี่ย เญย แซง-คู้ หย่า โซ้ว เจี๊ยน แปะ ฝีง เญย หฑะเฮมียน ฟู-สู นิ่น บัว. 12หลาย เลวี เมี่ยน เยียม หมิ่ว-ฝัง เญย หฑะเฮมียน ฟู-สู แปะ ฝีง ฯฒฯ ปุน อิสะลาเอน เญย เฒ้ย-ฟุน ดิ๊ หฒุ ดอบ, ป์าม ฒุ์ย. เหว่ย น้าย เยีย โฮ้ว หว่า ก๊อง นิ่น บัว อ๋อย หฒุ หลาย นิ่น บัว โหฒว เญย ฒุ์ย ดาม-ตอง. น้าย เซ เฒี้ยว ทิน-ฮู่ง ก๊อง เญย หว่า. 13นิ่น บัว ไม้ ตุ๊ ต้าย นิด ฟัด เยีย เหว่ย โหฒว ไซ เมี่ยน ฟู-สู เยีย. นิ่น บัว หย่า ไม้ ตุ๊ มี่ง นิด ฟัด เยีย เญย หาย หญู่ง ธีง-เหฑ่ง กะน้าย ไฟ เก้า ธีง-เหฑ่ง เจี๋ย เญย กะน้าย. มป่า นิ่น บัว อ๋อย หฒุ เตี๊ย ไญ้, หลาย นิ่น บัว โหฒว วั้ว เต๋ย กั้ม เฑี้ย เญย สี่. 14ไม้ กุ๊น ฮนั้ง หน่าย, เยีย อ๋อย พ้าย นิ่น บัว โก๋ว หฒั่ง ทิน-ฮู่ง เญย เปย๊า, หลิ่ว เล์ย เยียม หน่าย กะญั์ว เญย เหยียด ฒู้ง เจ๊า หย่า โหฒว เฉียม หฒุ โหฒว เญย หญู่งๆ กง.
ไซ เมี่ยน
15“‘“อิสะลาเอน เมี่ยน มี่ง ต่อง เจ๊า, เล่ย เยีย เญย เฒี่ยง โห่, เลวี ฝีง, สาโดก เญย เฒ้ย-ฟุน เญย ไซ เมี่ยน, เหฒียบ ฒัวะ เญย โก๋ว เยีย เญย สีง ติ่น. เหว่ย น้าย เยีย ปุน นิ่น บัว ต้าย นิด ฟัด เยีย, ฟู-สู เยีย, เหว่ย เฒาะ เฮมย เหธา ฑย้าม ฝ่ง ห่อ ปุน เยีย.” น้าย เซ เฒี้ยว ทิน-ฮู่ง ก๊อง เญย หว่า. 16“‘“นิ่น บัว อ๋อย หฒุ เปียะ เยีย เญย สีง ติ่น. นิ่น บัว ไฮ่ ต้าย นิด ฟัด เยีย เญย เตี้ย เยียม เยีย เญย หฑะเฮมียน ฟู-สู เยีย หย่า เอย เยีย พ้าย เญย โหฒว.
17“‘“นิ่น บัว เปียะ กะญั์ว วั้ว คัง หลาด แก้ง เญย เฒี่ยง โห่, นิ่น บัว อ๋อย หฒุ ฒุ ล่าม่า เดีย-หม่วน เญย ลุย-โหว. นิ่น บัว เยียม กะญั์ว วั้ว คัง ฒี่ง หลาด เญย ทีง ไฟ หฒั่ง ทิน-ฮู่ง เญย เปย๊า กะญั์ว ฟู-สู เญย เฒี่ยง โห่, ไม้ ตู๋ง ปุน นิ่น บัว ฒุ ปะกี ยู่ง เปยย เญย ลุย-โหว.#ธ้วด อียิบ 28:39-43; เลวี 16:4 18เม่ย บัว อ๋อย หฒุ เปว เจี๊ยน ล่าม่า เดีย-หม่วน เญย มฆ้อง-เปว, หย่า ฒุ เจี๊ยน ล่าม่า เดีย-หม่วน เญย โหว.#44:18 ฮิบลู หว่า ก๊อง แบ่ง จ๊าย. หย่า ไม้ ตู๋ง ปุน นิ่น บัว ไซ หาย หญู่ง ปุน นิ่น บัว ธ้วด หั่น เญย เดีย. 19นิ่น บัว ธ้วด เถา กะเหญี่ย วั้ว คัง หลาด, เถา แปะ ฝีง วั้ว, นิ่น บัว อ๋อย หฒุ ไจ๊ ฆอย นิ่น บัว ฒุ เจี๊ยน ฟู-สู เญย ลุย-โหว. นิ่น บัว อ๋อย หฒุ อัน เจี๊ยน ธีง-เหฑ่ง เญย ฉง แอ๋ง ฒุ กั้น เต๋ย ลุย-โหว.#เลวี 16:23 เฑ่า เหย นิ่น บัว เญย ลุย-โหว ไฮ่ ต้อ ธีง-เหฑ่ง เญย เจ๊า มี่ง เจี๋ย แปะ ฝีง.
20“‘“ไซ เมี่ยน ไม้ หอบ หฒุ เถย มฆ้อง, หย่า ไม้ หอบ หฒุ เลี่ยว บะเปยย ด๊าว. ขูง อ๋อย หฒุ จั๊บ ซูง เญย.#เลวี 21:5 21หาย เต้า ไซ เมี่ยน เปียะ กะญั์ว วั้ว คัง หลาด เญย เฒี่ยง โห่ ไม้ ตู๋ง ฮบ อะหงุ่น ติ๊ว.#เลวี 10:9 22ไซ เมี่ยน ไม้ ตู๋ง หล่ง เอ๊า-กว๊า ไฟ เอ๊า-เล่ย. ขูง อ๋อย หฒุ หล่ง ไม้ เปว๋ย เจี๋ย ตอน เญย อิสะลาเอน ฝีง เญย เซียะ ไฟ ไซ เมี่ยน เญย เอ๊า-กว๊า.#เลวี 21:7,13-14 23นิ่น บัว อ๋อย หฒุ หฌาว เยีย เญย แปะ ฝีง ฮิ้ว ตุ๊ ปุน ฆอย หาย หญู่ง ธีง-เหฑ่ง, หาย หญู่ง โพว-ทง เญย, หย่า ปุน นิ่น บัว เฒียะ ตุ๊ ธีง-เหฑ่ง เญย เหธา ม่าย หวุย เญย ฮนั้ง หาย นอ กั้น หญู่ง.#เลวี 10:10
24“‘“สี ก๊อง เมี่ยน ม่าย สี่ ไซ เมี่ยน อ๋อย หฒุ โหฒว เยีย เญย ตุ๋น สี่ เมี่ยน, เอย เจี๊ยน เยีย เญย เล์ย ตุ๋น สี่. นิ่น บัว เจี๋ย เยีย ตี่ง ต้าย เญย เหยียด ฒู้ง ฒิบ เญย เฒี่ยง โห่, นิ่น บัว อ๋อย หฒุ เอย เยีย เญย เล์ย-หลัด เหธา เล์ย โหฒว. หย่า อ๋อย หฒุ เซียว เยีย เญย ตี้ง กง ฮนอย เป๋น ธีง-เหฑ่ง ฮนอย.
25“‘“นิ่น บัว ไม้ ตู๋ง มี่ง นิด ฟัด ไต่ มี่ง เญย เมี่ยน ปุน กั้น ม่าย หวุย, ธ้วด ลิ์ว เหว่ย กั้น เญย เตี๋ย หม่า, ตอน เซียะ กั้น เญย มั์ว-ต่อย ก๋อ-โย์ว ไฟ ไม้ ม่าย จา เญย ต่อ ไฟ หมั่ว ปุน กั้น หฒุ ม่าย หวุย.#เลวี 21:1-4 26นิ่น สา ธีง-เหฑ่ง ลิ์ว, อ๋อย หฒุ ฒั้ว เสี่ย ฮนอย. 27นิ่น เปียะ กะญั์ว วั้ว คัง ฒี่ง หลาด เถา ธีง-เหฑ่ง เญย ต๋อง เหว่ย เยียม ธีง-เหฑ่ง ต๋อง ฟู-สู วั้ว ฮนอย, อ๋อย หฒุ เหว่ย กั้น ฝ่ง ห่อ เหฒี่ย ฟิ ฒุ์ย.” น้าย เซ เฒี้ยว ทิน-ฮู่ง ก๊อง เญย หว่า.
28“‘“ไซ เมี่ยน ไม้ ม่าย นิ่น บัว หฑิบ เญย ป่วน. เยีย เซ นิ่น บัว หฑิบ เญย ป่วน. หย่า ไม้ ตู๋ง ปุน นิ่น บัว เยียม อิสะลาเอน ม่าย นิ่น บัว เญย ป่วน. เยีย เป๋น นิ่น บัว เญย ป่วน หมี่ อ๊ะ.#ซ้าว เมี่ยน 18:20 29นิ่น บัว ตุ๊ หญั่น เญย เซ ฝ่ง ห่อ เหฒี่ย เญย ล่าง หฒิ, เหฒี่ย ฟิ ฒุ์ย เญย กะน้าย เหธา โหฒว ต่อง ฒุ์ย เหฒี่ย เญย กะน้าย. อิสะลาเอน เมี่ยน ฝูง ตั๋ง ปุน ทิน-ฮู่ง เญย เหยียด ฒู้ง กะน้าย#44:29 เป๊ย หมั่ง ธ้วด อียิบ 22:20. หย่า เป๋น ไซ เมี่ยน เญย หมี่ อ๊ะ.#ซ้าว เมี่ยน 18:8-19 30หฒัวะ ด่าง เญย หญู่งๆ ต้าว ถอง กะน้าย เหธา เหยียด ฒู้ง ฝ่ง ห่อ เญย หญู่งๆ กะน้าย เป๋น ไซ เมี่ยน เญย. เม่ย บัว หฒัวะ ด่าง ต้าว ถอง เญย ล่าง หฒิ อ๋อย หม่อ ต้าย ปุน ไซ เมี่ยน, เยีย ฯฒฯ เหธย ฟุ ปุน เม่ย บัว เญย เปย๊า. 31ไม้ กุ๊น เหนาะ ไฟ แซง-คู้, ตะฟ่าน นิ่น กั้น ไต่ ไฟ กะน้าย เป๊ด ไต่, ไซ เมี่ยน ไม้ ตู๋ง หญั่น.#เลวี 22:8
Currently Selected:
เอเสเคน 44: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
