เอเสเคน 39
39
โกก หฒุ เซวย
1“ป้าม เมี่ยน อ้า! เม่ย อ๋อย หฒุ โต่ว หว่า ก๊อง โกก. อ๋อย หฒุ ก๊อง, ‘เฒี้ยว ทิน-ฮู่ง ฮนั้ง น้าย ก๊อง, “เมเซ้ก เหธา ทูบัน#39:1 ม่าย เต๋ย โซว หย่า ทิบ โล้ด. เญย ต้ม เปย๊ย เฒ้ย, โกก, อ้า! เยีย เหธา เม่ย โหฒว วิน-วั้ง อ๊ะ. 2เยีย อ๋อย กวิ้น เม่ย หฑวน, หฒุ่น เม่ย หูง เจี๊ยน วั้ว ด่าง มี่ง. เยีย อ๋อย ต้อ เม่ย เยียม ป๊ะ ปูง โก เจี๋ย เญย ต๋อง มี่ง เถา อิสะลาเอน เญย บง. 3เยีย อ๋อย เบ๊าะ เม่ย เญย หฒาย เจี๊ยะ ปั์ว นั้น เญย จวัง-หฒิน ด๊อด หย่า ปุน เยียม เม่ย เญย บย่าว เจี๊ยะ ปั์ว เญย ฟอง ด๊อด มี่ง. 4เม่ย เหธา เม่ย เญย เหยียด ฒู้ง จุน-แปง, เลี่ยม เหธา เม่ย กั๊บ ต่อย เญย เหฒีย กั๊วะ เมี่ยน, อ๋อย เยียม อิสะลาเอน เญย บง หฒุ ไต่. เยีย อ๋อย เฒาะ เม่ย จิว ปุน หญู่งๆ ต้ม จ๊าง เหธา หล่ม-ฮวาง เญย เฮยี่ย ฒ่อย โหฒว หญั่น เญย กะน้าย. 5เม่ย อ๋อย หฒุ เยียม หล่ม-ฮวาง คีง เหฌี่ย เหว่ย หฒุ เยีย ก๊อง ลิ์ว อ๊ะ. น้าย เซ เฒี้ยว ทิน-ฮู่ง ก๊อง เญย หว่า. 6เยีย อ๋อย ปุน โต์ว เหฌี่ย มาโกก เหธา แป้ง ออน เยียม ค้อย-เฮลน เญย เมี่ยน. วั้ว หฒั่น นิ่น บัว ฯฒฯ ฮิ้ว ตุ๊ เยีย เซ เฒี้ยว.
7“‘“เยีย อ๋อย เยียม เยีย เญย แปะ ฝีง, อิสะลาเอน เมี่ยน, บุด๋ง ปุน นิ่น บัว ฮิ้ว ตุ๊ เยีย เญย ธีง-เหฑ่ง บั๋ว. เยียม น้าย มี่ง เยีย ไม้ ปุน เยีย เญย ธีง-เหฑ่ง บั๋ว หฒุ ม่าย หวุย. หม่าน กั๊วะ เมี่ยน ฯฒฯ ฮิ้ว ตุ๊ เยีย, เฒี้ยว, เซ เยียม อิสะลาเอน บุด๋ง โหฒว ธีง-เหฑ่ง วั้ว เต้า.” 8เฒี้ยว ทิน-ฮู่ง ก๊อง, “วั้ว นอม ฮนอย อ๋อย เถา. ด่ง หาย ฒู้ง อ๋อย ธ้วด ต้าย. น้าย เซ เยีย ก๊อง เญย ฮนอย.”
9“‘เยียม อิสะลาเอน เญย นอมๆ ฒี่ง เญย เมี่ยน อ๋อย ธ้วด มี่ง เฒาะ หวัวะ กิ่น ปั๊ว โต์ว, เซ เฒาะ ต้ม ท้อง-ป้าย, ฟิ้ว-ท้อง-ป้าย, จวัง-หฒิน เหธา ฟอง, เดี๋ยง-ด๋น เหธา ธัง, หล่ง ต๋อง ฒ่าง ปั๊ว ปวั๊ง เสี่ย หฮญัง. 10นิ่น บัว ไม้ หฒุ เยียม หล่ม-ฮวาง ไฟ เก้ม แก๊ะ ฒ่าง, เหว่ย หฒุ นิ่น บัว ม่าย วั้ว เต๋ย หวัวะ กิ่น ต๋อง ฒ่าง ปั๊ว. นิ่น บัว ฯฒฯ ธ้าง ต้ง ธ้าง นิ่น บัว เญย กะน้าย วั้ว เต๋ย, หย่า ลู้ ต้ง ลู้ นิ่น บัว วั้ว เต๋ย เมี่ยน. น้าย เซ เฒี้ยว ทิน-ฮู่ง ก๊อง เญย หว่า.
ปย๊บ โกก
11“‘เถา วั้ว ฮนอย เยีย อ๋อย ปุน โกก เยียม อิสะลาเอน ม่าย โฒ้ว-เก้ม, เซ เยียม ค้อย#39:11 เซ ค้อย-ไต่. เญย ตง ปูง แหมง, เมี่ยน เจี๋ย มี่ง เจี๋ย ต้าย เญย ฮ์อง. โฒ้ว-เก้ม ฯฒฯ ตั๊ง เจี๊ยน เจี๋ย มี่ง เจี๋ย ต้าย เญย เมี่ยน, เหว่ย หฒุ โกก เหธา นิ่น เญย หฒวัง เมี่ยน ธั้ม ฒู้ง หฒัง เจี๊ยน วั้ว. เมี่ยน อ๋อย ธ้วด บั๋ว เห่ว วั้ว นอม ต๋อง เป๋น ฮาโมน โกก ฮ์อง.#39:11 เอ๋ย เล์ย เซ “โกก เญย เหยียด ฒู้ง จุน-แปง”.
12“‘อิสะลาเอน เญย เฒ้ย-ฟุน อ๋อย หฒุ หล่ง เสี่ย หฮลา เหญียะ ปย๊บ นิ่น บัว เหว่ย สา เต่ย-ปูง ธีง-เหฑ่ง ต้าย. 13เต่ย-ปูง เญย หฒวัง เมี่ยน ฯฒฯ ปย๊บ นิ่น บัว. ต้ง เยีย ปุน เมี่ยน ปวัด เยีย เญย ฌัง-หล่าง วั้ว ฮนอย, นิ่น บัว ฯฒฯ ตุ๊ เม่ง เต้า.#39:13 ไฟ ตุ๊ เมี่ยน ท่าย. น้าย เซ เฒี้ยว ทิน-ฮู่ง ก๊อง เญย หว่า.
14“‘นิ่น บัว อ๋อย พ้าย เต๋ย เมี่ยน หฒั่นๆ โย่ว มี่ง โย่ว ต้าย ก๋อม เต่ย-ปูง ปย๊บ ต้ง เหฒ่ง เหฌี่ย เยียม เจี๊ยน เดา-เป้ย เญย เซย, เหว่ย สา เต่ย-ปูง ธีง-เหฑ่ง. วั้ว เต๋ย เสี่ย หฮลา เหญียะ เจี๋ย ลิ์ว, นิ่น บัว อ๋อย หฒุ ธ้วด มี่ง ล์อ. 15วั้ว เต๋ย เมี่ยน เยียม เต่ย-ปูง เจี๋ย มี่ง เจี๋ย ต้าย เญย เฒี่ยง โห่, ตะฟ่าน ปวัด ติ้ว เมี่ยน เญย บู๊ง, นิ่น ฯฒฯ โหฒว นอม จั๋ง-โห่ เยียม บู๊ง เญย กะเฮลน. ฆะฮ้า หฒัง เซย เญย เมี่ยน ต้าย ต้อ มี่ง หฒัง เยียม ฮาโมน โกก เญย ฮ์อง.’ 16(เยียม หน่าย แอ๋ง ม่าย นอม ฒี่ง เห่ว ฮาโมนา.)#39:16 ฮาโมนา เญย เอ๋ย เล์ย เซ ต้ม กวั้น เมี่ยน. นิ่น บัว ฯฒฯ ฮนั้ง หน่าย สา เต่ย-ปูง.
17“ป้าม เมี่ยน อ้า! เฒี้ยว ทิน-ฮู่ง ฮนั้ง น้าย ก๊อง. เม่ย อ๋อย หฒุ เห่ว หญู่งๆ เหนาะ เหธา หล่ม-ฮวาง เญย เหยียด ฒู้ง เฮยี่ย ฒ่อย. อ๋อย หฒุ ก๊อง, ‘เม่ย บัว กั๊บ ฒุ้น ต้าย ม่าะ! เยียม ฟาม-ปูง เฝย โหล่ว ต้าย หญั่น เยีย เหว่ย เม่ย บัว หลิ่ว เล์ย เหฒี่ย ลิ์ว เญย อ๊อ, เซ เยียม อิสะลาเอน เญย บง ต้ม เหฒี่ย. เยียม วั้ว เม่ย บัว ตุ๊ หญั่น อ๊อ ฮบ ฑย้าม.#หล่าว ย่าง 19:17-18 18เม่ย บัว ตุ๊ หญั่น เฮ้น ไห่ เญย แปง เญย อ๊อ, ฮบ ลู่ง เดี๊ย เญย ต้ม เปย๊ย เฒ้ย เญย ฑย้าม, ฮนั้ง นิ่น บัว เป๋น ปะกี ยู่ง โก๊ว เหธา ปะกี ยู่ง ตอน, ยู่ง เหธา ง่ง โก๊ว. น้าย เต๋ย เหยียด ฒู้ง เป๋น บาซาน จุ่น เญย แซง-คู้. 19เม่ย บัว หญั่น ต้ง เยีย เหว่ย เม่ย บัว หลิ่ว เล์ย ฝ่ง ห่อ เหฒี่ย เญย, เม่ย หย่า ตุ๊ หญั่น อ๊อ-จุ่น เป๊ว เถา หฒูง หย่า ฮบ ฑย้าม เถา ฆวิน. 20เยียม เยีย เบ่น เญย เตี้ย เม่ย บัว ตุ๊ หญั่น ม์า เหธา เก้ ม์า แปง, เหธา เฮ้น ไห่ เญย เมี่ยน เหธา หญู่งๆ เบ๊าะ จ๋า เฮ้น เญย แปง เญย อ๊อ.’ น้าย เซ เฒี้ยว ทิน-ฮู่ง ก๊อง เญย หว่า.
อิสะลาเอน แอ๋ง อ๋อย ตุ๊ หลง ฮนั้ง โล์ วั้ว นอ
21“เฒี้ยว ก๊อง, ‘เยีย อ๋อย ปุน เยีย เญย ฌัง-หล่าง หิ่น ธ้วด เยียม หม่าน กั๊วะ บุด๋ง. หม่าน ฝีง เมี่ยน ฯฒฯ ปวัด เยีย ฮนั้ง หาย นอ ตี่ง ฒุ์ย หย่า หล่ง ชะ#39:21 ฮิบลู หว่า ก๊อง ปั์ว. โหฒว ปุน นิ่น บัว. 22เยียม น้าย ฮนอย มี่ง, ฆะฮ้า อิสะลาเอน เญย เฒ้ย-ฟุน ฯฒฯ ฮิ้ว ตุ๊ เยีย เซ เฒี้ยว, นิ่น บัว เญย ทิน-ฮู่ง. 23หม่าน กั๊วะ เมี่ยน ฯฒฯ ฮิ้ว ตุ๊ อิสะลาเอน เญย เฒ้ย-ฟุน หฒุ กว๊าด มี่ง เซ หลาย นิ่น บัว เญย ฒุ์ย, เหว่ย หฒุ นิ่น บัว ไม้ เหฒียบ ฒัวะ เญย โหฒว ปุน เยีย. เยีย ฯฒฯ ปวัง เฮมียน ไม้ หมั่ง นิ่น บัว, หย่า เฒาะ นิ่น บัว จิว ปุน เยียม นิ่น บัว เญย วิน-วั้ง เญย ปั์ว-เดี๊ย. นิ่น บัว เหยียด ฒู้ง ฯฒฯ หฒุ หฑุ ด๊าว ไต๋. 24เยีย หฒิว นิ่น บัว ไม้ ธีง-เหฑ่ง เญย เจ๊า เหธา นิ่น บัว โหฒว ต่อง เญย สี่ โหฒว ปุน นิ่น บัว. เยีย หย่า ปวัง เยีย เญย เฮมียน, ไม้ หมั่ง นิ่น บัว.
25“เหว่ย น้าย เฒี้ยว ทิน-ฮู่ง ฮนั้ง น้าย ก๊อง, ‘อี้ หฒั่น เยีย อ๋อย ปุน ยาโค้บ#39:25 เซ อิสะลาเอน เญย กั้น นอม บั๋ว. เญย เฒ้ย-ฟุน ตุ๊ หลง ฮนั้ง โล์ วั้ว นอ.#39:25 ไฟ “หฒุ กว๊าด มี่ง แอ๋ง หฑวน ต้าย”. ตะฟ่าน อิสะลาเอน เญย เฒ้ย-ฟุน เยีย อ๋อย ค้อ-เลี่ยน, หย่า อ๋อย เปว เจี๊ยน เยีย เญย ธีง-เหฑ่ง บั๋ว. 26นิ่น บัว ตุ๊ แป้ง ออน เญย เยียม นิ่น บัว กั้น เญย เต่ย-ปูง หย่า ไม้ ม่าย หาย เต้า แฮะ นิ่น บัว กั้ม เหฑีย วั้ว หฒั่น, นิ่น บัว ฯฒฯ หละคุ ฒิ่น ด่าง นิ่น บัว ไม้ เหฒียบ ฒัวะ เญย โหฒว ปุน เยีย เหธา นิ่น บัว กั้น หฒุ ไญ้ เญย เจ๊า อ๊ะ. 27เยีย เยียม หม่าน ฝีง ต้อ นิ่น บัว หฑวน หย่า เยียม นิ่น บัว เญย วิน-วั้ง เญย เต่ย-ปูง เซียว นิ่น บัว ฒุ้น วั้ว หฒั่น, เยีย อ๋อย หล่ง นิ่น บัว ตอง เจี๊ยน เหฒีย กั๊วะ เมี่ยน ปิ๋ว เม่ง เยีย ธีง-เหฑ่ง. 28วั้ว หฒั่น นิ่น บัว ฯฒฯ ฮิ้ว ตุ๊ เยีย เซ เฒี้ยว, นิ่น บัว เญย ทิน-ฮู่ง, เหว่ย หฒุ ไม้ กุ๊น เยีย ปุน นิ่น บัว หฒุ กว๊าด มี่ง หม่าน กั๊วะ เมี่ยน บุด๋ง, ฆะฮ้า เยีย แอ๋ง เซียว ฒุ้น นิ่น บัว, ต้อ นิ่น บัว หฑวน นิ่น บัว เญย ป๊วน-เต่ย-ปูง. เยีย ไม้ เลี่ยว เหยียด เต้า เยียม กั้น กั๊วะ เมี่ยน บุด๋ง. 29เยีย โต๋ เยีย เญย สีง ลี่ง เหฌี่ย อิสะลาเอน เญย เฒ้ย-ฟุน วั้ว หฒั่น, เยีย ไม้ แอ๋ง ปวัง เยีย เญย เฮมียน ไม้ หมั่ง นิ่น บัว.’ น้าย เซ เฒี้ยว ทิน-ฮู่ง ก๊อง เญย หว่า.”
Currently Selected:
เอเสเคน 39: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
