เอเสเคน 38
38
โต่ว หว่า ก๊อง โกก
1เยีย ตุ๊ ฒิบ เฒี้ยว เญย หว่า ก๊อง, 2“ป้าม เมี่ยน อ้า! อ๋อย หฒุ ฮวิน เฮมียน มี่ง มาโกก เต่ย, เมเซ้ก เหธา ทูบัน#38:2 ม่าย เต๋ย โซว หย่า ทิบ โล้ด. เญย ต้ม เปย๊ย เฒ้ย, โกก วั้ว, โต่ว หว่า ก๊อง นิ่น.#หล่าว ย่าง 20:8 3อ๋อย หฒุ ก๊อง, ‘เฒี้ยว ทิน-ฮู่ง ฮนั้ง น้าย ก๊อง, “เมเซ้ก เหธา ทูบัน เญย ต้ม เปย๊ย เฒ้ย, โกก อ้า! เยีย เหธา เม่ย โหฒว วิน-วั้ง. 4เยีย อ๋อย เฒาะ เม่ย กวิ้น หฑวน, แอ๋ง หล่ง ต้ม ติ๋ว ขวัง เจี๊ยน เม่ย เญย ฮ่า ป้า, ต้อ เม่ย เหธา เม่ย เญย หฒวัง จุน-แปง ธ้วด ต้าย. เซ เม่ย เญย ม์า, เม่ย เญย เก้ ม์า แปง, เหยียด ฒู้ง ปุ๋ย ฑ่อย เบ๊าะ จ๋า เญย หวัวะ กิ่น, เป๋น ต้ม กวั้น แปง ต้อ เจี๊ยน ต้ม ท้อง-ป้าย, ฟิ้ว-ท้อง-ป้าย, เต้าๆ นั้น เจี๊ยน หฑุ ด๊าว. 5เปเซีย เมี่ยน, คู้ด เมี่ยน เหธา พู้ด เมี่ยน หย่า เหธา นิ่น บัว ต้าย. เต้าๆ นั้น เจี๊ยน ท้อง- ป้าย. มฆ้อง หย่า ด๋ง เจี๊ยน เฮลียะ-หมั่ว. 6ม่าย โกมา เหธา นิ่น เญย เหยียด ฒู้ง จุน-แปง เหธา เยียม ป๊ะ ปูง โก เจี๋ย เญย ต๋อง, เบดโทกานมา, เหธา นิ่น เญย เหยียด ฒู้ง จุน-แปง. ม่าย เหฒีย กั๊วะ เมี่ยน ธั้ม เญย เหธา เม่ย เยียม.
7“‘“เม่ย แอ๋ง เหธา เม่ย เยียม เญย เหยียด ฒู้ง แปง-กวั้น อ๋อย หฒุ เบ่น ฑ่อย, หลิ่ว เล์ย เหฒียง. เม่ย กั้น หย่า อ๋อย หฒุ โหฒว นิ่น บัว เญย เปย๊ย เฒ้ย.#38:7 ฟาน หฒะ ก๊อง “เม่ย หย่า อ๋อย หฒุ โก๋ว เจี๊ยน นิ่น บัว”. 8เจี๋ย ลิ์ว ธั้ม-ฮนอย เม่ย ฯฒฯ หฒุ ติ่ว ฑ่อย. แอ๋ง ฆะฮ้า เหฒีย หฮญัง เม่ย อ๋อย หฒุ เปียะ มี่ง เบ๊าะ นอม เต่ย-ปูง, เซ เบ๊าะ ลิ์ว จ๋า แอ๋ง เหธย เจี์ย ต้าย เญย เต่ย-ปูง. วั้ว นอม เต่ย-ปูง เญย แปะ ฝีง เยียม เหฒีย กั๊วะ เมี่ยน บุด๋ง กั๊บ ฒุ้น ต้าย เยียม อิสะลาเอน เญย บง, ต้ง กวั่ง ฮวาง เล่า เญย บง. วั้ว เต๋ย แปะ ฝีง เยียม เหฒีย กั๊วะ เมี่ยน บุด๋ง ธ้วด ต้าย, อี้ หฒั่น นิ่น บัว เหยียด ฒู้ง แป้ง ออน เญย เยียม. 9เม่ย เหธา เม่ย เญย หฒวัง จุน-แปง แอ๋ง เหธา เม่ย มี่ง เญย เหฒีย กั๊วะ เมี่ยน อ๋อย ธ้วด มี่ง ฮนั้ง ต้ม หฑยาว-เจี๊ยะ. เม่ย บัว ฯฒฯ ฮนั้ง บ๋วน อม เจี๊ยน เดา-เป้ย.”
10“‘เฒี้ยว ทิน-ฮู่ง ฮนั้ง น้าย ก๊อง, “เถา วั้ว ฮนอย เม่ย เญย เฮญี้ยว อ๋อย ฮนั้ม ธ้วด เหฒีย หญู่ง. เม่ย ฯฒฯ ต๊า เอ๊าะ เญย หฒะเอ๋ย. 11เม่ย ก๊อง, ‘เยีย อ๋อย เปียะ นอม ไม้ ม่าย ฒี่ง หลาด เว่ย เจี๊ยน ล์าง เญย เต่ย-ปูง. เยีย อ๋อย เบ๊าะ เหฑียะ ฑี์ง, แป้ง ออน เยียม เญย แปะ ฝีง. เหยียด ฒู้ง ไม้ ม่าย ฒี่ง หลาด, ไม้ ม่าย แก้ง, ไม้ ม่าย แก้ง ซอน. 12เยีย อ๋อย ธ้าง, อ๋อย ลู้ กะน้าย, แอ๋ง มี่ง แฑง ต้ง ฒิ่น ด่าง กวั่ง ฮวาง, อี้ หฒั่น ม่าย เมี่ยน เยียม เญย ต๋อง. นิ่น บัว เยียม เหฒีย กั๊วะ กั๊บ ฒุ้น ต้าย เญย เมี่ยน, เซ นิ่น บัว ตุ๊ แซง-คู้ เหธา กะน้าย ธั้ม หย่า เยียม ป้าม เกน เญย บุด๋ง-ฟิม.’ 13เชบา เหธา เดดาน เหธา ทานซิด เญย แซง-เอ๋ย เมี่ยน เหธา นิ่น เญย เหยียด ฒู้ง ล์าง เญย เมี่ยน#38:13 ไฟ เฮ้น เญย เซี่ยน ไฟ เซี่ยน หลุน. อ๋อย หน่าย เม่ย, ‘เม่ย ต้าย เหว่ย ลู้ กะน้าย ไฟ? เม่ย ปุน เม่ย เญย จุน-แปง กวั้น กั๊บ ฒุ้น ต้าย เหว่ย ธ้าง กะน้าย อ๋อย เปี้ยน เจียม ญ่าน, เปี้ยน แซง-คู้ เหธา กะน้าย มี่ง หย่า อ๋อย ธ้าง กะน้าย มี่ง ธั้ม เญย ไฟ?”’
14“ป้าม เมี่ยน อ้า! เหว่ย น้าย เม่ย อ๋อย หฒุ โต่ว หว่า ก๊อง บั๋ว โกก, ‘เฒี้ยว ทิน-ฮู่ง ฮนั้ง น้าย ก๊อง, “เถา วั้ว ฮนอย, เยีย เญย แปะ ฝีง, อิสะลาเอน เมี่ยน, แป้ง ออน เญย เยียม วั้ว หฒั่น, เม่ย อ๋อย หฒุ ธ้วด มี่ง.#38:14 น้าย เซ กัน กีก หว่า. ฮิบลู หว่า ก๊อง ฮิ้ว ตุ๊. 15เม่ย อ๋อย เยียม กั้น เญย เต่ย-ปูง, เซ เยียม ป๊ะ ปูง โก เจี๋ย เญย ต๋อง ต้าย, หย่า ม่าย เหฒีย กั๊วะ เมี่ยน เหธา เจี๊ยน เม่ย ต้าย. เหยียด ฒู้ง เก้ เจี๊ยน ม์า, เป๋น เหยียด ต้ม กวั้น จุน-แปง, ม่าย ชะ เฮ้น เญย แปง-กวั้น. 16เม่ย อ๋อย ต้าย เบ๊าะ เยีย เญย แปะ ฝีง, อิสะลาเอน เมี่ยน, ฮนั้ง บ๋วน อม เดา-เป้ย นอ. โอ โกก อ้า! ฆะฮ้า เญย ฮนอย-เหญียะ เยีย อ๋อย ต้อ เม่ย ต้าย เบ๊าะ เยีย เญย เต่ย-ปูง, ฯฒฯ ตอง เจี๊ยน หม่าน กั๊วะ เมี่ยน หล่ง เม่ย, โกก, ปิ๋ว เม่ง เยีย ธีง-เหฑ่ง เหว่ย ปุน นิ่น บัว ฮิ้ว ตุ๊ เยีย.”
17“‘เฒี้ยว ทิน-ฮู่ง ฮนั้ง น้าย ก๊อง, “เยีย โล์-ฮนอย หล่ง เยีย เญย โปว, อิสะลาเอน เญย โต่ว หว่า เมี่ยน, ก๊อง วั้ว เต้า เซ เม่ย ไม้ เฒ์ย? วั้ว หฒั่น นิ่น บัว โต่ว หว่า ธั้ม-หฮญัง ก๊อง เยีย อ๋อย ต้อ เม่ย ต้าย เบ๊าะ นิ่น บัว.” 18เฒี้ยว ทิน-ฮู่ง ก๊อง, โกก ต้าย เบ๊าะ อิสะลาเอน เมี่ยน วั้ว ฮนอย, เยีย เญย กะเฉีย อ๋อย แป๊ด ธ้วด. 19เยีย หั่น ไห่, เฉีย เจี์ย ไห่ ฮนั้ง หฌบ โต์ว นอ, ฯฒฯ ก๊อง วั้ว ฮนอย เยียม อิสะลาเอน เต่ย-ปูง เญย เดา อ๋อย ต์ง ตุ๊ เสย ไห่. 20ค้อย กะญั์ว เญย เบย์า, ด๊าม-ลู่ง เญย เหนาะ, หล่ม-ฮวาง เญย แซง-คู้ เฮยี่ย ฒ่อย, เหธา เหยียด ฒู้ง ญอง เดา เญย กะน้าย, เหธา เยียม ลู่ง เดี๊ย เดา-เป้ย เญย หฒวัง เมี่ยน, อ๋อย เยียม เยีย เญย หฑะเฮมียน ซิน หฒิน. บง อ๋อย บาง, แบ๋ง หย่า อ๋อย ฮู้ หม่วน เหฑ่ง, เพงๆ ฒี่ง หลาด หย่า อ๋อย บาง เหฌี่ย เถา เดา.’ 21เฒี้ยว ทิน-ฮู่ง ก๊อง, ‘เยีย อ๋อย หล่ง หญู่งๆ เหฒะ หน่าน แฮะ โกก กั้ม เหฑีย.#38:21 ฟาน หฒะ ฮิบลู หว่า ก๊อง, “เยีย อ๋อย ปุน เยีย เญย หฒวัง บง เญย หฑุ ด๊าว ห่อย โกก”. เต้าๆ ฒู้ง อ๋อย หล่ง หฑุ ด๊าว ห่อย กั้น เญย ก๋อ-โย์ว. 22เยีย อ๋อย หล่ง ต้ม ววน-แป่ง เหธา ไต๋ เมี่ยน ปุน ฑย้าม เหลี่ยว ธ้วด เญย สี่ ตี่ง นิ่น เญย ฒุ์ย. เยีย อ๋อย ปุน ตุ้ย ต้ม บยู่ง เหธา เปาะ เหธา โต์ว เหธา เหฒียะ เจี๊ยน โต์ว เญย ฮู่ง#38:22 ฮู่ง เซ เผว ฟิว วั้ว หญู่ง ฮู่ง. เหฌี่ย นิ่น กั้น เหธา นิ่น เญย จุน-แปง แอ๋ง เหธา นิ่น กั๊บ ต่อย เญย เหฒีย กั๊วะ เมี่ยน. 23เยีย ฯฒฯ ฮนั้ง น้าย โหฒว เหว่ย ปุน ธีง เยีย โฮล ไห่, ธีง-เหฑ่ง ไห่, หย่า อ๋อย ตอง เจี๊ยน ธั้ม-กั๊วะ เมี่ยน เญย มฒีง ปุน นิ่น บัว ฮิ้ว ตุ๊ เยีย. วั้ว หฒั่น นิ่น บัว ฯฒฯ ฮิ้ว ตุ๊ เยีย เซ เฒี้ยว. ’
Currently Selected:
เอเสเคน 38: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
