เอเสเคน 31
31
อียิบ เป๊ย ติ้ว หฒุ ก๋อย เญย สีดา ฒ่ง เดี๋ยง
1เยีย บัว หฒุ กว๊าด มี่ง เหฒียบ เยี้ยด หฮญัง ฟ่า หฮลา แซง-เยี้ยด วั้ว ฮนอย, เยีย แอ๋ง ตุ๊ ฒิบ เฒี้ยว เญย หว่า ก๊อง, 2“ป้าม เมี่ยน อ้า! เม่ย อ๋อย หฒุ ก๊อง บั๋ว อียิบ เญย ฮู่ง, ฟาโล, เหธา นิ่น เญย หฒวัง เมี่ยน,
“‘เม่ย ด่ง หน่าย โฮล, เยีย ไฮ่ เฒาะ หาย หญู่ง#31:2 ม่าย เต๋ย ก๊อง หาย เต้า. เป๊ย ตุ๊ เม่ย?
3หมั่ง ม่าะ! เม่ย#31:3 ฮิบลู หว่า ก๊อง อัดซีเลีย. เซ ฮนั้ง เลบานอน เญย สีดา ฒ่ง เดี๋ยง,
ม่าย ฆว่า เหฑว่ย เฑีย เจี๊ยน หล่ม.
หฒะเก้ง ฮลัง ไห่,
เดี๋ยง-เตว๊ย หธุน เปียะ กู้ หงว่าย เญย บ๋วน.#31:3 น้าย เซ กัน กีก หว่า. ฮิบลู หว่า ก๊อง “เยียม ฆว่า โฮ์ กู้ หงว่าย”.
4ม่าย ววม ธั้ม เถง นิ่น ไฮ่ โฮล,
เดา-เดี๊ย โด เญย ววม ปุน นิ่น ฮลัง เจี๊ยน ฝาว,
ม่าย โด๊ะ เหลี่ยว ฮวีง ก๋อม หฒวัง เญย ต๋อง,
โด๊ะ เญย หธา ปุน ววม มี่ง เถา หล่ม เญย เหยียด ฒู้ง เดี๋ยง.
5ฮนั้ง หน่าย นิ่น เก้า ฮลัง เจี๋ย เหยียด ฒู้ง หล่ม เญย เดี๋ยง,
เดี๋ยง-ฆว่า โหย่ว หฮยาง โหย่ว ด๊าว,
เหว่ย หฒุ นิ่น ตุ๊ ววม ธั้ม.
6ด๊าม-ลู่ง เญย เหยียด ฒู้ง เหนาะ
ต้าย โฝว เล์า เยียม นิ่น เญย ฆว่า.
หล่ม-ฮวาง เญย เหยียด ฒู้ง เฮยี่ย ฒ่อย
เยียม นิ่น เญย ฆว่า กะเดี๊ย เหฌี่ย ตอน.
เหยียด ฒู้ง โหฒว โฮล เญย กั๊วะ เญย แปะ ฝีง
หย่า เยียม นิ่น กะเดี๊ย ปี๋ง ล่าง.
7หฒะเก้ง เป๋น เหฑว่ย ไห่ เญย ต้ม เดี๋ยง,
ฆว่า หย่า ธ้วด ต้าย ด๊าว,
เหว่ย หฒุ นิ่น เญย ฑู่ง เหฌี่ย โด
เปียะ เถา ววม ธั้ม เญย ต๋อง.
8ทิน-ฮู่ง เญย หฮวีง กะญั์ว เญย สีดา ฒ่ง เดี๋ยง สาย ไม้ ฮี่ง นิ่น.
ฒ่ง เดี๋ยง เญย ฆว่า
หย่า ไม้ ด่ง วั้ว ติ้ว เดี๋ยง เญย.
พะเลน เดี๋ยง หย่า เป๊ย ไม้ เถา นิ่น เญย ฆว่า.
เยียม ทิน-ฮู่ง เญย หฮวีง กะญั์ว เญย เดี๋ยง
ไม้ ม่าย เหยียด ติ้ว ด่ง นิ่น เหฑว่ย.#ทิน เต่ย โต้ว 2:9
9เยีย ปุน นิ่น เหฑว่ย,
ม่าย เดี๋ยง-ฆว่า ธั้ม.
เยียม ทิน-ฮู่ง เญย เอเดน หฮวีง กะญั์ว เญย
เหยียด ฒู้ง เดี๋ยง เหมว่ย เจี๊ยะ นิ่น.
10“‘เหว่ย น้าย เฒี้ยว ทิน-ฮู่ง ก๊อง, “เหว่ย หฒุ นิ่น#31:10 ฮิบลู หว่า ก๊อง เม่ย. ฮลัง ไห่, เดี๋ยง-เตว๊ย เยียม บ๋วน กะญั์ว. เหว่ย นิ่น ฮลัง, นิ่น เญย เฮญี้ยว หย่า เหมา. 11เยีย ฯฒฯ จิว นิ่น ปุน หม่าน กั๊วะ กะญั์ว เญย เหยียด เต้า เฮ้น เญย เมี่ยน. น้าย เต้า ด่ง หาย ฒู้ง อ๋อย หฒิว นิ่น โหฒว เญย เอ๊าะ สี่ วิ่น ปุน นิ่น. เยีย หฒุ่น นิ่น ธ้วด หมี่ อ๊ะ. 12กั้น ฝีง เมี่ยน, เซ เก้า เธี้ยว เจี๋ย เญย เมี่ยน, อ๋อย ก๋อย นิ่น เน้า, กวั่ง เจี๊ยน วั้ว. นิ่น เญย ฆว่า ฯฒฯ ด๊อด เหฌี่ย บง กู้ หงว่าย เหธา เหยียด ฒู้ง ฮ์อง กะญั์ว. นิ่น เญย ฆว่า หย่า เน้า ด๊อด เหฌี่ย เต่ย-ปูง เญย ติ้วๆ โด๊ะ-เฮลน. ลู่ง เดี๊ย เญย หฒวัง เมี่ยน ฯฒฯ เยียม นิ่น เญย ปี๋ง ล่าง ต๋อง ธ้วด มี่ง, กวั่ง นิ่น เยียม วั้ว อ๊ะ. 13ด๊าม-ลู่ง เญย เหนาะ อ๋อย หฑบ เจี๊ยน เน้า เหฌี่ย เญย เดี๋ยง. หล่ม-ฮวาง เญย เหยียด ฒู้ง เฮยี่ย ฒ่อย หย่า อ๋อย เยียม นิ่น เญย ฆว่า กู้ หงว่าย. 14ฮนั้ง หน่าย เซ เหว่ย ปุน เยียม ววม-เฮลน เญย หาย ติ้ว เดี๋ยง ไม้ ไฮ่ ด่ง วั้ว ติ้ว โฮล ฮลัง, ม่าย เดี๋ยง-เตว๊ย หธุน เปียะ กู้ หงว่าย เญย บ๋วน. ไม้ กุ๊น ตุ๊ ววม เก๋า ยู์ง เญย เดี๋ยง, ไม้ ม่าย เหยียด ติ้ว ด่ง นิ่น ฮลัง, เหว่ย หฒุ เหยียด ฒู้ง อ๋อย หฒุ ไต่ มี่ง เหธา เจี๊ยน ป้าม เมี่ยน เยียม เยี่ยม เกน, เซ เหธา ไต่ มี่ง เญย เมี่ยน เยียม วั้ว นอม ค้วด.”
15“‘เฒี้ยว ทิน-ฮู่ง ฮนั้ง น้าย นอ ก๊อง, “เถา วั้ว ติ้ว ต้ม เดี๋ยง หฒุ เหฌี่ย เยี่ยม เกน วั้ว หฒั่น, เยีย อ๋อย ปุน วั้ว เต๋ย เดา-เดี๊ย โด เญย ววม เหว่ย นิ่น เฑ่า.#31:15 น้าย โต่ว โซว กัน กีก หว่า ฟาน เป๋น ฮิบลู หว่า ก๊อง “เหว่ย นิ่น เฑ่า เญี้ยม”. เยีย หย่า อ๋อย ตั๊ง เจี๊ยน นิ่น เญย ด้าย, หย่า ปุน ววม ธั้ม เญย ตี้ง. หลาย วั้ว ติ้ว เดี๋ยง ไต่, เยีย อ๋อย ปุน หฮมวัง อม เจี๊ยน เลบานอน บง, หย่า ปุน เยียม หล่ม เญย เหยียด ฒู้ง เดี๋ยง เหว่ย นิ่น มวั้ง เหฑ่ง. 16เยีย เฒาะ นิ่น ฒอย เหฌี่ย เยี่ยม เกน, เซ เหธา เมี่ยน เหฌี่ย เดา-เดี๊ย เญย ค้วด วั้ว หฒั่น, เยีย ปุน หม่าน กั๊วะ เมี่ยน ไฮ์ นิ่น ด๊อด เญย เฉีย บุย, ฯฒฯ ซิน หฒิน ญั่นๆ เญย. วั้ว หฒั่น เยียม เอเดน หฮวีง เญย เหยียด ฒู้ง เดี๋ยง, เซ กิ๊น ธ้วด เก้า หลง เจี๋ย เญย เดี๋ยง เหธา เยียม เลบานอน เก้า หลง, เก้า เหฑว่ย เญย เดี๋ยง, ต้ง เหยียด ฒู้ง ตุ๊ ววม เก๋า ยู์ง เญย เดี๋ยง, ฯฒฯ เยียม เดา-เดี๊ย ตุ๊ ออน เฮญี้ยว. 17นิ่น บัว หย่า เหธา เจี๊ยน นิ่น เหฌี่ย เยี่ยม เกน, เถา หฒุ หฑุ ด๊าว ไต๋ เญย เมี่ยน. เยียม หม่าน กั๊วะ เขา นิ่น วั้ว เต๋ย หย่า เหธา นิ่น หฒุ เหมียด.
18“‘เยียม เอเดน หฮวีง ม่าย หาย ติ้ว เดี๋ยง ด่ง เม่ย โฮล, ม่าย ฌัง-หล่าง? อี้ หฒั่น เม่ย อ๋อย เหธา เอเดน เญย เหยียด ฒู้ง เดี๋ยง หฒุ เหฌี่ย เถา เยี่ยม เกน, เยียม ไม้ เจี๋ย ก๊าด เญย เล์ย เญย เมี่ยน บุด๋ง, เซ เหธา หฒุ หฑุ ด๊าว ไต๋ ไต่ วั้ว เต๋ย เหยียด เหฌี่ย เปว๋ย.
“‘เฒี้ยว ทิน-ฮู่ง ก๊อง, น้าย เซ ฟาโล ฮู่ง เหธา นิ่น เญย เมี่ยน ม่าน.’”
Currently Selected:
เอเสเคน 31: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
