เอเสเคน 30
30
อียิบ อ๋อย หฒุ ตี่ง ฒุ์ย
1เยีย แอ๋ง ตุ๊ ฒิบ เฒี้ยว เญย หว่า ก๊อง, 2“ป้าม เมี่ยน อ้า! เม่ย อ๋อย หฒุ โต่ว หว่า ก๊อง, ‘เฒี้ยว ทิน-ฮู่ง ฮนั้ง น้าย ก๊อง,
“‘เม่ย อ๋อย หฒุ ชะ เญี้ยม เจี๊ยน ก๊อง,
“วั้ว นอม ฮนอย โค้ว อ๊ะ.”
3เหว่ย หฒุ วั้ว นอม ฮนอย เถา ฟัด อ๊ะ,
เฒี้ยว เญย ฮนอย เถา ฟัด.
เป๋น ม่าย บ๋วน เญย ฮนอย,
หม่าน กั๊วะ หฒุ ตี่ง ฒุ์ย เญย ฮนอย.
4ฒู้ง ม่าย หฑุ ด๊าว เถา อียิบ ไต๋ อียิบ เมี่ยน,
เอทีโอเปีย เมี่ยน หย่า หฒุ โค้ว หน่าน.
เยียม อียิบ หฒุ ไต่ เญย เมี่ยน คีง เหฌี่ย วั้ว หฒั่น,
อียิบ เญย ฒิ่น ฒ่อย หฒุ เปี้ยน มี่ง,
นิ่น เญย กอน-โด๊ะ หย่า หฒุ แธะ เหฑ่ง.
5“‘ม่าย เอทีโอเปีย เมี่ยน, พู้ด เมี่ยน, ลูเด เมี่ยน, อาละเบีย เญย เหยียด ฒู้ง เมี่ยน เหธา ลิเบีย เมี่ยน, แอ๋ง ม่าย เยียม เต่ย-ปูง เหธา นิ่น บัว ต้ง เฮญี้ยว กั๊บ ชะ เญย เมี่ยน หย่า อ๋อย หฒุ หฑุ ด๊าว ไต๋.
6“‘เฒี้ยว ฮนั้ง น้าย ก๊อง,
“‘ป๊า เจี๊ยน อียิบ เต่ย-ปูง วั้ว เต๋ย อ๋อย หฒุ บาง.
อียิบ โหฒว เหมา เญย ชะ อ๋อย หฒุ ด๊อด เหฌี่ย.
เยียม มิกโดน เถา สิเอเน#30:6 ไฟ อัดวัน. นิ่น บัว เยียม อียิบ กะญั์ว หฒุ หฑุ ด๊าว ไต๋.
น้าย เซ เฒี้ยว ทิน-ฮู่ง ก๊อง เญย หว่า.
7เป๊ย หฒุ ป่าย ฮวาง เญย หม่าน กั๊วะ,
อียิบ เก้า หฒุ ป่าย ฮวาง เจี๋ย.
นิ่น เญย ฒี่ง หย่า หฒุ ป่าย ฮวาง
เยียม หฒุ ป่าย ฮวาง เญย ฒี่ง บุด๋ง.
8เยีย อ๋อย ปุน โต์ว ปั๊ว อียิบ เต่ย-ปูง,
เถง นิ่น เญย เหยียด ฒู้ง เมี่ยน หย่า หฒุ เหมียด เหฑ่ง,
วั้ว หฒั่น นิ่น บัว ฯฒฯ ฮิ้ว ตุ๊ เยีย เซ เฒี้ยว.
9“‘เถา วั้ว ฮนอย เยีย อ๋อย ปุน โต่ว เฝียน เมี่ยน เปียะ ฑั้ง มี่ง เหว่ย แฮะ ไม้ เกาะ จาง เญย เอทีโอเปีย เมี่ยน กั้ม เหฑีย. อียิบ หฒุ เหมียด วั้ว ฮนอย, เอทีโอเปีย เมี่ยน หย่า อ๋อย หฒุ โค้ว หน่าน, เหว่ย หฒุ น้าย นอม ฮนอย หฒะเก้ง อ๋อย เถา อ๊ะ.
10“‘เฒี้ยว ทิน-ฮู่ง ฮนั้ง น้าย ก๊อง,
“‘เยีย อ๋อย หล่ง บาบีโลน เญย ฮู่ง, เนบูคัดเน้ดซา, เญย ปั์ว
ปุน อียิบ เญย ฒิ่น ฒ่อย#30:10 ม่าย เต๋ย โซว ก๊อง หฒวัง เมี่ยน ธั้ม. หฒุด เหฑ่ง.
11นิ่น เหธา กัน นิ่น เญย เมี่ยน,
เซ เยียม หฒวัง กั๊วะ บุด๋ง เก้า เธี้ยว เจี๋ย เญย ฝีง,
ฯฒฯ เปียะ ต้าย เหมียด น้าย นอม เต่ย-ปูง.
นิ่น บัว อ๋อย แปง หฑุ ด๊าว ธ้วด เหธา อียิบ เบ๊าะ จ๋า,
ปุน เต่ย-ปูง ม่าย หฒุ ไต๋ เญย เมี่ยน ปวั๊ง เหฑ่ง.
12เยีย อ๋อย ปุน ไนอา ด้าย ฆาย มี่ง,
หย่า เฒาะ เต่ย-ปูง หม่าย ปุน เยียม เอ๊าะ เมี่ยน เญย ปั์ว-เดี๊ย.
เยีย อ๋อย หล่ง กั้น ฝีง เมี่ยน เญย ปั์ว
โหฒว ปุน เต่ย-ปูง เหธา เยียม เต่ย-ปูง เญย
หญู่งๆ กะน้าย หฒุ ป่าย ฮวาง เหฑ่ง.
เยีย, เฒี้ยว, ก๊อง ลิ์ว อ๊ะ.
13“‘เฒี้ยว ทิน-ฮู่ง ฮนั้ง น้าย ก๊อง,
“‘เยีย อ๋อย เหมียด เหฑ่ง หมิ่ว-ฝัง,
หย่า เยียม เมมฟิด ปุน จ๊า เฒี่ยน หฒุด เหฑ่ง.
ยั่ง น้าย มี่ง อียิบ ไม้ ม่าย ฮู่ง กุ๊น,
เยีย ฯฒฯ ปุน เยียม อียิบ เต่ย-ปูง เญย เมี่ยน กั้ม เหฑีย.
14เยีย อ๋อย ปุน ปัดโล้ด#30:14 เซ อียิบ เต่ย-ปูง เญย วั้ว เจี๋ย หว่วน. เป๋น เดา-ฮวาง,
อ๋อย ปุน โต์ว ปั๊ว โสอัน ฒี่ง,
หย่า เซี้ยม ตี่ง เทเบด ฒี่ง เญย ฒุ์ย.
15เยีย เญย กะเฉีย อ๋อย แป๊ด ธ้วด ปุน อียิบ ว้วน เญย ล่าว,
เซ เปลูเซียม ฒี่ง,
หย่า อ๋อย ปุน เทเบด เญย หฒวัง เมี่ยน หฒุ ไพ กวั่ง.
16เยีย อ๋อย ปุน โต์ว ปั๊ว อียิบ.
เปลูเซียม อ๋อย หฒุ เตี๊ย ต้ม โค้ว หน่าน.
เทเบด ฒู้ง หฒุ เบ๊าะ ป่าย,
เมมฟิด ลู่ง ฮนอย หฒั่น หย่า หฒุ โค้ว.#30:16 ไฟ ม่าย วิน-วั้ง. ม่าย เต๋ย โซว ฟาน ต้าย ก๊อง “นิ่น เญย ฒี่ง หลาด หย่า บาง หว่าย เหฑ่ง”.
17โอน ฒี่ง#30:17 ฮิบลู หว่า ก๊อง อาเวน. แอ๋ง ม่าย กั้น นอม บั๋ว เห่ว เฮลีโอบุลี. เหธา พีเบเสด ฒี่ง เญย เมี่ยน หลุน เมี่ยน อ๋อย หฒุ หฑุ ด๊าว ไต๋.
น้าย เต๋ย ฒี่ง เญย เมี่ยน หย่า อ๋อย หฒุ กว๊าด มี่ง.
18เยีย เยียม ทาปานเหด ปุน อียิบ กุ๊น เญย ชะ ตั๋ง วั้ว หฒั่น,
ลู่ง ฮนอย หฒั่น ฯฒฯ หฮมวัง มี่ง.
นิ่น โหฒว เหมา เญย ชะ อ๋อย หฒิด หมี่ อ๊ะ,
ม่าย บ๋วน อ๋อย อม เจี๊ยน อียิบ,
นอมๆ ฒี่ง เญย เมี่ยน#30:18 ฮิบลู หว่า ก๊อง นิ่น เญย เซียะ. อ๋อย หฒุ กว๊าด มี่ง.
19เยีย ฮนั้ง น้าย ปุน อียิบ หฒุ ตี่ง ฒุ์ย,
นิ่น บัว ฯฒฯ ฮิ้ว ตุ๊ เยีย เซ เฒี้ยว ’”
อียิบ ฮู่ง เญย ชะ เจี๋ย หมี่ อ๊ะ
20เยีย บัว หฒุ กว๊าด มี่ง เหฒียบ เยี้ยด หฮญัง, ฒี่ หฮลา แซง-เธี้ยด วั้ว ฮนอย, เยีย แอ๋ง ตุ๊ ฒิบ เฒี้ยว เญย หว่า ก๊อง, 21“ป้าม เมี่ยน อ้า! เยีย เบ๊าะ เน้า อียิบ ฮู่ง, ฟาโล, เญย ปั์ว. ปั์ว หย่า ไม้ ตุ๊ เปว. ไม้ ม่าย หาย เต้า เปว เหว่ย หฒ่อ หลง, ปุน ปั์ว แอ๋ง เฮ้น ต้าย ไฮ่ เฝง หฑุ ด๊าว. 22เหว่ย น้าย เฒี้ยว ทิน-ฮู่ง ก๊อง, เยีย โหฒว อียิบ เญย ฮู่ง, ฟาโล, เญย วิน-วั้ง. เยีย อ๋อย เบ๊าะ นิ่น เญย ปั์ว เน้า, เซ เฮ้น วั้ว เจี๊ยะ เหธา เน้า เจี๋ย วั้ว เจี๊ยะ. เยีย อ๋อย ปุน นิ่น เญย ปั์ว ปู๋ง หฑุ ด๊าว ด๊อด เหฌี่ย. 23เยีย อ๋อย ปุน อียิบ เมี่ยน ฟ้าด หฑาน มี่ง เยียม หม่าน กั๊วะ หม่าน ฝีง บุด๋ง. 24เยีย อ๋อย ปุน บาบีโลน เญย ฮู่ง เญย ปั์ว เฮ้น หย่า เฒาะ เยีย เญย หฑุ ด๊าว ปุน นิ่น เญย ปั์ว นั้น เจี๊ยน. มป่า เยีย อ๋อย ปุน ฟาโล เญย ปั์ว เน้า. นิ่น ฯฒฯ ตอง เจี๊ยน บาบีโลน ฮู่ง ฌุ่น ฮนั้ง หฒุ เซียง, ไฮ่ ไต่ เญย เมี่ยน. 25เยีย อ๋อย ปุน บาบีโลน ฮู่ง เญย ปั์ว ม่าย ชะ, มป่า ฟาโล เญย ปั์ว อ๋อย เมา เหฌี่ย. เยีย เฒาะ เยีย เญย หฑุ ด๊าว อัน เจี๊ยน บาบีโลน ฮู่ง เญย ปั์ว, นิ่น หย่า ซูง หฑุ ด๊าว ธ้วด ต้าย ไต๋ อียิบ เมี่ยน วั้ว หฒั่น, นิ่น บัว ฯฒฯ ฮิ้ว ตุ๊ เยีย เซ เฒี้ยว. 26เยีย อ๋อย ปุน อียิบ เมี่ยน ฟ้าด หฑาน มี่ง เยียม เหฒีย กั๊วะ เหฒีย ฝีง บุด๋ง. นิ่น บัว ฯฒฯ ฮิ้ว ตุ๊ เยีย เซ เฒี้ยว. ”
Currently Selected:
เอเสเคน 30: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
