ธ้วด อียิบ 38
38
โหฒว เหฒี่ย-ต้อง
(เป๊ย หมั่ง ธ้วด อียิบ 27:1-8)
1นิ่น#38:1-10 ฮิบลู หว่า ก๊อง นิ่น. ม่าย เต๋ย โซว ฟาน ต้าย ก๊อง นิ่น บัว. แอ๋ง หล่ง ตะซุ เดี๋ยง โหฒว ปั๊ว เหฒี่ย เญย กะน้าย เญย เหฒี่ย-ต้อง, ด๊าว ปยา เดาะ, จั๊ง ปยา เดาะ เฝย-ปูง, ฮลัง ปัว เดาะ. 2เหฒี่ย-ต้อง เญย เปยย นอม เก๊าะ โหฒว เจี๊ยน จอง เหธา เหฒี่ย-ต้อง เญย เดี๋ยง เฒี่ยง เจี๊ยน. แอ๋ง หล่ง ต้ง ซิ ปวัง เจี๊ยน เหฒี่ย-ต้อง. 3นิ่น โหฒว เหฒี่ย-ต้อง เญย จา-ต๋อง. ม่าย แธง, กะน้าย-เธ้น, ปุ้น, ต้ม ปะเกน-ญ้าบ, เซียว โต์ว เญย เจย, เหยียด ฒู้ง หล่ง ต้ง ซิ โหฒว. 4นิ่น แอ๋ง หล่ง ต้ง ซิ เหว่ย เหฒี่ย-ต้อง โหฒว แพยง แน้ด เจี๊ยน เหฒี่ย-ต้อง เญย เปี้ยน กะเดี๊ย แหมง, เยียม ด๊าม-เหฒี่ย-ต้อง เหฌี่ย. 5นิ่น แอ๋ง หล่ง ต้ง ซิ โต๋ เปยย นอม ควีง ตี๋ง เจี๊ยน แพยง เญย เปยย นอม เก๊าะ, เหว่ย หธุน เดี๋ยง แกง. 6นิ่น หล่ง ตะซุ เดี๋ยง โหฒว แกง เหฒี่ย-ต้อง เญย เดี๋ยง, หย่า หล่ง ต้ง ซิ ปวัง เจี๊ยน. 7นิ่น เฒาะ แกง เญย เดี๋ยง หธุน เจี๊ยน เหฒี่ย-ต้อง อี ปูง กะเฮลน เญย ควีง เหว่ย แกง เหฒี่ย-ต้อง. เหฒี่ย-ต้อง หล่ง เดี๋ยง-เป๊น กั๊บ ต้าย, กะญั์ว ฌ์ง เญย.
โหฒว ต้ง ซิ ปุ้น
(เป๊ย หมั่ง ธ้วด อียิบ 30:18)
8นิ่น หล่ง ต้ง ซิ โหฒว ปุ้น เหธา ปุ้น เญย ท้าบ. เซ หล่ง เยียม หวุ่ย ปวั้ง ด๊บ-ลิ่ว เญย แก้ง ด่าง ฟู-สู เฒี้ยว วั้ว เต๋ย มเซียะ ตอน เญย ต้ง ซิ กี๋ง โหฒว.#ธ้วด อียิบ 30:18
โหฒว ด๊บ-ลิ่ว เญย หลาด
(เป๊ย หมั่ง ธ้วด อียิบ 27:9-19)
9ฆะฮ้า นิ่น บัว โหฒว หลาด เว่ย เจี๊ยน ด๊บ-ลิ่ว. หลาด เญย น่าม ปูง นิ่น บัว โหฒว ด๊าว เหยียด แป๊ะ เดาะ, หล่ง ล่าม่า เดีย-หม่วน แบะ เจี๊ยน. 10ม่าย หญี่ เหฒียบ นอม ต้ง ซิ ต่ง ทบ หญี่ เหฒียบ นอม ต้ง ซิ ท้าบ. ต่ง หย่า ม่าย ญ่าน เงา ญ่าน ปย๊า ตี๋ง เจี๊ยน. 11ป๊ะ ปูง หลาด หย่า ฟี่ ฮนั้ง เญย โหฒว ด๊าว เหยียด แป๊ะ เดาะ, ม่าย หญี่ เหฒียบ นอม ต้ง ซิ ต่ง ทบ หญี่ เหฒียบ นอม ต้ง ซิ ท้าบ. ต่ง หย่า ม่าย ญ่าน เงา ญ่าน ปย๊า ตี๋ง เจี๊ยน.
12ไฟ ปูง แหมง เญย หลาด ด๊าว ฮม์ เหฒียบ เดาะ, ม่าย เหฒียบ นอม ต่ง เหฒียบ นอม ท้าบ. ต่ง หย่า ตี๋ง เจี๊ยน ญ่าน เงา ญ่าน ปย๊า. 13ตง ปูง แหมง หย่า ฟี่ ฮนั้ง เญย, ด๊าว ฮม์ เหฒียบ เดาะ. 14แบะ เหยียด ปูง แก้ง เฮลน เดีย, ด๊าว เหฒียบ ฮม์ เดาะ, ม่าย ปัว นอม ต่ง, ปัว นอม ท้าบ ทบ ปัว นอม ต่ง. 15วั้ว ปูง แก้ง เฮลน หย่า ม่าย เดีย ด๊าว เหฒียบ ฮม์ เดาะ แบะ เจี๊ยน, หย่า ม่าย ปัว นอม ต่ง, ปัว นอม ท้าบ. 16เว่ย เปยย ปูง หลาด เญย เดีย เหยียด ฒู้ง หล่ง ล่าม่า เดีย-หม่วน โหฒว. 17ต่ง เญย ท้าบ หล่ง ต้ง ซิ โหฒว. ต่ง เญย เงา เหธา ปย๊า หล่ง ญ่าน โหฒว. ต่ง เญย เตว๊ย-เมว์ย หย่า ปวัง เจี๊ยน ญ่าน. นอมๆ ต่ง ม่าย ญ่าน ปย๊า เป๊าะ เจี๊ยน มี่ง.
18แบะ หลาด แก้ง เญย เดีย นิ่น บัว หล่ง ปะกี สุย เซ้ด บั๊ว, หลัวะ, ซิ-ห่ง หฒอบ เจี๊ยน ล่าม่า สุย-หม่วน ดั๊ด ต้าย, หย่า ม่าย ปั์ว-เต้า หธงๆ เญย เมี่ยน หธง เจี๊ยน หธง. แบะ แก้ง เดีย ด๊าว หญี่ เหฒียบ เดาะ, หย่า ฮนั้ง เว่ย หลาด เญย เดีย, ฮลัง ปยา เดาะ. 19ม่าย เปยย นอม ต่ง เหธา ทบ ต่ง เญย เปยย นอม ต้ง ซิ ท้าบ. ต่ง เญย เงา เหธา ปย๊า หล่ง ญ่าน โหฒว. ต่ง เตว๊ย-เมว์ย หย่า ปวัง เจี๊ยน ญ่าน. 20บอง เดา ธอง ด๊บ-ลิ่ว เญย ต่ง เหธา บอง เดา ธอง เว่ย ก๋อม ด๊บ-ลิ่ว เญย หลาด เหยียด ฒู้ง หย่า หล่ง ต้ง ซิ โหฒว.
โหฒว ด๊บ-ลิ่ว หล่ง เญย เจียม, ญ่าน, ต้ง ซิ
21น้าย เซ ด๊บ-ลิ่ว หล่ง เญย กะน้าย เญย โสว โหม่ว, เซ แล์ง แหง่ง หว่า เญย ด๊บ-ลิ่ว, หฒิว โมเซ พ้าย เลวี เมี่ยน เฟี้ย เหฌี่ย โซว-ตาน. หย่า เยียม อาโลน ไซ เมี่ยน เญย ตอน, อิทามา, เญย ปั์ว-เดี๊ย. 22ยูดา ฝีง, ฮูอา เญย ฟุน, อุลี เญย ตอน, เบซาเลน, โหฒว หญู่งๆ หฒิว เฒี้ยว พ้าย-โผว โมเซ. 23แอ๋ง ม่าย ดาน ฝีง, อาหิสะมัก เญย ตอน, โอโฮลีอับ, เถง นิ่น โหฒว กง. นิ่น ม่าย ปั์ว-เต้า โหฒว หฒั่ง, ไฮ่ ฮนั้ม ธ้วด หฒะเอ๋ย โหฒว ธั้ม-หญู่ง, หย่า ไฮ่ หล่ง ปะกี สุย เซ้ด บั๊ว, หลัวะ, ซิ-ห่ง เหธา ล่าม่า สุย-หม่วน หธงๆ. 24เมี่ยน ฝ่ง ห่อ เหว่ย โหฒว สีง ติ่น เญย เหยียด ฒู้ง กง ม่าย เจียม หลัวะ แป๊ะ หญี่ เหฒียบ เฝย จ้อย#38:24 ฮิบลู หว่า ก๊อง 29 ตะลัน เหธา 730 เซเขน. เซ เล่ย ไม้ โก 1,000 กีโล เล่ง เต๋ย. หฒิว สีง ติ่น ตี่ง ต้าย เญย เฮนี้ย-ต้าว.
25ฝาว บั๋ว ซ้าว เญย เมี่ยน#ธ้วด อียิบ 30:11-16 ธ้วด เญย ญ่าน ม่าย อี ธิน เหยียด แป๊ะ เหฒียบ หลัวะ จ้อย#38:25 ฮิบลู หว่า ก๊อง “100 ตะลัน เหธา 1,775 เซเขน.” เซ เล่ย ไม้ โก 3,400 กีโล เล่ง เต๋ย. หฒิว สีง ติ่น ตี่ง ต้าย เญย เฮนี้ย-ต้าว. 26เหยียด เต้า ธ้วด เหยียด ฒิ่น ฟาม-ปวน#38:26 ฮิบลู หว่า ก๊อง “เหยียด เบคา.” เหยียด เบคา เซ ด๊าม-เซเขน. เซ เล่ย ไม้ โก 6 กัม. หฒิว สีง ติ่น ตี่ง ต้าย เญย เฮนี้ย-ต้าว.#มัดทาย 17:24 ตะฟ่าน ฝาว บั๋ว เญย เมี่ยน, หญี่ เหฒียบ หฮญัง ฝาว แหมง เญย มจั่ง ตอน ม่าย จุ๊ สิน ปัว ธิน ฮม์ แป๊ะ ฮม์ เหฒียบ เต้า. 27นิ่น บัว หล่ง อี ธิน เหยียด แป๊ะ จ้อย#38:27 2,100 จ้อย ฮิบลู หว่า ก๊อง 100 ตะลัน. เซ เล่ย ไม้ โก 3,400 กีโล. ญ่าน โหฒว สีง ติ่น เญย เหยียด แป๊ะ นอม ท้าบ เหธา แบะ แก้ง เดีย เญย ต่ง เญย ท้าบ. เหยียด นอม ท้าบ หล่ง หญี่ เหฒียบ เยี้ยด จ้อย#38:27 21 จ้อย ฮิบลู หว่า ก๊อง เหยียด ตะลัน. เซ เล่ย ไม้ โก 34 กีโล. ญ่าน โหฒว. 28เหฒ่ง วั้ว เต๋ย เหฒียบ เหญ่ย จ้อย เปี๋ยน ญ่าน#38:28 ฮิบลู หว่า ก๊อง 1,775 เซเขน. เซ เล่ย ไม้ โก 20 กีโล. หล่ง โหฒว ต่ง เญย เงา, ปวัง ต่ง เตว๊ย-เมว์ย หย่า โหฒว ต่ง เญย ปย๊า.
29เมี่ยน ฝ่ง ห่อ เญย ต้ง ซิ ม่าย เหยียด ธิน เฝย แป๊ะ เป๊ด เหฒียบ หลัวะ จ้อย.#38:29 ฮิบลู หว่า ก๊อง “70 ตะลัน เหธา 2,400 เซเขน.” เซ เล่ย ไม้ โก 2,400 กีโล. 30น้าย เต๋ย ต้ง ซิ นิ่น บัว หล่ง โหฒว หวุ่ย ปวั้ง ด๊บ-ลิ่ว เญย แก้ง เญย ต่ง เญย ท้าบ, หย่า โหฒว ต้ง ซิ เหฒี่ย-ต้อง, โหฒว เหฒี่ย-ต้อง เญย ต้ง ซิ แพยง, หย่า โหฒว เหฒี่ย-ต้อง เญย เหยียด ฒู้ง จา-สี่. 31แอ๋ง หล่ง ต้ง ซิ โหฒว หลาด ต่ง เญย ท้าบ เหธา เปียะ หลาด แก้ง ด่าง วั้ว เต๋ย ต่ง เญย ท้าบ, เหธา บอง เดา ธอง ด๊บ-ลิ่ว, ธอง เว่ย ก๋อม เญย หลาด ต่ง.
Currently Selected:
ธ้วด อียิบ 38: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
