ธ้วด อียิบ 24
24
เหลียบ ตี่ง แหง่ง หว่า
1 เฒี้ยว ก๊อง บั๋ว โมเซ, “เม่ย เหธา อาโลน, นาดับ, อาบีฮู, แอ๋ง เหธา เธี้ยด เหฒียบ เต้า อิสะลาเอน เมี่ยน เญย เมี่ยน โก๋ อ๋อย หฒุ ฝาว เยีย น้าย ต้าย มป่า เยียม โก เญย ป๋าย เยีย. 2ขูง โมเซ กั้น ดุ เต้า ไฮ่ ต้าย นิด ฟัด เยีย, เฒี้ยว, ฮนั้ง. วั้ว เต๋ย ไม้ ตู๋ง ต้าย ฟัด. หย่า ไม้ ตู๋ง ปุน แปะ ฝีง เหธา เจี๊ยน ฝาว น้าย.”
3โมเซ ต้อ เฒี้ยว เญย หว่า เหธา เหยียด ฒู้ง เล์ย มี่ง บั๋ว หฒวัง แปะ ฝีง. หฒวัง เมี่ยน ต้ง โจ๋ว หว่า เตา, “เฒี้ยว ก๊อง เญย เหยียด ฒู้ง หว่า เยีย บัว อ๋อย เอย เจี๊ยน โหฒว.” 4โมเซ ฯฒฯ เฟี้ย เจี๊ยน เฒี้ยว ก๊อง เญย เหยียด ฒู้ง หว่า.
ตะเหญ่ย ดอม โมเซ เจี์ย ซิน ต้าย เฑี้ยว เญย, เยียม วั้ว บง-จั๊วะ เหธย นอม เหฒี่ย-ต้อง แอ๋ง เหลียบ เหฒียบ เหญ่ย นอม หละเปย๊ย-ต่ง หฒิว อิสะลาเอน เมี่ยน เญย เหฒียบ เหญ่ย ฝีง. 5นิ่น หย่า พ้าย เต๋ย อิสะลาเอน เมี่ยน เญย เมี่ยน หลุน เมี่ยน มี่ง ฝ่ง ห่อ ปั๊ว เหฒี่ย เญย กะน้าย, หย่า ฝ่ง ห่อ ง่ง โหฒว เหฒี่ย ปุน เฒี้ยว เหว่ย จิว ทง เญย กะน้าย. 6โมเซ เซียว เหยียด ป่วน แซง-คู้ เญย ฑย้าม ฒ่าง เจี๊ยน ปุ้น เลี่ยว เจี๊ยน, แอ๋ง เฒาะ เหยียด ป่วน เพี้ยด เหฒี่ย-ต้อง. 7นิ่น ฯฒฯ เฒาะ แล์ง แหง่ง หว่า โซว โตะ ปุน หฒวัง แปะ ฝีง หมวัง. หฒวัง เมี่ยน ก๊อง, “เฒี้ยว ก๊อง เญย เหยียด ฒู้ง หว่า เยีย บัว อ๋อย หมวัง หย่า เอย เจี๊ยน โหฒว.”
8โมเซ ฯฒฯ เฒาะ ฒ่าง เจี๊ยน ปุ้น เญย ฑย้าม ฟุ หฒวัง เมี่ยน. นิ่น ก๊อง, “น้าย เต๋ย ฑย้าม เซ เหว่ย เหลียบ เจี์ย แหง่ง หว่า, เซ เฒี้ยว หฒิว น้าย เต๋ย เหยียด ฒู้ง หว่า เหธา เม่ย บัว เหลียบ เญย แหง่ง หว่า.”#มัดทาย 26:28; มาโค 14:24; ลูกา 22:20; 1 โคลินโท 11:25; ฮิบลู 9:19-20; 10:29
9โมเซ, อาโลน, นาดับ, อาบีฮู เหธา เธี้ยด เหฒียบ เต้า อิสะลาเอน เมี่ยน เญย เมี่ยน โก๋ ฯฒฯ ฝาว บง, 10หย่า ตุ๊ ปวัด อิสะลาเอน เมี่ยน เญย ทิน-ฮู่ง. นิ่น เญย เหฒา-ธ้าย ฮนั้ง จ๋าย ไห่ เญย หละเปย๊ย, เซ้ด เฒ้ย บั๊ว เญย, ฮนั้ง ลู่ง นอ เกว๋ง ฑัง เญย. 11ทิน-ฮู่ง หย่า ไม้ ห่อย น้าย เต๋ย อิสะลาเอน เมี่ยน เญย เปย๊ย เฒ้ย. นิ่น บัว ตุ๊ ปวัด ทิน-ฮู่ง หย่า ตุ๊ หญั่น ตุ๊ ฮบ.
โมเซ เยียม ซีนาย บง กู้ หงว่าย
12 เฒี้ยว ก๊อง บั๋ว โมเซ, “ฝาว บง ต้าย เหธา เยีย เยียม ม่าะ! เยีย อ๋อย เฒาะ หละเปย๊ย-เป๊น, ต้ง เยีย เฟี้ย เจี๊ยน เล์ย-หลัด เหธา หัด เญย หว่า ปุน เม่ย บัว เลี่ยว เจี๊ยน หฌาว แปะ ฝีง.”#2 โคลินโท 3:3 13โมเซ เหธา นิ่น เญย ปอง-ปั์ว เมี่ยน, โยซูวา, ฯฒฯ ธ้วด เจ๊า ฝาว ทิน-ฮู่ง เญย บง หมี่ อ๊ะ. 14นิ่น ก๊อง บั๋ว หฒวัง เมี่ยน โก๋, “เม่ย บัว เยียม น้าย ฒั้ว เยีย บัว หฑวน. อาโลน เหธา ฮูอา เหธา เม่ย บัว เยียม น้าย. หาย เต้า ม่าย หาย หญู่ง สี่ ล์อ นิ่น บัว เถง เบ่น ตุ๊ เญย.”
15โมเซ ฝาว บง มี่ง, ฯฒฯ ม่าย บ๋วน อม เจี๊ยน บง อ๊ะ. 16เฒี้ยว เญย ฌัง-หล่าง เหฌี่ย ต้าย เยียม ซีนาย บง. บ๋วน อม เจี๊ยน บง จุ๊ ฮนอย. เสี่ย ฮนอย วั้ว ฮนอย นิ่น เยียม วั้ว บ๋วน เห่ว โมเซ. 17(อิสะลาเอน เมี่ยน ปวัด เฒี้ยว เญย ฌัง-หล่าง ฮนั้ง โต์ว เหฒียะ เจี๊ยน วั้ว บง-นี้ง นอ.)
18โมเซ ฯฒฯ ฝาว บง เปียะ บ๋วน กะญั์ว หย่า เยียม วั้ว บง เฝย เหฒียบ ฮนอย เฝย เหฒียบ ม์วน.#หฑั่ม เล์ย-หลัด 9:9
Currently Selected:
ธ้วด อียิบ 24: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
