ธ้วด อียิบ 23
23
โหฒว แป้ง ฟิม เญย สี่
1“ไม้ ตู๋ง ต้อ จ๊า หว่า มี่ง ฒุ่น บั๋ว เมี่ยน. ไม้ ตู๋ง เหธา เมี่ยน หว่าย เมี่ยน ต้ง เฮญี้ยว โหฒว ฒอง-เหฒง ห่อย เมี่ยน.#ธ้วด อียิบ 20:16; 23:7; เลวี 19:11-12; หฑั่ม เล์ย-หลัด 5:20; 19:15-21
2“ไม้ ตู๋ง กัน เมี่ยน ธั้ม โหฒว หว่าย สี่. ก๊อง สี่ เญย เฒี่ยง โห่ ไม้ ตู๋ง กัน เมี่ยน ธั้ม โหฒว จ๊า ฒอง-เหฒง ปุน แป้ง ฟิม เญย เล์ย เพียน.
3“เมี่ยน จ่ม เมี่ยน ต่อง สี่ หย่า ไม้ ตู๋ง โป่ว นิ่น เญย เล์ย.#เลวี 19:15
4“สี ก๊อง ปวัด เม่ย เญย วิน-จา เญย ง่ง ไฟ ล่อ ดุ๊ด เปย๋า มี่ง, อ๋อย หฒุ ต้อ หฑวน ปุน นิ่น.#หฑั่ม เล์ย-หลัด 22:1-4 5สี ก๊อง ปวัด ฑอง เม่ย วั้ว เต้า เมี่ยน เญย ล่อ ดอบ มี่ง, ทอ เญย กะน้าย งัด เจี๊ยน นิ่น, เม่ย อ๋อย หฒุ เถง ล่อ เฒี้ยว เหลียบ เจี์ย ซิน ต้าย. ไม้ ตู๋ง โหฒว ฮนั้ง ไม้ เกวน ไม้ สี่ เญย.
6“เม่ย บัว เญย เมี่ยน จ่ม เมี่ยน ม่าย สี่ นอ, ไม้ ตู๋ง แหว่ง. อ๋อย หฒุ ปุน นิ่น บัว ตุ๊ แป้ง ฟิม เญย เล์ย.#เลวี 19:15 7ไม้ ตู๋ง โก๋ จ๊า สี่ หย่า ไม้ ตู๋ง ไต๋ ไม้ โหฒว ต่อง เญย เมี่ยน ไฟ เฮญี้ยว หฒีง เญย เมี่ยน, เหว่ย หฒุ เยีย ฒู้ง ไม้ กวั่ง โหฒว น้าย หญู่ง หว่าย สี่ เมี่ยน เญย ฒุ์ย.#ธ้วด อียิบ 20:16; 23:1
8“ไม้ ตู๋ง หญั่น ญ่าน หฮมวัง. ญ่าน หฮมวัง ไฮ่ ปุน มฒีง ฌัง เญย เมี่ยน เญย มฒีง แม่ง, หย่า เบี๊ยน คู้ เมี่ยน เญย หว่า.#หฑั่ม เล์ย-หลัด 16:19
9“ไม้ ตู๋ง โหฒว โตะ ห่อย กั้น ฝีง เมี่ยน. เม่ย บัว ฮิ้ว ตุ๊ นิ่น บัว ไฮ์ ฮนั้ง หาย นอ เหว่ย หฒุ ฒิ่น ด่าง เม่ย บัว เยียม อียิบ เต่ย-ปูง หย่า โหฒว เจี๋ย กั้น ฝีง เมี่ยน.#ธ้วด อียิบ 22:21; เลวี 19:33-34; หฑั่ม เล์ย-หลัด 24:17-18; 27:19
ตะเธี้ยด หฮญัง เหธา ตะเธี้ยด ฮนอย
10“จุ๊ หฮญัง กะญั์ว, อ๋อย หฒุ โหฒว เหลียง-เด่ย หฒวัง กะน้าย, เซียว แกง-หฒวัง.#เลวี 25:1-7 11มป่า เถา เสี่ย หฮญัง วั้ว หฮญัง อ๋อย หฒุ ปุน เดา เฮ่น, ไม้ ตู๋ง หฒวัง กะน้าย. เซว่ย เยียม เม่ย บัว กะญั์ว เญย เมี่ยน จ่ม เมี่ยน มี่ง เซียว เยียม เด่ย เญย กะน้าย-โล์ว. เหฒ่ง เหฌี่ย วั้ว เต๋ย เซว่ย เฮยี่ย ฒ่อย หญั่น. เม่ย บัว เญย อะหงุ่น หฮวีง เหธา กะลั้น หฮวีง หย่า อ๋อย หฒุ ฟี่ ฮนั้ง เญย โหฒว.
12“หล่ง จุ๊ ฮนอย โหฒว เม่ย บัว เญย กง. เสี่ย ฮนอย วั้ว ฮนอย อ๋อย หฒุ ตี้ง กง เหว่ย ปุน เม่ย บัว เญย ง่ง, เม่ย บัว เญย ล่อ ฮิด ขวน. เม่ย บัว เญย โน่ว แอ๋ง เหธา เม่ย บัว เยียม เญย กั้น ฝีง เมี่ยน หย่า ฮิด ขวน, ตุ๊ คู่ เยียม เต๋ย.#ธ้วด อียิบ 20:8-11; 31:15-17; 34:21; 35:2; เลวี 23:3; หฑั่ม เล์ย-หลัด 5:12-15
13“เยีย, เฒี้ยว, บั๋ว เม่ย บัว น้าย เต๋ย เหยียด ฒู้ง หว่า, เม่ย บัว อ๋อย หฒุ หลงๆ เญย กัน. หย่า ไม้ ตู๋ง เห่ว กั้น เต้า เฒี่ยน เญย บั๋ว, เลี่ยม ไม้ ตู๋ง ก๊อง ธ้วด น้าย เต๋ย เฒี่ยน เญย บั๋ว.
ปัว นอม ต้ม ฒิบ
(เป๊ย หมั่ง ธ้วด อียิบ 34:18-26; หฑั่ม เล์ย-หลัด 16:1-17)
14“เหยียด หฮญัง อ๋อย หฒุ เหว่ย เยีย เจี๋ย ปัว นอม ฒิบ.
15“อ๋อย หฒุ เจี๋ย ไม้ อัน ปี๊ง เญย ฌั้ว เญย ฒิบ. เสี่ย ฮนอย กะญั์ว อ๋อย หฒุ หญั่น ไม้ อัน ปี๊ง เญย ฌั้ว ฮนั้ง เยีย หัด เม่ย บัว นอ. อ๋อย หฒุ หฒิว ตี่ง ต้าย เญย เฒี่ยง โห่ เยียม อาบีบ หฮลา เจี๋ย ฒิบ, เหว่ย หฒุ วั้ว นอม หฮลา เม่ย บัว เยียม อียิบ เต่ย-ปูง เปย๋า ธ้วด ต้าย.#ธ้วด อียิบ 12:14-20; เลวี 23:6-8; ซ้าว เมี่ยน 28:17-25
“ไม้ ตู๋ง ปุน หาย เต้า ขูง-ปั์ว แปะ เหฒา ต้าย เยียม เยีย เญย หฑะเฮมียน.
16“อ๋อย หฒุ เจี๋ย เซียว เซียง-เบย้า เญย ฒิบ, เซ เซียว เยียม เหลียง-เด่ย ด๊อด ชะ หฒวัง เญย ต้าว ถอง ธุน-แกง.#เลวี 23:15-21; ซ้าว เมี่ยน 28:26-31
“หฮญัง-เตว๊ย เม่ย บัว เซียว เหฑ่ง เม่ย บัว เญย แกง-หฒวัง กะน้าย, อ๋อย หฒุ เจี๋ย เซียว แกง-หฒวัง เญย ฒิบ.#23:16 แอ๋ง ม่าย กั้น นอม บั๋ว เห่ว บย๊อ ลิ่ว เญย ฒิบ.#เลวี 23:39-43
17“เม่ย บัว เญย เหยียด ฒู้ง มจั่ง ตอน อ๋อย หฒุ ต้าย เยียม เยีย, เฒี้ยว ทิน-ฮู่ง, เญย หฑะเฮมียน, เหยียด หฮญัง ปัว หฑุ่น.
18“เม่ย บัว ต้อ แซง-คู้ เหฒี่ย ปุน เยีย, ธิน-หม่าน ไม้ ตู๋ง หล่ง อัน ปี๊ง เญย ฌั้ว เหธา เจี๊ยน ฝ่ง ห่อ.#เลวี 2:11
“เจี๋ย ฒิบ เหฒี่ย ปุน เยีย เญย แซง-คู้ เฮมย, ไม้ ตู๋ง เลี่ยว เถา ฌัง ดอม.#ธ้วด อียิบ 12:10; 34:25; เลวี 7:15
19“เยียม เม่ย บัว เญย ลี่ง เต่ย ธ้วด เก้า หลง เจี๋ย เญย ต้าว ถอง ธุน-แกง อ๋อย หฒุ ต้อ มี่ง เฒี้ยว, เม่ย บัว เญย ทิน-ฮู่ง เญย เปย๊า.#ธ้วด อียิบ 34:26; หฑั่ม เล์ย-หลัด 26:2-11
“ไม้ ตู๋ง หล่ง ยู่ง มา เญย หญอ โฒ้ว ยู่ง ตอน.#หฑั่ม เล์ย-หลัด 14:21
ทิน-ฮู่ง พ้าย ฟิน-เมี่ยน ต้อ เจ๊า
20“หมั่ง ม่าะ! เยีย พ้าย เต้า ฟิน-เมี่ยน#23:20 ฟิน-เมี่ยน ไฟ โต่ว เฝียน เมี่ยน. มี่ง ด่าง เหว่ย เยียม เจ๊า หฒั่ง เปว เจี๊ยน หย่า ต้อ เม่ย บัว มี่ง เถา เยีย หลิ่ว เล์ย เหฒียง เญย ต๋อง. 21อ๋อย หฒุ หล่ง เฮญี้ยว หมวัง, เอย เจี๊ยน นิ่น เญย หว่า. ไม้ ตู๋ง แหง่ง. เม่ย บัว แหง่ง ไม้ หมวัง นิ่น เญย หว่า นอ, นิ่น ไม้ กวั่ง เม่ย บัว เญย ฒุ์ย, เหว่ย หฒุ นิ่น เต๊ง เยีย เญย บั๋ว ต้าย. 22มป่า สี ก๊อง เม่ย บัว หฒะเก้ง หมวัง นิ่น เญย หว่า หย่า เอย เจี๊ยน เยีย ก๊อง เญย เหยียด ฒู้ง, เยีย ฯฒฯ เหธา เม่ย บัว เญย วิน-วั้ง โหฒว วิน-วั้ง, หย่า เหธา เม่ย บัว เญย วิน-จา โหฒว วิน-จา. 23เยีย เญย ฟิน-เมี่ยน อ๋อย มี่ง ด่าง, ต้อ เม่ย บัว เปียะ อาโมไล เมี่ยน, ฮิดไท เมี่ยน, เปลิดซี เมี่ยน, คานาอัน เมี่ยน, ฮีไว เมี่ยน, เยบุด เมี่ยน เยียม เญย เต่ย-ปูง. เยีย หย่า อ๋อย เหมียด เหฑ่ง นิ่น บัว. 24ไม้ ตู๋ง เกว่ย เหฌี่ย ป๋าย นิ่น บัว เญย เฒี่ยน หย่า ไม้ ตู๋ง หฒั่ง. ไม้ ตู๋ง หฒวด นิ่น บัว เญย หญู่ง เฒ้ย โหฒว. อ๋อย หฒุ เหมียด เหฑ่ง นิ่น บัว เญย หมิ่ว-ฝัง, เบ๊าะ ฮู้ นิ่น บัว หฒั่ง เฒี่ยน เญย หละเปย๊ย-ต่ง. 25อ๋อย หฒุ ฟู-สู เยีย, เฒี้ยว, เม่ย บัว เญย ทิน-ฮู่ง. เยีย ฯฒฯ เหธย ฟุ ปุน เม่ย บัว ม่าย ล่าง หฒิ ม่าย ววม, หย่า ปุน เยียม เม่ย บัว บุด๋ง เญย หญู่งๆ แป่ง ถุย. 26เยียม เม่ย บัว เญย เต่ย-ปูง ฯฒฯ ไม้ ม่าย หาย เต้า หว่าย กู้งว์า, หย่า ไม้ ม่าย หาย เต้า ไม้ ไฮ่ ม่าย กู้งว์า. เยีย หย่า อ๋อย ปุน เม่ย บัว เญย เสี่ยว ญ่วน ด๊าว.
27“ตะฟ่าน เม่ย บัว มี่ง เถา หาย, เยีย อ๋อย ปุน เยียม เม่ย บัว เญย วั้ว ด่าง แหมง เญย เมี่ยน กั้ม เหฑีย ไห่ หย่า หลุ่น เหฑ่ง. เยีย หย่า อ๋อย ปุน เม่ย บัว เญย เหยียด ฒู้ง วิน-วั้ง ต๋าว ซิน เปย๋า. 28เยีย หย่า อ๋อย ปุน กวั้น เมว์ย-เฌ้ย#23:28 เมว์ย-เฌ้ย ไฟ “ปุน เม่ย บัว เญย วิน-วั้ง หลุ่น เหฑ่ง”. มี่ง ด่าง เม่ย บัว, เหว่ย หฒุ่น ฮีไว เมี่ยน, คานาอัน เมี่ยน, ฮิดไท เมี่ยน เปย๋า ธ้วด เม่ย บัว เญย วั้ว ด่าง แหมง. 29มป่า เยีย ไม้ เฒ์ย เหยียด หฮญัง กะญั์ว หฒุ่น นิ่น บัว ธ้วด เหฑ่ง. เหฑีย เต่ย-ปูง ไฮ่ เป๋น เต่ย-ปูง-ฮวาง, เฮยี่ย ฒ่อย ฯฒฯ หฮยาง ต้าย ห่อย เม่ย บัว. 30เยีย หมั่นๆ หฒุ่น นิ่น บัว ธ้วด เม่ย บัว เญย วั้ว ด่าง แหมง, ฒั้ว เม่ย บัว หฮยาง ต้าย ไฮ่ ตุ๊ วั้ว นอม เต่ย-ปูง เป๋น เม่ย บัว เญย ป่วน.
31“เยีย อ๋อย ตี่ง เม่ย บัว เญย กั๊บ-จ๋าย เยียม ค้อย-ซิ มี่ง เถา เมดิเตเลเนียน ค้อย,#23:31 เมดิเตเลเนียน ค้อย ไฟ ฟีลิสะเตีย เมี่ยน เญย ค้อย. แอ๋ง เยียม เต่ย-ปูง-ฮวาง มี่ง เถา ยูเฟติด ด้าย. เยีย อ๋อย เฒาะ น้าย นอม เต่ย-ปูง เญย เมี่ยน จิว ปุน เยียม เม่ย บัว เญย ปั์ว-เดี๊ย, ปุน เม่ย บัว หฒุ่น นิ่น บัว เปย๋า ธ้วด เม่ย บัว เญย วั้ว ด่าง แหมง เหฑ่ง. 32ไม้ ตู๋ง เหธา นิ่น บัว ไฟ เหธา นิ่น บัว เญย เฒี่ยน เหลียบ หาย หญู่ง แหง่ง หว่า. 33ไม้ ตู๋ง ปุน วั้ว เต๋ย เมี่ยน เยียม เม่ย บัว เญย เต่ย-ปูง. เหฑีย นิ่น บัว ไฮ่ ดั๊ว เม่ย บัว ป์าม ฒุ์ย ต่อง เยีย. สี ก๊อง เม่ย บัว หฒั่ง นิ่น บัว เญย เฒี่ยน, เม่ย บัว ด่ง หาย ฒู้ง แฒง ฮลาง ฮลบ เม่ย บัว กั้น อ๊ะ.”
Currently Selected:
ธ้วด อียิบ 23: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
