ธ้วด อียิบ 2
2
โมเซ ธ้วด เสย
1โหฒว เกา, ม่าย เต้า เลวี ฝีง เญย ตอน หล่ง เต้า เลวี ฝีง เญย เซียะ โหฒว เอ๊า. 2นิ่น เญย เอ๊า ฯฒฯ ม่าย ซิน, ยู์ง ตุ๊ เต้า ตอน. ปวัด นิ่น เญย ตอน เฒี่ยง ตุ๊ เหฑว่ย ไห่, นิ่น เฒาะ นิ่น เญย ตอน ปี๋ง เจี๊ยน ต้อ ปัว หฮลา เหญียะ.#กง-โฒ่ 7:20; ฮิบลู 11:23 3ปี๋ง เกา, นิ่น ปี๋ง ไม้ เบว์ย อ๊ะ, ฯฒฯ หล่ง นอม หลัวะ ติ น่อม เฒียะ ต้าย เญย ดาน, เฒาะ อี หญู่ง เดา-เดี๊ย เญย ฒูง ไหน่ เจี๊ยน, ฮล้อบ กู้งว์า ตั๊บ เจี๊ยน ดาน กะญั์ว, ต้อ มี่ง อัน วั้ว ด้าย เฮลน หลัวะ ติ หล่ม. 4กู้งว์า เญย ต่อ เยียม โก เต๋ย เญย, โซ้ว เจี๊ยน วั้ว หมั่ง ก๋า น้าย เต้า กู้งว์า ฮนั้ง หาย นอ.
5ฟาโล ฮู่ง เญย เซียะ มี่ง วั้ว ไนอา ด้าย หฑาว ซิน. เบี์ยน นิ่น วั้ว เต๋ย มเซียะ โปว เยียม วั้ว ด้าย เฮลน ซาว อะหฑย่าว. ฮู่ง เซียะ ปวัด วั้ว นอม ดาน เยียม วั้ว หลัวะ ติ หล่ม ฯฒฯ เห่ว นิ่น เญย โน่ว เป์ย มี่ง เฒาะ ต้าย.#กง-โฒ่ 7:21 6ฮู่ง เซียะ คอย หมั่ง ปวัด เต้า กู้งว์า-ตอน. กู้งว์า หย่า เญี้ยม อ๊ะ. ฮู่ง เซียะ ค้อ-เลี่ยน ไห่, นิ่น ก๊อง, “อา, น้าย ฮิบลู เมี่ยน เญย กู้งว์า นีอา.”
7กู้งว์า เญย ต่อ ฯฒฯ ต้าย หน่าย ก๋า ฮู่ง เซียะ, “เม่ย อ๋อย เยีย มี่ง ล์อ เต้า ม่าย หญอ ปุน กู้งว์า ฮบ เญย ฮิบลู มเซียะ ตอน ต้าย เถง เม่ย ต้อ กู้งว์า เญย ไฟ?”
8ฮู่ง เซียะ เตา, “อ๋อย เญย. กุ๊น มี่ง ล์อ ม่าะ!” วั้ว เต้า เซียะ ฯฒฯ มี่ง ล์อ กู้งว์า เญย มา ต้าย. 9ฟาโล ฮู่ง เญย เซียะ ก๊อง บั๋ว กู้งว์า เญย มา, “เถง เยีย ต้อ น้าย เต้า กู้งว์า โอ่. เยีย ปุน กง-ฒิ่น เม่ย เญย.” 10กู้งว์า เญย มา ฯฒฯ ฮล้อบ กู้งว์า มี่ง ต้อ. กู้งว์า โฮล เต๋ย, นิ่น เญย มา ฝูง มี่ง ปุน ฮู่ง เซียะ ฯฒฯ เป๋น ฮู่ง เซียะ เญย ตอน หมี่ อ๊ะ.#กง-โฒ่ 7:21 ฮู่ง เซียะ เถง น้าย เต้า ตอน ธ้วด บั๋ว เห่ว โมเซ.#2:10 โมเซ วั้ว นอม บั๋ว ไฮ์ ฮนั้ง ฮิบลู หว่า ก๊อง เฒาะ ธ้วด ต้าย. ฮู่ง เซียะ ก๊อง, “เหว่ย หฒุ เยีย เยียม ววม เฒาะ นิ่น ธ้วด ต้าย.”
โมเซ เปย๋า มี่ง เยียม มีเดียน เต่ย-ปูง
11โมเซ โฮล ต้าย อ๊ะ. ม่าย ฮนอย นอ, นิ่น ธ้วด มี่ง หมั่ง เหธา นิ่น จวั่ง ฝีง เญย เมี่ยน,#กง-โฒ่ 7:23-28; ฮิบลู 11:24 ปวัด นิ่น บัว หฒุ เมี่ยน ห่อย โหฒว กง โค้ว ไห่. นิ่น ปวัด เต้า อียิบ เมี่ยน เบ๊าะ เต้า ฮิบลู เมี่ยน, ต้ง เหธา นิ่น จวั่ง ฝีง เญย เมี่ยน. 12โมเซ ฯฒฯ หมั่ง น้าย หมั่ง วั้ว, ปวัด ไม้ ม่าย เมี่ยน. นิ่น ฯฒฯ เฒาะ วั้ว เต้า อียิบ เมี่ยน ไต๋ ไต่ ปย๊บ เจี๊ยน ซา-เฒียว ดุย ปี๋ง เจี๊ยน. 13ตะเหญ่ย ฮนอย โมเซ แอ๋ง ธ้วด มี่ง หมั่ง ปวัด อี เต้า ฮิบลู เมี่ยน เบ๊าะ จ๋า. นิ่น หน่าย ก๋า โหฒว ต่อง วั้ว เต้า, “เม่ย โหฒว หาย หญู่ง เบ๊าะ เหธา เม่ย จวั่ง ฝีง เญย ฮิบลู เมี่ยน?”
14วั้ว เต้า เตา, “หาย เต้า ออน เม่ย ต้าย โหฒว เยีย บัว เญย เซี้ยม ฒุ์ย เจียน กุ๊น เยีย บัว? เม่ย อ๋อย ไต๋ เยีย ฮนั้ง เม่ย ไต๋ วั้ว เต้า อียิบ เมี่ยน น่อ?” โมเซ ฯฒฯ กั้ม เหฑีย ไห่, เยียม เฮญี้ยว ฮนั้ม, “เยีย โหฒว เญย สี่ ด่ง หาย ฒู้ง เมี่ยน ฮิ้ว หมี่ อ๊ะ.”
15ฟาโล ฮู่ง ไฮ์ น้าย เต๋ย สี่ นิ่น อ๋อย ไต๋ โมเซ, มป่า โมเซ เปย๋า ฟาโล,#กง-โฒ่ 7:29; ฮิบลู 11:27 มี่ง เยียม มีเดียน เต่ย-ปูง. เถา วั้ว นิ่น เฒว์ย เจี๊ยน ววม-ค้วด กะเฮลน. 16มีเดียน เต่ย-ปูง ม่าย เต้า ไซ เมี่ยน ม่าย เสี่ย เต้า เซียะ. วั้ว เต๋ย เสี่ย มั์ว-เซียะ ต้าย เธีย ววม โต๋ ปวั๊ง โฒ่ ปุน นิ่น บัว เญย เตีย เญย ปะกี ยู่ง กวั้น เหธา ยู่ง กวั้น ฮบ. 17แอ๋ง ม่าย กวั้น หมั่ง ยู่ง เญย เมี่ยน ต้าย หฒุ่น น้าย เต๋ย เสี่ย มั์ว-เซียะ เปย๋า. โมเซ ฯฒฯ เจี์ย ซิน เถง น้าย เต๋ย เซียะ หย่า เถง นิ่น บัว เธีย ววม ปุน นิ่น บัว เญย ยู่ง ฮบ.
18วั้ว เต๋ย เซียะ หฑวน เถา นิ่น บัว เญย เตีย, เลอูเอน#2:18 เลอูเอน แอ๋ง ม่าย นอม บั๋ว เห่ว เยโท. วั้ว, นิ่น บัว เญย เตีย หน่าย ก๋า, “อี้ ฮนอย เม่ย บัว ฝู่ง หฑวน ด่ง หน่าย เฑี้ยว?”
19นิ่น บัว เตา, “ม่าย เต้า อียิบ เมี่ยน เถง เยีย บัว เปย๋า ดุ๊ด วั้ว เต๋ย หมั่ง ยู่ง เญย เมี่ยน. นิ่น หย่า เถง เยีย บัว เธีย ววม ปุน ยู่ง ฮบ.”
20เลอูเอน หน่าย นิ่น เญย เซียะ บัว, “นิ่น เยียม หาย? โหฒว หาย หญู่ง กวั่ง เจี๊ยน นิ่น เยียม วั้ว? อ๋อย หฒุ มี่ง เห่ว นิ่น ต้าย หญั่น หฮนาง.”
21โมเซ ปวั๊ง เฮญี้ยว เหธา วั้ว เต้า เมี่ยน เยียม มีเดียน เต่ย-ปูง. เลอูเอน ฯฒฯ ปุน เต้า นิ่น เญย เซียะ, บั๋ว เห่ว สิบโปลา, โมเซ หล่ง โหฒว เอ๊า. 22สิบโปลา ยู์ง ตุ๊ เต้า ตอน. โมเซ ก๊อง, “เยีย เซ กั้น ฝีง เมี่ยน ต้าย เยียม น้าย นอม เต่ย-ปูง.” นิ่น ฯฒฯ เถง นิ่น เญย ตอน ธ้วด บั๋ว เห่ว เกโซม.#2:22 เกโซม วั้ว นอม บั๋ว ไฮ์ ฮนั้ง ฮิบลู หว่า ก๊อง, “กั้น นอม กั๊วะ เญย เมี่ยน”.
23เจี๋ย ลิ์ว ธั้ม-หฮญัง, อียิบ เต่ย-ปูง เญย ฮู่ง เตี๋ย เกวย เสย หมี่ อ๊ะ. วั้ว เต๋ย อิสะลาเอน เมี่ยน เฑ่า ไห่, ฌุ่น เจี๊ยน เยียม, หลาย นิ่น บัว หฒุ โหฒว โน่ว โค้ว ไห่. นิ่น บัว เญี้ยม เจี๊ยน เห่ว ทิน-ฮู่ง เถง นิ่น บัว. ทิน-ฮู่ง หย่า ไฮ์ หมี่ อ๊ะ. 24ทิน-ฮู่ง ไฮ์ นิ่น บัว ฌุ่น หย่า จั๋ง หฒุ นิ่น เหธา อับลาฮัม, อีสัก เหธา ยาโค้บ แล์ง เจี๋ย เญย แหง่ง หว่า.#ทิน เต่ย โต้ว 15:13-14; กง-โฒ่ 7:34 25ทิน-ฮู่ง หมั่ง อิสะลาเอน เมี่ยน, ฮิ้ว ตุ๊ นิ่น บัว เญย โค้ว-ฒี่ง หย่า ค้อ-เลี่ยน เญย.
Currently Selected:
ธ้วด อียิบ 2: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
