เอเซเท 7
7
ฮามาน หฒุ ดิ๋ว จาง
1ฮู่ง เตี๋ย เหธา ฮามาน ฯฒฯ มี่ง เหธา เอเซเท ฮู่ง หม่า หญั่น หฮนาง. 2หญั่น น้าย ตะเหญ่ย ฮนอย หฮนาง, ฮบ เจี๊ยน อะหงุ่น ติ๊ว วั้ว หฒั่น, ฮู่ง เตี๋ย แอ๋ง หน่าย, “เอเซเท ฮู่ง หม่า อ่า, เม่ย อ๋อย โท้ หาย หญู่ง? เยีย ฒู้ง อ๋อย ปุน เม่ย. เม่ย อ๋อย โจ้ว หาย หญู่ง? ไม้ กุ๊น โท้ เหยียด ป่วน เยีย เญย กั๊วะ, เม่ย ฯฒฯ ตุ๊ อ๊ะ.”
3เอเซเท ฮู่ง หม่า เตา, “ฮู่ง เตี๋ย อ่า, สี ก๊อง ปวัด เยีย หอบ เม่ย เญย เฮญี้ยว, หย่า ปวัด หลง เญย นอ, หฒิว เยีย โจ้ว เญย หว่า โท้ เม่ย เสีย ธ้วด เยีย แอ๋ง เหธา เยีย จวั่ง ฝีง เญย เมี่ยน เญย แหม่ง, 4เหว่ย หฒุ เยีย เหธา เยีย เญย เมี่ยน หฒุ หม่าย ปุน เมี่ยน ไต๋, ปุน เมี่ยน เหมียด เยีย บัว หฒุด เหฑ่ง. สี ก๊อง เยีย บัว ขูง หฒุ หม่าย โหฒว โน่ว เก๊า โน่ว เป์ย ฮนั้ง, เยีย หย่า เญี์ยน เจี๊ยน ไม้ โค โล. ขูง หฒุ เสี่ยว โค้ว ด่ง หน่าย ไม้ ฝาว ตุ๊ หละเญ้า ฮู่ง เตี๋ย.”#7:4 ไฟ “เหว่ย หฒุ วิน-วั้ง อ๋อย ทิบ เญย ไม้ ฝู่ง เป๊ย ฮู่ง เตี๋ย หฒุ ด๊อด เญย.” น้าย โจ๋ว ฮิบลู หว่า เซ ไม้ หนั่ง เม่ง.
5อาหะสุเอลัด ฮู่ง หน่าย เอเซเท ฮู่ง หม่า, “หาย เต้า ก๊าม ฮนั้ง น้าย นอ โหฒว? นิ่น เยียม หาย?”
6เอเซเท ฮู่ง หม่า ก๊อง, “ห่อย เยีย บัว วั้ว เต้า วิน-วั้ง เซ น้าย เต้า บะฑิว เนี้ยว บะฑิว เพียน เญย เมี่ยน, ฮามาน.”
ฮามาน เยียม ฮู่ง เตี๋ย เหธา ฮู่ง หม่า เญย หฑะเฮมียน กั้ม เหฑีย! ไห่ อ๊ะ. 7ฮู่ง เตี๋ย เก้ง! เฉีย เจี์ย ไห่, เยียม วั้ว เตี้ย เจี์ย ซิน ธ้วด มี่ง วั้ว หฮวีง. มป่า ฮามาน หธ่อ เยียม วั้ว ชะ โท้ เอเซเท ฮู่ง หม่า เสีย นิ่น เญย แหม่ง, เหว่ย หฒุ นิ่น ปวัด ฮู่ง เตี๋ย เจี์ย เฮญี้ยว ตี่ง ฒุ์ย ปุน นิ่น หฒุ ไต่.
8ฮู่ง เตี๋ย เยียม วั้ว หฮวีง หฑวน เถา เบ่น หฮนาง วั้ว นอม ต๋อง, ปวัด ฮามาน พัวะ เจี๊ยน เอเซเท เญย โหธว#7:8 เป๊ย หมั่ง เอเซเท 1:6. กะเฮลน.#7:8 น้าย โจ๋ว ฮิบลู หว่า เซ ไม้ หนั่ง เม่ง. ม่าย เต๋ย ฟาน ต้าย ก๊อง “พัวะ เจี๊ยน เอเซเท เญย โหธว กะเฮลน”. ม่าย เต๋ย ก๊อง “พัวะ เจี๊ยน เอเซเท เญย โหธว”.
ฮู่ง เตี๋ย ก๊อง, “นิ่น หธ่อ เยียม เยีย เญย เปย๊า ตอง เจี๊ยน เยีย อ๋อย ธา ฮู่ง หม่า ไฟ?”
ฮู่ง เตี๋ย เยี้ยด ก๊อง ธ้วด น้าย โจ๋ว หว่า, เจียน#7:8 เป๊ย หมั่ง เอเซเท 1:10. ฯฒฯ เฒาะ เดีย ปวัง เจี๊ยน ฮามาน เญย เฮมียน. 9ม่าย เต้า ฟู-สู ฮู่ง เตี๋ย เญย เจียน, บั๋ว เห่ว ฮานโบนา, ก๊อง, “แอ๋ง ม่าย ติ่ว. เยียม ฮามาน เญย เปย๊า ม่าย นอม ดิ๋ว จาง ต๋อง ฮม์ เหฒียบ เดาะ ฮลัง. ฮามาน ปุน เมี่ยน โหฒว ต้าย เหว่ย ดิ๋ว เหฌียว ฮู่ง เตี๋ย เญย แหม่ง วั้ว เต้า โมเดไค.
ฮู่ง เตี๋ย ก๊อง, “ต้อ นิ่น มี่ง ดิ๋ว เจี๊ยน วั้ว อ๊ะ.” 10นิ่น บัว ฯฒฯ เฒาะ ฮามาน มี่ง ดิ๋ว เจี๊ยน ฮามาน โหฒว ต้าย ดิ๋ว โมเดไค เญย ต๋อง. ฮู่ง เตี๋ย เญย กะเฉีย ฯฒฯ ฟิว หมี่ อ๊ะ.
Currently Selected:
เอเซเท 7: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
