เอเซเท 6
6
ฮู่ง เตี๋ย ท่าย โมเดไค
1วั้ว ม์วน ฮู่ง เตี๋ย เปว๋ย ไม้ ฌ่อม. นิ่น ฯฒฯ พ้าย เมี่ยน มี่ง ต้อ ฮู่ง โต้ว โซว, ต้ง เฟี้ย เจี๊ยน หฒี่ ตุ๊ จั๋ง เญย สี่, ต้าย โตะ ปุน นิ่น หมวัง. 2เยียม วั้ว โซว ปวัด เฟี้ย เจี๊ยน โมเดไค ฮิ้ว ตุ๊ ฯฒฯ ก๊อง ธ้วด ฮู่ง เตี๋ย เญย อี เต้า ฒั้ว แก้ง เจียน,#6:2 เป๊ย หมั่ง เอเซเท 1:10. บิกทานา#6:2 ไฟ บิกทาน. เหธา เทเล้ด, ต๊า หฒะเอ๋ย ไต๋ อาหะสุเอลัด ฮู่ง.#เอเซเท 2:21-22
3ฮู่ง เตี๋ย หน่าย ก๋า, “เหว่ย น้าย เต๋ย สี่ เยีย บัว ปุน เจี๋ย หาย หญู่ง ฒี่ง เหญ่ย ไฟ โหฒว หาย หญู่ง ท่าย เจี๋ย นิ่น?”
ฟู-สู ฮู่ง เตี๋ย เญย เจียน เตา, “ไม้ แก้ง ปุน เจี๋ย หาย หญู่ง.”
4ฮู่ง เตี๋ย หน่าย, “อี้ หฒั่น ม่าย หาย เต้า เยียม ฮู่ง ติ่น เญย หลาด กะญั์ว แหมง?” วั้ว หฒั่น ฮามาน จังๆ เปียะ หลาด แก้ง ต้าย อ๋อย โท้ ฮู่ง เตี๋ย ปุน เฒาะ โมเดไค ต้อ มี่ง นิ่น หลิ่ว เล์ย เหฒียง เญย ดิ๋ว จาง ต๋อง.
5ฮู่ง เญย เจียน เตา, “ฮามาน โซ้ว เจี๊ยน หลาด กะญั์ว.”
ฮู่ง เตี๋ย ก๊อง, “เห่ว นิ่น เปียะ ต้าย ม่าะ!”
6ฮามาน เปียะ ต้าย, ฮู่ง เตี๋ย ฯฒฯ หน่าย นิ่น, “สี ก๊อง เยีย ปวั๊ง เฮญี้ยว อ๋อย ท่าย ล่าน เมี่ยน, เยีย หอบ หฒุ ฮนั้ง หาย นอ โหฒว?”
ฮามาน เยียม เฮญี้ยว ฮนั้ม, “ฮู่ง เตี๋ย อ๋อย ท่าย เญย เมี่ยน ไม้ เฒ์ย เยีย นอ, แอ๋ง ม่าย หาย ล่าน?” 7นิ่น ฯฒฯ เตา ฮู่ง เตี๋ย, “เหว่ย ฮู่ง เตี๋ย ปวั๊ง เฮญี้ยว ท่าย เญย เมี่ยน, 8อ๋อย หฒุ เฒาะ ฮู่ง เตี๋ย ฒุ เจี๋ย เญย ต้ม ลุย-ด๊าว เหธา เก้ เจี๋ย เญย ม์า, เซ ม่าย ฮู่ง เตี๋ย เญย จั๋ง-โห่ เยียม ม์า เญย มฆ้อง. 9แอ๋ง เฒาะ ลุย เหธา ม์า จิว ปุน เต้า โหฒว เก้า โฮล เจี๋ย เญย เจียน. ปุน วั้ว เต้า ต้ม เจียน เถง ต้ง ฮู่ง เตี๋ย ปวั๊ง เฮญี้ยว ท่าย วั้ว ล่าน เมี่ยน ฒุ เจี๊ยน ฮู่ง ลุย, ปุน เก้ เจี๊ยน ม์า. อ๋อย หฒุ เคน เจี๊ยน กัน ฒี่ง เญย เฮย-ห่อง, เยียม วั้ว ด่าง แหมง เห่ว เจี๊ยน, ฒุ่น เจี๊ยน มี่ง ก๊อง, ‘ฮู่ง เตี๋ย ปวั๊ง เฮญี้ยว ท่าย เญย เมี่ยน เซ ฮนั้ง น้าย อ๊ะ.’”
10ฮู่ง เตี๋ย ก๊อง บั๋ว ฮามาน, “ก๊าน มี่ง เฒาะ ต้ม ลุย-ด๊าว เหธา ม์า ต้าย หย่า หฒิว เม่ย ก๊อง เญย หว่า โหฒว เหว่ย ท่าย เฒว์ย เจี๊ยน ฮู่ง ติ่น เญย หลาด แก้ง วั้ว ล่าน ยิวไท เมี่ยน, โมเดไค. หฒิว เม่ย ก๊อง เญย หว่า ไม้ ตู๋ง ปู๋ง ด๊อด เหยียด หญู่ง.
11ฮามาน ฯฒฯ ต้อ ฮู่ง เตี๋ย เญย ต้ม ลุย-ด๊าว เถง โมเดไค ฒุ เจี๊ยน, แอ๋ง ต้อ ม์า ปุน นิ่น เก้ เจี๊ยน ฯฒฯ เคน เจี๊ยน ม์า กัน ฒี่ง เญย เฮย-ห่อง มี่ง. นิ่น เยียม วั้ว ด่าง แหมง เห่ว เจี๊ยน ก๊อง, “ฮู่ง เตี๋ย ปวั๊ง เฮญี้ยว ท่าย เญย เมี่ยน เซ ฮนั้ง น้าย อ๊ะ.”
12ฆะฮ้า โมเดไค หฑวน ฮู่ง ติ่น เญย หลาด แก้ง. ฮามาน เธี้ยด เฑ่า เป๊ด เยียะ เญย ปวัง เจี๊ยน มฆ้อง, ก๊าน เจี๊ยน หฑวน นิ่น กั้น เญย เปย๊า, 13เฒาะ นิ่น ปวั้ง เญย เหยียด ฒู้ง สี่ บั๋ว นิ่น เญย เอ๊า, เซเอเล้ด, เหธา นิ่น เญย หฒวัง โล์-แกง ต่อย.
นิ่น เญย เอ๊า, เซเอเล้ด, เหธา เถง นิ่น ธ่าง ล่าง เญย เมี่ยน ก๊อง, “เม่ย เยียม โมเดไค เญย หฑะเฮมียน เจี์ย กอน เซวย. นิ่น มต้าย ยิวไท เมี่ยน, เม่ย ฯฒฯ ไม้ ไฮ่ ฮี่ง อ๊ะ. ฒู้ง อ๋อย หฒุ ป่าย เหฑ่ง.” 14นิ่น บัว เหธา ฮามาน หธ่อ ก๊อง เจี๊ยน หว่า วั้ว หฒั่น, ฮู่ง เตี๋ย เญย เจียน#6:14 เป๊ย หมั่ง เอเซเท 1:10. ต้าย เถา หย่า ต้อ ฮามาน ก๊าน มี่ง หญั่น เอเซเท เบ่น เหฒียง เญย ไล-หฮนาง.
Currently Selected:
เอเซเท 6: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
