ก๊อง เสย หฒั่ง 11
11
ธง-เม่ง เมี่ยน โหฒว เญย สี่
1เฒาะ เม่ย เญย ล่าง หฒิ ฮ์า เหฌี่ย ววม-หมิ่น,
เหว่ย หฒุ ฆะฮ้า เหฒีย ฮนอย เม่ย ฯฒฯ แอ๋ง ล์อ ปวัด ต้าย.
2เฒาะ ป่วน ปุน เสี่ย เต้า เมี่ยน,
ฒู้ง ปุน เถา เหฮยียด เต้า,
เหว่ย หฒุ เม่ย ไม้ ฮิ้ว ตุ๊
เยียม น้าย ลู่ง เดี๊ย อ๋อย ม่าย หาย หญู่ง เหฒะ หน่าน.
3สี ก๊อง บ๋วน ม่าย ววม ปวั๊ง,
นิ่น ฯฒฯ โต๋ เหฌี่ย เดา-เป้ย อ๊ะ.
ไม้ กุ๊น เดี๋ยง เน้า มี่ง น่าม ปูง ไฟ ป๊ะ ปูง,
เน้า เหฌี่ย หาย นอม ต๋อง ฯฒฯ เยียม วั้ว อ๊ะ.
4หาย เต้า หมั่ง หฑยาว ฯฒฯ ไม้ ฮ์า ญิม,
หาย เต้า หมั่ง บ๋วน ไม้ ตุ๊ ก๊าด เบย้า.
5ฮนั้ง เม่ย ไม้ ฮิ้ว ตุ๊ หฑยาว#11:5 น้าย โจ๋ว ฮิบลู หว่า ไฮ่ ฟาน เป๋น หฑยาว ไฟ เฉีย ไฟ ลี่ง ว่วน. เยียม หาย ติ่ว เจ๊า ต้าย,
ไฟ เยียม มา เญย กะเซีย, กู้งว์า เญย บู๊ง ฮนั้ง หาย นอ ไฮ่ เป๋น ต้าย,
ฟี่ ฮนั้ง เญย เม่ย ไม้ ไฮ่ เม่ง แปะ ทิน-ฮู่ง,
ต้ง เหฒย หม่าน หมวด วั้ว เต้า, โหฒว เญย กง.
6ลู่ง ดอม เม่ย อ๋อย หฒุ ฮ์า เม่ย เญย ญิม,
ลู่ง ม์าน-หฮมวัง หย่า ไม้ ตู๋ง ปุน เม่ย เญย ปั์ว ตี้ง,
เหว่ย หฒุ เม่ย ไม้ ฮิ้ว ตุ๊ หาย หญู่ง ธ้วด ต้าย หลง,
ลู่ง ดอม ฮ์า เญย ไฟ ลู่ง ม์วน ฮ์า เญย,
ไฟ อี หญู่ง ฒู้ง ฟี่ ฮนั้ง หลง เญย.
7ฌัง มต้าย หลง เญย,
มฒีง ปวัด บะฮนอย ฯฒฯ ไฮ์ อะเฮน้ย เญย.
8สี ก๊อง เมี่ยน เฒี่ยง ตุ๊ ธั้ม-หฮญัง,
กุ๊น ปุน เมี่ยน อะเฮน้ย น้าย เต๋ย เหยียด ฒู้ง หฮญัง-ต้าว,
มป่า ปุน นิ่น จั๋ง เถา หฮมวัง เญย ฮนอย-เหญียะ
เหว่ย หฒุ น้าย เต๋ย ฮนอย-เหญียะ ฒู้ง ม่าย ธั้ม.
หญู่งๆ ธ้วด ต้าย เญย สี่ เซ ขูง-ม่อง.
ขวิน เมี่ยน หลุน เมี่ยน
9เมี่ยน หลุน เมี่ยน อ่า, เยียม เม่ย หฮญัง-เจ๊ย หลุน เญย เฒี่ยง โห่ กุ๊น ออน-เหลาะ.
เยียม เม่ย หลุน เญย ฮนอย-เหญียะ กุ๊น ปุน เม่ย เญย เฮญี้ยว เฌียน-โย่ว.
เม่ย เญย เฮญี้ยว อ๋อย โหฒว เญย กุ๊น โหฒว,
เม่ย เญย มฒีง ปวัด หาย หญู่ง กุ๊น หมั่ง อ๊ะ.
มป่า อ๋อย หฒุ ฮิ้ว ตุ๊ หฒิว เม่ย โหฒว เญย น้าย เต๋ย เหยียด ฒู้ง สี่,
ทิน-ฮู่ง อ๋อย เซี้ยม.
10ฮนั้ง หน่าย, อ๋อย หฒุ เยียม เฮญี้ยว เฒาะ ธ้วด เฑ่า ฟ่าน เญย สี่,
หย่า ซิ้ม ฆอย หาย หญู่ง ห่อย เม่ย เญย ซิน หฒุ โค้ว,
เหว่ย หฒุ นิน ตอง เหฒียบ เป๊ด เญย เฒี่ยง โห่ เซ ขูง-ม่อง เญย สี่.
Currently Selected:
ก๊อง เสย หฒั่ง 11: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
